اذهب إلى المحتوى
محاورات المصريين

حكمت المحكمه

nash

بواسطة nash
في دعوة للأبتسام

 مشاركة

Recommended Posts

nash عضو جديد

nash

بتاريخ:
بتاريخ:

أخواني الطلبه.....هيييييييييييييييييييييييييه

الأخت قرنفله متهمه بعده تهم...وهي المتهمه الاولي في قائمه تضم الكثير من الأخوة الأعداء...قصدي الأعضاء...

وبما اننا في محاكمه ديمقراطيه ..وهيئه المحلفين تتمتع بنزاهه غير عاديه ممكن نقول نص أتوماتيك....فسنترك لها المايك لتدافع عن نفسها....

وأيضا مع باقي الأعضاء الذي سيأتي ذكرهم لاحقا.....سنفعل ذلك بكل شفافيه wst::

كما أود أن ألفت الأنتباة....أن هذا لا يمنع أن نوقع بالمتهمه اقسي عقوبات الأعدام المؤبده.....نتيجه افعالها التي لا تغتفر...

وها هي عريضه الدعوي يا حضرات وبها التهمه الرئيسيه ...1. تناول الايس كريم ماركه باسكن روبنز في اثناء ساعات الداوم الرسميه....وهي بذلك تقوم بإثارة حفيظه أخواتها المصريات المقيمات في دول عربيه أخري..لإنهم لو فعلوا ذلك لراحوا خلف الشمس...

2. قامت بعمليه تحريض علي الطمع للاخ تامر ...وهذا فعل غير مقبول ...ويؤدي إلي عواقب وخيمه....حيث أن تامر شاب مكافح ومش ناقص وكفايه ال30 ألف اللي دفعهم ....في موضوع باركولي .....علي ما أظن

3. تقوم بتحريض الأعضاء علي تغيير أسماءهم ...بل وتشجع علي ذلك ....وكانت هي أول البادئين ..حيث تحولت من قرنفل إلي قرنفله...هكذا بكل بساطه..

فاثارت فينا الدهشه والذهول بل وحاله من الإحتجاج علي هذه المعامله الخاصه التي تحظي بها ...وهذا بالطبع ينافي قواعد المساواة بين الجنسين...

4...سأترك غيري غذا اراد إضافه للتهم حتي تبق عين العداله ساهرة ونقتص منها ....

................................................................................

..

أخواني الأعدضاء...

المطلوب منكم بعد الإنتهاء من توجيه التهم وبعد محاوله الدفاع من المتهمه إنزال العقوبات الفوريه والطلبات التعجيزيه ..مثل أحضار لبن العصفور ...أو رجل غراب يتيم...وان تنفذ هي طلبات الأعضاء وبالصور كدليل علي نفي التهمه....

الأن أترك لها المايك...ثم اترك لكم مهمه :blink:

قرنفل لا تنسي...أن تختاري خلفك ...المتهم الثاني :rolleyes:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
  • الردود 74
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

إيزيس عضو جديد

إيزيس

بتاريخ:
بتاريخ:
وبما اننا في محاكمه ديمقراطيه ..وهيئه المحلفين تتمتع بنزاهه غير عاديه ممكن نقول نص أتوماتيك....فسنترك لها المايك لتدافع عن نفسها....

وأيضا مع باقي الأعضاء الذي سيأتي ذكرهم لاحقا.....سنفعل ذلك بكل شفافيه wst::

أولا أنا أشك في نزاهة المحكمة

محركة الدعوة المدعية ناش تاريخها حافل بالأحقاد و الظلمات و النسكافيهات

و لا بد أن أطلع أولا على أسماء هيئة المحلفين

هذا أولا

1.

تناول الايس كريم ماركه باسكن روبنز في اثناء ساعات الداوم الرسميه....وهي بذلك تقوم بإثارة حفيظه أخواتها المصريات المقيمات في دول عربيه أخري..لإنهم لو فعلوا ذلك لراحوا خلف الشمس

أيو كلته يا سعاد أصدي يا ناش و لو عايزة تشوفي الوصف التفصيلي

أهه

...

و يا سلام لو المعلقة و البسكوتة سوا

هارموني مالوش حل

بسكوتة كبيرة داخل طبق الآيس كريم على شكل وردة مفتوحة على مصراعيها

ومليانة آيس كريم وصوص الشيكولاتة مدلدق عليه و المكسرات وفوق ده كله قطع كيك

عذاااااااااااااااااااااب

وهذا الإدعاء يدل على الحقد الدفين و النفسنة

طب ما تاكلوا إعملوا وقفة احتجاجية و يا تروحوا باسكن يا تروحوا ورا الشمس مفيدة جدا الشمس في مايو

:rolleyes:

قامت بعمليه تحريض علي الطمع للاخ تامر ...وهذا فعل غير مقبول ...ويؤدي إلي عواقب وخيمه....حيث أن تامر شاب مكافح ومش ناقص وكفايه ال30 ألف اللي دفعهم ....في موضوع باركولي .....علي ما أظن

أظن...فيه إدعاء اسمه أظن هذا اللفظ يا سادة يقوض بناء الدعوة جملة و تفصيلا

.

تقوم بتحريض الأعضاء علي تغيير أسماءهم ...بل وتشجع علي ذلك ....وكانت هي أول البادئين ..حيث تحولت من قرنفل إلي قرنفله...هكذا بكل بساطه..

يا ناس نحن في بلد ديمقراطي تسوده العدالة و حقوق الإنسان

وإذا سيد بأة سالي

و فوزي بأه فوزية

مستكترين على قرنفل يبأة قرنفلة؟؟؟

إخواني و أخواتي

هذه الدعوة إن دلت فإنها تدل على المناخ الفاسد الذي يحيا فيه بعضنا

بطلوا بأه حقد و شوفوا شغلكم

مرة محاكمة أحمد عز و مرة يوسف والي و مرة قرنفلة

إنكم حقا أعداء النجاح ( وش مفيد فوزي البريء)

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

المتهم التاني جالاكسي المتضامنة مع المدعوة ناش لإثارة القلاقل و زعزعة الأمن في المحاورات

و التربح من أعمال الدجل و الشعوذة و تفسير الأحلام بدون رخصة

كما و إنها متهمة بازدراء جنسيات مهمشة و هم الهنود في الإمارات العربية المتحدة وظهر أول موضوعاتها مرفقا بصورة شخصية لها و هي تسد مراخيرها

إبان مرور زميلها الهندي الموقر في الأخزخانة

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
galaxy عضو جديد

galaxy

بتاريخ:
بتاريخ:

ايون........حصل wst:: ........وقدامي..... :happy: .ولا مااوعي اكمل طبق المكسرات اللي في ايدي....

....ياجماعه مش قادرة انسي المنظر وهي شغاله اكل في البتاع دا اللي اسمه ايس كريم. :blink: ....................................... وانا ما دوقتش والله الكفيار من اسبوع وبيتنا ما فيهوش حته كرواسونايه واحدة :) ............لا اله الا الله .........كده ........دي البلد بتغلي والناس مش لاقيه الجاتوة...............وهي رايحه تجيب قال ايه ايس كريم..........يا جبارة................(فرصتي بقي) :roseop:

عزيزتي ناش.........يوة.......اقصد سيدي القاضي ............انه .........انا مستعده للشهادة............واقسم بكل ما هو خسيس ..........ان اراعي ضميري في كل كلمه هقولها. :rolleyes: ............اه....دي شهاده يا ناس مش لعبه........................وتبقي تنكر بقي........انا عندي شهود :lol:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
galaxy عضو جديد

galaxy

بتاريخ:
بتاريخ:

علي فكرة بقي. wst:: ..............بدريه كانت معايا وشافتها. :) ............اوعي تكسفيني يا بدريه. :lol: .........ما تشمتيش قرنفلة فينا.............كلنا ايد واحدة يا بهجت ...............سمعاني يا بدريه :rolleyes: :blink:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
nash عضو جديد

nash

بتاريخ:
  • كاتب الموضوع
بتاريخ:

تطلب المحكمه من المتهمه إلتزام الصمت إبان التهم الموجهه إليها وإلا قمنا ب :rolleyes: حتي نضمن سكوتها و بشكل نهائي...

علي باقي الأعضاء توجيه التهم أو الدفاع عنها...ويا ويله اللي هايدافع ...هايتعمل فيه زي ما أتعمل فيها...

أخواني أرجوا أن تعتبروا مما يحدث لها..وليلزم كل واحد فيكم مكانه...ويقول يا مسهل...هذا هو التهديد الاول... wst::

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
إيزيس عضو جديد

إيزيس

بتاريخ:
بتاريخ:
ياجماعه مش قادرة انسي المنظر وهي شغاله اكل في البتاع دا اللي اسمه ايس كريم. wst::

أصلا أنا لم أنكر الواقعة و الفاتورة معايا تحبي أفوترك

راجعي الدستور يا ماما

الدستور يكفل حق أكل الآيس كريم لكل مواطن بصرف النظر عن الجنسية أو الجنس أو السن

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

يا بدرية قولي الحق

أنا بريئة و اللا لأ

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
galaxy عضو جديد

galaxy

بتاريخ:
بتاريخ:

ايون ...........بس فين مراعاتك لحال اهل بلدك. :blink: ..........فين اهلي وحبايبي والمجتمع والناس wst:: .....................فين حبك لوطنك :lol: .............فين اهتمامك بقضايا الوطن الجريح ........فين بدريه يا جماعه....... :rolleyes:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
nash عضو جديد

nash

بتاريخ:
  • كاتب الموضوع
بتاريخ:
ياجماعه مش قادرة انسي المنظر وهي شغاله اكل في البتاع دا اللي اسمه ايس كريم. wst::

أصلا أنا لم أنكر الواقعة و الفاتورة معايا تحبي أفوترك

راجعي الدستور يا ماما

الدستور يكفل حق أكل الآيس كريم لكل مواطن بصرف النظر عن الجنسية أو الجنس أو السن

الدستور حق لكل مواطن وهذه مقوله حق أريد بها باطل.....نعم لا يوجد في الدستور ما يمنع أكل الايس كريم وعلي رأي أخوانا البعدا ( البوظه) ..

ولكنك نفذتي من الثغرة الموجوده في تلافيف القانون وتناولتي الباسكن روبنز.....وهو منتج إستفزازي ...ده حتي أسمه مريب...بأة ده أسمه كلام؟؟

مش لو كنتي أديتيني حته كان زماني بطلعك منها زي العجينه؟؟ :rolleyes:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
إيزيس عضو جديد

إيزيس

بتاريخ:
بتاريخ: (معدل)
نفذتي من الثغرة الموجوده في تلافيف القانون وتناولتي الباسكن روبنز

التلافيف ...؟ هو في أحسن من التلافيف

يا سلام على تلافيف القانون باللحمة المفرومة و رشة جبنة ع الوش في الفرن و كلي و ادعيلي

بدرية جت

أملي فيكي كبير يا بدارة

فاكرة لما دعيتلك ساعة الكف

إرجعي بالذاكرة ساعتين بس

أأأأأأأأأأأأأأأيوة بس هنا

افتكرتي؟؟

تم تعديل بواسطة قرنفلة

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
badroora عضو جديد

badroora

بتاريخ:
بتاريخ:

اجمدي يا قرنفلة نحن معك خلف اسوار السجن

خدى يا ختى قوتى نفسك

k9.jpg

2622a65c73rq2.jpg

ربنا يفك سجنك يا ختى wst::

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك
إيزيس عضو جديد

إيزيس

بتاريخ:
بتاريخ: (معدل)

أنا باستعمل كلوس أب لو سمحتي wst::

2622a65c73rq2.jpg

وثم مش هو ده اللي منتظراه منك يا بدارة

فين المارلبورو

فين اللحمة

فين الفسيخ

فين الآيس كريم

تصدقي يا بدارة القاضي الضلالي بيقوللي إيه

قربي ودنك

بيقوللي

مش لو كنتي أديتيني حته كان زماني بطلعك منها زي العجينه؟؟

زي العجينة إزاي هي العجينة هي اللي بتدخل في الشعرة و اللا الشعرة في العجينة ؟؟

تم تعديل بواسطة قرنفلة

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
nash عضو جديد

nash

بتاريخ:
  • كاتب الموضوع
بتاريخ:

بدريه دائما ماتثبت أنها إبنه هذا الوطن الشريف....والذي أنجب الكثير من العظماء....

دمتي يا بدريه ..ودام وقوفك مع الحق....هكذا عهدناكي....

لا تلتفتي لطلبات المتهمه.....ولا لمحاوله نفي التهمه عن نفسها ....فهي تحاول بكل ما أوتيت من قوة ...ولكن هيهات هيهات يا بلد....

قولتيلي نوع الفرشاة ايه؟؟ wst::

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
galaxy عضو جديد

galaxy

بتاريخ:
بتاريخ: (معدل)

انا بثير البلابل انا :lol: ...........انا بعمل مشاكل انا :) .................لا حول ولا قوة الا بالله........هي دي اخرة اللي يقول كلمه الحق في البلد دي. :happy: .........................دا جزاتي اني براعي ضميري وبقول الحق..................دا انا ساكته عن كلام كتير .........موضوع مستودع الانابيب لسه محدش يعرفه(وش اطاطا في فيلم عوكل).

.دا غير موضوع المنشورات واللي حاولتي انك تهربي منه بتغيير اسمك ...........لكن هيهات ثم هيهات wst:: ..............عين العداله صاحيه.. :blink: ......واتهمتيني ظلم لما خلتيني صاحيه طول الليل.......وانا رمشي ما داق النوم وانتي شبعانه نوم. :blink: ...........روح يا نوم من عين قرنفلة....................... :happy:

وبعدين هو انتي سبتينا نتهني بموضوع الاحلام..............مش قاسمتينا فيه وقعدتي تقولي بفسر وبتاع...............................وانتهي بينا الامر بتقسيم الغله علي خمسه .............دخلتي فيها ولا لأ............يبقي بقي مش من حقك تتكلمي في كدا .......طالما وصلك حقك في الحساب المشترك...........وعلي فكرة بقي :rolleyes: ..............انا سبت الشغل :wub: ........بتشجيع منك بعد ما حكيتيلي ع الريحه.........يعني انتي السبب :roseop:

تم تعديل بواسطة galaxy

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
إيزيس عضو جديد

إيزيس

بتاريخ:
بتاريخ:
دمتي يا بدريه ..ودام وقوفك مع الحق....هكذا عهدناكي

هذا اعتراف ضمني بالبراءة

زي مانتوا شايفين بدرية واقفة جنبي

تعالي كده شوية يا بدردر

أهيه

ظهر الحق و زهق الباطل

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
nash عضو جديد

nash

بتاريخ:
  • كاتب الموضوع
بتاريخ:
هذا اعتراف ضمني بالبراءة

كلا البته لم يحدث.....هل لإنها قامت بالتعاطف معك كإبنه لبلدها الام وأيضا كمغتربه .....لا تفتري علي الفتاة يا قرنفله.....

ونحن بإنتظار الشاهد الثاني في القضيه ( السيد الموقر في آي بي) ....وحتي ذلك الوقت سأكون مراقبه للاحداث لضمان سير العمليه التعليميه بكل يسر من ميدان العتبه حتي الجيزة

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

سجل يا تاريخ

شوفوا التهم و الإعتراف سيد أفندي الأدلة

موضوع مستودع الانابيب لسه محدش يعرفه.

.

أنا ما كنتش عايزة أفتح بقي بس هي اللي اعترفت

فاكرين حريق القوز بتاع الإمارات هي اللي خططت له تنكرت في زي هنده وراحت المستودع و زرعت القنبلة الموقوتة

و أساءت للبلد الذي احتضنها و أكرمها و ما حبيتش أسيح بس علشان خاطر سمعة مصر غالية علي

وانتهي بينا الامر بتقسيم الغله علي خمسه

ياربي هو أنا أقبل ع البكرية و آخر العنقود مال حرام ؟؟ أنا مستعدة أقدم الإقرار البنكي و لو لقيتوا غير ال 145 جنيه يبأه لكم الكلام يا رجالة

أنا محتفظة بيهم لسبب واحد........................... مش عارفة أعمل بيهم إيه و اللا إيه

انا سبت الشغل

سابت الشغل بفضيحة و الله حليم ستار وزعت منشورات مع الدوا للمرضى الغلابة قال إيه تضامنوا ضد قرنفلة

و أنا يا سعادة القاضي باطلب منك تنظر للقضية بالعين اليمين بلاش الشمال عشان الحول wacko.gif

الناس دي شرانية و ممسوكين في قضية ديكي النهار و صورهم نازلة في أكاذيب إبريلية دولا سوابق يا باشا

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
galaxy عضو جديد

galaxy

بتاريخ:
بتاريخ:

يا حضرة القاضي....... انا يومها كنت يومها في الصيدليه ولما اتصلت بقرنفلة عشان اطمن عليها :roseop: قالتلي انها في مشوار علي السريع في الصناعيه :ninja: ..........مش بس كدا دا بعدها بيومين اصرت تنزل سوق نايف باليل لوحده وكان في ايدها جركن قالتلي انه جركن ميه للعربيه . :sad: ..............وبعدها سمعنا عن الحادث الاليم .........اللي اذهب بامالي الشخصيه في شراء شنطتين من هناك.......... :roseop:

وبعدين هتهربي فين من موضوع الاحلام..........دا انتي ليكي كتاب بأسمك (القرنفل والزنجبيل للتاويل والطب البديل) دا غير اللي اتقبض واتهرب اول باول علي برة.. :blink: ...........بقي ميه خمسه واربعين جنيه امال فين الناس اللي بقالهم 56 سنه في الخليج.. :happy: .........مش الكلام دا برضه بتاعك؟؟؟؟؟؟؟؟؟..........عندنا تسجيل لكل حاجه

سا الخير يادالعدي يا أم أمل

قبل ما نسمي و ندخل ع الشغل

بيني و بينك ده شغل هواة

الدفع أولا يا أختشي

اليومين دول ولاد الناس دول ماخلوش لولاد الناس دوكهم حاجة

صحصحي...أكل العيش يحب إيه...الخفية

خدي أول إعلان

بتحلم كتير

شاكك في التفسير

الحل عندنا

هنا

هنا

اتصل على 666

احكي حلمك

وابعت فلوسك وقضاءنا العادل اللي بثق في نزاهته.......يقدر يتأكد من كلامي.

وعلي فكرة.يا حضرة القاضي...........انا اتنقلت من الصيدليه اللي كنت فيها للفرع التاني wst:: ............ادي كل الحكايه وذمتي نضيفه واقرار الذمه الماليه يشهد :sad:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
vipwithyou عضو جديد

vipwithyou

بتاريخ:
بتاريخ:

ايه .. ايه .. استنوا :roseop:

انتوا بتعملوا ايه

انا بأرفع عليكم قضية انتم الثلاثة ناش وقرنفل ( فى رواية اخرى قرنفله ) وجلاكسي الشوكولاته الحلوة

خليكى جمبى يا بدرية نصطاد عصافير

واضح يا سيادة القاضى انهم ثلاثة نصابين نصبوا علينا جميعا ً وأسسوا شركة لتفسير الاحلام وفتحوا الحساب وبدأوا يجمعوا الفلوس فى حساب ناش

ولما جم يقسموا الوليمة اللى نهبوها من عرق الغلابة اللى زيي اختلفوا ودلوقتى واقفين يقطعوا فى بعض

والجحة ايه يا سادة .. قالولوا .. قالولوا ان قرنفله بتاكل آيس كريم

آيس كريم ايه اللى بتتكلموا فيه يا سادة .. احنا بنتكلم فى الأكبر من كدة

وديتوا فلوسنا فين

أنا بأطالب باعدام الثلاثة فى ميدان خاص بيهم هما كمان يتعمل ليهم مخصوص

لو هتفوتولى بريزة هاسكت ومش هاتكلم اوكى :sad:

أستغفر الله الذى لا اله الا هو الحى القيوم وأتوب اليه

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة رزو اليوسف] 70 سنة ثورة يوليو.. صاحبة مشروع الأسر المنتجة وفكرة الرائدات الريفيات... وصفها عبد الناصر بقلب الثورة الرحيم «حكمت أبو زيد» أول وزيرة فى تاريخ مصر
      ونحن نرصد ما قدمته ثورة 23 يوليو خلال 70 عاما من مكتسبات تاريخية امتدت حتى نجحت المرأة فى تحقيق طموحاتها والعرض المقال كاملاً

      بواسطة News Bot
      كُتب

    • MZohairy
      6
      طريقة ردود الاسلاميين على اي موضوع....زي طريقة رد مرسي في المحكمه النهارده
      خلال السنين اللي فاتت كنت اقرأ ردود الاسلاميين على كلامي و يصيبني شيئ من العجب الممزوج بالكوميديا النهارده و انا بشوف رد مرسي على القاضي زال هذا العجب ردودهم تمتاز بالطووووول الشديد و التفريع الشديد و التشتييت الشديد مما يجعل فهم مقصدهم امر رزل فعلا......ده اذا مكانش مقصدهم هو عدم فهم مقصدهم!! المهم الرئيس الخالد الخاتم الذي صلى وراءه النبي.....قعد يخطب بكلام تافه كالعاده لغاية ما القاضي قاله رد بليغ بكلمتين...قاله خليك في الفلزات احسن يا محمد يا مرسي :) مما جعلني استرجع المرافعه الخالده ل

      بواسطة MZohairy
      كُتب

    • مغتربة
      0
      وفاه حكمت ابوزيد اول وزيره مصريه

      بواسطة مغتربة
      كُتب

    • se_ Elsyed
      2
      الدكتورة حكمت أبو زيد .. سيدة = 100 رجل
      الدكتورة حكمت أبو زيد تعيش بالقاهرة الآن بعد أن أمضت رحلة النضال لأكثر من سبعين عاماً منها أعوام من الشهرة والبناء وأعوام من النضال الوطني وأعوام أخرى من النفي والتجريح شخصية ثرية عالم جامعي ووزيرة مسئولة بالدولة ولاجئة سياسية لنتعرف عبر جوانبها المختلفة عبر هذا التقرير. ولدت الدكتورة حكمت أبو زيد عام 1922م بقرية الشيخ داود التابعة للوحدة المحلية بصنبو بمركز القوصية بقرية تخلو نهائياً من المدارس وقتها في الثلاثينيات من القرن الماضي، وتشربت أعماقها منذ نعومة أظافرها المشاعر الوطنية من خلال تنشئت

      بواسطة se_ Elsyed
      كُتب

    • أسد
      10
      حكمت المحكمة .. ولم تجد من ينفذ الحكم
      القضاء المصري الشامخ .. العادل .. النزيه .. المستقل .. الشجاع .. لا يؤثر فيه أحد .. يصدر أحكامه نابعة فقط من ضمير المحكمة .. والعدل .. فوق الجميع .. حكمت المحكمة بالسجن ثلاث سنوات على هاني سرور وشقيقته في قضية شهيرة .. تم إطلاق اسم قضية أكياس الدم الفاسدة عليها .. كانت قضية فساد .. مثلها مثل الكثير من قضايا الفساد في مصر .. متهم فيها شخص ذو حيثية .. رجل أعمال .. وعضو مجلس شعب .. وجزء من الجوقة .. عنصر هام فيها .. تم الإستغناء عنه ومحاكمته .. بعدما أصبح الموضوع مكشوف .. ويصعب التغطية ع

      بواسطة أسد
      كُتب

×
×
  • أضف...