محافظة حلوان و محافظة 6 اكتوبر !!

[deemuck]

المحافظة اسمها حلوان لكنهم ضموا مدن الدائري الي المطار

[Sherief AbdelWahab]

من الظواهر الشاذة والغريبة إن احنا نشوف ناس تتظاهر للانضمام لمحافظة ولعدم الانضمام لأخرى..ودة اللي حصل لما قرينا في الجرايد إن مجموعة من أهالي الواحات تظاهرت علشان تنضم لمحافظة 6 أكتوبر وتبعد عن المنيا .. وكان الهتاف طبقاً لصحف مستقلة "المنيا ما تنفعناش..6أكتوبر يا بلاش"!

ما يعملوها تحديد مصير بالمرة؟

خلص الكلام

[!! Lidooooo !!]

انا من حلوان :)

واطالب باللجوء السياسي لمدينة نصر :closedeyes:

[somayasaleh]

هو تقريبا ًعندهم إتنين عزاز عليهم عايزين يشوفولهم شغلانة كده علشان يعرفوا يعيشوا في ظل الإرتفاع الباهظ في تكاليف المعيشة .. فتفتق ذهنهم انهم يشغلوهم محافظين .. بس للأسف مفيش محافظة فاضية .. قوم ايه بقى .. يعملوا لهم محافظتين ..

هي مدينة العبور ليه مش محافظة هي والعاشر من رمضان .. مع انهم بعيد اوي .. أبعد من المعادي يعني اللي عايزين يضموها لمحافظة حلوان...

(ملحوظة: هو احنا بنقول المكان ده بعيد والا قريب بناءً على ايه .. مكان سكننا والا عن وسط البلد والا ايه؟)

تحياتي

زيزيتا

والله كلامك صح مائة في المائة

هو ده اللي بيحصل في البلد

وحسبي الله ونعم الوكيل

[se_ Elsyed]

ده أنا جت لي فكرة إمبارح هاتخلي سكان الشروق وبدر والقاهرة الجديدة يلعنوا اللي إتخذ القرار ده

وهي

التوزيع الجغرافي للمدارس والجامعات

تفتكروا الطالب اللي هاياخد ثانوية عامة وكان قدرة إنه من سكان مدينة الشروق وحب يدخل جامعه ... اللي هايودي أهله حلوان ؟

وبرضوا مازلت أتساءل ... إيه اللي جاب القلعة جنب البحر ؟

------------------

وبالمناسبة

تم رفع طلب الفنان ليدو

انا من حلوان واطالب باللجوء السياسي لمدينة نصر

إلى السادة المسئولين

اللي أفادوا

" لا داعي للخوف يا أخ ليدو ... فأنتو ولادنا ومستحيل نشحططكوا ... وعشان كده هاتبدأ الوحدات المحلية في تلك القرى والنجوع الريفية زي 6 أكتوبر وحلوان والشروق والقاهرة الجديدة بإعتبارهم أقاليم متطرفة وعشوائية .. هاتبدأ في عمل تأشيرات لراغبي السفر .. زي الشينجين كده .. والتأشيرة هاتسمح لك بزيارة عدة دول مجاورة 3 مرات في السنة .. كل زيارة لا تتعدى مدتها 24 ساعة .... ومن ضمن الدول اللي هاتشملها التأشيرة دي ( الوايلي ، القلعة ، الحُسين ومصر القديمة وشارع الازهر - لو عايش يعني تشتري شوية قُماشات على بياضات كنب للتنجيد - ، عزبة النخل ، والألف مسكن من أول شارع عبد العزيز فهمي حتى ميدان الحجاز وتعمل يوتيرن وترجع تاني بسرعة لإنك كده بتبقى داخل على ميدان تريومف وده محتاج تأشيرة تانية لإنه بيقع في نطاق دول أخرى صديقة )

[Nonna]

مش عارفة ليه مش مستغربة الخبر :big_boss:

يالا

سبحان من جمع الشامي مع المغربي

وبرضوا مازلت أتساءل ... إيه اللي جاب القلعة جنب البحر ؟

جايز يا فندم عوامل التجريف و التعرية!!!

[محمد عبدالعزيز]

بجد أنا مرارتى اتفقعت

حد قرأ الخبر ده ياناس:

http://www.masrawy.com/News/Egypt/Politics...il/21/gov2.aspx

بيقولك الرئيس اكتشف إن طريق المنيا الواحات غير مرصوف عشان كده استجاب لمطالب المواطنين وضم الواحات لمحافظة 6 أكتوبر.

هو الراجل ده بيلعب سيجة؟

ده حتى اللى بيلعبوا سيجة بيبقى عندهم شوية عقل مش كده.

بجد مش عارف أقول إيه

ويقولك قرار مدروس من 3 سنين, طب واللى درسوا القرار كانو بيدرسوه فى الحمام ومش فاضيين يروحوا لغاية الواحات عشان يشوفوا الطريق مرصوف ولا لأ؟

يا منجى الوحش من الجحش

[shawshank]

مفيش حاجة في مصر ، خالص ، تتم بأي أسلوب علمي أو منهجي ، نهائيًا . وعلى كافة المستويات ...

وده خبر كوميدي لذيذ بيأيد المقتبس عاليه :

انقطاع الكهرباء عن مجلس الشعب المصري خلال مناقشة عتمة العيون

انقطع التيار الكهربائي عن قاعة مجلس الشعب المصري يوم الاربعاء خلال مناقشة احتياج المصابين بعتمة العيون الى قرنيات المتوفين.

...

وقال رئيس المجلس فتحي سرور مازحا قبل أن يفتتح الجلسة "هذا جو شاعري كأننا نعمل على ضوء الشموع."

...

وعلق سرور قائلا "شاء القدر أن يعرض البيان العاجل (المقدم من الديب) عن فاقدي البصر في الظلام."

[bo ghareeb]

بس محدش قال بردك الموضوع ده كويس و لا لأ خاصة بالنسبة لـ6 أكتوبر..

[!! Lidooooo !!]

[!! Lidooooo !!]

طلب ملح يا اخوانى

من يعثر على خريطة للقاهرة بعد التعديلات الجديدة

اضافة لمحافظتي حلوان و 6 اكتوبر

فليتحفنا بها .. وله كل الشكر

[nash]

:closedeyes: :wub:

والألف مسكن من أول شارع عبد العزيز فهمي حتى ميدان الحجاز وتعمل يوتيرن وترجع تاني بسرعة لإنك كده بتبقى داخل على ميدان تريومف وده محتاج تأشيرة تانية لإنه بيقع في نطاق دول أخرى صديقة )

--------------------

طب المنطقتين دول بالذات ...مش لسه تبع مصر الجديده؟؟ ولا اتنقلوا هما كمان؟؟ :lol: :sad: