متطلبات تأشيرة الزياره

[new mimo]

السلام عليكم ورحمة الله وبركاته

يا جماعه انا مصرى مقيم فى الرياض والحمد لله مراتى حامل ومعاد الولاده شهر 10

وان شاء الله عايز اعمل زياره لأمها

سؤالى دلوقتى ايه هى الأوراق المطلوبه لعمل الزياره ؟ والتأشيره بتفضل متاحه فى السفاره اد ايه؟ وعلى الباسبور اد ايه؟

يعنى لو عايز حماتى تيجى على نص رمضان ابدأ فى اجراءات الزياره من امتى؟

وحاجه تانيه انا كنت سمعت ان وزارة الخارجيه السنه دى حتقفل تأشيرات الزياره من بدرى (من أول رجب) ومش عارف الكلام ده صح ولا ايه؟

يا ريت لو حد عنده معلومات اكيده يرد عليا

آسف على الاطاله

[se_ Elsyed]

هازعل منك يا ميمو

دور بنفسك على الملف الكامل عن الحياة بالسعودية في باب المغتربين .. شوف موضوع تأشيرات الزيارة ولو في حاجه معصلجة معاك تعالى إسأل ..

[vipwithyou]

عمى سي السيد

خليك يا ريس حنين علينا كلنا زى ما نت كدة وما تزهقش بسرعة

الناس ممكن متكونش عارفة الطريق وبيسألوا من العشم فيك برضوا

عمى سي السيد بيقصد الملف دة

وتحديدا الصفحة دى

إجراءات تأشيرة الزيارة

والف مبروك يا سيدى وتجيب حماتك بالسلامة وتبقى تعزمنا على العقيقة ان شاء الله

لكن برضوا حاول تخلصها بدرى تحسبنا لأنهم يقفلوا الزيارات فعلا قبل شعبان

وشكرا

[new mimo]

ألف شكر يا سى السيد وانا ميرضينيش زعلك أبدا بس معلش دى أول مشاركه ليا فى المنتدى

وشكرا جدا ليك يا vipwithyou

وان شاء الله معزومين على العقيقه باذن الله

[النيل حبيبي]

الزيارة اهم حاجه المهنة

الاستمارة من النت

بيقفلوا التقديم نهاية رجب

تقدم ان شاء الله نص رجب

التأشيرة مدتها 3شهور من ساعه ماتدخل الرياض

انا في الرياض ومتنسانيش في العقيقة

بالسلامة ان شاء الله