محتاجة نصيحة

[~Heba~]

اليوم جاءتنى زميلة فى الكورس فى كلاس تانى و قالت لى انها عايزانى ابدل معاها يعنى انا اروح الكلاس اللى هيا فيه و هى تيجى مكانى لان الكلاس بتاعها كلهم ناس متفوقين و المدرب سريع فى الشرح لانهم بيفهموا بسرعة و هى جالها عقدة منهم على حسب كلامها

الادارة رفضت و تعللوا ان الموضوع مش فى ايدهم لانه فيه مشرفين على الكورس من الوزارة

الموضوع اتحل من عند ربنا لكن المسؤلين عن الكورس مصممين يعقدوه مش عارفه هم همهم يعملوا كورس و السلام و الا همهم الدارسين يستفادوا منه و يطلع مبرمجين يشرفوا مصر؟؟؟؟؟؟؟

انا دلوقتى معايا رقم تليفون و ايميلات المسئول الاعلى من وزارة الاتصالات عن برنامج التدريب ده لكن اشك انه يقدر يعملنا حاجة :lol: ...الشكوى لله

[vipwithyou]

شفتى يا ستى الحمد لله جت من عند ربنا

عايزين المشروع بقى يطلع حاجة تضرب كدة

[~Heba~]

شفتى يا ستى الحمد لله جت من عند ربنا

عايزين المشروع بقى يطلع حاجة تضرب كدة

:unsure:

ايوة بقى اتريق براحتك و انت عارف انى على قدى خالص

و بعدين انا لسة محولتش....مش انا قلت ان ادارة المركز رافضة

[galaxy]

لسه شايفه الموضوع تاني والله النهارده يا هبه معلش بجد :lol: .......التأقلم دا مش مشكلتك لوحدك والله :sad: ......انا والله كمان يتأقلم بصعوبه اوي........ بس اتعلمت احاول و اشوف الجانب الحلو لحد ما اتأقلم او الحكايه تعدي علي خير.........طمنيني عنك عملتي ايه :cry: .............الادارة وافقت.............ايه الاخبار؟؟؟ ................... ربنا يوفقك وان شاء الله خير :cry1:

[~Heba~]

لسه شايفه الموضوع تاني والله النهارده يا هبه معلش بجد :lol: .......التأقلم دا مش مشكلتك لوحدك والله :cry: ......انا والله كمان يتأقلم بصعوبه اوي........ بس اتعلمت احاول و اشوف الجانب الحلو لحد ما اتأقلم او الحكايه تعدي علي خير.........طمنيني عنك عملتي ايه :cry: .............الادارة وافقت.............ايه الاخبار؟؟؟ ................... ربنا يوفقك وان شاء الله خير :cry1:

و لا يهمك و الله كفاية مرورك

و الله المركز معقدها بس انا اتأكدت فعلا ان الموضوع مش فى ايدهم..يبقى الوزارة اللى معقداها :sad:

سلمت امرى الله و فضلت مكانى :cry:

[galaxy]

معلش حتي لو كدا..........تعالي علي نفسك وحاولي توطدي العلاقه بينك وبين زمايلك.........علي الاقل لحد ما الكورس يعدي...........يعني اتكلمي معاهم زي ما قولتلك ........خدي ارقامهم وحاولي تصاحبيهم..........اكيد فيه منهم شخصيات كويسه بس انتي مش واخده بالك حابه برضه تنجح........حاولوا مرة كدا تخرجوا ولا تتمشوا سوا.......يمكن........ممكن كمان ساعتها تلاقيهم بيعانوا من نفس المشكله ..........ساعتها هتتفقوا تعملوا حاجه احسن وتتعاونوا..........ربنا هيسهلها ان شاء الله بس ما تتخليش عن هدفك يا هبه وربنا ينولهولك يارب..............تحياتي :lol:

[امانى]

هبه ان شاء الله هتكملى للنهاية . حطى الهدف امامك واعملى اللى عليكى وسيبى الباقى على ربنا

الانسان مسير وليس مخير وقليلا ما تجدى الانسان فى مكانه المناسب ومع ذلك بيحاول يتأقلم مع الظروف

المحيطة به الى ان يعتاد عليها . تقربى من زمايلك وحاولى معهم وشجعيهم وحاولى بقدر الامكان انك تألفيهم

ويا ستى فى حاجات كتيرة بستحملها غصب عننا علشان فى النهاية نوصل هدفنا . هقولك يا هوبه مثل بسيط

جدا فى حد بيحب الدواء ومع ذلك بنشربه بكيفنا علشان نخف طبعا مع الفارق بين المرض وموضوعك بس انا

حبيت اقلك انك تستحملى حتى تستفيدى اكبر قد ممكن وانا عارفة ان اهل الصعيد عندهم قوة وعزيمة زى الحديد

لا تفل وان شاء الله عن قريب نسمع عنك كل خير وانك وصلت لكل ما تمنيتيه امين يارب العالمين

امانى

[~Heba~]

تسلمين على ذوقك و ادبك الجم يا امانى ترى و الله انتى تذكرينى بأختى الكبيرة

انا بالفعل بدأت فى التأقلم و احس انى بقيت احب الانستراكتور بتاعتنا لانها اسلوبها حلو مقارنة بالاخرين حسب ما عرفت من زملائى دا غير انها بقت بتشجعنى وبتابعنى بعدما كانت بتتجاهلنى فى الاول wst::

ما اخشاه الان لما ييجى وقت عمل المشروع

والمشروع اهم شئ فى الكورس و مش عارفة ساعتها الجروب اللى حشتغل معاهم حيبقوا عاملين ازاى

الاسبوع اللى فات حصلت حاجة غريبة

لسبب ما اتغير الترتيب اللى بنقعد على اساسه فى الكلاس

انا فضلت مكانى لكن بعدما كان جمبى بنتين بقول ولدين

و انا كل شوية شوية اخطف نظرى لغاية شاشة زميلى و لقيته ما شاء الله بيعمل شغل هايل غير التانيين رغم انه لاول مرة بيدرس برمجة بس شكله دماغه برمجى اساسا

والله انا بقيت اتحسر على البنات :lol:

و انا من قبل البنت اللى كانت جمبى كانت بتقولى انتى عاملة لى احباط bv:-