اذهب إلى المحتوى
محاورات المصريين

أهو ده اللي مش ممكن أبدا

إيزيس

بواسطة إيزيس
في دعوة للأبتسام

 مشاركة

Recommended Posts

إيزيس عضو جديد

إيزيس

بتاريخ:
  • كاتب الموضوع
بتاريخ:
جركن عيون ماشاء الله

بنتك هتطلع دكتورة نقل اعضاء قد الدنيا

ضحكتيني يا بدرية و أنا واخداها جد

زيزيتا فاكرة البنت كانت بتقول الحروف إزاي بالظبط

وتقول زهايمر

الزهايمر هو إن حضرتك تنسي البنت نفسها زيي كده ساعات

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
إيزيس عضو جديد

إيزيس

بتاريخ:
  • كاتب الموضوع
بتاريخ:

طبق الفول

مش ممكن أنساه من إيد تيتة

الله يرحمها

كانت بتعمله بنفسها و معاه شوية عدس و قمح و ياربي على الريحة و الطعم

بس كانت بتحسسنا بالأزمة

ماحدش يروح ناحية الفول

حاضر يا تيتة

ماحدش يزود مية أنا اللي هاشوفه

حاضر يا تيتة

إوعى حد يكشفه أحسن لونه يسود

حاضر يا تيتة

كنا محترمين والله بنقول حاضر 4594358 مرة في اليوم

طبعا حاولت أعمله زيها

لكن هيهات

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
nash عضو جديد

nash

بتاريخ:
بتاريخ:

أكله ليها ذكري ......

هما الحقيقه أتنين ...

الأولي ( التورلي )...إلا إذا كان أسمه صينيه خضار بالفرن...لو أتذكرت كلمه تورلي لا يمكن حتي ابص عليه....عقده نفسيه...

والسبب أني اكلته مرة بالصدفه جاتلي حرارة شديده وإحتقان في الحلق.....ومن يومتها ارتبط أسمه باليوم ده في ذهني....

...............................................

التانيه...

خارجه من عند دكتور الأسنان وخالعه ضرسي....والمنطقه لازم امشي فيها شويه علشان اعرف أخد تاكسي...إلا واشوف واحد بيبع سمك ( قرموط) والسمكه وقعت علي الأرض وبتمشي عادي جدا....

بصيت علي صديقتي....وبقولها أيه ده؟؟ معقوله سمكه صاحيه لغايه دلوقتي...؟؟

قالتلي لا ماهو القرموط حياته طويله...وعلشان يموتوة لازم يدبحوة ....وأسترسلت في الكلام.....هوة انتي يا ناش ماسمعتيش عن القرموط اللي لقوة في مصرف عمارة؟؟ ده عاش فيها سنين طويله وكتبوا عنه.....أصله وقع من واحده وهي بتغسلهم وكان صاحي....

انا عند النقطه دي ...حسيت بكميه قرف غير عاديه....وقولتلها ابوس ايدك اسكتي...مع ألم خلع الضرس..والحر ومش لاقيه تاكسي والقرموط بيجري في الشارع...كانت الحياة بجد سودا..

روحت علي البيت...لقيت ماما الغاليه عملالي مفاجأة....سمك الحبار ..وحاشياة ومحمراة ومستنياني....

بصيت عليه....وأفتكرت منظر القرموط.....ووجع ضرسي البشع.....حسيت كاني شايفه كائنات عجيبه.....

مش لازم اكمل...أنتوا بأة تصوروا الباقي...

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
إيزيس عضو جديد

إيزيس

بتاريخ:
  • كاتب الموضوع
بتاريخ:
قالتلي لا ماهو القرموط حياته طويله...وعلشان يموتوة لازم يدبحوة ....وأسترسلت في الكلام.....هوة انتي يا ناش ماسمعتيش عن القرموط اللي لقوة في مصرف عمارة؟؟ ده عاش فيها سنين طويله وكتبوا عنه.....أصله وقع من واحده وهي بتغسلهم وكان صاحي....

فعلا أنا شفته عند ناس بيلعبوا بيه شويه قبل ما يدبحوه

شكله مقرف فعلا

عمري ما أكلته لكن حقيقي مقرف

بمناسبة القرف

كنا رايحين رحلة و مبسوطين ووخدين نصف الباص الخلفي أنا و أصحابي و أولادنا

و ميت فل و معانا ناس زميلاتنا إماراتيات وحبوا يعزموا علينا بحاجة لأننا كالعادة مغرقين الباص أكل

ترمس كبير بحجم برميل البترول تقريبا

و صبت لكل واحدة كوب و قالت ده كاستر بالحبة الحمرا بيغسل البطن

أولا إحنا مش عايزين نغسل خالص

ثانيا كاستر سائل ليه يا ربي ده احنا طالعين القرية العالمية يعني مبسوطين يعني رايقين

ما علينا شكرا و ميرسي و كتر خيرك

واشربوا بأه كل واحدة تجرب تدي انطباع منيل بستين نيلة

تحس مشروب فيه نشا يمسك اللسان وحاجات صاحية بتلعب اللي هي الحبة الحمرا

نعمل إيه ...............لمينا الكبايات المليانة و في كيس و اربط وتصرف غير حضاري بالمرة

من الباص واحدف

المصيبة إنها جت بعد شوية........................ حلو؟؟

رااااااااااااااااااااااااائع

طب فين الجلاسات أصب لكم تاني

فين الكبايات يا ميم

فين الكبايات يا غين

فين يا صاد

ماما انتوا رميتوا الكبايات م الشباك......ده عيل من ال78 عيل اللي واخدينهم أصحابي

آه تصوري بعد ما شربنا حطينا الكبايات في الكيس وطار من الشباك...يمكن

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
galaxy عضو جديد

galaxy

بتاريخ:
بتاريخ:

نفس الموضوع يا نوشا حصل معايا بس من شيبسي الفراخ............كان يوم صعب اوي...........وجاتلي حساسيه ... :roseop: .....وبقع حمرا..................وكحه وخلافه...... :roseop: ............من يومها استحاله المس كيس شيبسي بالفراخ....... :cry:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
~Heba~ عضو جديد

~Heba~

بتاريخ:
بتاريخ:

ايه ده دخلنا فى الاكل

طيب دبانة مايو اللى من قطيع دبان مايو خاصتى من مزرعة ابريل لدبان مايو

مش بتفكركم بحاجة الدبانة دى :roseop:

معلومة

ذبابة مايو ذبابة كبيرة الحجم و دائما نجدها تنتشر فى شهر مايو حول اشجار الفاكهه عشان كده سميت ذبابة مايو

أقلل عتابك فالبقاء قليل...و الدهر يعدل تارة و يميل

رابط هذا التعليق
شارك
galaxy عضو جديد

galaxy

بتاريخ:
بتاريخ:
السلام عليكم

جيد جدا كيمياء صيدلية يا دكتورة جالاكسى

استغفر الله العظيم

سامحها يا رب :cry: :roseop:

انا برضه يا دكتور.............ان بعض الظن اثم.............جيد بس والله :roseop:

جيد جدا التقدير النهائي للترم.............بس اكيد تقدير الكيميا كان هيفرق..................والتراكمي كان ممكن يقع wst::

الله لا يعيدها ايام :cry:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
حسام يوسف عضو جديد

حسام يوسف

بتاريخ:
بتاريخ:

السلام عليكم

يعنى بدب ماتقولى جيد جدا

حضرتك بتقولى جيد فى الكيميا الصيدلية؟

برضة مايصحش الكلام ده يا دكتورة

ولاحول ولا قوة الا بالله

هية الدنيا جرى فيها ايه؟

:roseop:

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...