اريد التقديم للاولاد فى مدراس فى الرياض(عايز خبراتك فى الاختيار)

[سكر]

الاخوة الكرام اعضاء المنتدى

ارجو من جميع الاعضاء ساكنى الرياض ولديه خبرة فى المدارس

ذكر تجربتة او خبرتة فى مدارس الاطفال حيث انى ولله الحمد مقدم على تقديم لولدى فى المدارس لمرحله

KG1

وليس لدى خبرة

واريد ان استفسر عن

• ماهى افضل المدراس الاجنبية (اللغات)

• افضل المدارس الحكومية او الخاصة العادية

• الاسعار فى كل مدرسة

• وقت التقديم فى المدرسة

طبيعة المناهج فى كل مدرسة

• اى معلومات اضافية تساعد فى اختيار المدرسه

• انا من سكان حى الملز

ولكم جزيل الشكر

[se_ Elsyed]

أهلاً بالجيران .. إوعى تقول إنك ساكن في شارع الستين كمان أو حي الظباط :blink:

بس إتعب شويه ودعبس في الموضوع ده هاتلاقي إجابات على كل تساؤلاتك

كل شيء بإتنين ريال .. قصدي كل شيء عن السعودية

[سكر]

شاكر جدا تعاونك معايا se_ Elsyed

بس الموضوه طلع كبير قوى اكبر من كنت اتوقع لا ااقصد من الناحية الماليه ولكن فى الاختيار والتنوع معلش اصل انا سنه اوله مدارس

انا فى الرياض م اربع سنوات وساكن فعلا خلف فندق الماريوت وليا الشرف لو اتعرف عليك واقابلك

[se_ Elsyed]

إقرا الموضوع ولو في أستفسار اجاوبك على الرحب والسعة

--------

حشيش : إطلع بره موضوعنا أنا شايفك

إيش جابك هنا يا بتاع البحرين ؟

[حشيش]

طالما طلعت إنته وأبو السيد جيران يبقى تحط فى بطنك بطيخة صيفى :lol: ... سى السيد راجل خدوم بشهادة كل الناس اللى إتعاملت معاه قبل كده فى الرياض وخارج الرياض كمان برغم إنه معمليش شخصياً أى خدمة سابقة ولذلك دايماً بقول له فى كل مناسبة ( إلا مخدناش حاجة من وشك حناخد إيه من قفاك) :rolleyes: ... لأ بجد بنصح باستعمال سى السيد ولو طنشك يبقى عليك ببرسيل :blink: ... موفق إن شاء الله wst::

[أسد]

مدارس اللغات ..

الإنترناشيونال ..

المدارس بالنسبة لمراحل KG بتبدأ من ألفين ريال .. للمدارس الهندي أو الباكستاني .. وتتدرج إلى أن تصل حوالي 16 ألف ريال ..

والمراحل الإبتدائية تصل إلى ستة وعشرين ألف .. وتبدأ من ألفين برضه او ثلاثة آلاف ..

أنا طبعاً لم أذكر المدرسة الأمريكية أو البريطانية أو الفرنسية .. لأن الإسعار فيهم تصل إلى 50000 ريال في السنة فما فوق ..

المناهج في المدارس الإنترناشيونال .. غالباً بتكون أمريكي . أو إنجليزي .. أما المدارس الهندية والباكستانية .. فمنهجها .. مختلف ..

معظم المدارس المحترمة .. بتتبع اسلوب التعليم أو النظام الاسترالي .. وهو خليط من المناهج الأمريكية والبريطانية ..

يعني التلميذ يدرس منهج أمريكي من السنة الأولى حتى الخامسة .. وبعدين يقلب بريطاني ..

بعض المدارس تؤهل للسات الأمريكي .. والبعض للآي جي البريطاني ..

وبعضها بيمنحك الفرصة تختار لابنك بعد السنة العاشرة .. يعني بعد أولى ثانوي ..

حدد إنت بس الميزانية .. وأحنا ان شاء الله حنساعدك .

مواعيد السجيل في المدارس اللي عليها ضغط وطلب عالي بيكون في شهر مايو .. أما الباقي . .. فبراحتك .. الصيف طويل ..

أي خدمة

[سكر]

متشكر جدا يا اسد

انا بفكر فى التعلم على انه استثمار حقيقى فى الانسان وليس شهادة فقط

بمعنى انه لا يهمنى ان يكون ابنى طبيب او خريج حقوق بس الى يهمنى انه يكون انسان متعلم على علم ودراية بكل الى حوليه وبالتالى صاحب ثقافة وراى

اما الشغل والرزق فدى ارزاق بيوزعها ربنا

وابنى هو شطرته فى سوق العمل بس احنا واجب علينا اعدادة فقط لهذا السوق مع عدم ضمان الرزق او الوظيفه

يعنى علينا السعى وليس ادراك النجاح

معلش دة السياسة الى ناوى ان شاء الله اتبعها مع ابنى فى التعلم وطبعا مع مراعاة الجانب المادى وتوزيعة على باقى الاخوة

لان الجانب المادى عاق كبير جدا فى التعليم

بس هنحاول الى نقدر علية

انا بفكر فى مدرسة فى حدود 3000 الى 5000 ريال فى السنة دى كى جى وان يا ناس مع مرعاة انى هتحمل الذهاب والاياب

ونفسى يتمكن من اللغة فى خلال سنتن او تلاته على الاقل

وان شاء الله مع خط موازى القران والدين

[أسد]

متشكر جدا يا اسد

انا بفكر فى التعلم على انه استثمار حقيقى فى الانسان وليس شهادة فقط

بمعنى انه لا يهمنى ان يكون ابنى طبيب او خريج حقوق بس الى يهمنى انه يكون انسان متعلم على علم ودراية بكل الى حوليه وبالتالى صاحب ثقافة وراى

اما الشغل والرزق فدى ارزاق بيوزعها ربنا

وابنى هو شطرته فى سوق العمل بس احنا واجب علينا اعدادة فقط لهذا السوق مع عدم ضمان الرزق او الوظيفه

يعنى علينا السعى وليس ادراك النجاح

معلش دة السياسة الى ناوى ان شاء الله اتبعها مع ابنى فى التعلم وطبعا مع مراعاة الجانب المادى وتوزيعة على باقى الاخوة

لان الجانب المادى عاق كبير جدا فى التعليم

بس هنحاول الى نقدر علية

انا بفكر فى مدرسة فى حدود 3000 الى 5000 ريال فى السنة دى كى جى وان يا ناس مع مرعاة انى هتحمل الذهاب والاياب

ونفسى يتمكن من اللغة فى خلال سنتن او تلاته على الاقل

وان شاء الله مع خط موازى القران والدين

هنا ستجد مرادك ومبتغاك

إضغط هنا حتلاقي الجواب وزيادة