محافظة حلوان و محافظة 6 اكتوبر !!

[!! Lidooooo !!]

أصدر الرئيس قرارا جمهوريا بانشاء محافظتين جديدتين باسم حلوان والسادس من أكتوبر ليصبح عدد محافظات مصر 29 منها مدينة الاقصر الاثرية

ونص القرار الذي بثته وسائل الاعلام على اجراء تعديلات جديدة على الحدود الادارية لبعض المحافظات منها محافظات القاهرة والجيزة والمنيا والفيوم

واوضح ان محافظة حلوان الجديدة تضم الى جانب مدينة حلوان المدن الجديدة 15 مايو والشروق وبدر والقاهرة الجديدة والهايكستيب والمعادي

اما محافظة 6 أكتوبر فتضم منطقة 6 اكتوبر التي تشتمل على مناطق صناعية واستثمارية كبيرة الى جانب انها تضم أيضا اكبر عدد من الجامعات الخاصة

تم تعديل 17 أبريل 2008 بواسطة !! Lidooooo !!

[Sherief AbdelWahab]

وسبق أن اقترح احد النواب الأفاضل تحويل المنزلة إلى محافظة مستقلة ، وشهدت الأيام الماضية أعمال احتجاج من بعض أهالي قرية على ضمها لمحافظة أخرى..

هو إيه دة؟ :D

خلص الكلام

[ابتسامة رضا]

اللهم اجعله خيييييييييييييييييييييييير

[vipwithyou]

الخطوة القادمة تحويل العاشر الى محافظة وربنا يستر على مصر

[badroora]

6 اكتوبر فى بداية انشائها كانت محافظة مستقلة وليها كود تليفون خاص كان 011 وبعدين لغوا الكود فيها كما فعلوا مع الجيزة وبقى كله 02

حلوان دى بقي بصراحة بعيدة اوى وتصلح تكون محافظة منفصلة .

بس لي سؤال هل فيه تاثير سلبي فى حالة انفصل حلوان عن القاهرة واكتوبر من الجيزة ؟

عاوزة اعرف التأثير هيكون سلبي ولا ايجابي وعلى ايه ؟

شكرا ان ادفانس :D

[zizetta]

هو تقريبا ًعندهم إتنين عزاز عليهم عايزين يشوفولهم شغلانة كده علشان يعرفوا يعيشوا في ظل الإرتفاع الباهظ في تكاليف المعيشة .. فتفتق ذهنهم انهم يشغلوهم محافظين .. بس للأسف مفيش محافظة فاضية .. قوم ايه بقى .. يعملوا لهم محافظتين ..

هي مدينة العبور ليه مش محافظة هي والعاشر من رمضان .. مع انهم بعيد اوي .. أبعد من المعادي يعني اللي عايزين يضموها لمحافظة حلوان...

(ملحوظة: هو احنا بنقول المكان ده بعيد والا قريب بناءً على ايه .. مكان سكننا والا عن وسط البلد والا ايه؟)

تحياتي

زيزيتا

[MOOOM]

ياريت لو أحد الأفاضل يفيدنا .. هل قرار إنشاء محافظتي حلوان وأكتوبر .. هل هذا القرار سلبي أم إيجابي على هاتين المنطقتين .. وما هي الفوائد أو الأضرار العائدة على سكان مدينة السادس من اكتوبر مثلاً أو حلوان .....؟؟؟؟

وكمان فيه حاجة تانية .. كان زمان بنسمع إن مدينة السادس من أكتوبر سوف يتم تحويل أو إنشاء بعض المصالح الحكومية بها ليتم تخفيف الضغط على وسط القاهرة باعتبار أكتوبر مدينة جديدة أو امتدجاد لمحافظة القاهرة .. هل سيستمر هذا الرأي أم أنه سيصبح من الصعب تنفيذ هذا في ظل كونها محافظة مستقلة ؟؟ وأيضاً بالنسبة لمجالات العمل .. فمن يعمل بنفس محافظة سكنه يتقاضى راتباً مختلف عن لو عمل بمحاظة أخرى [ طبعاً بأتكلم على الوضع المفترض .. ويمكن ليس القائم بالفعل ] لأنه سيكون هناك بدلات عمل مختلفة ... وحاجة أخيرة ... وبما أن أكتوبر ستصبح محافظة .. نتوقع الخطوة القادمة عمل كشك كارته على أول طريق المحور من الجهتين ؟؟؟؟؟؟؟؟؟؟؟؟؟ [ ياريت حد يفيدنا في هذا ]

[deemuck]

العبء على القاهرة او القاهرة الكبرى كبير، والجيزة كانت واخدة كل ماهو راء خط النيل. واي توسع كان بينضم على القاهرة الكبرى من الشمال الي الجنوب. اعتقد ان بسبب حركة المحافظين لتخفيف الاعباء عن القاهرة والجيزة بجانب عمليات نقل للمصالح الحكومية.

احتمال التاثير السلبي الي الان لدي من خلال الحركة والتنقلات بين المحافظات الجديدة وبالاخص المدارس والامور الحكومية المتعلقة بالعنوان كل يتبع محافظته.

ربما في المستقبل سيزداد الاهتمام اكثر 6 اكتوبر عندما تكون محافظة مستقلة

تم تعديل 18 أبريل 2008 بواسطة deemuck

[Sherief AbdelWahab]

6 أكتوبر كان من الممكن إنها تبقى امتداد طبيعي للقاهرة وتروح لها مصالح ووزارات تفك الضغط شوية عن العاصمة..لكن تقرر إنها تبقى محافظة مستقلة..

كان من الممكن إن 6 أكتوبر تبقى مجتمع عمراني جديد يتم فيه تفادي كل الأخطاء التي شابت المجتمعات العمرانية الموجودة في باقي مصر من عشوائيات وارتباك وازدحام وغيره وغيره.. لكن عقلية "أعلى مستوى" حتخليها ضلمة ، وحتحصل مدينة السادات و15 مايو وكل مدن الأشباح التانية ، لولا بس وجود مدينة الإنتاج الإعلامي والاستوديوهات وبعض الأندية الرياضية..

دة أولاً..

ثانياً.. خدوا الكام سؤال الشريرين دول:

على أي أساس بيتاخد قرار إن الحتة الفلانية تبقى محافظة ودي تبقى مدينة؟ هل على أساس المساحة ولا على أساس السكان؟ وهل بيتعمل حساب للمستقبل في الأماكن دي .. يعني احتمالات التمدد السكاني وما إلى ذلك..ولا آخد قرار بعمل زخنوقة صغيرة محافظة ولما السكان تزيد نلاقيها بـ "تطرشق" وتخرج عن قيد السيطرة كما حدث في معظم عواصم الأقاليم التي يزيد تعداد سكان بعضها عن المليون نسمة لواحدها؟ وهل حتعرف تلزم الناس اللي حتبني هناك في "المحافظات الجديدة" دي بقواعد محددة ومحترمة للبناء فيها من غير تعديات ولا إشغالات ولا مخالفات ، ولا حتتحول 6 أكتوبر إلى أكبر تجمع عمراني عشوائي جديد في مصر؟ وأخيراً هل حتبقى المدن دي - إن تقرر تحويل تجمعات عمرانية جديدة لمحافظات مستقلة- مدن صناعية ولا مجرد تجمعات خدمات؟ لو بقت تجمعات قائمة على العنصر الخدمي فقط حيؤدي بينا الموضوع دة لكارثة..

ياريت أي صحفي أو أي مسئول يعمل زيارات -بحق وحقيق يعني مش زيارات مدرسية- للمدن المصرية الكبرى ويعرف أكثر عن واقع الحكم المحلي والمشهد العمراني في مصر بما إننا حنلاقي ناس حتمدح وتطبل لهذا القرار في الجرايد من "بكرة الصمح" على رأي بوحة!

خلص الكلام

[shawshank]

هل على أساس المساحة ولا على أساس السكان؟ وهل بيتعمل حساب للمستقبل في الأماكن دي .. يعني احتمالات التمدد السكاني وما إلى ذلك..ولا آخد قرار بعمل زخنوقة صغيرة محافظة ولما السكان تزيد نلاقيها بـ "تطرشق" وتخرج عن قيد السيطرة كما حدث في معظم عواصم الأقاليم التي يزيد تعداد سكان بعضها عن المليون نسمة لواحدها؟ وهل حتعرف تلزم الناس اللي حتبني هناك في "المحافظات الجديدة" دي بقواعد محددة ومحترمة للبناء فيها من غير تعديات ولا إشغالات ولا مخالفات ، ولا حتتحول 6 أكتوبر إلى أكبر تجمع عمراني عشوائي جديد في مصر؟ وأخيراً هل حتبقى المدن دي - إن تقرر تحويل تجمعات عمرانية جديدة لمحافظات مستقلة- مدن صناعية ولا مجرد تجمعات خدمات؟ لو بقت تجمعات قائمة على العنصر الخدمي فقط حيؤدي بينا الموضوع دة لكارثة..

حضرتك بتتكلم ذي ما يكون الدنيا في مصر ماشية بمنهج علمي ، أو إن حتى في أي منهج يحكم أي شئ ، أو إن النظام أصلاً عايز يصلح أو شاغله قوي مشاكل البلد .

أعتقد رأي الفاضلة zizetta هو الأقرب للصواب .

مفيش حاجة في مصر ، خالص ، تتم بأي أسلوب علمي أو منهجي ، نهائيًا . وعلى كافة المستويات ، من أدنى مستوى حتى مستوى رئاسة الجمهورية . "العشوائية" شعار مصر . وانت داخل البلد كده في المطار ستجد هذا الشعار مكتوبًا بالحبر السري

[Alshiekh]

أصدر الرئيس قرارا جمهوريا بانشاء محافظتين جديدتين باسم حلوان والسادس من أكتوبر ليصبح عدد محافظات مصر 29 منها مدينة الاقصر الاثرية

ونص القرار الذي بثته وسائل الاعلام على اجراء تعديلات جديدة على الحدود الادارية لبعض المحافظات منها محافظات القاهرة والجيزة والمنيا والفيوم

واوضح ان محافظة حلوان الجديدة تضم الى جانب مدينة حلوان المدن الجديدة 15 مايو والشروق وبدر والقاهرة الجديدة والهايكستيب والمعادي

اما محافظة 6 أكتوبر فتضم منطقة 6 اكتوبر التي تشتمل على مناطق صناعية واستثمارية كبيرة الى جانب انها تضم أيضا اكبر عدد من الجامعات الخاصة

هل سيحصلون على الحكم الذاتى ؟

[se_ Elsyed]

أنا زهقت بصراحة وزي ما نكون عبيد ليس لهم حقوق .. وناقص بس إنهم يجمعونا في مكان واحد ويحولونا إلى .... ما علينا .. مشيها يحولونا زي كافور الإخشيدي .. وما ننفعش لا طبلة ولا طار ..

لأ بجد

هو المفروض دي بلدنا ... يعني م ع " ملكية عامة " ولا م خ " ملكية خاصة " عزبة أبو الحاج مبارك وأولاده ؟

وامش من الفمروض ... ده المفروض ... إنه لما ياخد قرار زي ده .. على الأقل في سطر كده يقولنا ليه ؟

معايا ناس من ساكني 6 اكتوبر .. مش عارفين هل كده حلو ولا لأ ؟

وبعدين في مصيبة تانية جاءت في قرار السيد الرئيس القائد حفظه الله بخصوص محافظة حلوان اللي ممكن ناس قاهريين عمرهم ما عتبوها ولا يعرفوا هي فين حتى ... بس فجاة بعون الله هايبقى راجل حلواني قد الدُنيا ....

إقرأوا كده وفهموني إنتو فهمتوا إيه عشان أنا مش فاهم

(‏ المادة السادسة‏)‏

تنشأ محافظة جديدة باسم محافظة حلوان‏,‏ ويحدد نطاقها وحدودها الإدارية طبقا للخريطة المرفقة وعلي النحو الآتي‏:‏

ـ الحد الشمالي‏:‏ الحدود الإدارية مع محافظتي الشرقية والقليوبية والحدود الإدارية مع محافظة القاهرة‏.‏

ـ الحد الجنوبي‏:‏ الحد الإداري الجنوبي لمحافظة القاهرة سابقا بدءا من الحد الإداري لقسم التبين وحتي الحدود الإدارية لمحافظة السويس وفقا للتحديد المرفق‏.‏

ـ الحد الشرقي‏:‏ الحدود الإدارية لمحافظة السويس‏.‏

ـ الحد الغربي‏:‏ امتداد نهر النيل من الحد الإداري لقسم البساتين شمالا حتي نهاية الحدود الإدارية لقسم التبين جنوبا‏.‏

وتُضم الي محافظة حلوان المدن الجديدة‏:15‏ مايو ـ الشروق ـ بدر ـ القاهرة الجديدة ـ الهايكستيب إلي قسم المعادي‏

شوفتوا البؤين دول ؟

وانا هنا كمواطن مغلوب على أمره باتسأل .... إيه اللي جاب القلعة جنب البحر ؟

يعني سكان التجمع والقاهرة الجديدة والشروق وبدر بقوا في حلوان .. ولا حلوان هي اللي جت ولا مين راح لمين ؟

[ابتسامة رضا]

السلام علينا وعلي عباد الله الصالحين

نقلت لكم باقي الخبر علشان تعرفوا كمان انه تم تعديل الحدود الادارية لبعض المحافظات اللي كان في القاهرة وصحي لقي نفسه في حلوان ميزعلش لما يلاقي ان اللي كان في الجيزة لقي نفسه في الفيوم....... وعجبي

......................قرار جمهوري بإنشاء محافظتي حلوان و6 أكتوبر وتعديل حدود 5 محافظات

مدن 15 مايو والشروق وبدر والقاهرة الجديدة والهايكستب وقسم المعادي تتبع محافظة حلوان

اصدر الرئيس حسني مبارك امس القرار الجمهوري رقم 115 لسنة 2008 بحركة المحافظين الجديدة.. تضمنت الحركة تعيين 12 محافظا جديدا ونقل 3 محافظين الي محافظات اخري. واحتفظ 13 محافظا ورئيس المجلس الأعلي لمدينة الاقصر بمواقعهم.

كما اصدر الرئيس مبارك القرار الجمهوري رقم 116 لسنة 2008 بتعيين 3 نواب لمحافظ القاهرة ونائب لكل من محافظتي الجيزة والاسكندرية.

ومن المقرر ان يؤدي المحافظون ورئيس المجلس الأعلي للأقصر ونواب المحافظين اليمين الدستورية امام الرئيس مبارك بعد غد 'الاحد'.

وكان الرئيس مبارك قد اصدر قرارا جمهوريا امس بانشاء محافظتين جديدتين هما محافظة حلوان ومحافظة 6 أكتوبر.. تضمن القرار تقسيم وتعديل نطاق 5 محافظات وحدودها الادارية.

وفقا للقرار الجمهوري تضم إلي محافظة حلوان، 5 مدن جديدة هي 15 مايو والشروق وبدر والقاهرة الجديدة والهايكستب بالإضافة إلي قسم المعادي.. وينص القرار علي أن يكون الحد الشمالي لمحافظة حلوان هو الحدود الإدارية مع محافظتي الشرقية والقليوبية والحدود الإدارية مع محافظة القاهرة، وأن يكون الحد الجنوبي هو الحد الإداري الجنوبي لمحافظة القاهرة سابقا بدءا من الحد الإداري لقسم التبين وحتي الحدود الإدارية لمحافظة السويس، كما نص علي أن يكون الحد الشرقي لمحافظة حلوان هو الحدود الإدارية لمحافظة السويس، والحد الغربي هو امتداد نهر النيل من الحد الإداري لقسم البساتين شمالا وحتي نهاية الحدود الإدارية لقسم التبين جنوبا.

ونص القرار الجمهوري علي تحديد نطاق وحدود محافظة 6 أكتوبر، بحيث يكون حدها الشمالي هو الحدود الإدارية لمركز أوسيم وإمبابة ومدينة السادات، وحدها الجنوبي هو الحدود الإدارية لقسم 6 أكتوبر مع حدود محافظة الفيوم وحدها الشرقي هو الحدود الإدارية لمحافظة الجيزة، ونهر النيل بداية من الحد الإداري لمركزي الجيزة والحوامدية شمالا حتي مركز البدرشين جنوبا، وحدها الغربي هو الحدود الإدارية لمحافظتي البحيرة ومطروح.

كما نص القرار الجمهوري علي أن يضم إلي محافظة الفيوم مركز ومدينة الصف ومركز ومدينة اطفيح ومركز ومدينة العياط، ونص علي تقسيم الجزء الصحراوي من مركز ومدينة الواحات بين محافظتي بني سويف والفيوم، وان يضاف إلي محافظة المنيا باقي مركز ومدينة الواحات.

وفيما يلي نص القرار الجمهوري.

رئيس الجمهورية:

بعد الطلاع علي الدستور.. وعلي قانون نظام الادارة المحلية الصادر بالقانون رقم 43 لسنة 1979 وبناء علي اقتراح رئيس مجلس الوزراء:

قرار.. المادة الأولي يكون نطاق والحدود الادارية لمحافظة القاهرة طبقا للخريطة وكشوف التحديد المرفقة وعلي النحو الآتي:

­ الحد الشمالي: الحدود الادارية لاقسام السلام والمرج، والمطرية، الساحل والزاوية الحمراء.

­ الحد الشرقي: الحدود الادارية لاقسام مدينة نصر، والنزهة.

­ الحد الجنوبي: الحدود الادارية لاقسام مصر الجديدة، الخليفة، ومدينة نصر.

­ الحد الغربي: نهر النيل من الحد الاداري لقسم الساحل شمالا الي قسم مصر القديمة جنوبا.

يتم فصل المدن الجديدة الواقعة في نطاق اقسام النزهة والسلام ومدينة نصر.

'المادة الثانية' يكون نطاق والحدود الادارية لمحافظة الجيزة طبقا للخريطة وكشوف التحديد المرفقة وعلي النحو الآتي:

­ الحد الشمالي: حي الوراق والمنيرة الغريبة.

­ الحد الجنوبي: حي العمرانية والطالبية والهرم وحدائق الهرم.

­ الحد الشرقي: نهر النيل بدءا من حي امبابة شمالا حتي حي جنوب الجيزة جنوبا.

­ الحد الغربي: احياء المنيرة الغربية، شمال بولاق الدكرور، جنوب بولارق الدكرور، الرماية.

'المادة الثالثة' يكون نطاق والحدود الادارية لمحافظة المنيا طبقا للخريطة وكشوف التحديد المرفقة.. ويضاف الي المنيا باقي مركز ومدينة الواحات علي النحو المحدد بالكشوف المرفقة.

'المادة الرابعة' يكون نطاق والحدود الادارية لمحافظة الفيوم طبقا للخريطة وكشوف التحديد المرفقة وعلي النحو الآتي:

­ الحد الشمالي: الحدود الادارية لمحافظتي حلوان و6 أكتوبر.

­ الحد الجنوبي: الحدود الادارية مع بني سويف.

­ الحد الشرقي: الحدود الادارية مع السويس.

­ الحد الغربي: الحدود الادارية مع مرسي مطروح.

ويضم الي محافظة الفيوم الوحدات الادارية: ­مركز ومدينة الصف وامتدادها الصحراوي حتي حدود محافظة البحر الأحمر.

­ مركز ومدينة اطفيح وامتدادها الصحراوي حتي حدود محافظة السويس.

­ مركز ومدينة العياط.

­ الجزء الصحراوي من مركز الواحات من الحدود السابقة لقسم 6 أكتوبر والحدود الادارية لمحافظة مرسي مطروح حتي حدود محافظة بني سويف وفقا لكشف التحديد المرفق.

'المادة الخامسة' يكون نطاق والحدود الادارية لمحافظة بني سويف طبقا للخريطة وكشوف التحديد المرفقة.. ويكون الجزء الصحراوي من مركز ومدينة الواحات المحدد بالكشوف المرفقة ضمن الوحدات الادارية لمحافظة بني سويف.

المادة السادسة تنشأ محافظة جديدة باسم محافظة حلوان، ويحدد نطاقها وحدودها الإدارية طبقا للخريطة المرفقة وعلي النحو الآتي:

­ الحد الشمالي: الحدود الادارية مع محافظتي الشرقية والقليوبية والحدود الادارية مع القاهرة.

الحد الجنوبي: الحد الإداري الجنوبي لمحافظة القاهرة سابقا بدءا من الحد الإداري لقسم التبين وحتي الحدود الإدارية لمحافظة السويس وفقا للتحديد المرفق.

الحد الشرقي: الحدود الإدارية للسويس.

الحد الغربي: امتداد نهر النيل من الحد الإداري لقسم البساتين شمالا حتي نهاية الحدود الإدارية لقسم التبين جنوبا.

وتضم إلي محافظة حلوان المدن الجديدة 15 مايو الشروق بدر القاهرة الجديدة الهايكتسيب إلي قسم المعادي.

المادة السابعة تنشأ محافظة جديدة باسم محافظة 6 أكتوبر، ويحدد نطاقها وحدودها الإدارية طبقا للخريطة المرفقة وعلي النحو الآتي:

الحد الشمالي: الحدود الإدارية لمركز أوسيم وإمبابة ومدينة السادات 'محافظة المنوفية'.

الحد الجنوبي: الحدود الإدارية لقسم 6 أكتوبر علي حدود محافظة الفيوم.

الحد الشرقي: الحدود الإدارية لمحافظة الجيزة ونهر النيل بداية من الحد الإداري لمراكز الجيزة والحوامدية شمالا حتي مركز البدرشين جنوبا.

الحد الغربي: الحدود الإدارية لمحافظتي البحيرة ومطروح.

المادة الثامنة يلغي كل حكم يخالف احكام هذا القرار.

المادة التاسعة ينشر هذا القرار في الجريدة الرسمية.

[هيثم نافع]

يا ترى يا هل تُرى .. رح يفتحو ترخيص تكسيات و ميكروباصات أجرة حلوان و المعادي و للا لأ ؟؟

إذا كان كدة .. نلحق نرخّص كام عربية حلوان على المعادي

و بكره يجيبوا تمنهم أضعافاً أضعافاً

[Scorpion]

يا سي السيد يا حبيبي ... أنت لحقت نسيت ... العملية واضحة وضوح الشمس في عز الفطيرة ....

تذكر يا أخي الفاضل : نظرية الكتاكيت الدايخة

لكن اللي عجبني في الموضوع ده الفكر الأيجابي للمصريين .. و اللي عبر عنه بسرعة بديهة العزيز أوي أوي هيثم .. اللي مش قادر أعبر عن سعادتي برؤية أسمه مرة تانية علي سطور المحاورات ...

:lol:

[هيثم نافع]

لكن اللي عجبني في الموضوع ده الفكر الأيجابي للمصريين .. و اللي عبر عنه بسرعة بديهة العزيز أوي أوي هيثم .. اللي مش قادر أعبر عن سعادتي برؤية أسمه مرة تانية علي سطور المحاورات ...

:lol:

سعادتي اكبر يا أستاذ سكوربيون ... و فخري دائما أن أتواجد في مكان يضم حضرتك و أمثالك

و لكن .. ربما حضرتك عارف أن المحاورات محجوبة في مصر لذلك أدخل ببروكسي بطئ شويه مما يجعلني أملّ أحيانا

لو من يعرف طريقة دخول سريعه .. يجعلني سعيدا

شكرا لتحيتك .. و آسف على الخروج على سياق الموضوع

تحياتي

[ELSHAMY]

لكن اللي عجبني في الموضوع ده الفكر الأيجابي للمصريين .. و اللي عبر عنه بسرعة بديهة العزيز أوي أوي هيثم .. اللي مش قادر أعبر عن سعادتي برؤية أسمه مرة تانية علي سطور المحاورات ...

:lol:

سعادتي اكبر يا أستاذ سكوربيون ... و فخري دائما أن أتواجد في مكان يضم حضرتك و أمثالك

و لكن .. ربما حضرتك عارف أن المحاورات محجوبة في مصر لذلك أدخل ببروكسي بطئ شويه مما يجعلني أملّ أحيانا

لو من يعرف طريقة دخول سريعه .. يجعلني سعيدا

شكرا لتحيتك .. و آسف على الخروج على سياق الموضوع

تحياتي

سؤال: هو صحيح المحاورات ممنوعة فى مصر ؟

[هيثم نافع]

نعم للأسف

أنا أستخدم خط من شركة egynet و هو محجوب لديها .. و أعلم كذلك بالنسبة لــ te data .. , link

كذلك محجوبون

[deemuck]

وانت طالع من المعادي ورايح 6 اكتوبر يجي صاحب التاكس يقولك يااااااااااااااااااااه 200 ج يابيه و 50 ج لامين الشرطة عند نقطة التفتيش عشان ارقام العربية ماتغيرتش

[حلواني]

السلام عليكم ورحوة الله وبركاته

اخواني المحاوريين اسمحولي اقولكم ان تعديل المحافظات وانشاء محافظه جديده باسم حلوان دا حصل بعد ماسجلت عندكو باسم حلواني بخمس ايام وحسب نظريه المؤامره الشهيره فانا انفي اي صله لي او لاسمي من قريب او بعيد بهذا التعديل

واذا كانت الحكومه عملت محافظه حلوان علشان تتقرب مننا فدا مش حايحصل ابدا اما مسأله 6 اكتوبر دي اكيد للتمويه وعلشان متبقاش الحركه مفضوحه

علي فكره انا من حلوان وزعلان جدا من التعديل دا لاني كدا بقيت من الاقاليم وسوف نعاني كما يعانون . طول عمرنا نسمه ان الحكومات بتهتم بالقاهره وتنسي الاقاليم اديانا بقينا من الاقاليم مع اننا من الاصل منسيين .

والاخوه اللي مايعرفوش حلوان دي فيين حلوان تقع في نهايه مترو الانفاق الاول جنوب القاهره بينها وبين ميدان التحرير 30 كيلو متر او اقل قليلا و15 مايو تبقي تبعها ماشي اهي جنبنا لكن القاهره الجديده وبدر والشروق اهم دول بقي اللي انا معرفش هما فيين مع اني من حلوان ومولود فيها كمان

والسلام