عندكم مواقف محرجة ... أحكوا وفضفضوا وسمعونا صوتكم .... !!!

[badroora]

شيكولا موقف مامتك فكرنى بموقف حصل معايا

كان في عندنا مريض مصري اصله تركى بس كان عجوز اوى ومراته من ايام البشوات والبهوات وعلى الرغم ان العصر دا انتهى بالنسبة لنا ولكنها لسه عاشية فيها

كانت تسريحة شعرها كل ماشوفها تشبه النجفة ,المهم اسمها بقي كان غريب جدا واوله راء واخرة راء واختك بقي الراء عندها لا تُنطق بس بتنحس .

المهم فى يوم كانت عندنا وبنادي عليها ولاقيت نفسي لا شعوريا باقولها مدام نجفة مرديشت مدام نجفة 3 مرات ودى بقي انا نجفة ستروا وشاليموا وسوهاج ومخلصناش نص يوم بنصالح فيها وهى بقي ايه الاسم البلدي دا ويتقلى انا

جابوا مدير الرعاية وقالى في ايه قولتله نسيت وقولت اسمها غلط ليه وليه طبعا هو دافع عنى باستماته وبينى وبينه خدنى وقالى انا عارف انك قاصدة لانى كنت مشهورة اوى بتطليع اسامى على الدكاترة واصحابي

وبقيت انا نجفة كل اللى يعوزنى يقولى يا نجفة :D

تم تعديل 18 أبريل 2008 بواسطة Badria Mekkawy

[سكر]

انا فى الرياض زى كل يوم راجع من الشغل زى الاتيل ومش دارى بحاجة

ركبت الاسانسير عشان اطل الى الدور الثانى وادخل الشقة

وقفت على باب الشقة وطلعت المفاتيح وافتح فى الباب انه يفتح ابد يا عم افتح ابدا

قوم ايه ابس على رقم الشقة فى العمارة اكتشف انى فى الدور الاول ومش الدو رالتانى وبحاو ل افتح شقة ناس تانية خت ديلى فى سنانى وطلعت اجرى زى حرامى الجزم

وموقف تانى انا مشهور بتضيع سلسة المفتايح

مرةسلسه المفاتيح ضاعت منى لما كنت قاعد فى كافتريا افتكرت كدة وانا راكب العربيةوسايق مروح البيت رحت مغير المسار عشان ارجع بالعربية للكافتريا

ابحث عن المفتايح

وانا على باب الكافتريا قبل مدخل الحمد الله سالت نفسى سوال بسط هو لما سلسه المفاتيح ضاعت طيب انا كنت سايق العربية ازاى

[badroora]

إحراج كلاكيت 3 مرة

مش قولتلك يا جنرال انى هابقي زبونه دائمة هنا .

من 4 سنوات كنت باشتغل فى مستشفي فى مصر طبعا

كان فى عندنا 2 مريض متاشبهين فى اول اسمين يعنى مثلا

نجفة الضب حسين متولى

ونجفة الضب حين مكاوى

المهم ال2 مريض دول كان واحد فيهم حالته خطيرة جدا وبيحتضر

والثانى كان عامل عملية قلب مفتوح وكان كويس وهيخرج البيت فى نفس اليوم

المهم

المريض اللى حالته خطيرة توفي واحنا عادة مش بنلغ وش كدا ان المريض مات الاول بنمهد انه حالته خطيرة وتعالوا بسرعه

المهم بعد الوفاه اتصلوا بينا اهل المريض اللى هيخرج اليوم وبيسالون هو هيخرج الساعة كان عشان يجوا يخدوه

قولتلهم لاء تعالوا بسرعة عشان هو حالته خطيرة المهم جم على ملى وشهم

وانا استقبلتهم عند الباب ودخلتهم المكتب عندنا وبحاول اواسيهم واقولهم الخبر واحدة واحدة المهم زوجة المريض وابنه انصدموا ازاى دا كان كويس وانهاروا وانا بقي اخدت مراته فى حضنى واطبط عليها واواسيها

وازاى بابيهم خارجين من المكتب ويقابلوا المريض بتاعهم فى وشهم انصدموا وانا طبعا اختفيت وانتوا عارفين السبب

ومن ساعتها لازم اسال على المريض واسمه تُساعى مش اكتفي باسمة ثٌنائي ابدا

تم تعديل 18 أبريل 2008 بواسطة Badria Mekkawy

[galaxy]

إحراج كلاكتي 3 مرة

مش قولتلك يا جنرال انى هابقي زبونه دائمة هنا .

من 4 سنوات كنت باشتغل فى مستشفي فى مصر طبعا

كان فى عندنا 2 مريض متاشبهين فى اول اسمين يعنى مثلا

نجفة الضب حسين متولى

ونجفة الضب حين مكاوى

المهم ال2 مريض دول كان واحد فيهم حالته خطيرة جدا وبيحتضر

والثانى كان عامل عملية قلب مفتوح وكان كويس وهيخرج البيت فى نفس اليوم

المهم

المريض اللى حالته خطيرة توفي واحنا عادة مش بنلغ وش كدا ان المريض مات الاول بنمهد انه حالته خطيرة وتعالوا بسرعه

المهم بعد الوفاه اتصلوا بينا اهل المريض اللى هيخرج اليوم وبيسالون هو هيخرج الساعة كان عشان يجوا يخدوه

قولتلهم لاء تعالوا بسرعة عشان هو حالته خطيرة المهم جم على ملى وشهم

وانا استقبلتهم عند الباب ودخلتهم المكتب عندنا وبحاول اواسيهم واقولهم الخبر واحدة واحدة المهم زوجة المريض وابنه انصدموا ازاى دا كان كويس وانهاروا وانا بقي اخدت مراته فى حضنى واطبط عليها واواسيها

وازاى بابيهم خارجين من المكتب ويقابلوا المريض بتاعهم فى وشهم انصدموا وانا طبعا اختفيت وانتوا عارفين السبب

ومن ساعتها لازم اسال على المريض واسمه تُساعى مش اكتفي باسمة ثٌنائي ابدا

يا خبر يا بدريه...........ركزي يا بدريه الله يكرمك................ارواحنا في ايديكي md2:

[زهرة الجبل]

أنا عندي جارتي نحب نتبادل الأطباق مع بعض

يعني مثلاً لو عملت محشي أودي لها طبق

تعمل هي جلاش فتجيبلي طبق

بسبوسه ... بيتيفور ... يعني اللي تعمل حاجه وتعجبها تدوَق التانيه

المهم في يوم ملوش معالم جابتلي كيكة برتقال

كانت تحفه ... و أنا الكيكه بالذات مش بتظبط معايا معرفش ليه ... الكيك بجيبه جاهز

المهم أبو العيال حب يمارس هوايته المفضله في إستفزازي

فقعد بقى يقول جميله..طعمه ... الشغل البيتي غير برضه ... طعمها أحلى من الجاهز بكتير

كل ده طبعا لأنه عارف أن ليا مع الكيكه سوابق كتير كلها أحبطها الفشل

المهم قلتله مادامت عاجباك كده أنا هعرف الطريقه والمقادير وهعملها

قال وفري على نفسك التعب مش هتظبط

طبعاً أنا الدافع الإستفزازي عندي إرتفعت درجة حرارته

قلتله هتظبط و هتشوف

بعدها بيومين اتصلت عليها (على جارتي)

ايه المقادير وايه الطريقه

لقيتها بتقول لي العجينه فيها بشر لقشر البرتقال و بعدين لما تخلص تسقيها شربات

و بتخلط مش عارف نص بالمضرب ونص بالخلاط ,... وشغلااااانه

جالي إحساس رباني كده إنها هتفشل مني

و جالي برضه فكره خبيثه نتفق عليها أنا وهي

قلتلها شوفي يا جارتي العزيزه .. أنا هجيب لك المقادير في الخباثه وانتي تعمليها بسرعه

و هاخدها منك قبل جوزي ما يرجع من الشغل علشان هقول ان انا اللي عاملاها

و إتفقنا على كده

و علشان تبقى الجريمه مكتملة الأركان فكرت في العيال

الخوف من البكريه هي اللي هتلاحظ وما هتصدق وتفتش سري لأبوها

فدخلتها الأوضه و وديت المقادير منغير هي ما تلاحظ

لأن أنا وجارتي الباب قصاد الباب

و بعدين برضه سعياً وراء الجريمه مكتملة الأركان ناديتلها وقلتلها أوعي حد من أخواتك يدخل المطبخ علشان الفرن سخن

قالت : ليه ؟ قلتلها بعمل كيكه

و الكيكه خلصت وجات ... حاجه معتبره ... جميله ومنفوشه وريحتها تجنن

قعدت أفكر ... خفت أتكشف ...

مهو مش طبيعي إن دي كيكه أنا اللي عاملاها خالص

مع إني بعمل حلويات تانيه كتير ... لكن مش الكيكه

بس قلت لنفسي إجمدي كده أومال.. إنتي بس ركزي شويه و إن شاء الله لا هتتكشفي ولا هيبان عليكي حاجه

أول حاجه عملتها إني أخدت الكيكايا حطيتها عندي في الفرن

و ناديت للبكريه : تعالي شوفي الكيكه جميله إزاي؟

بنتي: الله يا ماما .. ريحتها طلعت فجأه مكنتش حاسه بريحتها وهي في الفرن

عملت فيها مش فاهمه السبب قلتلها يمكن علشان الفرن كان مقفول

و بعدين أول ما باباها جه راحت جري قالت له دي ماما عملت في الفرن كيكه وااااو

بعد شويه جبت الكيكه و بوريهاله و كلي فخر و إعتزاز :)

- أنا : دوق كده و قول لي إيه رأيك

- هو : بس دي لسه دافيه

- أنا: وماله دي ريحتها تجنن دوق بس

و طبعاً سعياً خلف إكتمال أركان الجريمه ناديت على بنتي

تعالي يا حبيبتي بسرعه إقفلي باب المطبخ بدل ما حد من إخواتك يدخل أحسن الفرن لسه سخن

بنتي : ( بكل براءه )... حاضر يا ماما

المهم ... حسيت بنشوة الإنتصار (المزيف طبعاً بس مش مهم ..محدش يعرف إنه مزيف غيري )

كنت فرحانه جداً بكلامه ( تسلم إيدك .. تجنن ... أحلى من بتاعة جارتك كمان .. ) فرحانه جداً لدرجة إني صدقت نفسي

ومعدتش خايفه حتى ونسيت تماماً الخوف من إني أتكشف

وتقريباً كده نسيت أصلاً إني عامله عمله

و سعيده بجريمتي التي أفتخر (بيني وبين نفسي ) إنها مكتملة الأركان

لا ومش أسكت بقى و أحمد ربنا إن الخطه نجحت... لا إزاي؟ فضلت أتمنن عليه

و أقوله شفت بقى ؟ عرفت اني بعرف اعملها؟

علشان تاني مره ماتقولش وفري تعبك ومش هتظبط والكلام البايخ ده

وكان فاضل شويه و أقول له القطعه الأولى تدوقها كادو مني و بعد كده لو عاوز تاني.. إدفع

و فجأه وفي غمرة الإنخداع بالنجاح المزيف و إذ بجوزي بعد ما تقريباً صدقت نفسي لقيته وهو بياكل بيقول لي :

ريحة و طعم البرتقال فيها روعه .. ده من بشر القشر بس ؟ ولا فيها عصير كمان ؟

أنا بقى مفكرتش كتير

جاوبت إجابه مختصره تماماً

وغير مدروسه البته

لكن زي ما بيقولوا خير الكلام ما قل و دل

كلمه واحده فقط

قلت له :

*

*

*

*

(ماسألتهاش )

بعدها أنا .... :)

ولما فقت وحسيت باللي أنا قلته ..... jdw::

و حسيت إني عاوزه .... :)

وجوزي طبعاً.....

تم تعديل 19 أبريل 2008 بواسطة زهرة الجبل

[kazabaza]

والدتي كانت راجعه من الشغل و جايبه 2 كيلو موز

و انتو عارفين ان الموز في مصر البياع بيلفه في ورق جرايد قبل ما يحطه في الكيس

المهم انا كنت اجازة و لسه صاحي من النوم لقيت كيس على الارض شكله فيه جرايد رحت زي الشاطر مجمع كل الاوراق و الزباله الي في البيت حاططها في الكيس ده

و خرجت الكيس علي الباب و البواب يبقي يشيله و هي خدمه لست الحبايب

المهم على العصر كده و بعد الغدا

والدتي: ياولاد انا كنت جايبه موز حد يعرف الكيس فين

انا: يمكن نسيتيه عند البقال تحت

والدتي: يا ابني انا كنت داخله بيه انت اكيد رميته في الزباله

انا : لا انا متأكد اني رميت الزباله بس

اخويا: يا ماما يعني هو مسطول؟ مش للدرجه دي يعني معقول هيعمل كده؟

والدتي: طيب ثانيه واحده تفتح الباب تلاقي ال 2 كيلو موز مشرفين مع الزباله

[kokomen]

يسلام يا جنرال موضوع رائع وانا هابقي زبونه دايمة هنا عشان موقفى الكتير المحرجة :sad:

اول موقف

انا طبعا كنت باشتغل فى مصر وكان دوامى 12 ساعة باليوم وكنت ساكنة جنب الشغل وبعدين لظروف مرض جدى اضطريت اقعد فى بيتنا 2 شهر رايحة جاية عشان اكون جنب جدى الله يرحمه

المهم انا مش من النوع ابدا اللى بينام فى المواصلات حتى ولو ايه

بعد المقدمة دي

كنت فى الشغل وبعدين المفروض بنسلم الساعة 8 ونمسي فاليوم دا حصل 6 حوادث سيارات و3 تغيبوا من الشفت اللى هيستلم مننا

المهم فضطرينا انا وصديقة لى نكمل 24 ساعة شغل عان نغطى وطبعا كان المفروض ناخد ع ااقل 3 ساعات راحة معرفناش لان الموقف كان حرج فى المستشفي

طبعا طلع علينا الصبح مدمرين قولت اروح شقتى اللى جنب الشغل انام فيها اتصلوا بي قالولى جدك عاوزك ضرورى قولت

يا احسن يجراله حاجة وانا بعيدة المهم

اول ما ركبت الميكروباص روحت دفعت قولت عشان لو نمت محدش يصحينى وكنت قاعدة فى النص بين راجل وست

انا طبعا من التعب نمت محستش بالدنيا حلمت انى واقفة على باب قطر وايدي فلتت وكنت هاقع من القطر قمت من الحلم مفزوعة صرخت ومسكت بادية الاتنين اللى قاعدين جنبي ايد يمين وايد شمال مسكتهم جامد وقعدت اصرخ

السواق وقف الميكروباص على جنب وزعق للى جنبي وقاله انت عملت ايه حلف انه ماعمل حاجة وانا بقي مدروخة قالى بص كدا على اديها شوف كاتبين اى اسم اى عنوان اى حاجة

المهم والست بتقلب فى ايدي صحيت وقولتها فى ايه

قالتلى معاكى برشام ولا حادة بتخديه لما تجيلك الحالة دي

وازاى تمشي لوحدك كدا مش المفروض تخرجى من البيت لوحدك

قولتلها ليه

اللى جنبي قالى معلش حصل خير ابقي بس قبل ما تخرجى خدى العلاج بتاعك عشان محصلكيش كدا تانى فى المواصلات

المهم انزعجت جدا وبابص حوايلا فى الميكروباص عاوزة حد عاقل يقولى في ايه

وبعدين لاقيت واحد فى الاخر كان متقدملى ومكوناش لسه اديناله رد :lol:

تفتكر بعد الموقف اللى شافنى فيه دا يا ابواحمد من 6 سنين يكون لسه مستنى الرد :lol:

 موقف  جميل يا  بدرية  ... وهو يضحك شوية

 لأن الناس أفتكروكي عندك نوبات صرع  ولا  فزع :lol:

طبعا العريس مش ممكن يكون  مستني الرد بعد اللي حصل ده حايكون خايف على نفسه لو أتقدم لك :lol:

أهلا بك  نورتي الصفحة بمواضيعك الجميلة الشيقة  ... تسلم  أيدك  التي دائما  ما  ترسم البسمة فوق الشفاه

:closedeyes: :happy: :lol: :happy:

[kokomen]

ابو أحمد......

جلاكسي انسه .....أحم أحم...

أتفقنا نطلع علي مرسي مطروح أنا والأسرة والصديقات وأزواجهم طبعا...صديقاتي ارسلوا السيارت مع السائقين..وسافروا بالطائرة..

أنا وابو ياسر والولاد طلعنا من القاهرة ووصلنا علي مرسي مطروح علي المغرب....

كان الإتفاق نتقابل في أوتيل أسمه ( البوسيت) وطبعا أحنا كسائحين معندناش معلومات فين الأوتيل ده...

مش فاهمه كانت الموبايلات تقريبا كلها فيها مشكله ومش عارفين نتقابل ..المهم سألنا حوالي ساعه عن الاوتيل..وفي الاخر وجدنا مبني في منتهي الشياكه...قولت الحمدلله لقيناة...

دخلنا وعند الإستقبال قابلتنا راهبه...وسألتنا عن نوع الحجز والغرف....الحقيقه أنا استغربت شويه ....بس من الإرهاق والتعب ما دققتش وقولت أحنا في مصر يعني مافيش حاجه اسمها مسلم ومسيحي...

المهم فوجئت بسعر الغرف تحفه والإمكانيات رائعه وسألت الراهبه...بعد مادفعنا طبعا...( غريبه معقوله الاسعار رخيصه كده في البوسيت) بصيتلي بابتسامه هاديه وقالتلي لأ ه مش البوسيت ده تبع دير للراهبات تقريبا أو الكنيسه مش متذكرة بجد...

طبعا احرجت منها جدا...وخصوصا ان المكان للافواج وليس للأفراد...ومع ذلك قبلت ان تسكنا هذه الليله...

في صباح اليوم التالي...وجدنا ترحيب جميل ...وعند الظهر كان موعد تسليم الغرفه....تقريبا نصف موظفين الإستقبال كانوا في وداعنا..وجاءت الأخت الراهبه..تسالنا إن كنا قضينا وقت لطيف...والأولاد أنبسطوا في البولينج..لا الحقيقه استخدمنا كل الإمكانيات مجانا...علي اساس اننا ضيوف...

والله كنت خارجه في منتهي السعاده ...من المعامله....

وبضرب عيني شمال بعد ماطلعنا من البوابه وجدت يافطه البوسيت....طبعا رحت لصديقاتي وسمعتهم كلمتين ..واتفقنا نتقابل في الإسكندريه...

لإن الجو كان رطوبه شديده وشعرنا بالمرض بسببه....

  الأخت الفاضلة مدام  :  ناش

  فعلا  موقف محرج جدا   ... بس  كويس  أنهم  سمحوا لكم أن تبيتوا عندهم الليلة

وكمان  أمامكم  الفندق  ومحدش  منكم  شاف  الفندق  بالليل وهو أمام مبنى الراهبات :closedeyes:

حصلي موقف مشابه مع الأسرة في مرسى مطروح سوف أحكيه بعد  شوية لما الكومبيوتر يهدأ شوية

 تقبلي تحياتي ولأسرتك الكريمة

[kokomen]

  موقف  محرج  في مرسى مطروح  

   الولاد  زهقوا من الزحمة في الصيف في أسكندرية   قالولنا  يابابا  و  يا ماما  عايزين نصيف

في مرسى مطروح  بعيد عن  زحمة أسكندرية  ...  قولنا  طيب  ...  وحجزنا  رحلة  تبع نقابة الأطباء

لمدة أسبوع  في مرسى مطروح  ....   العيال  أستعجلوا  في السفر وصمموا يسفروا بالعربية  من أسكندرية

ياولاد السكة متعبة  مفيش فايدة  ..  طبعا مش حنخلص من الضغوط والغلاسة  بتاعة الأولاد  .. قلنا طيب ..  قالوا نسافر بدري

برده  طيب  ...  والله  الأهل دول غلبانين قوى كله طيب طيب مفيش لاء ... :happy:  ركبنا السيارة وتوكلنا على الله من بدري  .. وبعد وصولنا

لمرسى مطروح لقينا الشقة المحجوزة لنا فيها مشكلة ومش ممكن تكون جاهزة إلا بعد 24 ساعة ... حاولنا نشوف فندق نبيت فيه الليلة مفيش

أخيرا وجدنا فندق في شارع أسكندرية مش فاكر أسمه :closedeyes:  وهو الوحيد اللي فيه إمكانية للنزول فيه .. بس للأسف فندق زبالة بمعنى الكلمة

مضطرين لازم نبيت ليلة ... لقيت الفندق معلق صورة الزعيم عبدالناصر .. وهي صورة قديمة جدا ... الولاد وأمهم يقولولي يابابا  هم  مش

عارفين أن عبدالناصر  مات  من زمان :lol:  .. ياولاد أسكتوا حتفضحونا ... طلعنا الغرف  .. لقينا الطرقة مفيهاش إلا حمام واحد فقط مشترك

وغرقان ميه ... دخلنا الغرف لقينا ريحة بودرة الصراصير  تخنق  :happy:  فتحنا البلكونة  شمينا رائحة كمون وفلفل أسود وحاجات غريبة .. نظرنا الي أسفل

لقينا محل عطارة  .. والروايح هلت علينا  بقينا مش ملاحقين من الروائح الخارجية  وكمان الروائح الداخلية  ....  وكان يوم ما يعلم بيه إلا  ربنا :lol:

طبعا  محدش  نام  لغاية الصبح  لغاية ما روحنا  الشقة اللي  في الفيلا  ... ودي كانت أول تباشير الصيف في مرسى مطروح :lol:

الولاد  لسه  فاكرين الموقف ده  اللي حصل من  15 سنة  تقريبا :lol:

[امانى]

تعرضت مرة لموقف لا انساه وكنت صغيرة فى اولى اعدادى وانا ماشية قابلتنى سيدة كبيرة فى السن ومرة واحدة قالت اهلا يا بنتى

ازيك وازى ماما عاملة ايه الست دى كانت فلاحة وتحمل قفة على رأسها طبعا استغربت وقلت لها انتى تعرفى ماما ردت وقالت

يا خبر هى اختى مقلتش لكم عليا لالا انا زعلانه منها اوى وسيباكى كدة ماشية لوحدك والسلسلة فى رقبتك مش خايفة احسن

حد يخطفك وياخدها لا انا لازم اروح ابهدلها دلوقت على كدة هاتى السلسة اما الفهالك فى المنديل وحطيها فى ايدك وروحى على

طول واديها لماما وانا جايه وراكى قولى لها خالتى ام قفة بتقلك متنزلنيش بالسلسلة تانى وهى جايه ورايا. طبعا جريت خايفة لحد

يخطفنى والمنديل فى ايدى بالسلسلة ووصلت البيت وحكيت لماما الحكاية ماما صرخت وقالت الحمد لله انك بخير السلسلة اتسرقت

مش مهم راحت فى داهية قلت لها لأ السلسلة اهى واديتها المنديل بالسلسة وفتحت المنديل وكانت المفاجاة المنديل به كرملة

بدل السلسلة طبعا مبقتش عارفة اعمل ايه على خيبتى ساعتها.. ده موقف من المواقف والمواقف كتير جاية

متضحكوش عليا انا كنت صغيرة ساعتها بس انسرقت برضه وانا كبيرة

شكرا يا ابو احمد على موضوعك فكرنى بخالتى ام قفة ربنا يسامحها بقى

امانى

تم تعديل 27 أبريل 2008 بواسطة امانى

[galaxy]

افتكرت موقف ........موقفين بصراحه :)

الاول....كنت واقفه مع زمايلي في الكليه وبشرب الكانز بالشاليموه ومندمجين كلنا في الكلام وماسكه العليه بأيد وايدي التانيه ع الشنطه.............وبعدين واحده زميلتي طلبت مني ورق كان في شنطتي ......بسرعه سبت ايدي من ع العلبه وبأديا الاتنين مسكت الشنطه اطلع الورق والشاليموة لسه في بقي....قال يعني اناكدا ماسكه العلبه والاتنين ماسكين بعض...والعلبه وقعت علي هدومي وانا ولا هنا بدور بقي ع الورق......وطبعا كان منظري محترم لاني لقيت الكل بيضحك عليا وانا لسه بدور علي الورق....... :)

[galaxy]

مرة تانيه وبرضه في الكليه.كنت باكل ايس كريم وطبعا بدأت الاول بالشيكولاته اللي تحت..........البسكوت طبعا اتكسرت من تحت وانا مش واخده بالي وماشيه اكل.................لحد لما لقيت واحده صاحبتي جايه تجري عليا وبتقولي ايه دا انتي كنتي بتاكلي ايه ايه؟؟؟؟؟؟؟؟ قلتلها ايس كريم ليه؟؟؟؟قالت بصي التي شيرت.............بصيت لقيت التي شيرت الابيض بقي منقط بقع مانجه وشيكولاته .برتقالي علي بيج وحركات.........كنت محرجه موت لاني مشيت مسافه لا بأس بها بصراحه :) .......واصحابي ما كانوش شايفين عشان ماشيين جنبي ....كنت عامله زي الاطفال لما ياكلوا ويبقعوا هدومهم...........طبعا كان لازم اتصرف .......مسحت البلوزة بالميه كتير والحمد لله كانت البقع لسه جديده وما نشفتش ..راحت بسرعه .........بس برضه كان لازم اتصرف في الميه اللي ع التي شيرت......اخترت اكتر مكان شمس في الكليه وقعدت فيه لحد ما نشفت والحمد لله :) .

[الطيار المصرى]

ابو احمد و المواضيع الجامدة.....

موقف جامد بصراحة هو اللي الواحد فاكره ديلوقتي.........

في المحاضرة...و الدكتور عمال يجعر و يشتم فينا انتم ما بتفهموش و الكلام الحمضان ده...

المهم الدكتور كتب معادلة احصائية سريالية....فعملت فيها سبع رجالة في بعض.....و طلعت دامج حواجبي في بعض من الغضب العلمي و طالع اصححهاله

علي الوايت بورد....المشهد اللي بعديه انا منكفيء علي وجهي بعد التعثر بسلالم مصطبة الدكتور و 225 واحد بيضحكوا في نفس واحد و سلمللي علي التصحيح العلمي

تحياتي

الطيار المصري

[galaxy]

الموقف دا بصراحه حصل لزميل اخويا في الشغل ........وكان اول يوم ليه.......وطلب اخويا منه يبعت ورقه بالفاكس وعرفه الطريقه....بعد نص ساعه الشركه اللي مفروض يبعتلوها الفاكس كلمت اخويا وقالوا له كفايه كدا .....الفاكس وصل اكتر من عشرين مرة...لما رجع اخويا وسأل زميله ليه بعته كذا مرة كدا.....زميله قاله..........انه كل ما يبعته الفاكس.. الورقه بتنزله من تحت تاني .......عشان كدا بيبعته تاني

[kokomen]

الموقف دا بصراحه حصل لزميل اخويا في الشغل ........وكان اول يوم ليه.......وطلب اخويا منه يبعت ورقه بالفاكس وعرفه الطريقه....بعد نص ساعه الشركه اللي مفروض يبعتلوها الفاكس كلمت اخويا وقالوا له كفايه كدا .....الفاكس وصل اكتر من عشرين مرة...لما رجع اخويا وسأل زميله ليه بعته كذا مرة كدا.....زميله قاله..........انه كل ما يبعته الفاكس.. الورقه بتنزله من تحت تاني .......عشان كدا بيبعته تاني smk:

جميل جميل ... يعني أرسل الفاكس عشرين مرة ... bv:- ... ده عامل زي واحد بلديتنا من الجنوب

علشان منقلش من الصعيد بعدين بلديتنا يزعلوا ... حصل موقف مشابه لحكايةالفاكس دي

أبني عنده صديق في المدرسة من الأرياف وإنتقلوا حديثا للإسكندرية ... فكان بيكلم زميله ده عن موضوع

إرسال الفاكس لشركة معينة ... فتدخلت أم هذا الصديق وهي متعلمة وقالت لهم يا ولاد هو الفاكس ده

بيوصل الورقة إزاي يعني الورقة بتطير في الهواء علشان توصل gra:- :lol: طبعا الولاد ماتوا على نفسهم من الضحك

[nash]

احدث موقف.....لسه من كام يوم

ناش قدام الكومبيوتر.... gra:-

أبو ياسر ...في الجهه المقابله لناش....

دار هذا الحديث... bv:-

ابو ياسر.....ناش...ياتري في المواقف الطارئه والغير متوقعه..واللي احيانا بتحمل أخبار سيئه ...هايكون تصرفك تجاهها إزاي؟؟

ناش بكل ثقه....عادي يا ابو ياسر...أنت عارف أنا جامده ...وهاديه...ومافيش مشكله... بفكر الاول وبعدين أناقش الموضوع مع نفسي وفي الأخر لازم اصل لقرار

حل هذا الموقف....يعني من الأخر مافيش اسهل من الكلام الحقيقه smk:

أبو ياسر...بيبص لناش بطريقه الأممممممممم....يعني بيفكر بصوت عالي

أنتي شايفه أنك هاديه وبتفكري وكدهوت زي باقي الناس ؟؟

ناش....اكيد يابو ياسر يعني شايفني يعني..........

ابو ياسر....طيب يا ناش هانشوف...تعالي معايا...

دخلت مع ابو ياسر المطبخ...لقيت السكريه كلها علي الأرض وعلي رف المطبخ ... ويا سلااااااام منتهي الفوضي....

لولا البؤين اللي قولتهم في الاول كان ...أحم أحم ولا بلاش..

بعد يومين بقول لابو ياسر بهزار علي الغدا.....

ها مش عايز تفرش السكر تاني علي الأرض؟؟؟ سبحان الله مع ان مش عادتي يعني اعيد الذكريات الاليمه

لقيت فلذه كبدي ...بيبصلي وبيبص لباباه..ويقوله هو مش حضرتك قولتلي ماما اللي وقعت السكر؟؟

مافيش داعي بأة أحكي اللي حصل بعد كده :lol:

[المنصوراوى]

السلام عليكم و رحمة الله و بركاته

من المواقف الغربية الى............. اسف اسف نسيت حاجة مهما قبل ما اكتب الموقف لازم استاذن

فكرت استاذن من مين ؟ الاعضاء ؟الادارة ؟

الاعضاء انا اصبحت واحد منهم مع انهم لم يرحبوا بى :wub:

الادارة الادارة بالتاكيد لا تحتاج الى استاذان

اذن فهى اسوان حبيبتى هذه المدينة الجميلة ليس اهم ما يميز اسوان جوه الجاف ولا سحر الطبيعة و لا النيل و لا المعابد ولكن طيبت اهلها و كرمهم :wub:

نبدا الموقف الغريب ليس الغريب بل المحرج wst::

فى مرة كنت راكب الميكروباص من اسوان الى كوم امبوا و بالصدفة البحته ركب معيا 4ستات انا اعرفهم كويس اول ما دخلو الميكروباص سلموا عليا يعنى شافونى وشوفتهم و عندنا الرجل لازم يدفع للست شوفوا الكرم :wub:

المهم انا ماكنش معايا الاخمس جنيهات

واجرة 4ستات و انا الخامس سبع جنيهات و نصف انا بقيت فى نص هدومى اعمل ايه n2&( n2&(

انط من الميكروباص؟ اطنش ما ينفعش :Exclam:

اعيط ما انا كنت ليس سا عتها فى الثانوى ممكن اعيط :lol: بس العيط حيعمل ايه و الادها و الامر كنت مزوغ من المدرسة ورحة سيما الصداقة يعنى بعد ما ادفع لو قدرت ادفع حضربفى البيت ما خلاص الخبر حيوصل للبيت الستات ما يتبلش فى بقهم فوله المهم ميلت على الرجل الىجنبى و بشويش ممكن خمسة جنه سلف و ادينى عنوانك و حردهم ليك الراجل بكل رجوله حاضر ياابنى و سيبك من عنوانى و دا كان احرج موقف اتعرضت ليه بس

تم تعديل 15 مايو 2008 بواسطة المنصوراوى

[~Heba~]

يا سلام بقى لو حصل و ركبت مواصلة مع رجل معرفة...اضمن انى حوفر قرشين :wub:

و لا يهمك يا منصوراوى الاعمال بالنيات wst::

رنا يرزقك من اوسع ابوابه وتشترى عربية مخصوص لتوصيل كل معارفك من الستات

[النيل حبيبي]

الأول برحب بحبيبنا بن المنصوريه الجدعان

فعلاً هذه الموقف محرج جداً رغم انك كنت في ثانوي

لاننا تعودنا علي كده،ان شاء الله ميكونش الموقف اتكرر

[المنصوراوى]

شكرا الاخت هبه و الاخ النيل حبيبى على المرور

و اكيد يا هبه حتوفرى قرشين لو ركبتى مع واحد من اسوان

النيل حبيبى يتكرر؟؟؟؟؟؟ لا لا مش ممكن يتكرررموقف ذى دا الحكاية كلها انى صرفت مصروفى كله على السيما و الفسح ما انت عارف اسوان و حلوتها

يا سلام الواحد كده مع بلدياته لم يعمل دويتو حاجة تفرح :aslam: :waf:

مش كده ولا ايه