حكمت المحكمه

[vipwithyou]

آه باحسب يا شيخة :ninja:

ان كان كدة ماشى :wub:

تعالى بقى جمبى كدة

:ninja: :blink:

استنوا نسيت اجرى .. يلا بقى اجرى انا :rolleyes:

تم تعديل 14 أبريل 2008 بواسطة vipwithyou

[galaxy]

كدا يا قرنفله :sad: .............وانا اللي كل ما اكتب وتيجي سيرتك املا التوبيك ورد........غيرش بس كلمه الحق اللي كانت واقفه في زوري وماقدرتش اخالف ضميري :unsure: ................حتي تامر................ تامراللي دعيتله ماحدش ياخد منه العصفور ولا حتي يشاركه فيه :unsure: ............بيطالب برقبتي.......................... :blink:

يعني قرنفلة و تامر..........ويا عالم مين كمان. :ninja: ......................................................ياتري مين وراهم i*:

[امانى]

ايه ده كله ده اغيب يوم ارجع الاقيكم ناصبين محكمة وحكم بالاعدام والشنق وماسكين البنت قرنفلة حبيبتى وهارينها عرايز وشكاوى

ليه ياعنى هما المحامين خلصو من البلد ولا ايه

احم احم

اتقدم انا امانى المحامية الى سيادة المستشارين بالدفاع عن قرنفلة وهذا توكيل عام منها واتقدم بعرض الاتى

السيدة رئيسة المحكمة تعرضت للسيدة قرنفلة بعدة اتهامات خالية من الصحة هنرد عليها نقطة نقطة طبعا مش من الحنفية لكن

من خلال كلمات الست الرئيسة

اولا قضية الايس كريم

ممكن اسال الست الرئيسة القاضية الهمام ماذا يضر فى كون موكلتى عاشقة للايس كريم ؟ ولى سؤال اهم اتمنى ان تجاوب عليه

الست الرئيسة هل تكره هى الايس كريم؟ ام هى من مدمنى الايس كريم؟ ام انه من احد الاشياء التى تقف امامها فى منتهى الضعف؟

واطالب بشهادة كل من احمد وياسر بخصوص هذا الموضوع. كمان انا اتطلعت على ميزانية ابو ياسر وجدت النصيب الاكبر المستهلك

لحساب الايس كريم . طبعا ممكن ترد سيدتى الرئيسة وتقول انا بعارض النوع هرد عليها واقولها انت ممكن تاكلى كل انواع الايس كريم

والجيلاتى المعروفةواللى مش معروفة وعايزاه جنبك باستمرار بدليل سؤاللك عن ماكينة الجيلاتى باهتمام بالغ من الاخ مصرى

ولهذا ومما سبق اطاب من المحكمة تبرئة موكلتى من التهمة الاولى حيث ان رئيسة المحكمة مدمنة ايس كريم ونحن نتخذها قدوة لنا

فاذا اردتم ان تحاكمو قرنفلة على هذا الحب للايس كريم حاكمو الاول السيدة الرئيسة واطالب بتاجيل القضية فى باقى الاتهامات للمرافعة

اللى جاية علشان مش فاضية وعندى طبيخ وانا عارفة نزاهة المحكمة وكلى امل فى انصاف موكلتى من هذه التهمة الشنيعة

والسلام عليكم ورحمة الله . قرنفلة مفيش حساب دلوقت خالص انا بترافع بدون اتعاب علشان بس انت جدعة وطمعانة فى عزومة شرقاوية

عند بيت جدك الجميل

[إيزيس]

أحلى عزومة لأحلى أماني

في المكان و الزمان اللي تحدديه سيادك

شايفين الستات الكمل

ينصر دينك يا أستاذ أماني

[سهران]

ماهي اقوالك؟؟

اتريد أعدام صاحبه التوبيك؟؟؟

اتطالب بهذا يا فتي؟؟؟

بإنتظار ردك...القاطع الباتر اللي يا ينقذ راسك او سيرسلك إلي قوي الشر عند ...ملف المستقبل لصاحبه الدكتور اللي مش فاكرة اسمه...

لا يافندم انا اقدر برضوا

دا حضرتك اللى هتبعتى ياسر عند النقل الجماعى ومعاه العيال صحابه ومعاهم الغدا وتاكسى وهاديله السمنه واللب والعسل والفسيخ

ــــــــــــــــــــــــــــــــــــــــــــــــــــــــــــــ

أيه ده ... ضيعت نفسك يا تامر .... حد يعمل في نفسه كدة .... تتدخل و تحشر مناخيرك في وسط ثلاثة من أشرس محاورات الموقع .... نشوفك في جنة الخلد بقه أن شاء الله ............... شوف يا تامر ... انت تجيب الفسيخ و السمنة و الحاجات دي و تبعتهالي مع جوزين الكوارع اللي وسيطك عليهم و تبعتهملي على الدمام ... بعدين تطلع الجبل مع المطاريد و تختفي خالص بس خد معاك لاب توب علشان تتابع التطورات مع المطاريد .... بس أوعى تنسى تبعتلي جوزين الكوارع الأول .

الى الأخت رئيسة المحكمة ...

رغم أن موضوع الأيس كريم جريمة لا تغتفر و يثير أحقاد طبقية و طائفية متنوعة ( أنا بأجيب أيس كريم لكل عيل بريال الواحد و باخد منهم قطمة من ورا أمهم لآنها لو شافتني اليوم مش هايعدي ) تقوم الأخت تأكل أيس كريم من الغالي و لوحدها دون مراعاة لمشاعر الطبقات الكادحة بالمنتدى و مثيرة للضغائن .... ألا أنه لا يمكننا القسوة عليها نظرا لكونها أخت من الأخوات و رفقا بالقوارير و ما ألى ذلك ... أرى تنفيذ الحكم على الأخ تامر لتدخله بين العضوات الشرسات .... فأحنا نحكم عليه بالأعدام تهدئة و أرضاء لكل الأطراف خاصة أنه كان ناوي يتقاسم في سبوبة تفسير الأحلام و ما يفوتليش حاجة رغم أني بأعمله تورية على موضوع العصفور بتاعه و مخبي على المنتدى كله ..... أيه حكاية البيزنس اللي بيتعمل من ورانا ده ؟؟؟!!!

عموما أنا عارف مكانه و هو مستخبي مع المطاريد في الجبل ( بعد أسبوعين من الآن ) أبعتيله ياسر و أصحابه بعد ما يضربولهم ربعين كبسة تحسبا للمواجهة مع تامر و مطاريد الجبل .

أجري أنت بقى يا تامر مع المطاريد ....

تحياتي ...

تم تعديل 14 أبريل 2008 بواسطة سهران

[إيزيس]

و باخد منهم قطمة من ورا أمهم لآنها لو شافتني اليوم مش هايعدي

اهي دي جريمة و بما إننا في نهاية موسم و بنقفل ملفات و مش لاقيين حد نعدمه و الخيره فيما اختاره الله

و الله و جيت برجليك يا سهران

تم تعديل 14 أبريل 2008 بواسطة قرنفلة

[nash]

بسم الله وعلي بركه الله ابدأ

>>>>>>>>>>>>>>>>>>

ماهذا ياساده؟؟

هل إذا أنشغلت المحكمه في بعض أمور المطبخ كطبخ الباميه مثلا إذا بكم وقد استغللتم هذا الموقف لصالحكم؟؟

هذه الحركه تنم علن سوء طويه...فيا للعار.....

ثم أنني اري وجوها جديده في قاعه المحكمه...فمتي تم تغيير هيئه الدفاع والمحلفين؟؟؟

الأخت أماني سأعود لتفيد كل كلمه كتبتيها ....وساذكرك بأن هناك عقاب شنيع شديد ينتظرك.....فلا تبكي يا هلا سنبحث عن ماما...

الأخ سهران...سأعود إلي مطالبك الخاصه بإعدام المدعو في آي بي....حتي إن اسمه يثير حفيظه الأخرين وحسدهم ويستدعي العداء والعفاريت والجن

كما وأنك تحاول التاثير علي القاضي بإثارة النعرات والقوميات البائده ولم تقم بواجبك الطبيعي الذي من أجله أخذت السمن البلدي واللب السوبر وهو الدفاع عن المتهمه الرئيسيه في الجريمه الشنعاء قرنفل ...والتي تحولت بقدرة قادر إلي قرنفله...

ثم ها أنت تقلب علي صديق الطفوله وأعدمت بيدك البراءة..ولايزال أثار الدم علي ملابسك ويدك ملطخه به...

يا نهاري......

تعبت من عريضه الإتهامات...

راجعالكم

[nash]

أعود إلي تفنيد كلام المحاميه أماني.............................إما وريتك حاااااااااااااااضر :closedeyes:

ممكن اسال الست الرئيسة القاضية الهمام ماذا يضر فى كون موكلتى عاشقة للايس كريم ؟ ولى سؤال اهم اتمنى ان تجاوب عليه

القاضيه لا يهمها أن تحب موكلتك الايس كريم أو لا تحبه...ولكن أن تأكل سلعه استفزازيه يصل ثمن ( البوله) إلي خمس ريالات وقد تزيد إلي سبعه لو تهورت ووضعت الشوكولا والمكسرات عليها...أليس هذا إستفزاز مابعده استفزاز؟؟؟ ويقع تحت بند ( من اين لك هذا يا باشا..) ...لذلك تساؤلك مرفوض....

اللي بعده

الست الرئيسة هل تكره هى الايس كريم؟ ام هى من مدمنى الايس كريم؟ ام انه من احد الاشياء التى تقف امامها فى منتهى الضعف؟

نعم أعترف بأنني أعشق الأيس كريم .وهل منا من لا يعشقه؟؟

ولكن يا حضرة المحترمه نظرا للأعباء الماليه والديون المتلتله وأقساط الجامعه فأنا أحاول الحفاظ علي مستوي الشفافيه في القضيه..فلا ألتهم بولات الايس كريم بهذا الأفتراء ....ولكن ابحث عن الأوفرات الخاصه في المتاجر الشعبيه....وإذا أكلتها فسريعا سريعا ..حتي لا اثير حقد الاخرين....السؤال عن الماكينه ليس دليل ..وإن كنت ساجيبك من باب العلم بالشيء...تساؤلي كان للمنظرة فقط...فإذا سالني أحدهم عندك ايه يا شابه في مطبخك من أجهزة كهربائيه..أقول أيس ميكر...

لذلك تساؤلك مرفوض...

اللي بعده

واطالب بتاجيل القضية فى باقى الاتهامات للمرافعة

اللى جاية علشان مش فاضية وعندى طبيخ وانا عارفة نزاهة المحكمة وكلى امل فى انصاف موكلتى من هذه التهمة الشنيعة

سيتم البت والولد في القضيه الليله..فرائحه الفساد الإداري قد ملات الاركان ويجب إتخاذ إجراءات رادعه لمن تسول له نفسه بالدفاع عن الأخرين...دون أخذ إذن مسبق من الحكومه....

ثم هذا خطأ المتهمه أن أوكلت محاميه لم تنتهي من طبيخها بعد .....وقد تحرق الطعام...وهذه جريمه أخري....

الأن بدأت أركان القضيه بالتبلور ..حول محور الحداثه.....وسأجمع كل الخيوط وألفها حول رقبه قرنفل...قرنفله سابقا

الواد ياسر وأحمد .......نازلين رزع في لعبه ديابلوا وانا مطنشاهم...وطردوني منها.....العيال دي مالهاش أمان... مش شايفني مشغوله في المحكمه..حاجه صعبه

الرد القادم للأخ سهران....أنتظر الجلسه القادمه بعد إستراحه المحكمه

[nash]

الان وقد جلست المحكمه مع نفسها في المطبخ...تفتق ذهنها عن ما يلي....

تري المحكمه ان كل الأقوال التي جاء بها وكلاء الدفاع وهيئه المحلفين باطله....وأيضا المحامين وحتي كتاب الجلسه...

لذلك قررنا أنا ...ناش الشهيرة بأم ياسر الأتي

الإعدام شنقا مع الشغل والنفاذ...

وضع المذنبه في زنزانه منفرده مليئه بالأيس كريم وتعريضها لتيار هواء بارد حتي تستشعر طعم العذاب الحقيقي في شهر أغسطس

حبس المدعوة أماني لخرقها قواعد المحكمه وخروجها علي هيئه المحلفين بمريله المطبخ والملعقه الخشب....

إنزال غرامه ماليه قدرها عشرة درهم إماراتي كل درهم ينطح أخوة علي الأخت جلاكسي لتقاعسها الشديد عن حمايه الست القاضيه أم ياسر

إنزال غرامه ماليه بقيمه 100 جنيه علي المدعو في آي بي وفي روايه أخري تامر,,,وما يقابلها بالعمله السعوديه والتي تبلغ 1000 ريال ومصادرة السمن والفسيخ والعسل الابيض....يعني هايدفع مرتين ....ماتعملش نفسك مش واخد بالك...هه يا تامر :closedeyes:

توجيه التهم القاسيه للاخ سهران ...وسيتم توضيح ما اقترفه من جرائم لا تغتفر بعد قليل....وفي عريضه ماتخرش الميه...

اومال ايه أحنا ناس نزيهه وشفافه...وبنعمل قواضي متكامله الأركان.....

التهمه الجديده بعد قليل

[galaxy]

يا ظلومتي ياني. :blink: ..........هو انا علطول مظلومه كدا...دا مسافه السكه هو انا اتأخرت.......انا كنت واقفه في طابور العيش وما كنتش عارفه اني هغيب كدا. ..........يادوب والله وتاني جايه علي طول...... ...........وفايتالك خبر يا ام ياسرمع جارتي.. :closedeyes: .......... ..الله يسمحها بقي هي ماقالتلكيش.........يا غلبي يانا wst::

.طب ايه العمل دلوقتي ..ام ياسر ما بترجعش في كلمتها.......... .........اجيب المبلغ دا منين..........ابيع حته الدهب اللي حيلتي ولا اتصرف في حاجه من عفش البيت. ..................يا ظلومتي ياني

[badroora]

يا ظلومتي ياني. ..........هو انا علطول مظلومه كدا...دا مسافه السكه هو انا اتأخرت.......انا كنت واقفه في طابور العيش وما كنتش عارفه اني هغيب كدا. ..........يادوب والله وتاني جايه علي طول...... :blink: ...........وفايتالك خبر يا ام ياسرمع جارتي.. .......... ..الله يسمحها بقي هي ماقالتلكيش.........يا غلبي يانا

.طب ايه العمل دلوقتي ..ام ياسر ما بترجعش في كلمتها.......... .........اجيب المبلغ دا منين..........ابيع حته الدهب اللي حيلتي ولا اتصرف في حاجه من عفش البيت. :blink: ..................يا ظلومتي ياني lo::

لاااااااااااااااااااااااااااااااااا عيب تبيعي دهبك ولا العفش البيت واختك موجودة يا سنه سووووووووووووووخة بجد بجد زعلتينى

دهبك مينبعش ابدا طول مانا موجودة عيب عيب اوي ايه مافياش ستات رجالة ولا ايه

قال تبيع دهبها قال يا نهار ابيض

ممكن ارهنلك الدهب بس بشرط تمضي على كومبيالات ومعلش يا اختى احرص ولا تخونش :closedeyes: دا شقي السنين وعرق الشعوب wst::

تم تعديل 14 أبريل 2008 بواسطة Badria Mekkawy

[galaxy]

خليكي ليا يا اميرة يا حبيبه يا ام الواجب ............شيلاكي لوقت عوزة يا ختي ...........الحمدلله ربنا فرجها. :closedeyes: ......ماهيفضحنيش ولا يحوجني ابدا............. .........لسه وصلاني حواله من اخويا اللي في الخليج.........قولت افك بيها زنقه واسددله علي مهلي ..........يا جابر الغلابه يا رب.. :blink: ......ربنا يسعدك يا بدريه خلي الفلوس معاكي تنفع في علام حسنين

[إيزيس]

و كما ترون أيها السادة فإن المحكمة تعاني من التخبط الشديد وانعدام الرؤية الواضح

فقد انقلبت المحكمة على محلفيها و محاميها و الشهود بل و على عيالها

فين الشفافية

فين العدل

فين قانون الإرهاب

[إيزيس]

فين سهران علشان نعدمه؟؟؟

[om marawan]

انا جيت جرى اول ماعرفت ان المحكمة شغالة ولسه يادوب بالبس الروب اللى اديهولى على الباب وهادخل أتكلم لقيت عريضة الدعوى فيها باسكين روبنز !!!!!!!!!!

وقفت مع نفسى وقلت لو حلاوة طحينية ........ ماشى حبيبتنا

لو باكو لبان مافيش اى مانع

علبة كريم كراميل نحاول نتجاوز ونخفف الحكم

لكن باسكين روبينز :ninja: يؤسفنى ياقرنفلة يابنتى أقولك ان القضية خسرانة خسرانة ولو فيه هيئة محلفين هتاخدى حكم ( جيلتى )خصوصا انهم ممكن يفتكروه اسم عربية جديدة

ده انا كنت لسه باقول لابو مروان انى هاعزمه عليه لما نحتفل بتخرج الواد من الجامعة خصوصا انها هانت والواد بقاله تلات ايام بادىء الحضانة

نصيحتى ليكى يا امانى تحاولى تتفاهمى مع النائب العام على تخفيف الحكم ويبقا يادوب على قد غرامة قدرها تمن اربعة ايس كريم لكل عضو فى المحاورات بس يكون باسكين روبينز يعنى .. :happy:

سؤال بس اخير للقاضى هو ايه اللعبة اللى بيلعبوها احمد وياسر دى احسن انا اخر حاجة لعبتها كانت طاولة واتحبست فى الخشب ولما اتطورت لعبت كلودو مرتين

[إيزيس]

تمن اربعة ايس كريم لكل عضو فى المحاورات بس يكون باسكين روبينز يعنى

يا خراب بيتك يا قرنفلة

:happy:

مفيش اختيارات؟؟؟

[badroora]

تمن اربعة ايس كريم لكل عضو فى المحاورات بس يكون باسكين روبينز يعنى

يا خراب بيتك يا قرنفلة

:ninja:

مفيش اختيارات؟؟؟

انا عن نفسي ممكن اقبل ب عودين قصب اسوانى فريش بدون زعازيع ها يعنى صافيين :happy:

[nash]

فين سهران علشان نعدمه؟؟؟

أطمني في الطريق

جلاكسي وبدريه ....أخر أنذار......التعاطف العلني له عقوبات صارمه ولن يأخذ بالمحكمه أي شفقه...

وهذا للعلم فقط ...اقول أساميكم علي الليسته السودا...وباللغه الالمانيه ..البلاك ليست...

بدريه.......ارهنيلها الدهب...وقابليني برة المحكمه...في الباب الوراني....<<<<<<<<< :happy:

[nash]

و كما ترون أيها السادة فإن المحكمة تعاني من التخبط الشديد وانعدام الرؤية الواضح

فقد انقلبت المحكمة على محلفيها و محاميها و الشهود بل و على عيالها

فين الشفافية

فين العدل

فين قانون الإرهاب

علي الطريق ...بعد ضمه إلي قانون الطواريء....يا ام حسام ( وش واحد مطلع لسانه)

..........................................................................

ايه العقل والجمال ده.. يا .......( أم مروان )...

لكن باسكين روبينز يؤسفنى ياقرنفلة يابنتى أقولك ان القضية خسرانة خسرانة ولو فيه هيئة محلفين هتاخدى حكم ( جيلتى )خصوصا انهم ممكن يفتكروه اسم عربية جديدة

وهذا ما كنت أقصده بالتحديد....إثارة الأحقاد الدفينه بيننا نحن عامه الشعب وبين الطبقه الثريه المهلبيه صاحبه الاطيان والممتلكات والحدائق الغناء....

الحكم نهائي ولا رجعه فيه...

خذوها إلي غرفه الإعدام...سوري ....الفئران....

[nash]

الأخ سهران.....

ملفك تضخم من الفساد والمحسوبيه......وها هو ....معروض أمامك....والان ....قد جاء وقت الحساب....فما هي اقوالك عن التهم الأتيه...

1. محاوله الأيحاء للأخ الكريم المحترم الطيب بأن يصبح طماع ...بدل نصحه ببيع العصفور...بل ساعدته علي إخفاؤة عن عيون القطط السمان...

2. انت تعلم أن عليه القوم فقط هم من يملكون العصافير وفقط الكناري...فكيف ساعدته علي هذه الجريمه؟

3.اثرت فزع الاطفال بتعريضهم إلي تجربه قاسيه في القطار أثناء رحله الاقصر واسوان حيث جعلتهم يستمعون إلي الاصوات المرعبه للديناصورات ...ونقيق الضفادع..

4. تنادي بالمساواه بين البشر وأن يتعامل الجميع بدون ألقاب بينهم...وتصبح الكلمه بينهم هي ( ابو ياسر...أبو عمر...ابو فصاده) فكيف تغض الطرف عن أصحاب القصور وتجعلهم يتساوون مع أصحاب البيوت العاديه؟؟

5. كنت علي أستعداد للسكن في أحد ابراج والد المهندسه العبقريه هبه...غير مبال بظروف ألالاف الشباب المكافح...

6. حرضت الأخت بدريه علي تغيير صورة أبو الخير الراجل الطيب...

7تحرض الأزواج علي التخلص من الزوجات بطريقه ( القضاء والقدر ) برميهم للتماسيح....

8. تشجع الأخت هبه بل وتبدي أعجابك بالخنفسه التي أصابتنا جميعا بالحول....غير مبال بنفسيه باقي الأعضاء والذين يرتدون النظارات الطبيه..

9. الطامه الكبري.....وهي معارضتك لعوده عصر الجواري والإماء والعبيد......وبذلك تكون منعت خير كثير علي الأمه...

وريني بأة هاتقول ايه....

في كل هذه التهم...وتأكد أننا محكمه نزيهه ونتبع كل الشفافيه والعدل والمساواة في اصدار الأحكام