محتاجة نصيحة

[~Heba~]

السلام عليكم و رحمة الله و بركاته

الاعضاء و العضوات الكرام

محتاجة نصيحة ابوية و اخوية و حتى من متخصصى الموارد البشرية لتجاوز الوضع اللى انا فيه

نبدأ من الاول

طبعا بعضكم يعرف انى حاليا اتدرب فى منحة التدريب المتخصص من وزارة الاتصالات

و اتدرب فى مركز اوراسكوم للتدريب و التكنولوجيا فرع اسيوط

المهم فى العشرين يوم الاولى كانت الاحوال جميلة جدا

كنت فى فصل دراسى مع 14 فرد و كلهم من الخريجين الجداد يعنى تقريبا انا اكبر واحدة فيهم بس فعلا كانوا طموحين ومتميزين جدا

و كنا بنكون مجموعات و نشتغل فى فرق و ننجز المهام اللى بيطلبها مننا الانستراكتور و حقيقة اشتغلت مع ناس طلعوا احسن ما فى حتى انى عملت عرض تقديمى (بالعربى)عن مشكلة التسرب من التعليم (لاحظوا العشرين يوم الاولى كانت كورس soft skills)

المهم استمتعت بالكورس و بالصداقات الجديدة اللى كونتها

خلصت العشرين يوم الاولى و بدانا فى كورس اللغة الانجليزية و اخدت 3 ايام فى نفس الفصل الدراسى وكان الانستراكتور علامة فعلا فى اللغةالانجليزية و لاول مرة حسيت فعلا انى عايزة اتعلم انجليزى صح

و بالفعل حسيت انى تقدمت ييجى الف خطوة قدام فى 3 ايام و لاول مرة فى حياتى بقف قدام ناس (اللى هما زمايلى فى الفصل) و بتكلم بالانجليزى وعملت عرض تقديمى بالانجليزى حتى مكنتش محضرة له

ده بالاضافة لانى عملت محادثات بالانجليزية مع زملائى حسب ما بيطلب مننا الانستراكتور

المهم بعد ال 3 ايام الاولى فوجئنا كلنا بان المركز اعاد توزيعنا على الفصول الدراسية و هم 6 فصول كل واحد فيه 15

و لقيت نفسى مع ناس معرفهمش وانا مشكلة حياتى انى مش باخد على الناس بسرعة و عندى شبه رهاب اجتماعى يعنى لما تلاقينى وسط جمع من الناس معرفهمش بيمسكنى خرس مبقدرش اتكلم

المهم بالاضافة لكده كانت الانستراكتور الجديدة اقل فى المستوى و زملائى الجداد اقل فى المستوى واقل فى مستوى الالتزام بالكورس بمعنى انهم كل شوية يضحكوا و يتكلموا و الوقت كان بيضيع فى كلام فاضى

طبعا انا مستوايا بيتأثر بسرعة مع الناس اللى بشتغل معاهم سواء كان فى دراسة او شغل

عشان كده للاسف مستوايا نزل بالاضافة لانى فقدت الحماس

بس الحماس ده رجع تانى لما عرفنا خبر اننا حنرجع زى ما كنا مع زملائنا الاولانيين بس ده حيكون فى كورس البرمجة و ده الاساسى لاننا تراك software development يعنى الكورس بتاعنا حندرس فيه شهادة مايكروسوفت Microsoft Certified Technology Specialist (MCTS)

المهم فضلت انا اعد كورس الانجليزى ده يوم يوم وساعة ساعة و منتظراه بفارغ الصبر عشان يخلص

يوم الاحد اللى فات خلص

و بدأ كورس البرمجة يوم الاتنين لكن فوجئت انهم اعادوا توزيعنا تانى والمرة دى بقيت مع ناس مختلفين تماما و ياريت بس كده

معادشى معايا من الناس اللى اعرفهم الا واحدة كانت زميلتى فى كورس الانجليزى و المصيبة لا هيا بتطيقنى و لا انا بطيقها وده بسبب موقف لا يتسع الوقت لسرده لانها بس فعلا مفيش امل اننا نتفق خالص خالص

و غير انى معرفهمش كانت المشكلة الاكبر ان غالبيتهم لم يسبق لهم معرفة اى شئ عن البرمجة دا غير ان بعضهم لا يعرف ابسط الاشياء عن الكمبيوتر

دا غير ان الانستراكتور و هى كانت فى نفس المنحة دى السنة اللى فاتت و طلعت من الاوائل و هى فى فترة التدريب الوظيفى يعنى تدرب غيرها و ده لمدة 3 شهور

المهم هيا واضح انها فاهمه بس مش عارفة توصل معلومة

و الله انابقول الله يكون فى عون اللى لسة بيدرسوا برمجة لاول مرة لا انستراكتور مساعد و لا كتب مساعده (لانه كتب مايكروسوفت المعلومة فيها بالقطارة)

المهم انا املى خاب فى المنحة دى

كان املى انى اشتغل مشروع كبير

و حقيقة فرحت اوى لما مدير المركز قال لنا انه فيه مشروعين من اوراسكوم اسيوط طلعت من افضل 3 مشاريع على مستوى الجمهورية

ساعتها اتشجعت و تمنيت فعلا انا اعمل مشروع ياخد مركز متميز

بس مشاريع البرمجة مش بيعملها فرد واحد

بيكونوا مجموعه

و انا فقدت الامل انى ارجع اشتغل مع زمايلى الاولانيين

وهم كانوا مناسبين اكتر من غيرهم من حيث قرب مستوى تفكيرنا و معرفتنا عن البرمجة بمعنى انه فيه ناس كتير منهم درسوا برمجة قبل كده دا غير انه فيه منهم خريجين هندسة و حاسبات و معلومات

احنا دلوقتى حنبتدى فى المشروع فى شهر 11 هل الفترة دى تكفى انى اكون فريق و نشتغل سوا فى مشروع

طب اعمل ايه فى مستواهم اللى ميبشرش بخير

اعمل ايه فى الانستراكتور اللى على قد حالها اللى انهارده بسألها فى حتة كده فى برنامج راحت كروتتنى و مخدتش منها اجابة كافية رحت انا استغليت ان الجهاز عليه نت و دخلت على ال msdn و بحث عن اجابة لسؤالى و خلاص مش محتاجين لخدماتها لكن هيا مش عاجبها الحال قالت لى متدخليش نت...الله هو انا كنت دخلت المحاورات و الا دخلت المحاورات دا كله لزوم الكورس

خلاص يا ناس انا فقدت حماسى للكورس ده و بقيت مش عايزة منه غير شهادة لا اطلع من اوائل و لا غيره كفاية بس شهادة مايكروسوفت اللى امتحانها ب 90 دولار برة و كفاية القرشين اللى بيقولوا اننا حناخدهم(متوسط راتب شهرى 500 جنيه)

و كفاية كده لاحسن شكلكم زهقتوا...و متشوفوش وحش

ملحوظة فقط

لى صديقات فى مراكز اخرى و منهم مركز IBM مدير المركز هناك قال لهم انتوا حتشتغلوا مشاريع مع بعض فى الاخر فحاولوا تاخدوا على بعض من دلوقتى حتى انه اقترح اقتراح ظريف وقال انه ممكن الشباب يلعبوا مع بعض كورة والشابات يتمشوا مع بعض و ياكلوا آيس كريم....المهم بقى يابختهم بالمدير ده مش زى بتاعنا اللى لما ناس اشتكت له على حكاية التوزيع دى قال احنا مش فاتحين بيبى كلاس لما نفتح بيبى كلاس ساعتها حنحط كل الحبايب مع بعض.....

بالله عليكم ايه رأيكم فى تصرفه

عايزة رأيكم بصراحة

تم تعديل 16 أبريل 2008 بواسطة ENG.Heba

[حسام يوسف]

السلام عليكم

هدى نفسك يا هبة

وهية دى مصر يا عبلة

قصدى يا هبة

[vipwithyou]

الحل فى ايديكم يا أخت هبه

قدموا طلب للمدير بفتح بيبى كلاس

بس

:D :D

ظريف صح :lol:

جريت انا اهه :rolleyes:

[ziad]

سيبك من الكلام ده يا ست الكل كملى حاولى تتعلمى حاولى توصلى لأكبر نتيجه ممكنه,صدقينى كل الظروف الصعبه الى الانسان بيقابلها ما هى الا تجارب وخبرات,سيبك من عذر عدم التأقلم ده,أنتى بتبنى مستقبل,لا تأقلم ولا خوف ولا حاجه,فى غيرك يتمنى ربع الفرصه وفى الوقت نفسه حاولى تشوفى الزملاء الأولانين ,شوفى وصلو فين,عملو إيه,أكيد هما كمان أتوزعو بس أكيد هتلاقيهم ماشيين وبيحاولو

[جويرية]

خلاص يا ناس انا فقدت حماسى للكورس ده و بقيت مش عايزة منه غير شهادة لا اطلع من اوائل و لا غيره كفاية بس شهادة مايكروسوفت

أيوة هو ده الصح

تاخدي شهادة وخلاص

لأن ده نظام المكان اللي انتي في و مش عندك أختيار تاني

و علمي نفسك بقي من النت زي ما انتي عايزة

بس مش كان ممكن تحكي المشكلة من غير ما تحددي اسم البلد و المشروع

[Alshiekh]

والشابات يتمشوا مع بعض و ياكلوا آيس كريم

هو مافيش ايس كريم فى اسيوط؟ طيب ممكن كوكاكولا ساقعة :)

عموما ياهبة لازم تعودى نفسك انك تاخدى على الناس اللى بتتعاملى معاهم بسرعة لان ده بيهل لك امور كثيرة سواء فى الدراسة او فى العمل ان شاء الله.

[se_ Elsyed]

من خلال كلامك يا هبه ..

إسمحي لي أقولك وما تزعليش مني إن العيب منك إنتي

يعني مش ذنب الناس إنك عندك رهاب إجتماعي أو فوبيا الأماكن المُغلقة

يا هبه الإنسان في مشوار حياته بتتفرض عليه ظروف لابد ان يتعايش معها .. ويبقى مجنون اللي يقول لك : لأ الظروف هي اللي لازم تتعايش وتتوافق معي .

حاولي دائماً إنك تخلي هدفك أكبر واعلى في الأولويات من الظروف المحيطة ... وما تحسبوش يا بنات إن الجواز راحه ... قصدي ما تحسبيش يا هبه إن اللي بيدرسوا أو بيشتغلوا أو أو أو كلهم عايشين في الجنه ومتوافقين مع الظروف والظروف متوافقه معهم ... كلنا عايشين في شقا والله يابنتي ...

اومال لو جه نصيبك في منحه في أمريكا او في دولة كندا الشقيقية عند الدكتور الشامي كده :) وجه معاكي عيال صهاينه او شوية حثاله متعصبين من العيال بتوع الهوليجنز وقرفوكي في عيشتك .... هاتعملي إيه ؟

اهو دول لا ينفع معاهم أيس كريم ولا حلبسة حتى

إذاً حاولي ان تنظري إلى هذا الموضوع على إنه مؤقت وأيام تعدي بالطول والعرض ..

وبعد كده يا ستي لما تيجي تشتغلي إبقى إختاري الشغل اللي يناسبك ويعجبك

قلبي وربي راضيين عنك يا هبه يا بنتي ... وربنا يوفقك

وأخيراً أحب أفكرك إن الست مالهاش غير بيت جوزها ... وضل راجل ولا ضل جميزة ..

[النيل حبيبي]

اخت بكار العزيزة

تحيه لطموحك لكن كل شئ عايز صبر لانه بيمشيش علي هوانا

طبعاً لما يكونوا مجموعه متعارفين نفسياً بيكون أحسن بكتير

لكن تحسي انه فيلم هندي بعد ماقولتي زهقتوا قلتي ملاحظه

ربنا يوفقك لما فيه الخير

[أسد]

لا أعتقد أن منا من يجد نفسه في مكان على هواه باستمرار ..

ولا أعتقد أن هناك أحد كل من حوله أو حتى أغلبهم هم على شاكلته .. أو أنه يشعر بالإندماج التام معهم ..

اللهم إلا في حالات نادرة ..

وفي حالات كثيرة .. نعمل مع مديرون لا نكون على توافق معهم

أو إذا كنا مديرون يعمل معنا أناس بيزهقونا في عيشتنا ..

أو منهم من يتميز بالغباء الشديد .. أو الغباء المستفز .. أو منهم من يتغابى أو يتكاسل ..

ومنهم من يتمارض .. ولا ينجز ..

ومنا من يفعل ذلك أيضاً ..

هذه كانت مقدمة ..

الخلاصة ..

يجب أولاً أن تحددي هدفك ..

وهدفك إلى أن تحصلى على إستفادة عظيمة من هذا الكورس ..

وفي الغالب .. لا يحصل أن يصل أحد لنتيجة عظيمة مع نهاية الدورة التدريبية .. إلا في حالات نادرة ..

ولكن ...

ليكن هدفك .. الحصول على أعظم إستفادة ممكنة ..

وأقصى ما يمكنك الحصول عليه ..

في أغلب الأحوال .. ومع أغلب النجاحات .. لا نحصل إلا على أقصى فائدة ممكنة مما نقوم ...

في مجال البرمجيات .. واللغة الإنجليزية .. لا تهم الشهادات بقدر ما يهم أداء الشخص ومستواه ..

والشهادات تنحصر أهميتها في الحصول على وظيفة على ما أعتقد (وأقصد هنا شهادات التدريب) هي إيصال الشخص للمقابلة الشخصية .. والتي هي عليها وقع كبير في الحصول على الوظيفة ..

وفي حالتك .. قد تحتاجين أن تدربي نفسك أكثر في التعود على التعامل مع أشخاص لا تعرفينهم . وأن تتخلصى من هذا الرهاب .. أو ما أسميته الرهاب .

وهو في الحقيقة ليس رهاباً .. بل هو قلة خبرة ..

ومع الخبرة .. ومحاولة تطويع النفس ستصلي لنتائج كويسة جداً ..

وأعتقد أن فرصتك في الحصول على أفضل نتيجة في تلك الدورة .. ستعطيكي موقعاً أفضل مابين زملاؤك .. وعدم تحدي المدربة .. وعدم إشعارها بأنك تستقلين قدرها .. أو تستقلين قدر زملاؤك ..

قد تجدين منها مساعدة كبيرة ..

وربنا يوفقك ..

[Handasah]

انا راى انك تكملى وتحطى لنفسك حافز شخصى بعيد عن اى مشاكل تقابلك ومتحطيش دايما فى بالك انك عندك خوف او قلق من الاشخاص الجدد

ياريت تكملى وعلى قد متقدرى تاخدى اكبر قدر من الاستفادة من الدورات دى لانها مهمة ليكى جدا كمهندسة وهتفرق معاكى جدا ومتبصيش للى حواليكى وتأقلى على زلك لانها فى الاول والاخر مصلحتك انت وبس ............

[badroora]

هبة الموضوع بتاعك دا متراقب مرتين اكتب رد مرة الصبح ومرة من شوية وقبل الدز صباعى يجي ع الشفت يروح لاغى الصفحة :D

شوفى يا هبة يا بنتى هاديكي عصارة خبرة 50 سنه فى مجال الحياة والدراسة .

اول شيء لا تعقدى نفسك وحطى فى دماغك

هبة دي شاطرة بنت قوية عندها اراده بتحب تتعلم

هبة لقت نفسها مع جروب متفوق طموحين فى نفس مستواها كانوا بيشجعوها .

بس هبة دي لو كنتش بنت شطورة طموحة مكنتش بقت فى مستواهم يعنى الدور الاكبر يقع على هبة الطموحة

وهناك حكمة بتقول

الاف الكتب لن تجعل الغبي عالم الا اذا كان عنده الرغبة فى التعلم

هبة دلوقتى اتنقلت لمجموعة اقل شوية فى مستوى الطموح والحماس ووالاهتمام .

هبة احبطت والكيرف بتاعها تراجع للاسفل

هبة زعلانه عشان هى مع مجموعة مش طموحة

نقول لهبة متزعليش يا هبوبة kis)-

وقوى عزيمتك ولو ملاقتيش حد يشجعك شجعى انت نفسك وقولى لنفسك انا باجي الكورس عشان الصحبة الحلوة والايس كريم

ولا عشان اتعلم ؟

طبعا عشان تتعلمى يبقي المفروض متركزيش فى موضوع الجوربات دا وركزى فقط فى المعلومة اللى بتتلقيه

موضوع ان الانستراكتور مش قد كدا

انا اقولك يا هبة التعليم الجامعى او بعد الجامعى

مافيش حاجة اسمها شرح تفصيلي الدكتور بيقول جزء والطالب ليه جزء اكبر البحث والتعمق

ودى اتعلمتها من اولى كلية .

وبخصوص الجروب الخيبان دا سورى فى الكلمة يعنى

حاولى تشجعيهم وتصحي فيهم حماسهم وحثيهم على المنحة التعليمية دي واهميتها .

وحاولى تشركيهم معاكى واتقربي منهم وبالوقت هتتعودى عليهم وان شاء الله هيستجيبوا وهتبقي مبسوطة

وهتيجيى هنا وتقولى هيه مش زعلانه هبة مبسوطة

على فكرة هبة دا مش كلام انشي والله دا عن تجربه وناحجة والحمدلله

سلام يا دميل :D

[~Heba~]

سيبك من الكلام ده يا ست الكل كملى حاولى تتعلمى حاولى توصلى لأكبر نتيجه ممكنه,صدقينى كل الظروف الصعبه الى الانسان بيقابلها ما هى الا تجارب وخبرات,سيبك من عذر عدم التأقلم ده,أنتى بتبنى مستقبل,لا تأقلم ولا خوف ولا حاجه,فى غيرك يتمنى ربع الفرصه وفى الوقت نفسه حاولى تشوفى الزملاء الأولانين ,شوفى وصلو فين,عملو إيه,أكيد هما كمان أتوزعو بس أكيد هتلاقيهم ماشيين وبيحاولو

انا كنت بقول لنفسى كده قبل ما ادخل المنحة رغم انى كنت بسمع كلام محبط من ناس دخلوها

خلاص يا ناس انا فقدت حماسى للكورس ده و بقيت مش عايزة منه غير شهادة لا اطلع من اوائل و لا غيره كفاية بس شهادة مايكروسوفت

أيوة هو ده الصح

تاخدي شهادة وخلاص

لأن ده نظام المكان اللي انتي في و مش عندك أختيار تاني

و علمي نفسك بقي من النت زي ما انتي عايزة

بس مش كان ممكن تحكي المشكلة من غير ما تحددي اسم البلد و المشروع

مش حتفرق يا جويرية هما فى المركز عارفين انالدارسين كلهم متضايقين من الموضوع و مدير المركز وصلته اكتر من شكوى و قال الكلام اللى ذكرته اعلاه (البيبى كلاس)

والشابات يتمشوا مع بعض و ياكلوا آيس كريم

هو مافيش ايس كريم فى اسيوط؟ طيب ممكن كوكاكولا ساقعة :D

عموما ياهبة لازم تعودى نفسك انك تاخدى على الناس اللى بتتعاملى معاهم بسرعة لان ده بيهل لك امور كثيرة سواء فى الدراسة او فى العمل ان شاء الله.

لا يا استاذ محمد الايس كريم فى اسكندرية بس اما الكوكاكولا معلش احنا مقاطعينها

[vipwithyou]

يا هبه عندى اقتراح لك

انا فاهم كويس الظروف اللى بتشرحيها دى

لكن ليس الحل انك تحطى ايدك على خدك وتقولى مش عارفة اعمل تيم اكمل بيه للمشروع

لا حاولى وبجد من دلوقتى

انتى الليدر واعتبرى نفسك انستركتور وشدى بايد الناس اللى معاكى

واتعبى شوية واللي يجى منه يبقى هيكون معاكى فى التيم وتكملوا المشروع

واللى يتخاذل يبقى ملوش لازمة

جربى واذا لقيتى تجاوب كملى

بس

هاجرى انا بقى أروح بيبى كلاس تانى

[galaxy]

موضوع التأقلم دا بيكون صعب اوي بالفعل يا هبه.... :D

.......بس فعلا لازم تحاولي تتأقلمي علي قد ما تقدري....عشان انتي عايزة توصلي... .......وعشان مش كل الظروف اللي هتقابليها دايما هتعجبك او هتريحك..........ووارد جدا تتحطي في ظروف اصعب من كدا.... kis)- ........يبقي الحل محاوله التأقلم....بقدر الامكان....عشان توصلي لهدفك ان شاء الله.......

.وفي نفس الوقت فعلا حاولي تثيري حماس اللي قدامك وتستغلي عندهم حبهم هم كمان انهم يحققوا هدفهم..........لأن زي ماقولتي الكل بيشتكي................... ....يعني الكل حابب اكيد انه يتعلم ويستفيد .........واكيد منهم اللي حاسس نفس احساسك................وربنا يوفقك يا هبه ان شاء الله وتحققي هدفك :D

[~Heba~]

من خلال كلامك يا هبه ..

إسمحي لي أقولك وما تزعليش مني إن العيب منك إنتي

يعني مش ذنب الناس إنك عندك رهاب إجتماعي أو فوبيا الأماكن المُغلقة

يا هبه الإنسان في مشوار حياته بتتفرض عليه ظروف لابد ان يتعايش معها .. ويبقى مجنون اللي يقول لك : لأ الظروف هي اللي لازم تتعايش وتتوافق معي .

حاولي دائماً إنك تخلي هدفك أكبر واعلى في الأولويات من الظروف المحيطة ... وما تحسبوش يا بنات إن الجواز راحه ... قصدي ما تحسبيش يا هبه إن اللي بيدرسوا أو بيشتغلوا أو أو أو كلهم عايشين في الجنه ومتوافقين مع الظروف والظروف متوافقه معهم ... كلنا عايشين في شقا والله يابنتي ...

اومال لو جه نصيبك في منحه في أمريكا او في دولة كندا الشقيقية عند الدكتور الشامي كده :cry: وجه معاكي عيال صهاينه او شوية حثاله متعصبين من العيال بتوع الهوليجنز وقرفوكي في عيشتك .... هاتعملي إيه ؟

اهو دول لا ينفع معاهم أيس كريم ولا حلبسة حتى

إذاً حاولي ان تنظري إلى هذا الموضوع على إنه مؤقت وأيام تعدي بالطول والعرض ..

وبعد كده يا ستي لما تيجي تشتغلي إبقى إختاري الشغل اللي يناسبك ويعجبك

قلبي وربي راضيين عنك يا هبه يا بنتي ... وربنا يوفقك

وأخيراً أحب أفكرك إن الست مالهاش غير بيت جوزها ... وضل راجل ولا ضل جميزة ..

استاذى العزيز سين سين

بالنسبة للرهاب الاجتماعى انا بيتهيألى انى عندى كده لكنه قد لا يزيد عن ضعف الثقة فى النفس ليس اكثر

و بعدين لما بلاقى التشجيع من اللى حواليا ببقى حاجة تانية خالص

و اظن انى ذكرت مثال عن العرض التقديمى اللى عملته

كنا ساعتها جروب من اربع افراد ولدين و بنتين مطلوب مننا نعمل عرض تقديمى عن مشكلة التسرب من التعليم و نتبع فى طريقة العرض الاساليب اللى اتعلمناها.....جهزنا العرض مع بعضنا و كتبنا النقاط الرئيسية للكلام اللى حنقوله و حللنا المشكلة باسلوب عملى انما عند حتة مين اللى حيعمل العرض كله انسحب ده رغم ان الجمهور لا يزيدوا عن 15 شخص انما تقول ايه لفقدان الثقة فى النفس

المهم فضلنا احنا كل واحدمش عايز يعمل العرض لغاية ما رسى الموضوع عليا و انا موقفتش قدام جمهور و كان ابسط شئ خايفة منه انه يكتشفوا عندى لزمة اللى هيا حركة بيعملها الواحد بشكل مستمر و ملفت للنظر

لكن الحمد لله زمايلى شجعونى و الدكتور نفسى شجعنى ( كان دكتور كبير من كلية تجارة جامعه اسيوط)

المهم قمت عملت العرض لمدة نص ساعة و الحمد لله كانت شهادة تقدير افتخر بيها من الدكتور انه قالى ده احسن عرض اتعمل على مستوى الكلاسات كلها و واضح انك عندك موهبه مواجهه الجمهور....شفت يعنى عندى موهبه بس محتاجة اللى يكتشفنى :cry:

و بعدين بالنسبة للعمل الجماعى فى الشغل اوالدراسة المفروض يكون فيه آلية معينة لتقسيم العمل و توزيعه حسب حاجات معينة اكيد منها خبرتهم فى العمل بالاضافة لاجادتهم و التزامهم بيه و اكيد فيه حاجات نفسية تانية المفروض يتعمل حسابها امال هو التحليل النفسى بيتعمل ليه مش عشان يشوفوا انسب مكان للشخص اللى لو اتحط فيه يعطى افضل اداء

انما فى المنحة مفيش اى نظام يكفى انه امتحان القبول و المقابلة الشخصية لم تؤثر اطلاقا فى توزيعنا على الفصول الدراسية...انا مش فاهمه هما كانوا عملوهم ليه اصلا

طيب اجيبهالك بطريقةتانية

لو شركة اكتشفت الادارة فيها انه موظف معين كان فى قسم و اتنقل لقسم تانى و لاحظوا انه انجازه اصبح اقل و اهتمامه بالعمل انخفض بشكل واضح

طيب لومش موظف واحد

اتنين اربعة عشرين

اداء الشركة فى المجمل حيتأثر و الا لأ

امال يعنى انتوا فى قسم الموارد البشرية بتعملوا ايه مش دى شغلانتكم!!!!!!!!!

طبعا انا بكلم على مركز تدريبى قبض مقدما 15000 عن كل متدرب و اشك ان مصلحة المتدربين تهمهم و اكبر دليل على كده القرار التعسفى اللى اخدوه و هو منع توصيلاى نوع من وسائط التخزينزى الفلاش ميمورى او غيره بالاجهزة بحجةان ده بيضر الاجهزة رغم ان عليها انتى فيرس

طب بالله عليكم الواحد لو كان شغل و بيكتب برنامج و لسة مخلصوش و عايز يروح يكمل فى البيت و عايز ياخد البرنامج على الفلاش ميمورى عشان يقدر يكمل فى البيت و العكس صحيح

يعمل ايه فى حالة منع توصيل الفلاش ميمورى....دا حتى سى دى روم فى الاجهزة مفيش

طبعا انا اشتكيت لمدير المركز قال لى خايفين على الاجهزة و خايفين من سوؤ استغلال الاجهزة خصوصا ان فيها نت و لما سألته طب ايه العمل قالى ممكن تبقى ترفعى شغلك على موقع رفع ملفات او على الايميل و تنزليه من البيت....طيب افرض محدش عنده نت فى بيته يعمل ايه..قال لى يتصرف بقى

و الله هو ده كلام مدير المركز

ما اقول الا الله يصبرنى و ابقوا اعذرونى

يالا يا ابيه مش عايزة اوجع دماغك بس عايزة ارد على :

وأخيراً أحب أفكرك إن الست مالهاش غير بيت جوزها ... وضل راجل ولا ضل جميزة ..

طيب يا ابيه معندكش جميزة بس متكونش تخينة ولها كرش و صلعة

و بعدين لعلمك انا برة الصعيد مش طالعة >>>شكلى كده و دى حاجة غصب عنى مش انا عايزاها..يعنى بالعربى آخرتى اسوان و املى الوحيد انى اشتغل freelancer عن طريق النت و بس

[~Heba~]

اخت بكار العزيزة

تحيه لطموحك لكن كل شئ عايز صبر لانه بيمشيش علي هوانا

طبعاً لما يكونوا مجموعه متعارفين نفسياً بيكون أحسن بكتير

لكن تحسي انه فيلم هندي بعد ماقولتي زهقتوا قلتي ملاحظه

ربنا يوفقك لما فيه الخير

يا اهلا بالبلديات ...منور و الله

بس على فكرة انا مش اسمى اخت بكار >>>الاسم ده له حكايه

لانه مرة واحدة بتقولى انتى سمراء و مش عارفة ايه و انا قلت لها و ماله بكار اسمر و اسوانية اخت بكار و مفتخرة بكده هو حد يطول يبقى مشهور

المهم شكرا لتشجيعك بس انت ايه حكايتك مع الافلام الهندى؟؟؟؟؟؟؟

يالا بقى مش عايزاك تزهق منى

ملاحظة

انا بس اتكلمت كتير عشان عايزاكم تبقى على اطلاع بالظروف اللى مضيقانى انتوا هنا اخواتى و انا بشكى لكم و الا بلاش اشكى

ملحوظة تانية

والا بلاش لاحسن تزهق

[~Heba~]

لا أعتقد أن منا من يجد نفسه في مكان على هواه باستمرار ..

ولا أعتقد أن هناك أحد كل من حوله أو حتى أغلبهم هم على شاكلته .. أو أنه يشعر بالإندماج التام معهم ..

اللهم إلا في حالات نادرة ..

وفي حالات كثيرة .. نعمل مع مديرون لا نكون على توافق معهم

أو إذا كنا مديرون يعمل معنا أناس بيزهقونا في عيشتنا ..

أو منهم من يتميز بالغباء الشديد .. أو الغباء المستفز .. أو منهم من يتغابى أو يتكاسل ..

ومنهم من يتمارض .. ولا ينجز ..

ومنا من يفعل ذلك أيضاً ..

هذه كانت مقدمة ..

الخلاصة ..

يجب أولاً أن تحددي هدفك ..

وهدفك إلى أن تحصلى على إستفادة عظيمة من هذا الكورس ..

وفي الغالب .. لا يحصل أن يصل أحد لنتيجة عظيمة مع نهاية الدورة التدريبية .. إلا في حالات نادرة ..

ولكن ...

ليكن هدفك .. الحصول على أعظم إستفادة ممكنة ..

وأقصى ما يمكنك الحصول عليه ..

في أغلب الأحوال .. ومع أغلب النجاحات .. لا نحصل إلا على أقصى فائدة ممكنة مما نقوم ...

في مجال البرمجيات .. واللغة الإنجليزية .. لا تهم الشهادات بقدر ما يهم أداء الشخص ومستواه ..

والشهادات تنحصر أهميتها في الحصول على وظيفة على ما أعتقد (وأقصد هنا شهادات التدريب) هي إيصال الشخص للمقابلة الشخصية .. والتي هي عليها وقع كبير في الحصول على الوظيفة ..

وفي حالتك .. قد تحتاجين أن تدربي نفسك أكثر في التعود على التعامل مع أشخاص لا تعرفينهم . وأن تتخلصى من هذا الرهاب .. أو ما أسميته الرهاب .

وهو في الحقيقة ليس رهاباً .. بل هو قلة خبرة ..

ومع الخبرة .. ومحاولة تطويع النفس ستصلي لنتائج كويسة جداً ..

وأعتقد أن فرصتك في الحصول على أفضل نتيجة في تلك الدورة .. ستعطيكي موقعاً أفضل مابين زملاؤك .. وعدم تحدي المدربة .. وعدم إشعارها بأنك تستقلين قدرها .. أو تستقلين قدر زملاؤك ..

قد تجدين منها مساعدة كبيرة ..

وربنا يوفقك ..

و الله انا لا احاول تحديها بالعكس انا حاسة انى ممكن استفاد منها كتير وده بالفعل اللى حصل و هى الحمد لله كويسة معايا و بتابعنى

لكن قصدى انها لم تأخ بالتسلسل المطلوب للشرح عشان الناس المبتدئين يفهموا و ده واضح جدا لانه ناس كتير بيقولوا لها مش فاهمين و هى تزيد و تعيد بس برضو شكلهم مش فاهمين كان الله فى عونهم و بعدين انا ليا اربع سنين بدرس البرمجة و ببرمج وكان الموضوع صعب فى الاول بس مش اوى لانه كان فى عندى وقت بمعنى انى لما كنت فى الكلية كانت 4 ساعات اسبوعيا انما فى المنحة كورس مكثف وبنسابق الوقت فبقول يعنى بجد كان الله فى عونهم

[~Heba~]

انا راى انك تكملى وتحطى لنفسك حافز شخصى بعيد عن اى مشاكل تقابلك ومتحطيش دايما فى بالك انك عندك خوف او قلق من الاشخاص الجدد

ياريت تكملى وعلى قد متقدرى تاخدى اكبر قدر من الاستفادة من الدورات دى لانها مهمة ليكى جدا كمهندسة وهتفرق معاكى جدا ومتبصيش للى حواليكى وتأقلى على زلك لانها فى الاول والاخر مصلحتك انت وبس ............

اخى الفاضل ابو عمر ....شكرا لتجاوبك

اللى بيشتغل فى فريق بيبقى صعب يفكر فى نفسه لانه اداء الاخرين بيأثر على مستوى اداء الفريق كله سواء شئنا ام ابينا

و اكيد التفاهم و التقارب النفسى بين اعضاء اى فريق بيساهم بشكل كبير فى قوة الاداء و سرعة الانجاز...واعتقد انه مفيش بيقدر يتجاوب مع كل الانواع من الناس و الا مكنش طلع المثل الطيور على اشكالها تقع

هبة الموضوع بتاعك دا متراقب مرتين اكتب رد مرة الصبح ومرة من شوية وقبل الدز صباعى يجي ع الشفت يروح لاغى الصفحة

شوفى يا هبة يا بنتى هاديكي عصارة خبرة 50 سنه فى مجال الحياة والدراسة .

اول شيء لا تعقدى نفسك وحطى فى دماغك

هبة دي شاطرة بنت قوية عندها اراده بتحب تتعلم

هبة لقت نفسها مع جروب متفوق طموحين فى نفس مستواها كانوا بيشجعوها .

بس هبة دي لو كنتش بنت شطورة طموحة مكنتش بقت فى مستواهم يعنى الدور الاكبر يقع على هبة الطموحة

وهناك حكمة بتقول

الاف الكتب لن تجعل الغبي عالم الا اذا كان عنده الرغبة فى التعلم

هبة دلوقتى اتنقلت لمجموعة اقل شوية فى مستوى الطموح والحماس ووالاهتمام .

هبة احبطت والكيرف بتاعها تراجع للاسفل

هبة زعلانه عشان هى مع مجموعة مش طموحة

نقول لهبة متزعليش يا هبوبة :cry:

وقوى عزيمتك ولو ملاقتيش حد يشجعك شجعى انت نفسك وقولى لنفسك انا باجي الكورس عشان الصحبة الحلوة والايس كريم

ولا عشان اتعلم ؟

طبعا عشان تتعلمى يبقي المفروض متركزيش فى موضوع الجوربات دا وركزى فقط فى المعلومة اللى بتتلقيه

موضوع ان الانستراكتور مش قد كدا

انا اقولك يا هبة التعليم الجامعى او بعد الجامعى

مافيش حاجة اسمها شرح تفصيلي الدكتور بيقول جزء والطالب ليه جزء اكبر البحث والتعمق

ودى اتعلمتها من اولى كلية .

وبخصوص الجروب الخيبان دا سورى فى الكلمة يعنى

حاولى تشجعيهم وتصحي فيهم حماسهم وحثيهم على المنحة التعليمية دي واهميتها .

وحاولى تشركيهم معاكى واتقربي منهم وبالوقت هتتعودى عليهم وان شاء الله هيستجيبوا وهتبقي مبسوطة

وهتيجيى هنا وتقولى هيه مش زعلانه هبة مبسوطة :cry:

على فكرة هبة دا مش كلام انشي والله دا عن تجربه وناحجة والحمدلله

سلام يا دميل

شكرااااااااااا يا بدورة على التشجيع الجميل ده

بس و الله هو كله متشجع بس المشكلة انه فيه ناس داخلة المنحة ليس حبا فى البرمجة و لكن بسبب الفراغ او مجرد الرغبة فى فرصة عمل و راتب بدليل انى اعرف ناس كتير انسحبت اول شهر و ناس مترددة لغاية دلوقتى و ناس داخلة عشان تبقى مع اصحابهم

و على فكرة هو مفيش جروب خيبان و لا حاجة بس المشكلة انى لسة مكونتش جروب بعد التوزيع الجديد و حاسة الموضوع صعب لانه الشغل فى الكورس مش بيساعد لانه كل واحد قاعد قدام الكمبيوتر بتاعه و بيشتغل لوحده ويعمل الحاجات اللى بتطلبها الانستراكتور و اقولك بقى اظرف حاجة فى الموضوع

انى قاعدة جمب البنت اللى مش طيقانى دى حتى مش بتكلمنى....و البنت التانية اللى قاعدة جمبى بتقولى انتى جيبالى احباط لانك انتى فاهمه و انا مش فاهمه طب انا اعمل ايه انا اربع سنين بدرس برمجة و بذاكرها مع نفسى و لسة برضو فيه حاجات صعبه عليا

والله يا بدرية خوفى الكبير يحطونى فى جروب مع البنتين دول لعمل المشروع و الله حتبقى كارثة....ربنا يستررررر

تم تعديل 18 أبريل 2008 بواسطة ENG.Heba

[~Heba~]

يا هبه عندى اقتراح لك

انا فاهم كويس الظروف اللى بتشرحيها دى

لكن ليس الحل انك تحطى ايدك على خدك وتقولى مش عارفة اعمل تيم اكمل بيه للمشروع

لا حاولى وبجد من دلوقتى

انتى الليدر واعتبرى نفسك انستركتور وشدى بايد الناس اللى معاكى

واتعبى شوية واللي يجى منه يبقى هيكون معاكى فى التيم وتكملوا المشروع

واللى يتخاذل يبقى ملوش لازمة

جربى واذا لقيتى تجاوب كملى

بس

هاجرى انا بقى أروح بيبى كلاس تانى

انت ايه اللى رجعك تانى بعدما جريت...

طيب ماشى يا سيدى ... حرد عليك بس متبقاش تجرى تانى مرة.... الجرى للمتاعيس

شوف بقى يا تامر صلى على النبى عليه الصلاة و السلام

انامش ليدر و لا حاجة و انا و الله مش احسن من زمايلى فى المستوى و انا متأكده انه فيه ناس احسن منى

اهو انا كان نفسى ابقى مع الناس الكويسين دول على الاقل فى المشروع بس لانى نفسى اعمل مشروع كبير

بس محدش عارف يمكن على بال ما ييجى وقت المشروع يكون فيه ناس فعلا كويسين...ربنا يسهل

موضوع التأقلم دا بيكون صعب اوي بالفعل يا هبه....

.......بس فعلا لازم تحاولي تتأقلمي علي قد ما تقدري....عشان انتي عايزة توصلي... :cry: .......وعشان مش كل الظروف اللي هتقابليها دايما هتعجبك او هتريحك..........ووارد جدا تتحطي في ظروف اصعب من كدا.... :cry: ........يبقي الحل محاوله التأقلم....بقدر الامكان....عشان توصلي لهدفك ان شاء الله.......

.وفي نفس الوقت فعلا حاولي تثيري حماس اللي قدامك وتستغلي عندهم حبهم هم كمان انهم يحققوا هدفهم..........لأن زي ماقولتي الكل بيشتكي................... ....يعني الكل حابب اكيد انه يتعلم ويستفيد .........واكيد منهم اللي حاسس نفس احساسك................وربنا يوفقك يا هبه ان شاء الله وتحققي هدفك

اهو انتى اللى حاسة بيا و الله يا جالاكسى....شوفيلى حل بقى

ايه رأيك اعزم الكلاس على ايس كريم

المشكلة انه فى فترة الراحة ودى مدتها ساعة كله بيقعد مع زمايله القدام

[حسام يوسف]

السلام عليكم

المواقف الصعبة

هبة

من الله

يا هبة

لأنها خبرات وتجارب جديدة

حاولى تحطى الهدف قدامك

وتأكدى لنفسك انك هتوصلى هتوصلى باذن الله

خليكى زينا احنا بتوع البيع

TARGETTING