رمضان بتاريخ: 16 أبريل 2008 تقديم بلاغ مشاركة بتاريخ: 16 أبريل 2008 مساء الفل يا عم حشيش مجرد اني اشوف اسمك واقرا كصتك دماغي بتعلى لوحدها بدون اي مؤثرات خارجية خرج الثعلب يوما في رداء الواعظين ومشى في الأرض يهذى ويسب الماكرين رابط هذا التعليق شارك المزيد من خيارات المشاركة
se_ Elsyed بتاريخ: 16 أبريل 2008 تقديم بلاغ مشاركة بتاريخ: 16 أبريل 2008 كشكشها ما تعرضهاش يا شيشو موتوسيكل إيه أبو 2000 ج ده ؟ إذا كان التوك توك المصنوع من مخلفات الحروب وصل أكثر من 15 ألف يابني ؟ أنظر بعينك وارحم بقلبك يا سين يا سين وبابا حيبيع للناس الموتسيكل كمان فى مصر ب 2000 جنيه أرخص من الياماها بتأسف لك غاية الأسف وأنا محقوق لناصور وأبو ناصور .. ومستعد أورح ابوس راسه كمان أصل بيني وبينك مجرد ما اسمع إسم حد معاه توكيل او عنده شاليه في بورتو مارينا ... جسمي بيقشعر وحالتي بتصعب عل نفسي وبأفتكر الأوضيتين وصالة اللي أنا ساكن فيهم في الدويقة الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
badroora بتاريخ: 16 أبريل 2008 تقديم بلاغ مشاركة بتاريخ: 16 أبريل 2008 معلش استفصار هو ناصور دا ليه علاقى بالبواسير والحاجات دي ولا ناصور دلع ناصر ؟ انا كل ماقرا الاسم دماغى تروح للبواسير على طول wst:: جميلة والله تسلم الايادي تسجيل حضور ومتابعة الساعة 07:53 بتوقيت غرينيتش تسجيل خروج الساعة 10:55 بتوقيت الرياض وبغداد كمل A liberal is a man or a woman or a child who looks forward to a better day, a more tranquil night,and a bright, infinite future . رابط هذا التعليق شارك المزيد من خيارات المشاركة
رمضان بتاريخ: 16 أبريل 2008 تقديم بلاغ مشاركة بتاريخ: 16 أبريل 2008 الله يخليكم بلاش سيرة البواسير دي تاني هنا بليزززززززززززززززز خرج الثعلب يوما في رداء الواعظين ومشى في الأرض يهذى ويسب الماكرين رابط هذا التعليق شارك المزيد من خيارات المشاركة
سهران بتاريخ: 16 أبريل 2008 تقديم بلاغ مشاركة بتاريخ: 16 أبريل 2008 (معدل) معلش استفصار هو ناصور دا ليه علاقى بالبواسير والحاجات دي ولا ناصور دلع ناصر ؟انا كل ماقرا الاسم دماغى تروح للبواسير على طول wst:: جميلة والله تسلم الايادي تسجيل حضور ومتابعة الساعة 07:53 بتوقيت غرينيتش تسجيل خروج الساعة 10:55 بتوقيت الرياض وبغداد كمل أيه يا أخت بدرية ..... ما أنت في المجال الطبي و عارفة ...........مش دلع ناصر خالص .......... أقري حضرتك أسمه بالكامل هاتعرفي ............. تم تعديل 16 أبريل 2008 بواسطة سهران من لي سواك .. و من سواك ... يرى قلبي و يسمعه كل الخلائق ظل في يد الصمد ... أدعوك يا ربي فاغفر ذلتي كرما و أجعل شفيع دعائي حسن معتقدي رابط هذا التعليق شارك المزيد من خيارات المشاركة
galaxy بتاريخ: 16 أبريل 2008 تقديم بلاغ مشاركة بتاريخ: 16 أبريل 2008 بجد مش ممكن يا استاذ حشيش :happy: ............بجد مش هينفع استني .........عايزين البقيه بسرعه ولا ناوي تنزلهالنا علي اجزاء.......... ضمانا لعنصر التشويق يعني.......اطمن يا استاذ حشيش العنصر موجود ومتوفر للغايه. ............منتظرين بفارغ الصبر... wst:: املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
حشيش بتاريخ: 18 أبريل 2008 كاتب الموضوع تقديم بلاغ مشاركة بتاريخ: 18 أبريل 2008 (معدل) الأعزاء ليدو ... سى السيد ... رمضان ... بدرية ... سهران ... جالاكسى ربنا يجبر بخاطركم ... شكراً لكم يدخل حزين غرفة نومه التى يشاركه فيها إخوته وأخواته وهو مهموم ... يضع كفيه تحت رأسه وينظر إلى سقف الغرفة وهو يخاطب نفسه: مش ممكن اللى أنا فيه ده ! ... ليه فيه ناس عايشة تتمتع بالدنيا وناس مش لاقية تاكل ؟! ... ليه فيه أغنيا وفيه فقرا ؟! ... ليه أنا مطلعتش غنى ؟! ... أنا ما أخترتش أبويا ولا أمى ! ... ولحد إمتى حيفضل الوضع ده على كده ! ... لحد ما أتخرج وأشتغل واكسب ؟! ... بلاش تضحك على نفسك ياحزين ... حتشتغل إيه وبكام يعنى لو فرض وإشتغلت ؟! ... كل سنة الحقوق والتجارة والهندسة والطب بتدلق فى السوق الآفات والآفات ... اللى بيشتغل هوه اللى عنده واسطة ... وعلى أد واسطتك على أد الوظيفة اللى حتجيلك ... ده لسه غير هم التجنيد وغيره وغيره ... لكن لالالالالالالالالالالا ... الكابوس ده لازم يكون له آخر md2: فى صباح اليوم التالى يلتقى حزين صديقه زغلول فى حديقة كلية الحقوق زغلول: مالك يابنى عينيك مورمة كده ليه ؟ حزين: منمتش طول الليل ... بفكر فى الحظ الدكر اللى ملازمنا ده زغلول: أمر الله ياحِزن ... حنعمل إيه ... بكره تفرج حزين: أولاً ده مش أمر الله ولا حاجة ... ثانياً بكره مش حتفرج ... ثالثاً قولت لك متقوليش يا حِزن md2: زغلول مبتسماً: خلاص تعالى نحضر محاضرة الجنائى وبعدها نروح عالقهوة نشد لنا حجرين يذهب الصديقان إلى المدرج المكتظ بالطلاب والذي إمتلأ على آخره وافترش الطلاب أرضه ووقفوا على السلالم المؤدية إليه زغلول مخاطباً طالبات وطلبة واقفين على السلم: مالهاش لزمة الوقفة عالسلالم ياحضرات ... المدرج فاضى من جوه ... خشى جوه ياست ... خش جوه يافندى طالبة: إيه ده !!! ... إنته شغال كمسرى !!! ... شايفنا واقفين فى اوتوبيس !!! ... الحقوق لمت !!! زغلول: وليه الغلط ده ياأبله !!! ... لو دخلنا من غير إستئذان حتقولى دول حكو فيا وترقعى بالصوت !!! ... وبعدها يتلم علينا الطلبة والأستاذ والمعيدين وهاتك ياتلطيش وتتصلوا عالدورية اللاسلكية ... وإن إستئذنا تقولى إنته شغال كمسرى !!! ... و......... يسحب حزين زغلول من يده بغلظة : إحنا آسفين ياآنسة ... حقك عليا أنا ... يلا بينا يازغلول من هنا الله يخرب بيتك md2: يغادر حزين وزغلول الكلية إلى مقهى مجاور وهما يتشاتمان زغلول: أنا عارف الأشكال دى أكتر منك ياحِزن ... العالم دى عايزة السك فوق دماغها ... دى تلاقى أمها غسالة وعاملة فيها شريهان ! حزين: ياأخى إرحمنى بقى ... إسمع ... إشرب الشاى بتاعك وارجع عالكلية أو روح فى أى داهية md2: زغلول: ماشى ياصاحبى ... اللى يريحك :cry: حزين: يازغلول أنا طهقان من العيشة ومن نفسى ... معلش حقك عليا wst:: زغلول: طب وإيه اللى نقدر نعمله ياحِزن ؟! حزين: متعرفش أى سكة للوله ناصور الشريج ده ؟! زغلول: سكة إزاى يعنى ؟ حزين: حد صاحبك يعرفه مثلاً ويعرفنا بيه زغلول: وحنستفاد إيه لو إتعرفنا بيه ؟ حزين: إزاى بقى !!! ... من جاور السعيد يسعد ... مش بتقول أبوه (غازى الشريج) ده كدر كبير فى الحزب الوطنى ! زغلول: للأسف ماليش إصحاب يعرفوا الناس التقال دول ... منته راسى عالبير وغطاه ... الحال من بعضه ياحِزن حزين وقد قفذت فى رأسه فكرة: قول لى ... الواد (ريعو) طلع من السجن قريب ... صح ؟! زغلول: سلام قول من رب رحيم ... وإيه اللى فكرك بريعو دلوقتى ؟! حزين: جاوبنى بس زغلول: آه طلع من كام أسبوع وحيرجعله تانى قريب إن شاء الله زى العادة ... بس إنته عايز إيه من ريعو ؟!!! ... ده واد مسجل خطر ومعرفته تشبهنا ! حزين: مهما كان إحنا وهوه ولاد حتة واحدة وأكيد حيراعينا برده ! زغلول: يراعينا فى إيه بس !!! حزين: محتاجين بس ندبر مبلغ 100 جنيه الأول وبعد كده حقولك أنا بفكر فى إيه زغلول: إن كان عالميت جنيه ربك يفرجها ... أهو اللى معاك على اللى معايا على قرش من هنا وقرش من هناك يتدبروا حزين: طيب طرطق ودانك معايا :cry: إلى اللقاء تم تعديل 18 أبريل 2008 بواسطة حشيش أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
إيزيس بتاريخ: 18 أبريل 2008 تقديم بلاغ مشاركة بتاريخ: 18 أبريل 2008 (معدل) منتظرين ريعو تم تعديل 20 أبريل 2008 بواسطة قرنفلة قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا رابط هذا التعليق شارك المزيد من خيارات المشاركة
badroora بتاريخ: 18 أبريل 2008 تقديم بلاغ مشاركة بتاريخ: 18 أبريل 2008 (معدل) هو الواد حِزن دا مسود الدنيا فى وشه ليه ومعولنا الهم . وكمان الواد زغلول ورس الصنعة بتاعة عم مغاورى الكمسري بجد روعة كمل يسلموا الايادي تم تعديل 18 أبريل 2008 بواسطة Badria Mekkawy A liberal is a man or a woman or a child who looks forward to a better day, a more tranquil night,and a bright, infinite future . رابط هذا التعليق شارك المزيد من خيارات المشاركة
Dr.mmfriend بتاريخ: 18 أبريل 2008 تقديم بلاغ مشاركة بتاريخ: 18 أبريل 2008 الاستاذ حشيش كتاباتك مش ممكنننننننننن عاوزين القصه كلهامره واحده الله يكرمك وشكرااااااااا رابط هذا التعليق شارك المزيد من خيارات المشاركة
galaxy بتاريخ: 19 أبريل 2008 تقديم بلاغ مشاركة بتاريخ: 19 أبريل 2008 استاذي الفاضل حشيش.......................يلا بقي..............كمل :lol: املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
ELSHAMY بتاريخ: 19 أبريل 2008 تقديم بلاغ مشاركة بتاريخ: 19 أبريل 2008 اخى العزيز....حشيش بصفتى كاتب سيناريو زيك :blink: ....تحية تقدير...انت كده حتضرب مسلسل (الشامى رجع من كندا يا رجالة)...كده اعضاء المنتدى عندهم مسلسلين عشان ما يزهقوش. تحياتى...انا مستمتع باسلوبك كن كما قال رسول الله صلى الله عليه وسلم : ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة ) رابط هذا التعليق شارك المزيد من خيارات المشاركة
حشيش بتاريخ: 19 أبريل 2008 كاتب الموضوع تقديم بلاغ مشاركة بتاريخ: 19 أبريل 2008 الأعزاء قرنفلة ... بدرية ... د. م م فريند ... جالكسى ... الشامى ربنا يجبر بخاطركم ... شكراً لكم :unsure: يدبر الصديقان مائة جنيه بعد جهد وعناء ويذهبا للقاء ريعو فى القهوة التى إعتاد الجلوس عليها فى حى السبتية الشعبى ... كان ريعو يتوسط مجموعة من معتادى الإجرام والخارجين على القانون ... يتقدم حزين بخطى حذرة تجاه المائدة التى يجلس عليها ريعو وعصبته :lol: حزين: سلام عليكم يارجالة ... منور بيتك يامعلم ريعو ... السبتية بتبقى مضلمة وانته بعيد لم يرد أحد السلام ريعو: ويبقى مين الأبعد ؟! يرد أحد رجال ريعو ويدعى سامبو: الدار أمان يامعلم ... ده الوله حزين إبن مغاورى الكمسرى الله يرحمه ريعو: آآآآه ... أهلاً بابن الناس الطيبين ... تعيش وتفتكر ... أبوك كان راجل أمير ... هات كرسى وتعالى أقعد جنبى حزين: الله يكرم أصلك يامعلم ريعو ... وده زغلول صاحبى إبن الأسطى جابر السواق جارنا وصاحب المرحوم ريعو: أهلا يابو الزغاليل ... هات لك كرسى إنته كمان وتعالى أقعد جنب صاحبك ... تشربوا إيه الأول حزين: عشت يامعلم ريعو ... ده واجب علينا ينادى ريعو على صبى القهوة: نزل يابنى إتنين شاى وحجرين قص وصاية للشباب الحلو ده بعد قليل ريعو: وبعد ما أخدتم واجبكم يلزم منى أى خدمات حزين: بصراحة يامعلم ريعو إحنا قاصدينك فى خدمة ومتعشمين فى مجدعتك وإنك مش حتكسر بخاطرنا ! ريعو: ما عاش اللى يكسر بخاطرك يابن الغالى حزين: طب ممكن نتكلم على إنفراد يامعلم ؟ ريعو: كل اللى قاعدين رجالتى ... إدخل فى الموضوع وما تطولش ! حزين: بصراحة يامعلم ريعو فيه واد معانا فى كلية الحقوق أبوه راس كبيرة قوى فى الحزب الوطنى وإحنا عايزين نضرب صُحوبية مع الواد ده بس محتاجين لسكة نوصله منها ... إنت عارف إن ظروفنا المادية بعد وفاة الوالد الله يرحمه بقت أصعب من الأول ولو لقينا سكة للواد ده ممكن نطلع من وراه بلقمة عيش ريعو: كلام جميل بس إيه اللى أنا أقدر أعملهولكم ؟! حزين: طبعاً الشورة شورتك بس أنا فيه فى راسى فكرة كده وعايز أخد رأيك فيها ريعو: قول ياحِزن سامعك :wub: حزين: بقى أنا وزغلول جمعنا معلومات كفاية عن الأبعد ... الواد ده يامعلم بيسهر كل يوم فى حتة شكل ... مرة فى صالة قمار فى كازينو ومرة فى نادى الجزيرة ومرة فى شقته مع مُزة من مُززه اللى ملهومش عدد ... عشان ما أطولش عليك هوه فى معظم الأوقات بيبقى مروح بالليل لوحده وسكران ... فلو إتنين من رجالتك إعترضوه مره وهو مروح ورفعوا عليه سلاح حيجيب زيت لأنه واد إبن أمه ومتدلع ومالوش فى اللون الغامق ده ريعو: سهلة وبعدين ؟! حزين: واحد من الرجالة بتوعك يخدشه خدش بسيط كده بالسنجة فى دراعه والتانى يناوله بشلة فى قميصه يمزقه ... يعنى عايزين يبقى فى المسائل دم عشان الواد يتروش وفى نفس الوقت من غير إصابات جامدة لأن زى ما رسيتك الوله أبوه كدر كبير فى الحزب وموضوع زى ده حيقلب الداخلية أكيد :closedeyes: ريعو وهو يشد نفساً طويلاً من الحجر: كمل ياحِزن وبعدين ؟! حزين: المهم إنتوا تنفضوه وتسلتوا السلسلة والانسيال والخواتم الدهب بتوعه باألف هنا وشفا ... حلال عليكم ... الجزء اللى يهمنى أنا وزغلول فى الفيلم ده كله اللى بعد كده :) ريعو: اللى هوه إيه ياحزن ؟! ... ده انته طالع غير أبوك خالص ! i*: حزين: بعد ما تنفضوه واحد من رجالتك يكتف دراعاته ورا ضهره ويقول لزميله التانى (طلع الكزلك وادبحه خلينا نخلص) وهنا بقى أظهر أنا وأبو الزغاليل فى الصورة ;) ريعو: آه تقريباً فهمت ... يعنى جوز إقلام على كام بوكس منكم للرجالة بتوعى وياخدوا ديلهم فى سنانهم وتبقوا إنتم أنقذتم حياة إبن الكدر وتبقى بجميلة bv:- حزين: الله ينور يامعلم ... طول عمرك تفهمها وهيا طايرة ريعو: عالبركة ... وحتدفع كام بقى بالصلى على النبى فى الليلة دى كلها ؟! زغلول: والله يامعلم ريعو ربنا العالم إحنا جبنا لك الميت جنيه دى إزاى ... بس إنتوا حتلاقوا خير كتير فى محفظة الوله أنا متأكد ... ده غير الدهب ... سقت عليك النبى لتمد إيدك وتاخد الفلوس :sad: ريعو: برغم إن عملية زى دى مبخدش فيها أقل من باكو مقفول لكن إحنا برده ولاد حتة وجيران والنبى وصى على سابع جار ... طلبكم مقضى إن شاء الله ... هات الميت جنيه تتهلل أسارير حزين وزغلول ريعو: والواد ده إسمه إيه والرجالة حيعرفوه إزاى ؟ حزين: إسمه (ناصور غازى الشريج) ... بكره الخميس حيكون فى كازينو القمار بتاع الموفينبيك اللى فى طريق المطار لحد الساعة 3 الصبح زى كل اسبوع ... أنا وزغلول حننتظر بره مع الرجالة وأول ما يطلع حنشاور لهم عليه :lol: ريعو: عالبركة ... نقرا الفاتحة ... ولا الضاليييييييييييين ... آآآآآآآآآآآآآآمين إلى اللقاء أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
badroora بتاريخ: 19 أبريل 2008 تقديم بلاغ مشاركة بتاريخ: 19 أبريل 2008 انا بقي ببقي مستنية المسلسل بتاعك دا بفروغ الصبر محضرة كيس اللب ولبدة قدام التليفزيون قدام الشاشة عِدل . وبصراحة حقلة اليوم 100\100 ناس مؤمنه وبتقرا الفتحة ربنا يسترها معاهم يا رب . والنبي بكرة ابقي زيع الحلقة بدرى عشان مسهرش استناها :) يسلموا كمل كمل سمعينك :closedeyes: A liberal is a man or a woman or a child who looks forward to a better day, a more tranquil night,and a bright, infinite future . رابط هذا التعليق شارك المزيد من خيارات المشاركة
Dr.mmfriend بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 انا بفتح الموقع كل خمس دقايق اشوف الحلقه جت ولا لسه ياترى ناويين على ايه بس حاول تزود شويه تفاصيل كده المرة الجايه احسن الواحد مبيقدرش يستني وشكرا الف شكر رابط هذا التعليق شارك المزيد من خيارات المشاركة
se_ Elsyed بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 بعد ما تنفضوه واحد من رجالتك يكتف دراعاته ورا ضهره ويقول لزميله التانى (طلع الكزلك وادبحه خلينا نخلص) وهنا بقى أظهر أنا وأبو الزغاليل فى الصورة والله العظيم كنت عارف إنك هاتعمل كده ... لي تعديل بسيط من اخوك السيناريست الصغير حلاوه في الجزئية دي بالذات بقى أنا وزغلول جمعنا معلومات كفاية عن الأبعد ... الواد ده يامعلم بيسهر كل يوم فى حتة شكل ... مرة فى صالة قمار فى كازينو ومرة فى نادى الجزيرة ومرة فى شقته مع مُزة من مُززه اللى ملهومش عدد طب تخيل كده يا حشيش لو ريعو ورجالته يلبسوا لبس شرطة الأداب ... اللي هو فالنات كت وشريطة ( جمع شورط ) فوق الركبة وباريه أزرق ... وهجموا على شقة الولا الرمه ناصور ده وهو متلبس بعد البنات ما يطلعوا له في الأسانسير ويكونوا ملاغيين البواب يديهم إشارة معينة ولتكن مثلاص يقلب لهم مرتين بالكشاف وهما في البوكس بره .... ويروحوا كابسين على الوكر وخاطفين المزز اللي مالهمش عدد دولاهما ومكتفين الولا ناصور بالحبال بعد ما يدوا له الطريحة التمام ويسيبوا ورقة مكتوب عليها " سلم لي على أبوك .. يابن الكدر ... الله يخرب بيوتكو مليتوا البلد وغليتوا علينا أسياخ الحديد " ... مش يبقى كده ضربنا كذا عصفور بطوبة واحده .. على سبيل المثال : 1- أنقذنا البنات الغلابة دول من الوقوع في براثن الرزيلة . 2- ممكن نطالب ناصور بفدية جامده عشان نطلق سراحهن وده متريش وهايدفع على كل راس مش أقل من 10 بواكي وإلا هاندبحهن كلهن . 3- برضوا البنات دي هاتبقى متسيغه وكل واحده معها لا يقل عن غوشتين تلاته غير السلاسل ... ده بالإضافة إلى السيغة بتاعت الولا ناصور . 4- أبو ناصور لما يقرأ الورقة دي هايحس بالخطر ويعرف إن في حركة مقاومة شعبية إبتدت تظهر في البلد وبكده يكش شويه ويبطل نهب وسلب ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
حشيش بتاريخ: 20 أبريل 2008 كاتب الموضوع تقديم بلاغ مشاركة بتاريخ: 20 أبريل 2008 الأعزاء بدرية ... د.م م فريند ربنا يجبر بخاطركم ... شكراً جزيلاً لكما wst:: أخى وقرة عينى السيناريست المعروف سى السيد bv:- إسمح لى أن أختلف معك فى معالجتك الدرامية لأم الكصة :sad: أنقذنا البنات الغلابة دول من الوقوع في براثن الرزيلة هنا لنا وقفة ... لأنهن قد وقعن بالفعل فى براثن الرزيلة بدال المرة ألف مرة ... بالإضافة إلى أنهن من أسر حزبية وطنية مرموقة والدليل (قالوووووووووووا له) قصدى والدليل شاليه مراقيا والتى أرادت إحداهن أن تضغط على والدها المكافح لإستبداله بآخر فى بورتو (راجع الفصل الخامس من الكصة) bv:- ممكن نطالب ناصور بفدية جامده عشان نطلق سراحهن وده متريش وهايدفع على كل راس مش أقل من 10 بواكي وإلا هاندبحهن كلهن أعتقد أنك متأثر إلى حد كبير برواية (بوبى الخباز) المقتبسة عن قصة (كسارة الحمص) للأديب الراحل (حشيش ديستوفسكى) bv:- أبو ناصور لما يقرأ الورقة دي هايحس بالخطر ويعرف إن في حركة مقاومة شعبية إبتدت تظهر في البلد وبكده يكش شويه ويبطل نهب وسلب ... غازى الشريج جتت أمه نحست شأنه فى ذلك شأن بقية كوادر الحزب فهو لا يهاب التلويح بالقوة ويميل بطبعه إلى المواجهة وإستخدام الأمن المركزى لوئد حركات المقاومة الشعبية فى مهدها wst:: أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
se_ Elsyed بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 اللي تشوفه يا حشيش المهم يارب نلحق نشوف نهاية لأم الكصة دي قبل ما نموت .. الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
galaxy بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 ماتعطلهوش يا جماعه عشان يقدح زناد فكره ويكتب لنا بقيه الملحمه... .... .....الجماهير مش قادرة تستني............تدفق ابداعا يا استاذ حشيش. :lol: املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
!! Lidooooo !! بتاريخ: 21 أبريل 2008 تقديم بلاغ مشاركة بتاريخ: 21 أبريل 2008 يدبر الصديقان مائة جنيه بعد جهد وعناء ويذهبا للقاء ريعو فى القهوة التى إعتاد الجلوس عليها فى حى السبتية الشعبى ... :big_boss: رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان