هل الابناء ملكية خاصة للآباء .!!!

[badroora]

لا احد منا يستطيع ان ينكر فضل الاباء علينا ولا ينكر تعبهم لتوفير الاحتياجات الازمة للماكل والملبس والرعاية والتعليم ......الخ

ولكن هذا يعتبر دور الاب والام الذي كلفهم به الله تجاه ابنائهم .

وفى المقابل وصانا الله سبحانه وتعالى ببر الوالدين وطاعتهم فيما عدا المعصيات التى تغضب الله سبحانه وتعالى .

ولكن هل يتعبر الابناء ملكية خاصة للاباء .

هل يحق للاب ان يفرض رائية على ابنائه بحجة انه ولى امرهم وانهم لابد ان ينفذوا كلامه حتى ولو مش مقتنعين به .

هل يحقق للاب ان ينزع ملكيته لابنه فى حين انه خالف امرة (روح لا انت ابنى ولا انا اعرفك )

هل يحق للاب ان يختار لابنته بمن تتزوج نظرا لانه يعى اكثر منها .؟

هل يحق لاب ان يزوج ابنته صغيرة السن خوفا علييها من العنوسة وتاخر سن الزواج وينفرد بأخذ القرار بمفرده؟

هل يحق للاب ان يختار طريق ابنائه ونوع التعليم بغض النظر عن ميلهم نظرا لانه ملكته الخاصة ونفسه يشوف ابنه او بنته

زى ما هو عاوز مش زى ما هما عايزين .

انا ارى من وجهة نظرى ان الام والاب دورهم الرعاية والنصح والارشاء دون فرض ارائهم وتحكمهم فى مصي ابنائهم .

وعلى الابناء عن يناقشوا ويستمعوا جيدا وينفذوا ما يرونه صح من وجهة نظرهم وليس نظر ابائهم .

تم تعديل 17 أبريل 2008 بواسطة Badria Mekkawy

[kokomen]

الأخت العزيزة : بدرية هانم

موضوع حساس جدا للآباء والأمهات .. بعد ما تعبوا وربوا وهشكوا ودلعوا وصرفوا وطلعوا flrt:

وسهروا الليالي علشان العيال بيعيطوا ... لا الأم عارفه تتهنى بالنوم ولا الأب عارف ينام علشان يروح الشغل بدري

وتمر سنوات التعليم من ال KG حتى الجامعة مرورا بالثانوية العامة اللي تنشف الريق .. يجي الأولاد بعد كل ده ويرفضوا

كل رغبات الآباء والأمهات .. ويضربوا بكلامهم عرض الحائط ... والله ده يبقى ظلم للأم والأب ومش عايزين يسمعوا آراء الأهل

أنا معاكي مفيش شئ بالإكراه خصوصا في التعليم والزواج ... ولكن هل دائما نظرة الأهل خاطئه ..؟؟ لا أتصور ذلك ونحن كآباء

لدينا تجارب مريرة مع أبنائنا وبناتنا تجديهم بينشفوا دماغهم حتى في الغلط .. ولا ينظروا الي عامل الخبرة عند الأهل .. يعني

يخالفك الرأي وخلاص من باب المعارضة زي الأحزاب i*: ... لكن بالطبع إذا كان رأي الآبناء صواب فلا مانع من الأخذ برأيهم

وإعطائهم إستقلالية بس تكون محدودة حتى لا تكون العواقب غير محموده في بعض المواقف ... ولي عودة في ضرب أمثلة

لأن الماوس " الفأرة " فيها مشكلة البطء وكل شوية تتوقف ومش قادر أكتب منها wst::

تقبلي خالص تحياتي

تم تعديل 17 أبريل 2008 بواسطة kokomen

[badroora]

استاذي ومُعلمى الجنرال منجار ابو احمد الاسكندرانى .

اولا احب ان ارحب بك لعودتك مرة اخرى الى منصة الحوار والنقاش ,افتقدت الحوار معك من مدة كبيرة جدا والحمدلله

اليوم عُدت الى المنصة واليك البؤين دول من باب الترحيب يعنى .

"قم للمعلم ووفه التبجيلا كاد المعلم ان يكون رسولا " i*:

موضوع حساس جدا للآباء والأمهات .. بعد ما تعبوا وربوا وهشكوا ودلعوا وصرفوا وطلعوا

وسهروا الليالي علشان العيال بيعيطوا ... لا الأم عارفه تتهنى بالنوم ولا الأب عارف ينام علشان يروح الشغل بدري

وتمر سنوات التعليم من ال KG حتى الجامعة مرورا بالثانوية العامة اللي تنشف الريق .. يجي الأولاد بعد كل ده ويرفضوا

كل رغبات الآباء والأمهات .. ويضربوا بكلامهم عرض الحائط ... والله ده يبقى ظلم للأم والأب ومش عايزين يسمعوا آراء الأهل

دا دور الاباء كلفهم به رب العباد . ودا لا يعطى ابدا للاباء صلاحية التحكم والامتلاك وكل شوية بقي تزلونا ربناكم واكلناكم وشربناكم flrt: اتذكر

مرة ابويا زعلنى زعل جامد وانا فى اولى اعدادى روحت جايبة ورقة وقلم وحسبت كدا بالتقريب هو صرف على كام قولتله دا اللى ليك

عندي بعد ما اشتغل هديهوملك ونبقي خالصين .ويا ريت بقي دلوقتى تودينى ملجأ يكملوا تربيتى ولحد ماخلص عشان مش عوزاك تصرف

على . والله العظيم ابويا حضنى وقعد يبكي وامى تبكي وانا بقي عرفت ايه اللى بيوجع :happy: كل ماعوز حاجة ومتعجبهومش اقول اروح

ملجأ احسن ابويا خاف على نفسيتى وبقي يلبي كل اللى باطلبة . بس انا بردوا جدعة معاه وبراه هو وامى

يعنى تقدر تقول فلوسة مرحتش هدر :ninja:

..

ولكن هل دائما نظرة الأهل خاطئه ..؟؟

لاء طبعا ما حدش يقدر يقول كدا ........ولكن .

النقاش والحوار والهدوء هيجيب نتيجة كويسة

اما طريقة انا ابوك وعارف مصلحتك و.........الخ لن اتفق معها

يعنى اعرض رايك كأب وناقشة كصديق بكل حرية وديمقراطية .

سعدت بوجودك يا ابو احمد والف الف لا بأس على الفارة بتاعتك كمبيوتر معالى حضرتك wst::

تم تعديل 17 أبريل 2008 بواسطة Badria Mekkawy

[إيزيس]

هل الابناء ملكية خاصة للآباء

لأ إيجار

صدقوني مش هزار

حلوة!!

دول وديعة

أمانة نراعيها و نحفظها و نصونها

[badroora]

هل الابناء ملكية خاصة للآباء

لأ إيجار

صدقوني مش هزار

حلوة!!

دول وديعة

أمانة نراعيها و نحفظها و نصونها

برافوا قرنفله كلامك جميل واحسن تعبير سمعته بصراحة

باركك الرب وساعدك على تقضية امانتك على اكمل وجهه ويحفظهملك المولى flrt:

[إيزيس]

دعوتك حلوة يا بدرية

يارب يسعدك و يرضيكي و نشوف ولادك و انتي بتقرصيهم و تسفخيهم بالأقلام يارب

بجد و جديد

دعيت لك دعوتين يارب يقبلهم مني

[galaxy]

انا معاكي يا بدور والله.............ومع قرنفلة حياتي.............طبعا مش ملكيه خاصه..............لكن بالفعل هي وديعه............بس دا برضها لا يمنع ان بجد مش حاجه حلوة ان ماتلاقيش حد يقولك نعم او لأ..........وصدقيني اصحاب كتير ليا...........بيشتكوا من ان لو اختاروا حاجه بنفسهم مفيش حد هيقولهم لأ.........وبيتمنوا لو يوم حد كان قالهم لأ......وبسبب كدا شوفت قدامي مواقف يا اما ظلموا نفسم او اساءوا لغيرهم.........

اقصد هنا طبعا ان حريه الاختيار ما ينفعش تكون متروكه بدون تنظيم...........يعني رأيهم مطلوب..........وعليه طبعا رغبتنا الشخصيه......لازم تكون ف الاعتبار :D

عشان كدا الحوار ضرورة ..........لان غياب لغه الحوار بيحسس الطرفين ان الفجوة واسعه اوي........................وبالتالي لو مفيش حوار مفيش اي طرف هيقتنع بكلام ورأي الاخر. :rolleyes:

لكن الامر ما يمنعش يا بدورة انهم بالفعل ذوي خبرة اكبر..............والاخد بل والعمل برأيهم واجب..............وخصوصا في القرارت المصيريه................لان المصيريه دي .......مفيهاش مجال للتجربه .........الا ما رحم ربي............... :D

يعني مثلا انا مش شايفه ان عيب ان اهلي يمنعوني عن شيئ انا عايزاه ........طالما شايفين فيه ضرر محقق ....ممكن انا مكونش شايفاه بتجربتي المحدوده..............صحيح بيبقي صعب طبعا..................بس زي ما قولتلك في حاجات التجارب فيها بتكون مريرة

وهما اشفق بيكي من ان تمري بيها..............وبرضه مش هتاخدي غير نصيبك.......بس برضه مهم قوي الاسباب....................

التعليم والزواج...........بالفعل من القرارات المصيريه............ووالدي ربنا يخليه لينا ويمتعنا بدعائه............دايما يقول .............انه عمره ما يحاول يفرض رأيه وخصوصا في حاجتين............التعليم والزواج.............لكن دا طبعا ما يمنعش من النصيحه ولا من اخدنا بيها..... kis)-

باختصار انا مع رأيك ورأي قرنفلة مع وجوب الحوار ...........البناء.........الغير متحيز :lol:

[إيزيس]

موضوعك يا بدرية فكرني بحكاية

شوفي يا بدورة

كان معانا هنا في الإمارات مدرسة آنسة صغيرة و مهذبة و هادية و أمورة

كانت عايشة في سكن المدرسات و كانت معظم الوقت تعبانة نفسيا من الغربة و بعدها عن أهلها

وكل ما تحب ترجع يقولوها خليكي رغم حالتهم المادية كويسة

قلت لها ما تضغطيش على نفسك حابة تستقيلي توكلي على الله و عيشي حياتك زي ما تحبي

استقالت

تخيلوا زعلوا منها أهلها لأن أخوها حابب يعمل مشروع و لازم تجيب له فلوس تخيلوا

رجعت البنت بكل انكسار سحبت الاستقالة وأنا كرهت أهلها جدا

و في نهاية العام تمت حالة استغناء كبيرة و توطين في المادة اللي كانت تدرسها

وكانت هي من ضمن المنهي عقودهم

شوفوا حكمة ربنا

الأهل اللي زي دول فعلا بيبيعوا و يشتروا في أولادهم بصرف النظر عن رغبات الأولاد و مشاعرهم

لكن احنا الحمد لله

ولادنا هم اللي بيبيعوا و يشتروا فينا

الويك إند اللي بنستناه من أول يوم الأحد

وديني يا بابا

اشتري لي يا ماما

اتفسح........ألعب ......أشتري

يا عيني علينا

تم تعديل 19 أبريل 2008 بواسطة قرنفلة

[vipwithyou]

يا جماعة اقدر اقولكم فعلا ان دة موجود

امتلاك الآباء للأبناء

للأسف لا يعتبر الكثير مثلما تقولين يا قرنفله ان الابناء دول وديعة نربيهم ونرعاهم لغاية لما عظمهم ينشف ويواجهوا الحياة

لا الكثير فعلا بيعتبر ان الابناء دول مالهمش ياخدوا قرارات لوحدهم

ولا من حقهم كدة ولا من حقهم المعارضة

انا ما بأقولك عدم الطاعة للآباء لكن

الآباء حقهم الطاعة لكن اين حق الأبناء ؟

[nash]

هارجع ارد بجد..الموضوع مهم.....

بس قصتك يا قرنفله قهرتني بجد....ويمكن سبب رئيسي أني ما اردش دلوقتي..

[galaxy]

النموذج دا موجودة كتير هنا للاسف.....اعرف منهم نموذج......البنت تسافر تشتغل ..................وتبعت عشان اخواتها الصبيان يتجوزا................وهي في الغربه بتضيع في عمرها............

......بس برضه في الناس اللي بتنسي نفسها لحد لما الزمن يسرقها......................وترجع تقول ياريت اللي جري ما كان.......

تم تعديل 20 أبريل 2008 بواسطة galaxy

[badroora]

شيكولا جرنفوله منورين الموضوع

تامر منور مالك مُقل الدخول ليه والمشاركات الكيرف بتاعك قل يا تامر

نرجع للموضع

لى صديقة مامتها كانت غريبة جدا جدا مكنتش تخليها تخرج معانا ولو خرجت معانا كل شوية تتصل بها وكانت غير عليها جدا مننا .

وكانت ممتلكة بنتها امتلاك مبالغ فيه عشان نخرج ولا نطلع رحلة يبقي لازم نتحايل على مامتها لما رقنا ينشف

فى الشغل كل شوية تتصل بها

لو فى يوم كنا شالغين بالليل وحبينا نفطر الصبح فى اى حته يا الله يبقي يوم مش فايت

المهم صحبتى بقي استحملت استحملت لحد ما الاجازة اللى فاتت لما نزلت وقابلتها قعدت معاها ساعتين ومافيش اى اتصال من مامتها قولتلها غريبة يعنى ماما متصلتش ليه

قالتلى خلاص قلبت عليها ومبقتش ليها علاقة بي اخرج ادخل ملهاش دعوة

طبعا حزنت جدا لانى مكنتش احب ان العلاقة بينهم توصل لكدا ولكن الشيء لما بيزيد عن الحد بينقلب ضد md2:

[~Heba~]

دعوتك حلوة يا بدرية

يارب يسعدك و يرضيكي و نشوف ولادك و انتي بتقرصيهم و تسفخيهم بالأقلام يارب

بجد و جديد

دعيت لك دعوتين يارب يقبلهم مني

و انا و انا و انا يا ابلة جرنفولة

بس اوعدك انى حربيهم كويس و حقرأ من دلوقتى فى كتب علم النفس عشان اعرف ازاى اربى اولادى

[badroora]

و انا و انا و انا يا ابلة جرنفولة

بس اوعدك انى حربيهم كويس و حقرأ من دلوقتى فى كتب علم النفس عشان اعرف ازاى اربى اولادى

ايه دا يا هبة معقول الكلام اللى بتقوليه دا

بجد والله مش مصدقة بقي واحدة زيك وفى ثقافتك لسه هتقرى فى علم النفس عشان تربي ولادك

معقولة فى الالفية التالته ولسا بنفكر كدا زى ماما وبابا القدام

لا يا هبة فى عصرنا هذا وفى ظل التطور والتقدم تحت مظلة السيدة سوزان مبارك

مافيش داعى تتعبي نفسك فى تربية اولادك

هناك مدارس خاصة ومجانية هتديهم ابنك رضيع هيسلمهولك بعد 18 سنه راجل معاه صنعة تنفعه وتفنع بلده ........ وساعتها هتفتخرى به وتقولى .......انا خلفت بصحيح

مدارس الDiscriminations school

النموذجية بنين وهناك قسم بنات منعا لانخلاط شايفة التقدم والتدين

تم تعديل 18 أبريل 2008 بواسطة Badria Mekkawy

[إيزيس]

يارب يسعدك و يرضيكي يا هبة و نشوف ولادك و انتي بتخوفيهم بدبانة مايو يارب

ربنا يسعدك و يوفقك و ينجحك يا هبة يا قمر

[kazabaza]

أنا مع رأي قرنفله

بس الموضوع اثار عندي سؤال تاني بعد اذن الاخت بدريه كاتبة الموضوع

و هو ماهي الطريقه المثلى لتربيه الأبناء؟

في اسر مثلا بتمشي علي نموزج الاب البعبع و الام الحنينه

يعني الام بتخوف الابناء بالاب و يبقي هو سلطة العقاب الي في البيت و بس علشان مقلش لبابا و النظام ده

بس مشاكل الاسلوب ده

اولا ان الابناء ديما هيكون في بنهم و بين الاب حاجز او خوف

ثانيا في حالة فقد الاب لاقدر الله الابناء بيفقدو سلطة الردع

انا شخصيا ارفض هذا الاسلوب في التربيه.

اعتقد ان من حق أبنائنا علينا ان احنا نتعلملهم ازاي نربيهم بأفضل طريقه ممكنه

لكن ماهي هذه الطريقه؟

[badroora]

اهلا بالاخ كاذاباظا

انا لست ام ولكنى امتلك خبرة لا بأس بها فى كيفية تربية الابناء او الطريقة الصحيحة لتربية الابناء

اولا قبل كل شيء نحن نعلم ان الوسطية والاعتدال فى كل شيء هو المطلوب

لان الشدة ستولد شخص ضعيف ليس لدية قدرة على الاعتماد على نفسه فى المستقبل

والتدليل سيولد شخص مدلل مستهتر لا يعرف معنى الحياة

المثال اللى حضرتك ذكرته ان الام بتخيف ابنائها بابوهم دا دليل على ضعف الام وعلى وجود فجوة كبيرة بينها وبين ابنائها .

غير قادرة على اقناعهم بفعل الصواب .

التربية الصحيحة من وجهة نظرى او التى سوف اربي عليها اولادى فى المستقبل ان شاء الله لو اراد الرب .

هى حرية التعبير والتوجيه بلا تشدد

واعتقد ان الطفل الذي ينشأ بين ابوين متفاهمين يحترمون بعضهم البعض يسمعون لاراء بعض

سيصبح طفل قوي عنده ثقة بنفسه مكتسبة من الاستقرار الاسري الذي ينعم به .

والتعايش بين ابوين ديمقراطيين فاذن مش هنتعب فى توجيه اابنائنا ولا داعى اعطاء اوامر

بس هذا لا يمنع ان يكون فى نوع من الشدة احيانا وعقاب ايضا ولكن ميكنش هو السائد فى طريقة نشأءة الاطفال .

دا راى بدون خبرة واقعية فاتمنى ان اسمع راى اخر من شخص ذو خبرة واقعية

بدرية

[Toronto]

اهلا بالاخ كاذاباظا

انا لست ام ولكنى امتلك خبرة لا بأس بها فى كيفية تربية الابناء او الطريقة الصحيحة لتربية الابناء

:lol:

[/quo

يعني بالظبط زي ايلي عنده عريبة بس مابيعرفش يسوقها تبقي ايه الفايدة ولا هو كله كلام.

[badroora]

يعني بالظبط زي ايلي عنده عريبة بس مابيعرفش يسوقها تبقي ايه الفايدة ولا هو كله كلام.

لاااااااا مين قال انه كله كلام شوف يا اخ تورنتو هتضطرنى ان اخرج عن الموضوع الاصلي قليلا ..فمعذرة للجميع .

فى مهنتى (كممرضة) جعلتنى ام بلا اولاد , بكل معانيها ....... شوف طبيعة الدراسة عندنا بتعلمك ازاى تكون متعايش فى الشيء نفسه عشان عند اعطاء

النصيحة تكون مقنعه .

يعنى مثلا الرعاية الصحية للحامل

فى مهنتى تعلمت وتدربت على شرح تفصيلي للحامل عن التغيرات الفسيلوجية والاعراض المصاحبة لكل مرحلة والاحاسيس اللى هتحسها

بدون ما اكون انا نفسي جربت دا ....... هتقولى وانت ايش عرفك انك وصلتى صح هاقوولك من الفيد باك بتاع الحوامل اللى بنتعامل معاعهم

الرضاعة

بنشرح ليهم كيفيه الرضاعة الصحيحة والميكانيزم ... واحنا مش عندنا اولاد ولا عمرنا رضعنا .........

تربية الاولاد

بنعلم الامهات كيفية العناية بالطفل وتربيته ورعايته رعاية صحيحة وبنعرفها السمات الشخصية لكل مرحلة وزاى تتعامل معاها

وايه المشاكل اللى هتواجهها وازاى تتصرف فيها ....... وانا لا ام ولا عمرى ربيت طفل

رعاية المراهق وكيفية التعامل معاه والتغيرات النفسية الفيسيلوجية وتعليم االابوين كيفية التعامل مع ابنائهم .... شوف احنا اللى معندناش عيال وحتى لو في

مننا عنده عيال اكيد مش هيكون فى سن مراهقة

ومع ذلك الامهات والاباء بيسمعوا لنا وبنعلمهم كيفية التعامل مع اولادهم

الوفيات

معندناش مادة حنوتى بندرسها

ولكن تعلمنا ازاى نكون حنوتيين

ازاى نغسل الموتى بالطريق الصحيحة بالطريقة الشرعية والاسلامية ......

ايه كمان

كبار السن

ازاى بنكلمهم وننصحهم وبيسمعوا كلامنا

على الرغم انهم اكبر مننا سنا وخبرة

اللى عاوزة اقولة وعشان اكون صريحة

اكيد الخبرة اللى عند ابويين هتفرق كتير عن خبرتى اللى اكتسبتها بالعلم والقراية والممارسة

ولكن انا استطيع ان اقول وبكل ثقة ان مهنتى جعلتنى

ام بلا اولاد

حامل بلا حمل

مرضعة بلا رضاعة

مسنه وانا شابة :lol:

حنوتية وانا باترعب من خيالى

واى ادور من الادوار اللى ذكرتها بنتقمسها وبنأديها بجدارة والناس بيصدقونا وبيقتنعوا لاننا متدربين كويس على توصيل المعلومة بصدق وكاننا عشنا التجربة

فى ارض الواقع

سورى للخروج عن الموضوع

بس حبيت اوضح لحضرتك انه مش مجرد كلام بينقال وخلاص مليء صفح او تسديد خانات ...

تحياتى :lol:

[Toronto]

يعني بالظبط زي ايلي عنده عريبة بس مابيعرفش يسوقها تبقي ايه الفايدة ولا هو كله كلام.

لاااااااا مين قال انه كله كلام شوف يا اخ تورنتو هتضطرنى ان اخرج عن الموضوع الاصلي قليلا ..فمعذرة للجميع .

فى مهنتى (كممرضة) جعلتنى ام بلا اولاد , بكل معانيها ....... شوف طبيعة الدراسة عندنا بتعلمك ازاى تكون متعايش فى الشيء نفسه عشان عند اعطاء

النصيحة تكون مقنعه .

يعنى مثلا الرعاية الصحية للحامل

فى مهنتى تعلمت وتدربت على شرح تفصيلي للحامل عن التغيرات الفسيلوجية والاعراض المصاحبة لكل مرحلة والاحاسيس اللى هتحسها

بدون ما اكون انا نفسي جربت دا ....... هتقولى وانت ايش عرفك انك وصلتى صح هاقوولك من الفيد باك بتاع الحوامل اللى بنتعامل معاعهم

الرضاعة

بنشرح ليهم كيفيه الرضاعة الصحيحة والميكانيزم ... واحنا مش عندنا اولاد ولا عمرنا رضعنا .........

تربية الاولاد

بنعلم الامهات كيفية العناية بالطفل وتربيته ورعايته رعاية صحيحة وبنعرفها السمات الشخصية لكل مرحلة وزاى تتعامل معاها

وايه المشاكل اللى هتواجهها وازاى تتصرف فيها ....... وانا لا ام ولا عمرى ربيت طفل

رعاية المراهق وكيفية التعامل معاه والتغيرات النفسية الفيسيلوجية وتعليم االابوين كيفية التعامل مع ابنائهم .... شوف احنا اللى معندناش عيال وحتى لو في

مننا عنده عيال اكيد مش هيكون فى سن مراهقة

ومع ذلك الامهات والاباء بيسمعوا لنا وبنعلمهم كيفية التعامل مع اولادهم

الوفيات

معندناش مادة حنوتى بندرسها

ولكن تعلمنا ازاى نكون حنوتيين

ازاى نغسل الموتى بالطريق الصحيحة بالطريقة الشرعية والاسلامية ......

ايه كمان

كبار السن

ازاى بنكلمهم وننصحهم وبيسمعوا كلامنا

على الرغم انهم اكبر مننا سنا وخبرة

اللى عاوزة اقولة وعشان اكون صريحة

اكيد الخبرة اللى عند ابويين هتفرق كتير عن خبرتى اللى اكتسبتها بالعلم والقراية والممارسة

ولكن انا استطيع ان اقول وبكل ثقة ان مهنتى جعلتنى

ام بلا اولاد

حامل بلا حمل

مرضعة بلا رضاعة

مسنه وانا شابة :lol:

حنوتية وانا باترعب من خيالى

واى ادور من الادوار اللى ذكرتها بنتقمسها وبنأديها بجدارة والناس بيصدقونا وبيقتنعوا لاننا متدربين كويس على توصيل المعلومة بصدق وكاننا عشنا التجربة

فى ارض الواقع

سورى للخروج عن الموضوع

بس حبيت اوضح لحضرتك انه مش مجرد كلام بينقال وخلاص مليء صفح او تسديد خانات ...

تحياتى :lol:

عفوا انا نسيت خالص انك ممرضة,و انا مؤمن جدا ان الممارسة في اي عمل هي افضل طريقة للتفوق.وان شاءالله لما تبقي حامل و تولدى YOU WILL HAVE MORE EXPERINCE AS A REGULAR MOTHER :lol: