سيدة المحاورات..كل عام وأنتي حبيبتنا ..صديقتنا...عصفورتنا

[nash]

سيده المحاورات الأولي ....وعصفورتها...كما يحلو لي دائما مناداتك بها... :blush2: smk:

اليوم ....ميعاد فكرة شقيه.....هل تتذكرينها؟؟

طالما أمتعتينا بها في كل عام...حتي باتت عنوان لعام جديد شقي ...كفكرتك الشقيه التي تذكرني بالطفوله السعيده...

كنت أتمني أن أكون ممن حباهم الله بملكه غزل الشعر..لإنسج لك ابيات ...تعبر عن حبي لك..وتقديري لشخصك الكريم...

أنتي من كنت ولا زلت دائما الأم الحنون للكثير هنا....من شباب المحاورات وشاباتها ممن نفخر بهم...وصديقه وفيه لأخواتك واخوانك...

عهدتك صادقه في كل حرف يفلت من بين أناملك ويخطه قلمك...أنيقه في نقل خبراتك الثمينه.. ممزوجه بحب جارف لنا جميعا..

سيدتي الغاليه...

أختي الجميله الرقيقه...

هلا عدتي لفكرتك الشقيه...لتمتعينا بها؟؟

واثقه أن هناك خبرات لازالت في جعبتك...واتمني ألا تبخلي بها علينا...

أرجوكي لا تخذلينا....ممكن؟

كل عام وأنتي بألف ألف ألف خير...

كل عام وكل أحلامك وامنياتك وامالك محققه....

كل عام وأنتي سيده قلوبنا....

[إيزيس]

اشتقنا إلى قطرة الندى النقية

و الأم الحانية

كل عام و أنت بألف خير

[~Heba~]

يا جماعه شوقتونى بتكلموا عن مين :blush2: صدقونى مش عارفة و الله

[galaxy]

رغم اني حديثه العهد بالمشاركه الفعليه في المنتدي.............الا اني من اشد المعجبين بماما سلوي. :blink: ............ولها مني كل تقدير واحترام وحب وشوق. :blush2:

...............من الشخصيات التي حببت الي المشاركه املا في اللقاء ولو علي صفحات المنتدي ورغبه في ارتشاف الخبرة والحكمه من اجمل ام.......................حزنت كثيرا لفراقها ايانا ولازال لدي الامل ان نراها مرة اخري............... mfb:

كل عام وانت بخير يا ست الكل smk:

[bentmasria]

احنا بنتكلم عن السلوى يا باشمهندسة اكيد عارفة وفاهمة المعنى الكبير ده واكيد بيكون مستحيل انه يكون انسان بس دى فعلا سلوى الانسانة والام والجدة والحكاية والخير والسلوى وكل الحب

يمكن موش الكل قابلها بس انا واثقة ان الكل حبها من الحروف والشقاوة والنقاء وجمال النفس الاصيل الواثق المحترم

مكانها فى قلوب الكل مميز وأكيد واثرها فى روح الكل راقى واصيل ومشاعرها اللى دفت بيها قلوبنا دايما باقية ومالية كل الاجواء بالدفا والحنين

وحشتنا السلوى سلوى بووووووووووووووووووووووووووووووسة كبيرة قوى من الشاب الصغير الابيضانى لماما سلوى كل سنة وانتى صافية وحنينة ودافية ومعطاءة وحنونة واكيد موش حتحرمينا من جميل وجودك بيننا اكثثر من كده

:blush2: smk: :blink:

عقبال ملاييييييييييييييييييييييييييين السنين سعادة وحب وحنين ربنا يوفقك ويسعدك ويسعد قلوب حبايبك بيكى يا ست الكل

ايمان ومادا mfb:

تم تعديل 15 أبريل 2008 بواسطة bentmasria

[badroora]

طيب معلش عشان بس اعرف امشي فى اى اتجاه لانى والله اتلخبط

هو عيد ميلاد ولا ايه؟

لو عيد ميلاد يبقي كل سنه وحضرتك طيبة وعام سعيد وعمر مديد ان اشاء الله .....

لو مش عيد ميلاد ........ بردوا مش مشكلة كل سنه وحضرتك طيبة بردوا .

يا رب ترجعنا بالسلامة وتملى مكانك ,وتنسي اى شيء ممكن يكون ضايق حضرتك ......

ماما سلوي

انتم من يبث فينا نبض الحياة ويقوينا ومنكم تشتد عزيمتنا وتمدونا بالقدرة التى تجعلنا نتغلب على مصاعب الحياة

اتذكر كلمة قالها لى ابى الغالى عادل ابوزيد

فى بدايتى فى المحاورات حدث موقف اغضبنى وقررت الانسحاب لانى حسيت ان الموضوع مش مستاهل انا بدخل فى وقت فراغى استمتع فمش مستهلة انى احرق دمى واكيد حضرتك عصرتى هذا الموقف معى .........

ارسل لى ابي الغالى رسالة لن يتوسل لى ,,ولن يطلب منى البقاء

ولكنه قال لى

انتم يا شباب اليوم وامل المستقبل محتاجين احنا اللى ناخد لكم حققكم انتم المفروض تثبتوا وجودكم وانتم المفروض متتنزلوش عن حقوقكم ومستننوش حد يجبلكم حقكم

طبعا هذا الكلام لن ينطبق على المحاورات فقط ولكن كانت رسالة لى ان اطبقها فى حياتى عموما ...

سوي على ذكر مشكلتى الخاصة هنا ولكن حبيت ابرز لحضرتك ان اى تصرف منكم كمثل اعلى لنا بيتاخد عليكم

يعنى من الاخر يا ماما ارجعى مكانك وعلمينا ان منسبش حقنا هى مش حرب ولا خناقة ولكن

الحق حق

اتمنى ان تكون كلماتى خفيفة

واتمنى ان تصغى الينا وترجعى لبيتك وابناء

ابنه من ابنائك بعد اذنك .....

بدرية

تم تعديل 16 أبريل 2008 بواسطة Badria Mekkawy

[إيزيس]

فعلا سلوى الانسانة

إنسانة كما يجب أن تكون الإنسانة رغم أني لم أتعاطى مع أفكارها مباشرة

لكن فتحت كتاب أفكارها بالمحاورات و تهت في كلمات عذبة و أفكار و مشاعر رقيقة كرقة الندى

وملمس الورود و أتمنى أن تكون كلماتنا لها الحظ الأوفر فتقع عليها عيناها و يحرضها حبنا لها على الرد

مجرد الرد و الاطمئنان عليها يسعدنا

فلا تبخلي علينا بسعادة في أيام عزت فيها السعادة و قلت فيها الإنسانية

[shahd]

وحشانا بجد يا ست الحبايب

[م.سامح المصرى]

كل سنة وحضرتك طيبة يا استاذة

وان شاء الله السنة الجاية تكونى

فى افضل حال

بس ما تنسيش تتمنى امنية للعام الجديد

وسلامى لكى استاذة سلوى wst::

[nash]

أهلا يا بدريه....

حبيبتي اليوم ..هو يوم ميلاد ست الكل سلوي......

فين التهاني والتبريكات الحلوة بتاعتك؟؟

كل سنه وانتي طيبه يا أحلي سلوي

[سهيلة]

طبعا ماما سلوى هى سيدة المحاورات الاولى

ومن القلب بنهنيها كلنا

كل لحظة وحضرتك طيبة

كل لحظة وانتى معانا

وحشتينا اوى

[badroora]

كنت بتأكد بس شكرا يا ناش

................

كل سنه وحضرتك طيبة وعقبال 1000 سنه وربنا يديم عليكى الصحة والسعادة وترجعنا بالسلامة

wst::

تم تعديل 16 أبريل 2008 بواسطة Badria Mekkawy

[Scorpion]

عيد ميلاد سعيد يا أختي الحبيبة .... ربنا يفرح دايما قلبك ويملاه بالسعادة والسلام

[قديم]

كل سنــه وماما سلــوي بخـــير

ربنا يطول بعمرك ويعطيك الصحـه والعافيــه . وتشوفي احفاد احفاد احفادك

وكل سنه ونتــي بخيـر

[امانى]

الام الحنون والاخت العظيمة ماما سلوى

كل سنة وانت طيبة يا اعظم واحن قلب فى الدنيا . كل سنة وكلماتك خالدة عايشة فى وجداننا

كل سنة وانت طيبة ومحققة كل امنياتك

الام الحنون اشتقنالك قوى وحشتنا طلتك علينا بكلماتك الحانية وسطورك العذبة افتقدك جدا محتاجة قوى كلماتك التى احس بها

انى مش وحدى احس انك بجانبى ياريت متحرمناش منك اكثر من كدة كلنا فى انتظارك طولت البعاد

اهديكى هذه الكلمات كتبتها فيكى بعد قرارك بالرحيل اتمنى تقرأيها

اه يا وجع البعاد اشتقت كلى حنين لهم

يا هل ترى راجعين تانى ولا ده ظلهم

كاسى على المكان وحشة حسيتها بعدهم

يا وجع البعاد ارحل هات فرحة رجوعهم

يا بحر ابعت سلامى وحنينى وروح قلهم

ع الشط فى حبايب مستنية رجوعهم

ماسكين فى كلمة حية وواحة لهروبهم

يارب نفرح يا بحر ويحن علينا قلبهم

ياريت نفرح يا ام الكل ونلاقيكى منورة المحاورات من تانى بكلماتك البلسم وحنانك الفياض

بنتك واختك امانى

[حسام يوسف]

السلام عليكم

كل الناس فى المناسبات دى بتقول:

عقبال 100 سنة

وعمر مديد

وأنا أرجوه لكى عمر مديد

وأيضا سعيد

متعك الله بالصحة وراحة البال

[أسد]

مدام سلوى ..

كل عام وأنت بألف خير .. وصحة وعافية ...

وهناء وراحة بال ..

عقبال 100 سنة

[vipwithyou]

كل سنه وحضرتك طيبة

طبعا ً انا غبت 3 ايام فى العريش وكبهم خلصوا التورته

انا عارف ان حظى وحش وخصوصا ً فى اعياد الميلاد وكمان لما تكون اللى فاتحة التوبيك ام ياسر

يعنى راح منى تورته بالهبل

يلا تتعوض ان شاء الله

كل سنه وحضرتك طيبه مداد سلوى

[حشيش]

الأخت العزيزة الكبيرة فى المقام مدام سلوى :lol:

كل عام وأنتى بخير وصحة وراحة بال :roseop: :rolleyes:

تم تعديل 16 أبريل 2008 بواسطة حشيش

[zizetta]

العزيزة مدام سلوى ..

برغم غيابك الا اني ارى الجميع أو الكثير يتذكرك وينتظرك .. وأنا معهم .. لك مني أصدق الدعوات القلبية بالصحة والسعادة وأن تنالي ما تتمني .. أرضاكي الله ورضي عنك .. آميين.

وكل عام وانتي بخير

زيزيتا