أهو ده اللي مش ممكن أبدا

[إيزيس]

تمشيا مع صرعة الرجوع للذكريات في المحاورات

عايزة كل واحد ينشط ذاكرته ويحكي موقف أي موقف مرتبط بأي حاسة

يعني حاجة شفتها

سمعتها

أكلتها

أو موقف مريت بيه ولا يمكن تنساه أبدا أبدا

[إيزيس]

أنا هابدأ...........

بببببب

دي البكرية من 15 سنة

قالت بابا و الله قالت بابا ده أبوها بيتنطط م الفرحة

لأ طبعا دي أضغاث كلام هي كانت لسة قالت ماما .......... باتقطع من جوايا

بببب .......... البكرية تاني

بتبصي لي أهي يعني بابا تعالي يا حلوة ........... بيلعبوا و أنا أموت كمدا

آه يا ناكرة الجميل أنا ماما اللي شالتك و عليتيها 9 أشهر و غيرت لك 343 بامبرز

تبيعيها علشان واحد غير لك 56 بامبرز بس يا قليلة الأصل قلبي و ربي

غضبانين عليكي ليوم الدين................... ده قلبي الباطن بيقوللي

بس مش هي دي الحاجة اللي مش قادرة أنساها.... تابعوا

و بينما أنا في صراع باطني مرير يعتصرني الأسى و الحزن الكبير

و مشاعري الأمومية على المحك و العرى الأسرية قربت تنفك

دق جرس الباب......

قلت الحمد لله ربنا بعت لي شاهد يقول إن ببب لا تعني بابا بأي حال من الأحوال

و إذا بجارتي القديمة الحلوة الرزينة.............. و مش هو ده المهم

جايبة صينية كيك رهييييييييييييييبة بالبرتقال و الريحة خطيييييييرة

و لحد النهاردة عمري ما نسيت ريحتها و لا طعمها و لا أكلت زيها.

[~Heba~]

لما كنت فى تانية ابتدائى....

انا كمان قلت بابا

بس مش لبابا .... قلتها للاستاذ فى المدرسة

مش عارفة يمكن حسيت بوحشة للراجل ده اللى مش بيبقى قاعد فى البيت الا كام يوم فى السنة

و انا فى الايام دى بقوم اتسحب بالليل واروح انام فى حضنه و اخد كام يوم على الحال ده

لغاية فى يوم اصحى الاقيه مشى (سافر راح السعودية لشغله)

لغاية دلوقتى و انا بفكر واسأل نفسى ايه اللى خلانى اعمل كده

كلمة طلعت من جوايا و من غير قصد

بس مش قادرة افتكر احساس الاستاذ ساعتها

شكله راح قال لوالدتى و هى بالتالى قالت لوالدى لانه بعدكده بفترة بطل يروح السعودية

يالا حصل خير

و شكرا يا قرنفلة على الموضوع :D

[vipwithyou]

انا مش فاكر حاجة :D

[galaxy]

الله عليكي يا احلي قرنفله........ :D

والله لازم يحطوا قرنفل في الصور التعبيريه............ :D

من المواقف اللي مقدرش انساها ..........نتيجه الترم الاول في البكالوريوس..........كل السنين اللي قبلها كانت تقديراتي تتراوح من مقبول وجيد وكنت محتاجه تقدير سنه رابعه يرفع التراكمي بتاعي........ :lol: ...........ذاكرت والحمد لله وجت ماده الكيمياء الشرعيه كان امتحانها كويس بس انا في اللجنه نسيت كل حاجه.......ولما طلعت فوجئت بحاجات كتير كان ممكن اجاوبها بمنتهي السهوله ونسيتها وكمان كان في اسئله ما شوفتهاش.......... :) ..........يومها بجد كنت منهارة وروحت وانا مش شايفه بجد.............بكالوريوس بقي..........وصعبت عليا مذاكرتي قوي وتعبي والسهر.........

....المهم طبعا قبل النتيجه بكام يوم بتبدأ الاشاعات................. ودا شال و دي سقطت والمادة الفولانيه ميه شايلينها وكلام من اللي يحطم الاعصاب دا........................... ايامها اسمي كان مع موظف معرفه في شئون الطلبه انا واتنين زمايلي وقبل النتيجه بأربع ايام جابلهم النتيجه وانا قالي انه ما لحقش يجيب اسمي طبعا فهمت اني هشيل اكيد ومش عايز يزعلني وكل يوم احلم بالامتحان ودكتور الماده وان نتيجتي مش باينه وكلام من دا......... :blink: ...............المهم اجلوا النتيجه وانا اعصابي باظت وفي الاخر وانا ماشيه في الكليه عادي ومسلمه امري لله ..............لقيت الموظف المعرفه دا بيناديني وبيباركلي .........................جيد جدا. :lol: ..................وقال ايه كان شايفها من يومها مع زمايلي وماكنش متأكد............................مش قادرة اوصفلك ..............كلمت البيت والامارات واخواتي ورجعت لقيتهم عاملينلي زفه محترمه في البيت........ :lol: طبعا مش كنت عاملالهم قلق من قبل النتيجه بشهر :lol:

تم تعديل 17 أبريل 2008 بواسطة galaxy

[إيزيس]

لما كنت فى تانية ابتدائى....

انا كمان قلت بابا

اتأخرتي في الكلام أد سبع تمن تسع سنين

كل العباقرة كده يا هبه :D

[إيزيس]

والله لازم يحطوا قرنفل في الصور التعبيريه

مش كده والله

ولازم شيكولاته كمان

[galaxy]

عارفه يا احلي قرنفلة............عندي موقف كمان عمري ما انسا ابدا عشان كنت في منتهي الخوف بجد i*:

كنت داخله شفوي الكيميا الصيدليه..............وهي ماده بجد مالهاش حل لا هي ولا الدكتور اللي بيديها .............شهرته لفت كل كليات الصيدله في مصر........................معندوي يا اما ارحميني وممكن يحط الصفر بضمير مرتاح. wst::

المهم يوم الشفوي بسأل واحده صاحبتي انتي عند مين .........قالتلي دكتور كذا.........اللي هو الدكتور اللي بحكي عليه...........طبعا قعدت اطيب خاطرها واواسيها.............وبعدين سـألتها ما شوفتيش اسمي عند مين .............قالتلي عنده برضه............قلتلها ازاي يا بنتي انا قبلك بييجي 150 اسم..... wst:: .......قالتلي ايوة يعني عنده............قلتلها لأ...اصل انا بعدي ناس كتير و كدا..... flrt: .....قالتلي برضه.................قلتلها لا انا اصل اسمي في المجموعه كذا.................قالتلي بقولك ايه الدكتور دا واخد اخر 300 في الكشف.. :sad: ...............طبعا اتصدمت وما كدبتش خبر وقفلت اللي كنت براجعه وحلفت ما انا مراجعه عشان هي هيا.......... :ninja:

قبل ما ادخل بدقيقتين عرفت انه بيسأل في العملي كمان...........قولت خسرانه خسرانه............والله ما انا مراجعه............اول ما دخلت لقيته ماسك كام ولد بيهزاهم وبيشتمهم................وقعد يقولهم انتوا خسارة اللي اهلكوا بيعملوه ليكم وكلام من دا....................دا غير البهدله.........والله قلت انا عندي استعداد اخد صفر بس ما يتكلمش معايا كدا :sad:

اول ما حط قدامي ورقه الاسئله.........بصيت لها من الرعب ما فهمتش حاجه..... :blink: .......والله يا قرنفله............فضلت اقول في سري.............لا حول ولا قوة الا بالله العلي العظيم............................والله بعدها افتكرت كل حاجه.........وكتبت ولما جه يراجع الورقه معايا ملقاش فيها ولا غلطه ..........زودلي الاسئله وجاوبتها والحمدلله...... :happy:

..فرح بيا اوي والحمد لله عدت وجبت ..جيدجدا...........عمري ما انسي اليوم دا عشان حسيت ان ربنا كرمني اوي وافتكرت كل حاجه وتعبي كان بفايده. wst::

[إيزيس]

أيام الجامعة كنا بنكتب مقالات وعليها درجات مهمة

المهم أنا باكتب كويس كتبت مقالين و باختار بينهم قامت واحدة صاحبتي قصدتني في مقال

و انتو عارفيني

إيدي فرطة

خدي يا .............عادي أنا كاتبة اتنين

والله و لا نقلته حتى بخط إيدي اللي تتقطع

و يوم الحساب .........قصدي يوم تعليق الدكتور على المقالات

توقعتوا طبعا

أحسن مقال

flrt:

بتاع صاحبتي

اللي أنا كتباه

بإيدي

و أحسن درجة

i*:

حد كان هيموت

من الفرحة طبعا لصاحبتي

عارفين اللي غاظني إيه

ما كانتش صاحبتي أوي

[badroora]

انا طبعا كنت البكرية لامى فكانت زلانى بقي ومستغليانى تحرمنى من اللعب عشان اشيل النونا الصغيرة بنتها اللى هى اختى يعنى

فكنت باعمل ايه كانت امى تدينى العايل من دول ويا دوب تدينى ضهرها وانا بقي اديها قرص فى العيل عشان النونة تعيط وامى تخدها منى flrt:

تم تعديل 17 أبريل 2008 بواسطة Badria Mekkawy

[حسام يوسف]

السلام عليكم

ايه الشر المبكر ده يا بدرية؟

انا بقى كانت ليه قصة ظريفة كل العيلة عرفتنى بيها

قصة تبين ان الطفل لما بيكون ذكى

ماشاءالله

بيبان من أول سنينة

المهم أخش ع القصة

احنا بنسافر البلد عند أهلنا كل اجازة فى المنصورة

وخدنى ابن خالى معاه الارض اللى زارعينها

وكان بيروى الارض

وكانت الارض كلها مزروعة درة

ادانى حتة كيماوى صغيرة فى ايدى

وقالى حط دى تحت (شكة الطماطم) اللى فى اخر الارض

واخوكم عايش فى اسوان لا يعرف الارض

ولا الزراعة

ولا الطماطم من كوز الدرة

رحت لاخر الارض

وابن خالى كان فى اولها

واندهلة واقوله

هنا؟

يقولى لأ

دور عندك

مافيش الا هية اللى طماطم

حتلاقيها غير اللى حواليها

فأنا قررت فى سنى الكبيرة ساعتها

5 سنوات بحالهم من الخبرات والتجارب

اعمل حل لطيف

لأنى خفت أحط الكيماوى عند زرعة تانية غير اللى مقصودة اللى هية الطماطم

وانا ما حبش الظلم

واحب لما أعمل حاجة

أعملها صح

عملت ايه؟

حد يعرف يخمن؟

ماتحاولوش

انسوا

انسوا

قلتلكوا

انسوا

برضة مافيش حد فيكوا دماغة عالية كدة

أقولكم ماتفتق عنه ذهنى المتوقد:

شديت شتلة الطماطم

وطلعنها م الارض

ومشيت بيها فدان كامل

لحد ما وصلت لسامح ابن خالى

وقلتله بكل ذكاء وبراءة

(هية دى (شكة الطماطم ولا لأ؟)

ومش عارف هو زعل منى ليه

حد يعرف؟

[galaxy]

السلام عليكم

ايه الشر المبكر ده يا بدرية؟

انا بقى كانت ليه قصة ظريفة كل العيلة عرفتنى بيها

قصة تبين ان الطفل لما بيكون ذكى

ماشاءالله

بيبان من أول سنينة

المهم أخش ع القصة

احنا بنسافر البلد عند أهلنا كل اجازة فى المنصورة

وخدنى ابن خالى معاه الارض اللى زارعينها

وكان بيروى الارض

وكانت الارض كلها مزروعة درة

ادانى حتة كيماوى صغيرة فى ايدى

وقالى حط دى تحت (شكة الطماطم) اللى فى اخر الارض

واخوكم عايش فى اسوان لا يعرف الارض

ولا الزراعة

ولا الطماطم من كوز الدرة

رحت لاخر الارض

وابن خالى كان فى اولها

واندهلة واقوله

هنا؟

يقولى لأ

دور عندك

مافيش الا هية اللى طماطم

حتلاقيها غير اللى حواليها

فأنا قررت فى سنى الكبيرة ساعتها

5 سنوات بحالهم من الخبرات والتجارب

اعمل حل لطيف

لأنى خفت أحط الكيماوى عند زرعة تانية غير اللى مقصودة اللى هية الطماطم

وانا ما حبش الظلم

واحب لما أعمل حاجة

أعملها صح

عملت ايه؟

حد يعرف يخمن؟

ماتحاولوش

انسوا

انسوا

قلتلكوا

انسوا

برضة مافيش حد فيكوا دماغة عالية كدة

أقولكم ماتفتق عنه ذهنى المتوقد:

شديت شتلة الطماطم

وطلعنها م الارض

ومشيت بيها فدان كامل

لحد ما وصلت لسامح ابن خالى

وقلتله بكل ذكاء وبراءة

(هية دى (شكة الطماطم ولا لأ؟)

ومش عارف هو زعل منى ليه

حد يعرف؟

غريبه فعلا.........ايه اللي زعله. flrt: ...........................علمي علمك i*:

[nash]

بكرة السفر بكرة....كلنا فرحانين ونازلين مصر ...الطائرة موعد اقلاعها الساعه 9 المساء....

واقتربت ساعه الصفر وكلنا مزأططين...ها يا شباب كل شيء جاهز....الولاد في توقيت واحد ...اااااااة..

قولت لياسر أوك هات البسبورات أحذر تنساها ..ياسر عييييييب يا ماما ...ده اسمه كلام....ماشاء الله ربنا يحميه( أنا في عقلي الباطن )

كان قبلها باسبوع ابو ياسر عامل حادثه والعربيه اتدمرت..والحمدلله...فكنا مأجرين عربيه تانيه..ولإنها عربيه صغيرة...والعربيه الفقيده كانت أمريكي وتاخد ألف شنطه مستريح..أخذنا ليموزين بجانب العربيه المتأجرة..وانطلقنا إلي المطار...

ماشاء الله الطابور طويل والطائرات كلها اقلعت في الميعاد...وصلنا إلي الكاونتر وبدأنا في عمليه الوزن...

ابو ياسر...لو سمحتي يا ناش التذاكروالبسبورات...أديته البسبورات ..وبمنتهي الثقه بقول لياسر هات التذاكر...قالي نعم..؟؟ قولته نعم أيه هات يا بابا التذاكر..

قالي مش معايا...بصيت بثقه تانيه لأحمد...هات يا بابا التذاكر....قالي مش معايا ...حسيت في ثانيه أني مش مستوعبه حاجه والمطار بأة عبارة عن غرفه فيها صوت وش غريب...وابو ياسر مستني التذاكر,,,

قولتله التذاكر في البيت.....كان هايجيله أنهيار عصبي...لإن الكلمه معناها ببساطه إلغاء كل شيء إذا عرفنا أن المسافه بين المطار لغايه البيت حوالي ساعه إلا ربع...ويوم خميس والدنيا زحمه والرادارات ماليه المنطقه...

كان متبقي علي ميعاد الإقلاع حوالي ساعه وربع..

أخذ أبو ياسر العربيه وطار علي البيت يجيب التذاكرز.وانا فلت عليه العياط...بس بيني وبين نفسي علشان برستيجي وقلقانه من سواقه ابو ياسر...

وفي خضم الموقف.....لقيت تليفون من أختي الصغيرة بتقولي بفرحه..هاي ننوشه...ماتنسيش كارنيهات النادي علشان لازم تتجدد...حسيت أني قدام قضيب القطار وعايزة ارميها هي والموبايل عليه واخلي القطار يمشي عليهم رايح جاي...

باقي من الزمن علي الأقلاع نصف ساعه وابو ياسر لسه عند البيت....كنت حقيقي أنهارت تماما...بعد ربع ساعه مروا بسرعه رهيبه...لقيت ياسر جايلي مبتسم....حبيب أمه يا ناس...

بيقولي ماما ماما ...الطيارة أتأخرت لغايه الساعه واحده بالليل.....والله العظيم أن في اللحظه دي حسيت يعني ايه ضاقت فلما استحكمت حلقاتها فرجت...

أتصلت بأبو ياسر وقولتله علي مهلك خلاص الرحله أتاخرت....

مش عارفه كان بيرد عليه بطريقه غريبه شويه .....وبدات الموبيلات تنهال من مصر واقطار العالم...والتريقه تشتغل...حتي اللي كنت بقول عليهم دمهم تقيل حسيت أنهم فجأة بأوا ظراف...

والحمدلله ...علي كل شيء....

...............................................

أكله ليها ذكري......هاقولها في الحلقه القادمه إن شاء الله

[جويرية]

دي البكرية من 15 سنة

قالت بابا و الله قالت بابا ده أبوها بيتنطط م الفرحة

لأ طبعا دي أضغاث كلام هي كانت لسة قالت ماما .......... باتقطع من جوايا

تزعليش يا أستاذة قرنفلة

كل الحكاية ان نطق حرف البه اسهل من حرف الميم و عشام كدة الطفل بينطق أسم الأب الأول :D

أنا لو حبيت أحكي المأسي اللي عندي كتير :D حاخد الصفحات دي كلها

[زهرة الجبل]

هحكيلك على موقف يل قرنفله عمري ما أنساه أبداً

الموقف ده وقت ما حصل كنت انا غايه في الإحراج

لكن حالياً كل ما بفتكره بيهلكني من الضحك

كنت أيام الدراسه و بحكم عمل والدي في السعوديه كنا بنفضل في السعوديه طول الأجازه أنا و الوالده و أخواتي

و ننزل مع بداية الدراسه لمصر علشان المدارس

في السنه الي كان مفروض انزل على أولى ثانوي حصل ظروف و إتأخرنا عن نزولنا في المعاد المحدد حوالي شهر كامل

فطبعا لما رجعنا كانت الدراسه فات منها شهر والطالبات في الفصل عارفين أسماء بعض ... و عارفين الأساتذه و أساميهم... و أنا لسه بادءه أتعرف على الجميع

المهم عرفت منهم أسماء المدرسين

انا لسه فاكره اسم مدرس اللغه العربيه كان اسمه استاذ عابد و الأحياء كانت أبله نوال

و من ضمنهم مدرس الرياضيات وقتها و قالولي إسمه الأستاذ سيد قصبه

بعد ما انتظمت في المدرسه بكام يوم كان في حصة أحياء و الأبله غايبه فدخل الوكيل للفصل و لم يجد مدرس فإختارني أنا ( ويا زين ما إختار والله ) وقال لي روحي إندهي لأستاذ سيد من غرفة المدرسين

قلتله أستاذ الرياضيات ؟ قال أيوه

رحت أنا بقى و خبطت على الباب و الغرفه كانت بها أكتر من شخص

أنا : أستاذ سيد قصبه موجود؟ الوكيل عاوزه

أحد الأشخاص بالغرفه : سيد إيه؟

أنا : سيد قصبه حضرتك

الشخص : مين سيد قصبه ده يا بنت؟ ( بلهجه وقعت قلبي في رجلي )

أنا: مدرس الرياضيات حضرتك

الشخص : قصبه ؟

( بضرب بطرف عيني شفت الاستاذ جوه )

أنا : أهوه جوه ...يا أستاذ سيد يا أستاذ سيد ..الوكيل عاوز حضرتك

عن إذنك

ولسه همشي قالي تعالي هنا ...

أنا : نعم

الشخص : مين قال لك ان اسمه سيد قصبه ؟ ( كان الاستاذ جه من جوه و اصبح عالباب معانا وسمع كلام الشخص فراح مبرأ بعينيه و قايل : قصبه؟

وبعدين إستدرك الموقف وقال لي انتي اللي لسه جايه المدرسه من كم يوم ؟ قلتله اه قال مين قال لك اسمي كده ؟ قلتله البنات

قالي طيب روحي عالفصل

عرفت بعد كده ان البنات مسميينه قصبه علشان طويييييييييل لكن اسمه استاذ سيد محمود

و فضلت طول السنه كل ما اشوف الأستاذ ده أتلبخ ... وكانت حصة الرياضيات عندي تقيييله بسبب الموضوع ده

ومن يومها وانا كرهت عصير القصب

تحياتي

تم تعديل 18 أبريل 2008 بواسطة زهرة الجبل

[إيزيس]

ومن يومها وانا كرهت عصير القصب

كنتي ماشية تمام جدا لحد الجملة دي

إنذار : ماحدش يغلط في عصير القصب

ده عشقي الأول و الأخير

وإيه البراءة دي كلها يا زهرة

يمكن علشان كنتوا بتقضوا الأجازة في السعودية؟؟

[زهرة الجبل]

بما إنك جيبتي سيرة عصير القصب

فـ والله يا قرنفله أنا من عشااااق عصير القصب

هي بس القافيه حكمت و انا بحكي الموقف :D

إنما ممكن أقول لك إن وجودي خارج مصر مش منغص عليا فيه أد شوقي لعصير القصب

هنا للأسف تشربيه تحسي إنه عصير زعازيع :D مش عصير قصب

تحياتي

[إيزيس]

ويا دوب تدينى ضهرها وانا بقي اديها قرص فى العيل عشان النونة تعيط وامى تخدها منى

و يهون عليكي يا بدرية بدردر بداريرو

طب ارميه في أي حته بس بلاش قرص

قولتله التذاكر في البيت.....كان هايجيله أنهيار عصبي...لإن الكلمه معناها ببساطه إلغاء كل شيء إذا عرفنا أن المسافه بين المطار لغايه البيت حوالي ساعه إلا ربع...ويوم خميس والدنيا زحمه والرادارات ماليه المنطقه...

بتحصل دايما و الأكتر من كده يا نوشة راجعين من مصر على أساس ميعاد الرحلة 9 و أتاريها 7 إزاي ماعرفش

لأني وقت الرجوع من مصر ماحدش يتجرأ يسألني عن حاجة بابقى زي البالونة اللي هتفرقع خلاص

سبحان الله انتظرنا ربع ساعة بس و طلعنا في الرحلة اللي بعدها

تم تعديل 18 أبريل 2008 بواسطة قرنفلة

[zizetta]

والله يا أخواننا الواحد حيفتكر ايه والا ايه .. الحمد لله ان أنا ماشية في الطريق الصح بتاع الزهايمر .. ده النسيان نعمة ...

لكن فيه حاجة فاكراها أوي ومش ناسية تفاصيلها وهي أول ما بنتي نطقت حروف ألف باء بالإنجليزي .. وكنا قاعدين علي الغدا وهي كانت في كي جي وان .. وقال انا براجع لها ..ايه .. بي ..سي .. لقيتها كرتهم كلهم في أغنية وكان عندها 4 سنوات .. وأحلى حاجة بقى في الأغنية انها كانت بتقول itsh eye jerkin علي حروف H-I-J-K وتنطق حروف U - V - W كأنها novi dabyou وبتقول Alamanubeer علي L-M-N-O-P

وكنت فرحانة ساعتها بهبل وابوس فيها وحسيت انها نابغة وشاطرة .. ولكن... وما أدراك ما لاكن..

تحياتي

زيزيتا

[badroora]

itsh eye jerkin

جركن عيون ماشاء الله

بنتك هتطلع دكتورة نقل اعضاء قد الدنيا

او مهندسة بترول باين من كلامها جركن وعيون يعنى ابار ماشاء الله

ربنا يخاليهالك يا زيزي :D