الطب فى أستراليا

[دسوقي]

السلام عليكم

الاخ الفاضل د.زياد

لي 3 استفسارات

الطب في استراليا مستواه ايه؟؟؟ يعني هل هو متقدم ولا متقدم نسبيا بالنسبة للتخلف الطبي في مصر يعني هل شهاداته معترف بيها في امريكا مثلا ؟؟؟

السؤال التاني لو واحد متزوج وهيشتغل بالجزء الاول من المعادلة في الـarea of need مرتبه يكفيه ولا لأ باعتبار هو ومراته؟؟؟؟

السؤال الثالث لو واحد خد الجزء الاول فرصة الشغل في الـarea of need عالية وهيتقبل بسهولة ولا هيقعد يراسل ويترفض وكلام من ده ولا هو مجرد مايخلص ويعوز يسافر هيقبلوه؟؟؟؟

معلش احنا تقلنا عليك كتير لكن احنا مش بنقابل ناس محترمين زي حضرتك كتير

[بيتووو]

الاخ الحبيب د\زياد

اولا شكرا جزيلا على تعبك و على محبتك العميقة فى افادة اخوتك الاطباء فى مصر الرب يبارك فيك

لى استفسار ..

فى الاونة الاخيرة قيل ان الجزء الاول من المعادلة الاسترالى ( الاختبار النظرى ) لن يتم عملة فى مصر

اريد التاكد ان كان هذا الموضوع صحيحا ام لا و سيتم عملة فى استراليا فقط و فى الدول العربية ؟؟

فان كان لديك معلومات عن هذا الموضوع مشكورا ان ترسلها لى و خاصة اماكن الامتحان الجزء الاول

حيث انى لا اجد اى معلومات فى موقع المعادلة عن هذة النقطة ..

و شكا جزيلا لك .

ايميلى bito100@gmail.com

[DrLoRd]

الاخ الحبيب د\زياد

اولا شكرا جزيلا على تعبك و على محبتك العميقة فى افادة اخوتك الاطباء فى مصر الرب يبارك فيك

لى استفسار ..

فى الاونة الاخيرة قيل ان الجزء الاول من المعادلة الاسترالى ( الاختبار النظرى ) لن يتم عملة فى مصر

اريد التاكد ان كان هذا الموضوع صحيحا ام لا و سيتم عملة فى استراليا فقط و فى الدول العربية ؟؟

فان كان لديك معلومات عن هذا الموضوع مشكورا ان ترسلها لى و خاصة اماكن الامتحان الجزء الاول

حيث انى لا اجد اى معلومات فى موقع المعادلة عن هذة النقطة ..

و شكا جزيلا لك .

مراكز اتحان الجزء الأول موجودة في موقع الamc

http://amc.org.au/index.php/international-...inmenu-196.html

[khaledazab]

السلام عليكم

يا جماعة الكلام اللي بيتقال هنا عن الغاء امتحان الزمالة الاسترالية الجزء الاول في القاهرة خطير جدا

عايزين حد يقولنا الحقيقة ايه؟

ومين صاحب المعلومة دي؟

وايه مصدره؟

حرام بعد التعب وتجميع المعلومات والتعلق بالاحلام كل شئ ينتهي كده

يا تري حد عنده معلومات موثقة

شكرا

د. خالد عزب

يسعدني التواصل

[Balooshy]

اعتقد للأسف الكلام صحيح .. اقرب مركز حاليا هو لندن ..

الكلام من موقع الـ AMC .. من اماكن امتحانات عام 2009 دوروا على Offshore Venues وانتوا هتلاقوا الكلام ده فعلا .

[ziad]

طيب يا د/زياد .. هل في استراليا برامج التدريب كلها في المدن الكبيرة ولا في فرص في الأقاليم ... السؤال التاني لو الواحد وصل استراليا ان شاء الله يا رب واخد سنة تحت الملاحظة.. حيكون وضعو ايه اذا ما لاقاش برنامج تدريب بعدها هل ممكن اشتغل medical officer في المجال اللي هو عايزو و يدور على فرصة تدريب في السنة اللي بعديها؟

فرص التدريب معظمها فى المدن الكبيره والمستشفيات الكبيره خصوصا فى التخصصات الى فيها intervention زى الجراحات والتخدير وICU أو الرمد والأشعه لكن الباطنه حالها أفضل شويه

و بعدين عشان أريحك أنا لما قلت الشغل متوفر أكتر فى المناطق البعيده كان قصدى أول وظيفه,لكن بعد متكون مخلص ترخيصك ومعاك إقامه دايمه فرصك فى الشغل فى عواصم الولايات عاليه جدا

[ziad]

السلام عليكم

الاخ الفاضل د.زياد

لي 3 استفسارات

الطب في استراليا مستواه ايه؟؟؟ يعني هل هو متقدم ولا متقدم نسبيا بالنسبة للتخلف الطبي في مصر يعني هل شهاداته معترف بيها في امريكا مثلا ؟؟؟

السؤال التاني لو واحد متزوج وهيشتغل بالجزء الاول من المعادلة في الـarea of need مرتبه يكفيه ولا لأ باعتبار هو ومراته؟؟؟؟

السؤال الثالث لو واحد خد الجزء الاول فرصة الشغل في الـarea of need عالية وهيتقبل بسهولة ولا هيقعد يراسل ويترفض وكلام من ده ولا هو مجرد مايخلص ويعوز يسافر هيقبلوه؟؟؟؟

معلش احنا تقلنا عليك كتير لكن احنا مش بنقابل ناس محترمين زي حضرتك كتير

الطب فى أستراليا يضاهى أى طب فى أى مكان تانى وبالنسبه لحوار الشهادات معترف بيها فى أمريكا هيكون ردى أنك لو متخرج من كلية طب فى أنجلترا أو حتى فى أمريكا نفسها لازم تعمل إمتحانات المعادله بردو زىك زى المصريين والهنود والباكستانين والهولنديين والألمان والأستراليين

لو متزوج وعندك عيال المرتب هيكفيك لو عايز,يعنى أنا بقض كذا يبقى إيجارى كذا هصرف كذا هجيب عربيه كذا لكن لو فتحت منك ساعتها ولا مرتب consultant هينفعك

بالنسبه لفرص العمل فده رزق ومحدش يقدر يتبين الغيب,وطبيعى أنك هتقدم وتعمل كذا أنترفيو بالتلفون وهتترفض وهيتقلك أه بس كل ده بيفرق من شخص لشخص عشان لغته وقدرته على الرد على أسئله المقابله وشكل ال CV بتاعه هل هو شخص مناسب للوظيفه دى ولا لأ كده يعنى

[ziad]

الاخ الحبيب د\زياد

اولا شكرا جزيلا على تعبك و على محبتك العميقة فى افادة اخوتك الاطباء فى مصر الرب يبارك فيك

لى استفسار ..

فى الاونة الاخيرة قيل ان الجزء الاول من المعادلة الاسترالى ( الاختبار النظرى ) لن يتم عملة فى مصر

اريد التاكد ان كان هذا الموضوع صحيحا ام لا و سيتم عملة فى استراليا فقط و فى الدول العربية ؟؟

فان كان لديك معلومات عن هذا الموضوع مشكورا ان ترسلها لى و خاصة اماكن الامتحان الجزء الاول

حيث انى لا اجد اى معلومات فى موقع المعادلة عن هذة النقطة ..

و شكا جزيلا لك .

ايميلى bito100@gmail.com

ربنا يهدى ويبارك الجميع يا بيتوا

ظروف إلغاء الأمتحان فى منطقة الشرق الأوسط مرتبطة بظروف ال AMC على ما أعتقد لانهم غيرو الشركه الى بتنفذ الأمتحان خارج أستراليا والشركه الجديده ملهاش مكاتب فى منطقتنا غير فى فلسطين المحتله وتركيا,أعز أصدقائى داخل إمتحان نوفمبر كمان أسبوعين فى مومباى فى الهند وبعدها هيرجع مصر يستنى النتيجه لأن تركيا كانت أماكنها كلها أتحجزت وهو مش ناوى يروح تل أبيب أتوقع فى السنه الجديده الشركه ديه هتفتح على الأقل مركز أو أتنين فى منطقتنا

[YaserK]

السلام عليكم

يا جماعة الكلام اللي بيتقال هنا عن الغاء امتحان الزمالة الاسترالية الجزء الاول في القاهرة خطير جدا

عايزين حد يقولنا الحقيقة ايه؟

ومين صاحب المعلومة دي؟

وايه مصدره؟

حرام بعد التعب وتجميع المعلومات والتعلق بالاحلام كل شئ ينتهي كده

يا تري حد عنده معلومات موثقة

شكرا

د. خالد عزب

يسعدني التواصل

ابتداء من نوفمبر 2008 الجزء الأول من المعادلة مش هيتعمل في القاهرة ولا في أي دولة عربية تانية.. كان في مركزين في الرياض وأبوظبي لكن مصيرهم بقى زي القاهرة, ودي معلومة منشورة على موقع الـAMC من أكتر من شهرين..

وعلى فكرة مفيش أي امتحان في سنة 2009 كلها هيكون في القاهرة ولا في أي مركز من الاتنين التانيين.. أقرب مركز هيكون في اسطنبول وده عليه اقبال كبير جدا ومتقفل.. في كمان في أثينا وباريس وفرانكفورت ومدريد ولندن.. كمان في حوالي 5 مراكز في الهند وشويه في الصين وفي تايلاند وواحد في إسرائيل..

مش عارف أفسر الموضوع ده ازاي.. القاهرة وأبوظبي والرياض كان عليهم إقبال كبير جدا واتشالو من نوفمبر 2008 ولحد آخر 2009 على الأقل, وفي المقابل في مراكز كتير جديدة في أوروبا والهند.. هل تركيزهم دلوقتي هيكون على جنسيات معينة؟ هل الأطباء العرب مش مرغوب فيهم في أستراليا؟

في حد عنده تفسير؟؟؟

تم تعديل 28 أكتوبر 2008 بواسطة YaserK

[YaserK]

المراكز المتاحة منشورة كلها على اللنك ده

http://www.amc.org.au/images/FormsMcqExam/VenuesPV.pdf

[YaserK]

في حد عنده معلومات ايه فرص التدريب اللي لا تشترط General Registration أو إقامة دائمة في أستراليا؟

[khaledazab]

د. ياسر شكرا جدا علي التوضيح والرد

وان كان قاسي للغاية

الكثير منا كان مجهز نفسه علي امتحان في 2009

لكن قدر الله وما شاء فعل

الفرصة لازالات متاحة في الاعوام القادمة وان كان ممكن تظهر خطط جديدة للواحد

يا مسهل يارب

د. خالد عزب

[ziad]

في حد عنده معلومات ايه فرص التدريب اللي لا تشترط General Registration أو إقامة دائمة في أستراليا؟

كنت كتبت بوست عن الموضوع ده بس مش مشكله نعيد

كل التخصصات محتاجه general reg ماعدا باطنه وممارس عام و طوارئ بس غيروا القانون فى أول سبعه الماضى وبقى مفيش شغل من غير amc1 ,يعنى لو نجحت الجزء الأول وجبت وظيفة طبيب طوارئ أو باطنه أو ممارس عام كمل تدريبك

[دسوقي]

السلام عليكم

طيب يادكتورنا الكريم

ازاي الواحد اللي حصل علي amc1 يشتغل يعني هيراسل مين بالضبط وزارة ولا مستشفي ولا وكالات توظيف ؟؟؟

لو ممكن حضرتك تفيدنا ببعض التفاصيل خاصة ايه اللي يعلي اسهمك وايه اللي ينزلها

شكرا

[ziad]

دكتور دسوقى

بعد النجاح إن شاء الله ,بتخلص إمتحان اللغه IELTS أو OET وتقدم للمستشفيات على طول أو لشركات التوظيف وإن كنت أفضل أنك تتصل بنفسك لأسباب كتيره أقلها أنهم بيحسوا بأهتمامك وده أكيد بيزود فرصك

بالنسبه للأمور الى بتساعد

لغتك لو كويسه

أختيار المستشفى كل ما تكون أبعد عن العواصم كل ما فرص الشغل تزيد

لو مقدم على شغل فى الطوارئ طبعا فرصك بتزيد

لو فيه خبره فى دول غربيه

لو فيه شهادات

بس ده لايعنى إنك لو معكش أى حاجه من ده ملكش ,الرزق ملوش مقياس

[دسوقي]

السلام عليكم

طيب يادكتور بعض زمايلنا اللي اخدوا الجزء الاول بالامس شاورناهم فاجابوا ان معلوماتهم ان الشغل بالجزء الاول بس كلام نظري لان المستشفيات علي حد تعبيرهم عايزة اخصائيين تسيبهم يشيلوا الشغل مش مبتدئين لسه تعلمهم فايه راي حضرتك بالكلام ده ؟؟

وهل في تجارب كتير قدام حضرتك اشتغلوا يعني ؟؟؟؟

[student]

عزيزي د زياد

والله انا عاوز اشكرك على الجهود التي بتقدمها

لنا عندي سؤالين الاول هل يا ترى لسه معرفتش اي حاجة عن اطباء الاسنان

والتاني يا ريت تحكيلنا عن المعوقات او المشاكل اللي ممكن تكون واجهتك في البداية او دلوقتي لو مفيهاش رزالة مني عشان تبقى الصورة متكاملة من الخير والشر اللي موجود في استراليا

وشكرا ليك مرة تانية

[ziad]

السلام عليكم

طيب يادكتور بعض زمايلنا اللي اخدوا الجزء الاول بالامس شاورناهم فاجابوا ان معلوماتهم ان الشغل بالجزء الاول بس كلام نظري لان المستشفيات علي حد تعبيرهم عايزة اخصائيين تسيبهم يشيلوا الشغل مش مبتدئين لسه تعلمهم فايه راي حضرتك بالكلام ده ؟؟

وهل في تجارب كتير قدام حضرتك اشتغلوا يعني ؟؟؟؟

سيبك من الكلام ده يا دكتور,الفرص موجوده بس طريقة الأختيار هى الى بتفرق

[ziad]

عزيزي د زياد

والله انا عاوز اشكرك على الجهود التي بتقدمها

لنا عندي سؤالين الاول هل يا ترى لسه معرفتش اي حاجة عن اطباء الاسنان

والتاني يا ريت تحكيلنا عن المعوقات او المشاكل اللي ممكن تكون واجهتك في البداية او دلوقتي لو مفيهاش رزالة مني عشان تبقى الصورة متكاملة من الخير والشر اللي موجود في استراليا

وشكرا ليك مرة تانية

http://www.dentalcouncil.net.au/

الموقع ده فيه كل المعلومات المطلوبه عن الأسنان لكن أنا مقدرش أتكلم عن الأسنان

[DrLoRd]

السلام عليكم

طيب يادكتور بعض زمايلنا اللي اخدوا الجزء الاول بالامس شاورناهم فاجابوا ان معلوماتهم ان الشغل بالجزء الاول بس كلام نظري لان المستشفيات علي حد تعبيرهم عايزة اخصائيين تسيبهم يشيلوا الشغل مش مبتدئين لسه تعلمهم فايه راي حضرتك بالكلام ده ؟؟

وهل في تجارب كتير قدام حضرتك اشتغلوا يعني ؟؟؟؟

سيبك من الكلام ده يا دكتور,الفرص موجوده بس طريقة الأختيار هى الى بتفرق

طيب يا دكتور زياد من فين ممكن اتحصل على مواقع وكالات التوظيف دي ؟