هل الابناء ملكية خاصة للآباء .!!!

[badroora]

شكرا يا تورونتو عقبال كدا لما نشوف عيالك الحلوين اونتيريوا والبرتا وتفرح بيهم وتجوزهم يا رب . :lol: :lol:

تم تعديل 22 أبريل 2008 بواسطة Badria Mekkawy

[Toronto]

شكرا يا تورونتو عقبال كدا لما نشوف عيالك الحلوين اونتيريوا والبرتا وتفرح بيهم وتجوزهم يا رب . :P :)

wst:: md2: md2:

[madzoro]

انا لست ام ولكنى امتلك خبرة لا بأس بها فى كيفية تربية الابناء او الطريقة الصحيحة لتربية الابناء

اكيد وظيفتك لها دور كبير واحساسي كمان ان دور والديكي في تربيتك لي دور كبير في الخبرة دي والا انا غلطان

يعني انا مثلا عمري ما انسى فضل والدتي الله يرحمها و يسكنها فسيح جناته و يجعل قبرها روضة من رياض الجنة .... قولو امين

عليا و خصوصا في تشكيل شخصيتي وطريقة تفكيري وسلوكي من الناس واللي بحاول اطبقوا مع ابني بس يكبر شوية (دانا عذبه :happy: :happy: )

بصراحة تعبت في تربيتي دانا نفسي الزمن يرجع بيا عشان اعيش خادم تحت رجليها وخصوصا الفترة بتاعت الكلية عشان كنت عايش فيها تقريبا لوحدي في مصر واهلي كانو في السعودية ..... وهي توفت وانا في البكالوريوس وطبعا مكانش ينفع اسافر عشان موضوع الجيش .... نرجع لموضعنا

شوفو بقى واحد عايش في مصر في شقة لواحده وعازب في سن المراهقة :lol: :lol: :closedeyes:

بس محصلش كان كل مافكر في الغلط افتكر والدتي وهي بتوصيني الوصايا العشرة و والدي وهو بيقولي انا عايز افتخر بيك والناس تقول اني عرفت اربي

مع ان كانت المغريات كتييييييييييييييييييييييير بس فضل ربنا كبير و الحمدلله

وبحمد ربنا على زوجتي و اللي بحس ان ربنا كرمني بيها عشان خاطر امي الله يرحمها

دانا فاكر اني كنت معجب بفتايات الجامعة ده طبعا بحكم اني ما كنتش بشوف بنات في السعودية اطلاقا .... اعجاب عفيف جدا و ربنا يعلم

المهم كان طبيعي جدا في الكلية الصداقات بين الشباب و الفتيات (الارتباط اللي فرحانين بيه ) بس كنت دايما افتكر كلام اهلي وهما بيقولو ( بنات الناس مش لعبة)

انت تعلم الغيب ترتبط بواحدة وتوعدها بالجواز وانك مش هاتقدر تعيش من غيرها والكلام الجميل ده ..... طب افرض ماحصلش مش يبقى حرام عليك

طبعا و ابعد عن اصحاب السوء و انت راجل و و و و و و و و و ................... الوصايا

الغريب انهم عمرهم ما كانو بيطقسو عليا ولا يحبو يسمعوا لحد بيكلم عليا .... بيحبوا يسمعوا مني .... وعودوني اني اعترف بالغلط واحاول اصلحو

مثلا في سنة من سنين الكلية رسبت فيها وكانت تاني سنة ليا في مصر لواحدي .... فاتصل بيا والدي وقالي عملت ايه يابني بشرني فا قولتلوا ماحصلش نصيب

قال (ليييييييييييييييييه)بصوت حزين مزقني بصراحة و بهدوء قالي ازاي حصل الكلام دة في حاجة نقصاك و و و و .... قلتلو بصراحة انا استهترت وكنت فاكر اني باقل القليل هانجح واتغريت بنفسي ...... وانا اسف و ان شاء الله مش هاتتكرر .... قالي وانا مصدق وخلاص متضايقش نفسك وانسى هي سنة من عمرك بس ربنا يعوضك .... وانت قد المسئولية وكده .... وفعلا الحمدلله ربنا كرمني وعاديت الباقي في سلام

الغرض من القصة هو ان النقاش بين الاهل و الابناء ضروري ولازم الاهل يفتحوا قلبهم و يسمعوا لابنائهم و الله اعلم

اسف على الاطالة

ربنا يوفكم في تربية ابنائكم تربية صحيحة

تحياتي

[badroora]

الاخ العزيز مد زور .......... :sad:

كلامك جميل جدا وربنا يرحم والدتك ويجعل مسواها الجنه امين يا رب العالمين .

وميرسي ع الدعوة الجميلة وان شاء الله انت كمان ربنا يوعدك بالذرية الصالحة وتربيهم كما ربتك والدتك رحمها الله

شكرا على مشاركتك الرائعة

تحياتى

[هشام عباس]

معلش يا بدريه

بس انا عاوز اقولك حاجه وبتكلم بجد

هو انتي فاكره ان الأهل هم الي بيمتلكوا ولادهم ;)

لألألألألألألألألألألألأ دلوقتي الولاد هم الي بيمتلكوا اهلهم وده عن خبره رباعيه

اصلي عقبال عندك عندي 4 عفاريت مطلعين عيني

اولا

منقدرش انا ومامتهم نروح اي مكان نفسنا فيه

لأن كل مكان لازم يكون فيه جزء مخصص لألعاب الأطفال

ثانيا

منقدرش ناكل حاجه عاوزينها

لأنهم طبعا هم الي بيختاروا الأكل والا مش هياكلوا

ثالثا

لازم النور والتليفزيون نطفيهم بدري وندخل غرفتنا ونقفل الباب بدري

علشان حضراتهم يرضوا يناموا والا هيفضلوا يقرفوا فينا طول الليل

حتى المزاكره لازم نعد مع بعض علشان نعمل الجدول الي يوافق مواعيد سبيس تون :sad:

والله انا بتكلم بجد ومش ببالغ

وبعدين حكاية ان الأهل يغصبوا على بنتهم في الجواز فلا أعتقد انها موجوده دلوقتي

هم ممكن يفضلوا يلحوا عليها ويحاولوا يقنعوها وفي الأخر بتوافق البنت ولو حصل مشاكل بعد كده بتقلهم انهم غصبوها عليه وبتنسى انها كانت موافقه وفي كامل قواها العقليه لما اتجوزت

صحيح احيانا الزن على الودان بيعتبر شئ من الأجبار لكن برضه في الأول والأخر بتكون هي صاحبة القرار وفي ايديها انها ترفض

والقصه بتاعت المدرسه الي رجعت في استقالتها بسبب اهلها انا اسف بس بعتبر ده شويه ضعف شخصيه او ممكن يكون انها بتفضل مصلحة اهلها على مصلحتها وبرضه ده مفيهوش اجبار

عموما دلوقتي الجيل الي طالع ما شاء الله ما شاء الله هو الي بيمتلك اهله

ويارب يارب تجيبي 4 اطفال بس يكونو زي الي عندي وانتي هتعرفي كويس جدا مين بيملك مين

[badroora]

الاستاذ .....هشام عباس شكرا على الاضافة الجميلة ....... :) وربنا يباركلك فى اولادك وتفرح بيهم يا رب

والله الحسنه الوحيدة اللى ممكن تخلى الواحد يضحى بحرية ويتجوز هى الاولاد نعمة من عند ربنا ربنا يباركلكم فى ولادكم جميعا .........

[abdooovet]

سلام عليكم يا جماعه

اسمحولى اشارك معاكم وهتكون ده اول مشاركه ليا فى المنتدى

بصراحه الموضوع ده شائك

وانا حاسس اكم مكبرينه جدا لان محدش يقدر يمتلك حد ولو حتى كان عنده الشعور بكده الموضوع كله يمتزجه شعور بالحب

لان لو الاب حاسس ان الابن ده ملكه وفى ابهات كده فعلا انا اعرف اب بيقولها لابنه صريحه وبيتعصب جدا على اولاده بالرغم انهم كبار ومراكزهم مرموقه اللى دكتور واللى مهندس

هو بيحب يعيش عليهم دور الاسد المسيطر ولانهم عاملين حساب العمر الطويل اللى هو عاشه ليهم وبيكبرهم بيحسسوه فعلا كده

لكن فى الحقيقه كل واحد ليه حياته الخاصه ملكه من غير ما حد يسيطر عليه

من الاخر ممكن الاب الحمش المسيطر بصراحه يكون عايش حياته كلها متقرطس " قرطاس يعنى"

ويارب تكون مشاركه مفيده

عبدالهادى

[جويرية]

المشكلة أن الأهل مش بياخدوا بالهم ان الأبن ده عنده كام سنة

يعني ناسيين موضوع السن ده خالص

مع ان الرسول صلى الله عليه و سلم بيقول

" لاعبه سبع و أدبه سبع و صاحبه سبع ثم أترك له الحبل على غاربه . ...

يعني معني الحديث ان بعد سن 14 مفيش أوامر خالص

لكن ده بيحصل ؟؟

وكمان مبيعرفوش كلمة غاربه دي فعلا زي ما بتقولي كأن الأبن ده من الممتلكات بتاعتهم

[abdooovet]

بس فعلا فيه حاجه بتحصل ان الاب والام كل ما بيكبروا سن عقلهم فعلا بييصغر وبيبقى خلقهم ضيق

فلازم نستحملهم زى ما همه استحملونا حياتهم كلها

وده يسمحلهم باى حاجه

ربنا يستر ولو الواحد انجوز كده ولاده ما يولعوش فيه اساسا

عبدالهادى

[Nonna]

ونقووووووووول ما يلي:

على حسب الاسرة و الوالدين اما يكونوا مالكين او ممتلكين

و طريقة التربية

و استعداد الابناء اما ان يكونوا ممتلكين او مالكين

ويش اجول انا؟

نقول كمان مرة في صورةامثلة سريعة كدة

واحد جه يتجوز

شاف واحدة عجبته قال لاهله

والده و والدته قالوا ده لا

ليه

كدة

ده لا

الاسباب هايفة و العلة في الاخر للكلمتين الشهيرتين _قسمة و نصيب_

بقى يتحايل عليهم

ابدا

يا بابا يا ماما

لا ممكن خالص

يابابب نجربهم

بتعصى اوامري

طيب تعالي حاسبني

على ايه؟

على تربيتك

حاسبني على تربيتي ليك

!!!!!!

و مادام مصر يبقى كمان هتتجوز فلانة بنت فلان

في تلات ايام كان خاطب فلانة بنت فلان

اصله مش هيقدر يعارض اهله

في ايه يا سيدي؟

في جوازه و ماله

بيتيهالي هيجي يوم لو والده ولا والدته قالتله

اضرب مراتك ضربها

طلق مراتك طلقها

ده مثال

امتلاك الاباء للابناء

طاعةالوالدين واجبة اه

انما في حاجات ماينفعش فيها كدة

يعني مثلا

والدتي قالتلي ذاكري مادة كذا

انا خلاص اخدت نصيحتها

انما في قرارة نفسي عارفة ان دلوقت مش هقدر اذاكر مادة كذا ده

مش عاوزة اذاكرها دلوقت و كل ده عوامل نفسية تخلي اي كائن من كان اذا قال

عشان خاطر ماما اذاكر وخلاص

مش هيحصل حاجة

في ناس بتبصلها بمنظور تاني

ان لو اطاع والديه فيما يكره او لا يرغب

ربنا هيكرمه و يخليه يحب الحاجة اللي بيكرها او لا يرغب فيها ده

و بيني و بينكم هو وارد

مثال تاني

يا بني ادخل صيلة صيدلة احسن من طب

يابابا انا نفسي في طب

بقولك صيدلة يعني صيدلة

هكذا بدون اقناع

و بعد ما يدخل الابن صيدلة مثلا

يبدأ الاب الاقناع ان صيدلة افضل و سنوات دراسة اقل

و مش محتاج مذاكرة تاني بعد كدة

_طيب ما من الاول هو لازم يعني اسلوب الترهيب في الاول و بعدين ياتي الترغيب_

الابن يبدو انه نوعا ما اقتنع بس الدراسةمش على مزاجه اشي فيزيا وفارما سوتيكس و فارماكولوجي

مش بحب انا الحاجات ده

الخمس سنين بقوا تمانية

!!!!!

هيييييييه

نقول ايه

الولد هو الي فاشل

وابوه كان عاوز مصلحته

لكم ان تتخيلوا ان في مرة من المرات

واحد راح يتقدم لواحدة

يقولها والهي بنص الجملة

انا عمري مااخدت قرار في حياتي لنفسي بنفسي

دائما كنت ماشي برأيهم _على والديه_

افتكرت رد واحدة معرفةى لما و صلتلها الجملة ده

ردت و قالت:

_الجوازة مشيت؟

قلت لا

قالت احسن بركة يا جامع

ده كان زمانه بيستأذن والدته ابوس مراتي و لا لا (لامؤاخذة يعني في ده الجملة)_

مثال اخر

والد واحدة صديقتي

البنت بتحكيلي في مرة عن مشاجرة بين والدها و اخوها الكبير

الولد كان مثلا ياخد 10 جنيه مصروف

يبقى منهم 4 جنيه

دول مصروف بتاع الاكل و الشرب

كان يوفرهم لا ياكل و لا يشرب برة و حتى ممكن انه ينقل المحاضرات يدويا بدل ما يصورها

مع علمى اصلا ان والد صاحبتي ده مقتدر !!!

الولد جه في مرة باباه بيساله سؤال برئ جدا جدا

انت شكلك كدة مدكن

الولد لا يا سي بابا دول تحويشة كدة على ادي عشان اعمل مشروع بعد ماخد البكالوريوس و ماطلبش منك تاني

و انت يعني جايبهم منين الفلوس اللي حوشتها ده اصلا

ماهي بتاعتي

فلوووووووووسي

ايوة يابابا

بس فلوسك مادام خرجت من جيبك و دخلت جيبي اتغير اسمها و بقت مصروووفي

بتاعتي يعني خلاص

يعني لو قلتللك انى محتاجهم دلوقتي تعمل ايه

هديك منهم جزء يا والدي برضايا

مش غصب عني

برضاك

ده انت و مالك لابيك يا....

دول حقي

اصلا و كلهم مش جزء منهم

هييييييييييييييه

كفاية كدة

من صور تملك الاباء للابناء

ربنا يديم عليكم صحتكم و مرارتكم

[Nonna]

وزي مافي اباء ماشيين بمبدأ الشيخ الشعراوي ربنا يرحمه

_اللي ياكل لقمتي يسمع كلمتي_

في ناس برده عيالها اللي ممشياها

والهي بشوفها كتير

و اللي عاوز يشوف بجد

ينزل مول كدة من مولات القاهرة الكبرى ويتفرج

هتلاقي البنت لامؤاخذة يعني

بتجر امها وراها

و لسة هجيب و لسة هجيب

و شفتها بعيني مع جارة لنا

والدتها مطلقة و معندهاش غير بنتها ده

وهما اجتماعيا ممتازين ماشاء الله

البنت تقولها يا ماما شقة في القاهرة الجديدة

الام تشتري

يا ماما القاهرة الجديدة بقت لامة وبعيدة وهس هس

هاتي في الرحاب

الام تروح و تشتري

حتى اننا نشوف البنت بلبسها و شياكتها

مع امها

نشك ان ده امها

عفوا يعني ممكن نقول انها الكاميريرا بتاعتها

!!!

على رأي والدتي لما مرة نشد انا وهي مع بعض و نختلف في الرأي

تقول خلاااااااااص

ده زمن الامة اللي هتلد ربتهااااااا

انتي و اخواتك بتربوني

:cry1: :blush2:

_على فكرة ماما صديقتي و كتييييير باخد بمشورتها و تاخد بمشورتي_