جوه التابوت تنام البشر لما يجى عليها ألأجل

[houssin abo habaga]

جوه التابوت تنام البشر لما يجى عليها ألأجل

كل البشر فى يوم تموت

زى الشجر لما يجف من ميته وهو واقف

كل الشجر ينشف يموت

فى عرف القدر هو ده موسم الخريف

مش ربيع تتفتح فيه الورود

ولا يخرج فيه مولود جديد

ولا تسمع صوت تغريد الطيور

ولما تنظر فوق للسما تشوف

طير مهاجر مارر فوق بلادك من بعيد

بدون أذن السفر أو فيزا أو ختم الخروج

حر طليق من غير قيود

مفيش حد يقدر يسلسله يسجنه

أو حتى يحطه فى قفصه الحنون

تلاقى زهنه شارد

ينظر للسما بصمت وسكون

من غير ألم تسمع فى صوته شجن

مستنى لحظه يفر فى فضا الكون

كل شىء فى الدنيا

ييجى وبعدين يموت

إلا الوطن لا عمره يتحنط أو تحطه فى تابوت

هو مين اللى يقدر يحكمه ويسلسله أ ويسجنه

ولا يقدر يخلى الوطن يوم يموت

مهما كان سوره عالى

برده وطن

مهما طالت فيه الليالى

برده وطن

مهما كان ظالم بيحكم

ولا حتى خلى جوه حلمى فيه كابوس

برده وطن

هوفاكر إن عمره يبقى دايم

يجى القدر على أهون سبب

قرصة ناموس

أجله يرحل و ينزاح عنا الكابوس

ويعيش الوطن جوه الفصول ألأربعه

زى الملايكه متربعه حوالين عرش الملك

متبسمه بسمة أمل

كل ظالم ليكى يا مصر لازم يموت

إلا أنتى بعد الخريف ييجى ربيع

وتفضلى يا مصر وطن نابض بألأمل

عمره ما ينحط فى تابوت

-----------------

كتابات / حسن أرابيسك

تم تعديل 18 أبريل 2008 بواسطة houssin abo habaga