ذكريات الطفولة .. صوت وصورة !!

[إيزيس]

(

ليه مزاج بقى اشيل التاء المعقودة )

يعني أقطع نفسي

أبهدل نفسي

مين فاكر

فطوطة

طوطة.......إلخ

سمورة

قوللي تاني فهمهالي

**************

آكلك منين يابطة آكلك منين

يابسايبتسيبسليغبلسعغيلبعس حلوين حلوين

هاتي واحدة لماما عشان ماما

عيونها الاتنين

عايزين ياكلوكي و مش عارفة ياكلوكي منين

تم تعديل 16 أبريل 2008 بواسطة قرنفلة

[سهران]

(

)

**************

آكلك منين يابطة آكلك منين

يابسايبتسيبسليغبلسعغيلبعس حلوين حلوين

(و فراولتين في شفايفك حلوين حلوين )

هاتي واحدة لماما عشان ماما

عيونها الاتنين

عايزين ياكلوكي و مش عارفة ياكلوكي منين

تم تعديل 16 أبريل 2008 بواسطة سهران

[إيزيس]

مين فاكر إلى ربات البيوت

خالتي بمبة

عيلة مرزوق أفندي

كنا بنسمعهم قهرا كانت والدتي تستخدم المذياع كمنبه تروح الشغل و تعليه على الآخر علشان نضطر نصحى بدري حتى في الأجازة

[Alshiekh]

طبعا عادل كان أخو سعاد

واكيد اكيد عادل كان يأكل الفول مش الشيبسى

لكن قبل عادل وسعاد ، قمت بسرقة سيجارة من علبة سجاير والدى ، ورحت اشتريت علبة كبريت بتعريفة ، وقعدت على جنب فى الشارع علشان اولع السيجارة،

خلصت نصف علبة الكبريت ، وفجأة ، لقيت راجل ماسكنى من قفايا وبيقول لى بتعمل ايه؟ ( كتر خيره ) اخذ السيجارة قطعها ورماها فى الشارع وخد منى علبة الكبريت وقال لى روح جرى ، وفاضل باصص على ، وانا اجرى وابص عليه.

مرة زوجة ابى اعطيتنى جنيه وبعثتنى للبقال اشترى حاجة ( كنت حوالى 5 سنسن أو اقل قليلا) البقال اعطانى الباقى وبكل سذاجة أطفال فردت كفى وفردت علية الباقى نصف جنيه ، وربع جنيه ، وبريزة ، وشلنين ، وطبعا كله طار ، روحت البيت ، رجعت معى زوجة ابى تبحث عن اللى طار ، مافيش حاجة طبعا ، فذهبت تلوم البقال انه لم يلف لى الباقى فى ورقة ويضعها فى جيبى ، وفى البيت كانت علقة سخنة.

طيب حد فاكر شرشر؟

حد فاكر شرشر نط فين؟

ركن السودان من القاهرة

مرزوق وسلامة ،

نجيب قهوة ؟

كدة كويس

نجيب شلتة عشان ترتاح؟

كده مرتاح ، لاقهوة ولا شاى ياسلامة

ياعسكرى يا ابو بندقية

انت قوى جبار ، ولا تخاف من النار

ياعسكرى ... ياعسكرى

مدرستى يامدرستى

خاص بسكان اسكندرية (( ارشيف المحاكم ))

واخيرا النشيد الوطنى اللى كنا بنقوله فى طابور الصباح والذى لم اكن افقه من كلماته شيئا فقد كنت صغيرا ان افقه مايعنيه

ناصر ..... كلنا بنحبك

ناصر ..... وحانفضل جنبك

ناصر ...... ونعيش ونقول لك

ناصر ياحبيب الكل ياناصر

تيرا

قيموا اعياد النصر وهنوا شعوبنا الحرة

عيد كل ثورة انظلقت من ثورتنا الكبرى

تت تيا تت تيا واعلناها اشتراكية

عيش جمال عبدالناصر

عيش جمال عبدالناصر

عيش جمال عبدالناصر

مش عارف زيارة خروشوف ، واعتقد بعده بسنة او سنتين هيلاسلاسى ، واصطففنا فى شارع ابو قير علشان نحيى الضيوف ، ليه مش عارف.

سينالكو بصاغ ، واسباتس بنص فرنك

عشر كرملات بتعريفة

كيلو الجزر بتعريفة

كيلو البطيخ بـ 9 مليم ، رحت للبياع بقرش صاغ ، وعايز اشترى كيلو بطيخ

مرة معايا قرش صاغ ، رحت رايح القهوة ، قعدت وحطيت رجل على رجل والتراب واصل لركبى من لعب الكورة ،

القهوجى: عاوز ايه ياله؟

انا: واحد شاى مظبوط

القهوجى: معاك فلوس؟

انا: صاغ اهوه

القهوجى: هات

رجع القهوجى ، راح رامى لى كباية الشاى على الكرابيزة ( رخام ) ولا صينية ولا كباية مياه

أنا : ماحطيتش الشاى فى صينية ليه ، وفين كباية المياه؟

القهوجى ، باقول لك ايه ، تاخد الصاغ بتاعك وتروح وماتورينيش وشك ، يالا مع السلامة

انا: انا بقى مش مروح وحاشرب الشاى بفلوسى ،

واطظررت لشرب الشاى من على الطرابيزة من غير صينية ومن غير كباية مياه كمان

أيام

[!! Lidooooo !!]

سينالكو بصاغ ، واسباتس بنص فرنك

طب تخيل بأة يا محمد

ان سبيرو سباتس دي

:D او سباتس الدبانة زي ما كانوا بيسموها

لسة بتتباع لحد دلوقت في مكان وحيد في مصر

كشك صغير قدام سينما اوديون في وسط البلد

ولسة فيه محطة اسباتس بالهرم جنب المصنع القديم

[!! Lidooooo !!]

مين فاكر إلى ربات البيوت

ومن ينسى صفية المهندس

صاحبة الصوت الوقور الجذاب وبرنامجها الذي ينقل مشاكل الأسرة المصرية وكل مايخص الصحة والموضة والمطبخ .. وكل مايهم المرأة عموما بطريقة ظريفة تشد الرجل قبل المرأة لمتابعة البرنامج خاصة انها كانت تقوم يوم الجمعة من كل أسبوع بتجميع أهم ما أذيع خلاله خاصة فيما يخص الرجال

صفية المهندس كانت زوجة للإذاعي القدير محمد محمود شعبان "بابا شارو"وهي الأخت الكبري لفؤاد المهندس والتى عرفته على نجيب الريحانى ليلمع بعدها كأحد نجوم السينما بل والاذاعة ايضا بدءا من مسلسله في الستينات مع احمد رجب "شنبو في المصيدة" وانتهاءا ببرنامجه الشهير كلمتين وبس

لعلكم تذكرون صوتها الرخيم وهي تقول :

هنا القاهرة :D الى ربات البيوت

حتى ان موسيقار الأجيال كان يداعبها قائلا

مدام صفية .. مين اللى بيلحن لحضرتك

:D

[إيزيس]

و كانت ردودها على مشاكل المستمعات تتميز بالعقل و الجدية

الله يرحمها

[!! Lidooooo !!]

اهداء خاص لسي السيد وقرنفلة

حمل اغنية مها صبري كتكت كتاكيتو من المرفقات :lol:

kotkot.mp3

[!! Lidooooo !!]

كتكت كتاكيتو كتكوتي .......... اسم الله عليك يا زغنتوتي:sad:

يالا حبيبي روح مدرستك.......... وفي كراستك اكتب اسمك.......... ارسم بطة كاك كاك.......... وقطة ووزة كاك كاك.......... علشان بابا يبروز رسمكart:)

واما تذاكر .......... تبقي يا شاطر.......... تلميذ ناجح اول فصلك

واما هتنجح في الثانوية.......... بابا يجيبلك احلى هدية.......... نقعد سوا مع بعض نفكر.......... تدخل طب.......... لالا حربية:cry: طب هندسة :cry: لا لا بحرية

.......... طب اختار انت بحرية.......... بس تذاكر.......... وتبقي يا شاطر.......... تلميذ ناجح اول فصلك

يا حبيب ماما العلم كفاح.......... يا حبيب ماما العلم سلاح.......... نصر كبير:cry:وطريق تحرير:cry1:جه النصر وكله نجاح

وبشهاداتك تخدم وطنك.......... وبتعليمك توصل هدفك

كتكت كتاكيتو كتكوتي .......... اسم الله عليك يا زغنتوتي

:lol:

النقط دي بالتعاون مع مؤسسة جالاكسي wst::

[!! Lidooooo !!]

بالمرفقات ايضا حدوتة رائعة لأبلة فضيلة

اهداء لكل محبيها :lol:

وتأملوا معي مضمون القصة وكيف زرعت فينا حبنا لبلادنا دون تكلف او شعارات

abla_fadeela.mp3

[se_ Elsyed]

بالمرفقات ايضا حدوتة رائعة لأبلة فضيلة

اهداء لكل محبيها :unsure:

وتأملوا معي مضمون القصة وكيف زرعت فينا حبنا لبلادنا دون تكلف او شعارات

فرحت جداً لما سمعت صوتها من كام يوم في مداخلة باحد البرامج الفضائية

وحكيت لعُمر ابني عنها

فلقيته بعد كام بيقولي " بابا : إحنا هانسمع تيته فضيله امتى ؟ فقلت له : تيته فضيلة مين ؟ ... قال : بتاعت ياولاد تعالو "

[هشام عباس]

مش ممكن يا ليدو

انت بتجيب الحاجات ديه منين؟ :blink:

عارف بجد حدوتة ابله فضيله تجنن

ممكن لو سمحت يعني لو ينفع تبعت حواديت تانيه لأبله فضيله علشان ابقى اشغلها لبناتي

احسن انا عندي تلات بنات اكبرهم 5سنين واصغرهم سنتين ونص

ده غير يوسف باشا بس ده حاسس انه خلاص كبر

عنده 10 سنين

بجد بجد ياريت تقدر تبعت حواديت تاني :unsure:

[!! Lidooooo !!]

ربنا يخليلك عمر يابو السيد :blink:

ويخليلك الكتاكيت يا اتش

حيث انهم تلاتة بأة

سمعهم دي :wub:

:unsure:

abla_fadeela___3_ekhwat.mp3

[هشام عباس]

انا مش عارف اشكرك ازاي يا ليدو بناتي هيفرحوا اوي بالحواديت ديه وبكره اول ما يصحوا على طول هشغلهم الحواديت وهيفرحوا اكتر لما يلاقوا الحدوته بتتكلم عن 3 اخوات

وخصوصا انهم بيحبوا دايما يتقمصوا بطلات الحواديت فمثلا سهر بنتي فاكره نفسها سندريلا

وطول اليوم ماسكه المقشه وبتكنس علشان هيي سندريلا بس بتصر اني على طول اجيب لها فساتين ولبس جديد علشان متكنش زي سندريلا فستانها مقطوع!!!!!!!!

اما ليله هانم فديه بتقول انها بياض التلج (سنو وايت) علشان شعرها اسود

وسما بتقول انها عروسة البحور

بجد ميرسي جدا جدا

هيفرحوا اوي

بصراحه انا الي فرحان اوي اني بسمع الحواديت ديه

ميرسي جدا :unsure:

[هشام عباس]

انا مش عارف ابطل اسمع في اغنية كت كت كتاكيتو كتكوتييييييييييييي :unsure:

بقلك ايه

تعرف تجيبلنا الأغاني بتاعت عفاف راضي

وزمان قالوا الخضار بيخلينا كبار رحت انا واكل هم النم

هم النم يا روحي ياله جيبالك مم

كل واكبرلي يا روحي ياله هم النم :blink: :wub: mfb:

دول 3 وردات من التلات بنات

[إيزيس]

الأغنية و الحواديت شيء بديع جدا جدا جدا

أشكرك على العودة للنقاء

أشكرك

أشكرك

أشكرك

[!! Lidooooo !!]

اهداء لسهر وليله و سما

وقرنفلة طبعا :unsure:

[nasr-badr]

الحمد لله والصلاة والسلام علي رسول الله وبعد

الحقيقة رجعتونا لزمان وكانت ايام جميلة نسأل الله أن يكون القادم أجمل إن شاء الله .........................

الحقيقو فيه مذيع كان جميل واتنسي كان اسمه ماجد عبد الرازق ( بابا ماجد ) والبرنامج مش فاكر اسمه يس كان جميل

وكنت مرتبط بماما عفاف وسينما الأطفال وكان فيه بلياتشو مش فاكر اسمه - الزهايمر - wst:: كان مخترع وظريف ...............

وده اللي فاكره دلوقتي بس شكرا ليك جدا يا Lidooooo علي الحاجات الحلوه

والحمد لله رب العالمين

[ابتسامة رضا]

السلام علينا وعلي عباد الله الصالحين

الموضوع راااااااااااااااااااااااااائع

رجعتوني صغيرة تاني وافتكرت الضفيرتين اللي ماما كانت تصمم تعملهملي

في شعري وأنا صغيرة وكان نفسي أعمل قصة وهي مترضاش

وللا جدول الضرب حفظته بالضرب

حد فاكر اوبريت دووق.. دووق ..دووق الدندرمة

طيب حد فاكر سيد مع حرمه في رمضان نواديرهم أشكال والوان دلوقتي هنسمع حكايتهم ونشوف مين فيهم غلطان

(وللا حد فاكر( عوف الاصيل )( مال وشك اصفر ليه ياعكر

فاكرين برنامج أغرب القضايا

وبرنامج ذكريات اذاعية

فاكرين مسلسل صابرييييييييين لشادية وصلاح ذو الفقار

فاكرين الفانوس الصفيح وزجاج أبو شمعة

فاكرين فيروز والمرأة العجوز في كتاب القراءة

وللا درس الكتاكيت الصغيرة

ومذكرات صفاء

العروسة القماش المحشية قطن فاكرينها

وكله كوم ولما جبنا تليفزيون كوم تاني كان موبيليا وبلمبات وياخد وقت طويل علشان يسخن ويشتغل والكهربا لو ضعيفة الصورة متجيش نشوف خطوط بس ونسمع الصوت

كنت بحب الراديو وأتخيل الناس اللي جواه شكلهم ايه ياما اتخيلت أبلة فضيلة شعرها طويل وناعم

فاكرة علي باب المدرسة كان الراجل بتاع الدوم بيبيع بخت عبارة عن بسكويت أحمر فيه عسل اسود ومغطس فيه قرش تعريفة ويبيعه بصاغ

وكمان كان بيبيع التفاح الاخضر الصغنن ومغطسه في عسل اسود وكان طعمه حلو

فاكرة طابور المدرسة والنشيد كان والله زمان ياسلاحي اشتقت لك في كفاحي

وكمان كان فيه نشيد الله أكبر فوق كيد المعتدي الله للمظلوم خير مؤيد

اييييييييييييييه ذكريات لو فضلت أفكر مش هخلص

ربنا يجعل أيامن جميعا حلوة

[galaxy]

كتكت كتاكيتو كتكوتي .......... اسم الله عليك يا زغنتوتيmfb:

يالا حبيبي روح مدرستك.......... وفي كراستك اكتب اسمك.......... ارسم بطة كاك كاك.......... وقطة ووزة كاك كاك.......... علشان بابا يبروز رسمكart:)

واما تذاكر .......... تبقي يا شاطر.......... تلميذ ناجح اول فصلك

واما هتنجح في الثانوية.......... بابا يجيبلك احلى هدية.......... نقعد سوا مع بعض نفكر.......... تدخل طب.......... لالا حربية:) طب هندسة لا لا بحرية

.......... طب اختار انت بحرية.......... بس تذاكر.......... وتبقي يا شاطر.......... تلميذ ناجح اول فصلك

يا حبيب ماما العلم كفاح.......... يا حبيب ماما العلم سلاح.......... نصر كبيرbv:-وطريق تحريرbv:-جه النصر وكله نجاح

وبشهاداتك تخدم وطنك.......... وبتعليمك توصل هدفك

كتكت كتاكيتو كتكوتي .......... اسم الله عليك يا زغنتوتي

:lol:

النقط دي بالتعاون مع مؤسسة جالاكسي :lol:

................................................................................

.................................................................................

.................................................................................

.................................................................................

.................................................................................

.........................................................جلاكسي الراعي الرسمي....الوسطاء يمتنعون wst::