ذكريات الطفولة .. صوت وصورة !!

[واحد تاني]

كنت بجيب من عنده هدوم

كان في رشدي في كفر عبده

[واحد تاني]

سلام عشانه

حافظ كيانه wst::

[Handasah]

بجد موضوع جميل والذكريات اجمل wst:: الموضوع دة رجعنى تقريبا 28 سنة ... تسجيل متابعة واعجاب :blush2: :sad:

[واحد تاني]

اديتها اس ساااغ

تجيب 30 بيضة

و3 ترطال لحمة

طمحت في الباقي طفشت wst::

[واحد تاني]

في السكة في حلوين

ماشيين معا بعضوهوم

فيسيكا فيسيكا فيسيكا

[إيزيس]

فكرتوني يا ولاد بأيام ثورة 19 كنت أنا و أدلعدي صفية زغلول نطلع في المظاهرات نفك عن نفسنا شوية و أول ما ييجي ميعاد مسلسل الشهد و الدموع جري ع البيت ....فاكرينه و فاكرين أغنية على الحجار ...روعة

تم تعديل 15 أبريل 2008 بواسطة قرنفلة

[!! Lidooooo !!]

المقدمة

الخاتمة

:happy:

تحت نفس الشمس

wst::

وفوق نفس التراب

:sad: كلنا بنجرى ورا نفس السراااااااب

كلنا من أم واحدة..أب واحد

دم واحد..بس حاسين باغتراااااب

الحقيقة نار تعيش تحت الرماد

فى ضياها باهتدى لحلم فى خيالى

والمحبة تفجر الروح فى الجماد

ومحبة قلبى حقدر ع الليالى

يا زمانى مهما الغربة حتجاسرنا

حلمنا حنحققه مهما خسرنا

طول ما خيرنا لغيرنا

حتى لو رحلنا

فى الحياة حنمد لينا جدور مسيرنا

كلنا من أم واحدة، أب واحد، دم واحد

بس حاسين باغترااااااب

wst::

مثلث الرعب :happy: سيد حجاب - اسامة انو عكاشة - عمار الشريعي

حد بأة يسمعلنا تتر ابو العلا البشري :blush2:

تم تعديل 15 أبريل 2008 بواسطة !! Lidooooo !!

[ELSHAMY]

متعتونى يا ولاد الأيه...

أنا اسكندرانى....فاكرين فى الشتا....

الحقيقة ذكريات الشتاء بتفكرنى بالدفء اللذيذ تحت البطانية وصوت قطرات المطر على الشباك ومنها نعرف (حسب الرتم) هل المطر خفيف ولا تقيل ويستاهل الواحد يقوم يتفرج عليه .... واكتشف ان اخواتى كمان ماحدش منهم نام...ونقوم نتسحب ونفتح الشباب فتدخل علينا نسمة هوا باردة تلفج وجوهنا.... ونمد ايدينا نستقبل قطرات الماء....ونستغرب من شكل الناس وهى بتجرى فى الشارع عاوزين يستخبوا والعربيات اللى ماشية ببطء.....وتصحى أمى (الله يرحمها).....وفى ثوانى كله يرجع تحت البطاطين....نسمع نفس الرتم تانى... ونحلم ان بكره واحنا رايحين المدرسة حناخد جرعة مطر تكفينا....

بس الحقيقة وجود الشراب مهم جدا لتدفئة الرجلين عشان نعرف ندخل فى النوم...وده كلام حيقدره الجماعة اللى عاشوا التجربة دى (انا دلوقتى بانام من غير شراب) ... واحيانا من غير بيجاما من كتر الحر مع ان المكيف مفتوح....ما علينا خلينا فى الشتا أحسن.

تانى يوم بقى وعليكم خير نقوم من النوم بالعافية....ماء الحنفية متلج....وننزل نايمين على روحنا...وفى ثوانى نفوق من نسمة الهوا الباردة الجميلة ...وما فيش مانع نغوص بالجزمة فى اى بركة مياه....والشراب اياه يتبل.

ومن أجمل الذكريات التجمع الهائل لمياه الأمطار تحت كوبرى الابراهيمية....يمنعنا احيانا من الذهاب للمدرسة (بركة يا جامع)... والسيارات الكتيرة اللى حاولت تعبر المانع المائى ده وتعطلت فى وسط البحر...وتبدأ هنا أذهان المصريين وافكارهم بالعمل وتظهر فجأة عربات الكارو وتبدأ فى التحميل......ذكريات.

عارفين ايه الأغنية اللى بتخلينى أشعر بنفس الذكريات دى....أغنية على الحجار:

لما الشتا يدق البيبان....لما تنادينى الذكريات....لما المطر يغسل شوارعنا القديمة والحارات....ألقانى جايلك بين شفايفى بسمتى .... كل الدروب التايهة تقبل خطوتى...كل الليالى اللى في قمرها قلبى عاش...مش جاى ألومك على اللى فات ...ولا جاى أصحى الذكريات....لكنى باشتاق لك ساعات....لما الشتا يدق البيبان.

تحياتى

[~Heba~]

ايه دا كله ماشاء الله

احنا بقى مكنش عندنا تليفزيون ساعتها

smk: :blush2:

بس فاكرة موسيقى X-files

و لغاية دلوقتى بحبها بس المسلسل نفسه خرب بعدما جابوا واحد تانى غير مولدر

[سهران]

يا نهار أبيض ع المواضيع .. جامد الموضوع ده ...

طب حد فاكر أول حاجة ساقعة شربها كانت بكام ؟؟

ـــــــــــــــــــــــــــــــــــــــــــــــــــــــــــــــــــــــــــــــ

أيوة ............ أنا فاكر كويس ........ لأن الموقف صعب يتنسي .... كنا في حي شعبي و بنشتغل عادة في الصيف ..... كنا في رابعة أبتدائي و الحاجة الساقعة بعشرة قروش .... واحد صحبي كتن بيشتغل مع قريبه الحلاق .... كان بيديلة مرتب عشرة ساغ في اليوم ..... من الساعة تسعة الصبح لغاية عشرة بالليل .... يقبضهم و يروح يشرب بيهم حاجة ساقعة و يروح......... لسة بافكره بيها لغاية دلوقتي كل ما أنزل أجازة .... تخيلوووووا الدنيا كانت عاملة أزاي .....

تم تعديل 15 أبريل 2008 بواسطة سهران

[سهران]

طب أنا فاكر ان سنة خمسة و سبعين جه جماعة قرايبنا ( تلاتة أربعة كده ) و كنت لسة يادوب عندي خمس سنين بس فاكر الكلمة كويس لأنها كانت مفاجأة مدوية في العيلة كلها .... قرايبنا قالوا لأبويا بصفته كبير العيلة و أفضوا أليه أنهم ..... حسب لفظهم اللي مش هانساه ...... عاوزين نشتري جهـــــاز تليفزيون ) هما أتكسفوا يقولوا تليفزيون فعشان يضخموا العملية أضافوا كلمة جهاز ............... و فاكر يوم ما جبنا التليفزيون في بيتنا ..... كان يوم عيد و الله فاكرة بتفاصيله .... كان سنة 78 قبل ماتشات كاس العالم بيوم واحد و أول ماتش شوفتو كان أنجلترا و ألمانيا ....تمنه كان 220 جنيه ( أبيض و أسود طبعا ) .... طبعا أنا اللي زنيت علشان نجيبه قبل كاس العالم ...........

تم تعديل 15 أبريل 2008 بواسطة سهران

[سيف الدين جلال]

البيبسى كان بريال ..مصرى... ..

وفاكر مجلة خليجية كان اسمها ..أحمد....سعودية على ما اعتقد .. ..وجريدة الاهرام كانت بربع جنيه ...واعلان جيرسى ....بتاع بستك نو .....

وفاكر ان القناة الاولى كانت بتقفل ...ساعتين يوميا ى وقت الظهيرة.......وما انساش ماتش مصر وهولندا .....وقبلها ماتش الجزاير فى القاهرة ......وجهاز الاتارى الاسمر ......واعلانات شيبسى ...وكان فى بسكوت نزل اسمه رشا ...كان بينافس الشمعدان ......كان طعمه حلو مع قزازة الشانى ......واعلانات شركة بم بم ....والفيلم الهندى من العيد الى العيد ........

[shawshank]

وقبلها ماتش الجزاير فى القاهرة ....

بتاع الأخضر بلومي ؟

[Einstein]

طب انا افتكر كتاب العربي بتاع اولي ابتدائي

كتاب امل و عمر ،وبن عمهم حازم

نفسي نفسي اشوف الكتاب ده تاني

حد عنده اي باقيا للكتاب ده ، يكسب فيه ثواب :lol:

[Einstein]

يا سلام بأة لو حد يجيبلنا صفحتين من كتاب عمر وامل

والله بقالي ساعه بدور عليه بس مش لاقياة خالص....

طيب فاكرين نرجس؟؟ لما كانت في الحقل...مين يقول اسم أخوها ايه؟؟؟

ولا قطتي صغيرة أسمها نميرة؟؟

اه ، ما كنتش اعرف انكوا افتكرتوا الكتاب زيي

اخو نرجس كان اسمه حازم ، وكان شعره مفلفل

قطتي صغيرة ... اسمها نميرة

شعرها جميل ... وذيلها طويل

لعبها يسلي ... وهي لي كظلي

عندها مهارة .... كي تصيد فارة

بتهيالي كده الشعر الفصيح ده كان في كتاب معلم القراءة ( ز ر ع - ح ص د )

اللي كنا بنتعلمه قبل المدرسة

[Einstein]

ليدوووو الله يكرمك علي الموضوع الرائع ده

مع اني علي بداية التلاتينات الي اني اشعر بحنين جارف لايام زمان

و الزملا هنا فكروني بحاجات كنت تقريبا نسيتها

ولما افتركتها لاقيتني فرحان و مظأطط :lol:

===

طب حد يا جماعه فاكر برنامج جولة الكاميرا

ده كان معاد لا يمكن افوته يوم الاربع قبل التمثيلية

===

كمان افتكر نوع من اللدائن الصناعية كان اسمه بكيزة و زغلول

حاجة حمرا كده تمضغ فيها بالعافية

[nash]

بتهيالي كده الشعر الفصيح ده كان في كتاب معلم القراءة ( ز ر ع - ح ص د )

اللي كنا بنتعلمه قبل المدرسة

صح .....صح جدن

اخو نرجس كان اسمه حازم ، وكان شعره مفلفل

طيب عادل كان أخو مين؟؟ :lol:

أنا فاكرة كان فيه شخصيه عادل في الكتاب

مش عارفه ماكانش فيه أي غرام بيني وبين الراديو غير برنامج يا ولاد يا ولاد توت توت تعالوا معانا...بتاع ابله فضيله

فاكرين أغنيه.....

.............................................المقطع الاول مش فاكراه

التاني بيقول..................تدخل طب لأ لأ حربيه

طب هندسه لأ لأ بحريه

..............................

الأغنيه التانيه....

بابا جه بابا جه

يله نسأف ونقول هيه

بابا جه بابا جه

ويدخل بابا يقول....

أدي شوكولاته وأدي بمبموني ...فين البوسه ...يله أدوني

تدخل ماما تقول....

عايشين دايما بيه ومن خيرة

الكورال ...بابا جه

ماما تكمل...

ولا نقدرش نعيش من غيرة

الكورال ..بابا جه بابا جه

ماما تكمل...

هو الألف هو اليه ( حرف الياء يعني) بابا جه باباجه

:lol:

الأغنيه دي تثير في قلبي الشجن :sad: ...لإننا تقريبا لم نري الوالد الله يرحمه تبع ظروف شغله

[واحد تاني]

طيب عادل كان أخو مين؟؟

كان أخو سعاد :lol:

[إيزيس]

كتكت كتاكيتو كتكوتي

مش فاكرة ده يا صغنتوتي

طب هندسه لأ لأ بحريه

طب اختار انت بحرية

بس تذاكر و تبقى شاطر

تلميذ ناجح أول فصلك

نقعد سوا مع بعض نفكر

تدخل طب.. لا لا حربية

الدنيا براح و التنسيق فاتح ذراعيه على مصرعيهما لكتكوت أمه ...هيصة يعني

*****************************

ما حدش جاوب على المسابقة

أين شفت هاذوها الكلمة:

مورش بالية يورشو

إرسل الإجابة على رقم 8905403475072340570485

أو 454

تم تعديل 16 أبريل 2008 بواسطة قرنفلة

[se_ Elsyed]

كتكت كتاكيتو كتكوتي

كتكت كتاكيتو كتكوتي .............. إسم الله عليك يا صغنتوتي

طب تخيلي يا قرنفل ( ليه مزاج بقى اشيل التاء المعقودة ) مين كان بتغني الأغنية دي ؟

مها صبري