فقراء مصر اولى من مانويل جوزية

[سكر]

تبحث لجنة الكرة بالنادي الأهلي، برئاسة حسن حمدي، في اجتماعها المقبل، سبل تمويل الراتب الشهري لمانويل جوزيه، المدير الفني للفريق الكروي الأول، الذي اشترط الحصول علي ٧٥ ألف يورو شهرياً للتجديد، أي ما يعادل حوالي ٦٥٠ ألف جنيه مصري، رغم أنه يتقاضي حالياً ٦٥ ألف يورو

[هيثم نافع]

يا ناس يا شر كفاية قر

و ماله لما ياخد 650 ألف جنية

أيه يعني 650 ألف جنيه

دول يا دوبك مرتب حوالي 2000 مواطن من الفقرا في الشهر بس!!

[se_ Elsyed]

والله العظيم عيب إن إحنا نتكلم في مواضيع زي دي في القرن الواحد والعشرين !!!!!!!!

يعني مانويل جوزيه هو اللي فاقر مصر ؟

ومانويل جوزيه هو اللي بيبيع مصر حته حته وهو اللي اخد فلوس البنوك وهرب بره وهو اللي غلى السلع الأساسية والغير أساسية ؟

وفقراء مصر مش كانوا أولى من عمرو زكي أبو 14 مليون جنيه واللي ما عملش بطولات بتلاته تعريفه حتى الان مع فريقه

طب يا ريت يبقى كل الناس لهم إنجازات زيه

يا جماعة الخير الأمور لا تُقاس هكذا

وإلا بقى كنا أممنا كل الفلل والمنتجعات والسيارات الفارهة وأرصدة البنوك من الناس اللي عملت كده بجهدها وعرقها وفرقنا فلوسها على الفقراء ...

هل ذنب وأثم عظيم إن إنسان يبقى غني بمجتمع فيه فقراء ؟

أقسم بالله ليس دفاعاً عن الرجل

ولكن كلمة حق أقولها أمام الله

إن الرجل بالرغم من إنه اجنبي ومسيحي ولا يتحدث العربية إلا أنه يكاد يؤدي زكاة ماله شهرياً ويقتطع جزء من مرتبه الهشري بغنتظام لحساب مستشفى سرطان الاطفال .... بالمناسبة بتوع المستشفى هما اللي قالوا كده

وكمان كل الصحف تحدثت عن إنه من شهر فات سافر إجازة خاطفه لمدة إسبوع للبرتغال .. مش عشان يتفسح وإنما سافر سراً بعدما عرف من مدير مستشفى سرطان الأطفال إنهم محتاجين جهاز طبي ثمنه 60 ألف يورو وما عندهمش ميزانية متوفرة فغاب إسبوع ورجع بالجهاز وأهداه للمستشفى

وفي يوم اليتيم في أول إبريل .. قولوا لي كام واحد من رجال الأعمال أو مننا حتى مر على دور أيتام وإتبرع لهم زي ما الرجل عمل وأتحدى إن كان حد قرا او سمع له كلمة يتحدث فيها عن نفسه و أعماله عشان نقول رياء وسُمعه

[حسام يوسف]

السلام عليكم

650 الف جنيه فى الشهر

22 الف جنيه كل طلعة شمس

يا بلاش :lol: :lol:

وكلة يهون عشان الانجازات

طيب يا جماعة لو أى واحد فينا مسك الاهلى

العبد لله

س س

كوكومن

كوكوواوا

اى حد

واشتغل بنفس الطريقة

elqi3y methode

طريقة القيعى يعنى

يعنى يشوف اى لاعيب فى مصر

ويروح للقيعى

ويقولة :

بسك علية

ييجى القيعى باللاعيب

وغيرة

وغيرة

وبعد ماياخد كل اللاعيبة الممكنة

ويأمر اتحاد الكرة ان يخلى القايمة 30 لاعب مش 25

فيطيع اتحاد الكرة

ويتفتح القيد فى يناير مخصوص عشان ابوتريكة يروح الاهلى

بعد ده كلة:

مش هناخد البطولات كلها

ومن غير 22 الف جنية يوميا؟

[se_ Elsyed]

مش هناخد البطولات كلها

ومن غير 22 الف جنية يوميا؟

ولنا في ريال مدريد عِبرة

والله لو جبت شوماخر نفسه وأستحضرت أرواح أحرف 11 لعيب في العالم برضوا مش هاياخدوا غطى كازوزه لو ما فيش إدارة صح

وهاتروح بعيد ليه .. شوف لعيبة الزمالك من أول فريق الأحلام وفريق الأوهام والملايين اللي بتتبعتر

وبعدين يا حسام ما هنري ميشو كان بياخد حوالي 50 ألف دولار والأخ كراويه أو كرول بياخد حوالي 40 برضوا وقبلهم كاجودا ودريجوسلاف وفنجادا وكابرال تاني ... إحسب كام مليون دولار إندفعوا ده غير غرامات فسخ العقود من جانب الزمالك ... كل ده مقابل إيه يا عزيزي ؟

يكفي الأهلي فخراً إنه الفريق الوحيد اللي بيحقق أرباح من لعبة كرة القدم سواء من مكافأت الفوز بالبطولات أو الإعلانات او بيع اللعيبة

عارف كاظمة الكويتي على سبيل المثال إستعار احمد فتحي لمدة 3 شهور فقط بكام ؟

مليون جنيه للأهلي

والأهلي هو صاحب أكبر ميزانية في تاريخ الأندية المصرية ويمكن ميزانيتة ما شاء الله قد ميزانيات الأندية المصرية مجتمعه ( 200 ميون جنيه سنوياً )

يبقى ليه ما يجيبش مدرب محترم بيفوز بما لا يقل عن أربع بطولات سنوياً

وحقق مع الأهلي حوالي 14 بطولة ..

وداخلين في أربع سنوات لم يهزم فيهم الأهلي محلياً في عهد هذا الذي تحسدونه غير 3 مباريات في الدوري فقط لا غير ...

يبقى يستاهل ولا لأ يا حسام ؟

وأنهي أحسن واحد بياخد مرتب خرافي وبيحقق مكاسب ؟

ولا واحد بياخد نص مرتب خرافي وبيحقق المركز الخامس ويتغلب من طوب الأرض ؟

[النيل حبيبي]

إدارة الأهلي ليست ساذجه لهذة الدرجه

كل شئ له مقابل وجوزيه عارف وبيحسبها صح

[ziad]

حرام على جوزيه قاهر زيزى وسيسى بالستات وحلال على كلور ولا كلوركس بتاع زيزى الى خالى بتوع ميت عقبه يتكلمو عن ماتش المحله كماتش عودة الروح,إرحمنا يا رب