لماذا نكذب ...(كذبة بيضاء وكذبة سودا)

[badroora]

الاخت العزيزة جويرية

اشكرك جدا على التفسير بس بصراحة قرأته كذا مرة ومش قادرة اطلع بالمعنى ,ساحاول انا ابحث لانى اول مرة اسمع عن التعريض وعاوزة افهمة كويس

الكلام اللى جبتيه كويس بس للى عنده خلفية عن التعريض ,

عموما هابحث ولو مفهتمش بردوا هابقي اقولك بعد اذنك تشرحيلي بطريقتك انت من اللى فهمتية عن التعريض

شكرا حبيبتي دمتى فى حفظ الله wst::

إن شاء الله تكون وجهه نظري واضحه....

واضحة وضوح الشمس الساعة 2 بالليل wst::

وانت بردوا يا ناش مفيهاش حاجة تخلى بالك من الملح اكيد هما هيجملوكى بس انت عارفه الحقيقة :sad:

[badroora]

العزيزة جويرية

اشكرك على اتاحة الفرصة لى للقراءة عن التعريض او التورية

التعريض بطريقة مبسطة لمن لم يعرفه مثلي .

تحدَّث العُلماء عمَّا يُسَمى بالتَّعْريض والتَّورية، ومعناهما أن يُطْلِق الإنسان لفظًا يحتمل معنيَين، يكون ظَاهرًا في واحد منهما ويُريد هو المعنى الآخر، وهو نوع من الكَذِب

فيه تغرير وخِداع، يقول النووي في كتابه " الأذكار" ص 380 في بيان حكمه: قال العلماء: فإن دَعت إلى ذلك مصلحة شرعية راجِحَة على خداع المُخَاطب. أو دعت

إليه حاجة لا مَنْدُوحة عنه إلا بالكذِب فلا بأس بالتعْريض، فإن لم تدعُ إليه مصلحة ولا حاجة فهو مكروه وليس بحرام، فإن

تُوُصِّل به إلى أخْذ باطل أو دفْع حقٍّ

فيصير حينئذ حرامًا،

يبقي اذن المواقف اللى كدبت فيها لا تعتبر كذب تعتبر تورية او تعريض طالما لن اضر احد بها ....صح ولا ايه ؟

تم تعديل 20 أبريل 2008 بواسطة Badria Mekkawy

[galaxy]

بدور حبيبتي .................... :lol:

..انا اري ودا رأيي برضه :blink:......................................... انه لا يصح الا الصحيح.

.وبصراحه مفيش اسوا من التلاعب بالالفاظ................لايهام شخص ما بمعني معين مع ان نيتي وقصدي لمعني اخر.............بصراحه في تصوري مش ممكن يكون الا لمضرة.......والا ايه اللي يمنعني اني اقول الصدق.......

اعتقد ان من الافضل في حاله تعارض المصلحه اني احتفظ برايي لنفسي ..........او باسبابي لنفسي .......بدون اضرار لاي شخص.

المواقف اللي قولتيها لا تحتمل الكذب .............موقفك مع والدتك.........لا اعتبره كذبا علي الاطلاق .......وانا سبق قولتلك كدا. wst::

اما مثلا في حاله صاحبتك......انا شخصيا لما بيحصل معايا كدا ........بعتذر وليا اسبابي او ظروفي .

اما المحاضرات بقي.........رغم ان عمري ما اتأخرت علي محاضرة.........مش عشان ملتزمه وبحضر وكدا..............لاني بصراحه ما كونتش بحضر غير المحاضرات اللي احسها مهمه ........قبل الامتحان يعني ........او لو في غياب........وطبعا السكاشن بس........لكن لو اتاخرت علي سكشن كنت بعتذر بس...... وزي ما قولتلك ربنا بيسهل .

اما اللعب بالالفاظ..........بتكون نيتك هي التغيير ........ان استطعت ان اقنع المخلوق ............فالخالق ادري بنيتي .....والاعمال بالنيات.......وهنا نيتي التغيير لاهرب من شيئ او من عقاب ومثلا....وظني اني في حاله قصدي لمعني اخر..........لن تكون النيه سليمه لاني اعلم اني اقصد شئ اخر.........وان اقصد شيئ اخر اخاف منه ان اظهرته........في ظني لن يكون الا لضرر...او لشيئ مش سليم .......والا زي ما قلت ليه اغير كلامي او اكذب؟؟؟؟؟؟؟؟.

اما الكذب لضرورة زي ما فهمت من الكلام انه في الحاله دي مش حرام عشان فيه ضرورة او نجاة من شيئ معين.......فدا ممكن في حاله العدو زي ما سبق وقلنا قبل كدا..............وبرضه يا بدور دا رأيي :blink:

تحياتي.........عذرا للاطاله يا بدور :lol:

تم تعديل 20 أبريل 2008 بواسطة galaxy

[badroora]

هلا بشيكولا حبيبتي ........... :lol:

على فكرة ابقي فكرينى احللك سب النقط الكتيرة اللى بين كلامك ها ....... :big_boss: مش انتى لوحدك اللى بتحللى .

كلامك صح وانا متفقه معاكي فيه انه الكذب طبعا شيء غير محمود .

والهدف من طرحى هو ان الانسان احيانا بيكدب كدب غير مضر وبعد كدا جويرية عرفتنى انه التعريض او التورية

انا شيفاها انها لو غير مضرة لاى احد فمافيش مشكلة

اما طبعا لو شهادة قانونية او اى شيء يتوقف عليه مصر ناس يبقي فى الحالة دي مكرووووووووووه وحرام .

ولكن من الاحسن ان الانسان يتعود انه ميستسهلش ويقول اى اسباب وهمية للهروب من الاجابة على اى تساؤل .

يعنى انا مثلا اكثر شيء يضيقنى لما حد من اصحابي يسألنى رايحة فين ولا كنتى فين .........ردى الطلقائي بيكون .........كنت فى داهية :huh: وهما بقي يفسروها بمعرفتهم فين الداهية دي تكون .

عرفتى ايشلون :lol:

[galaxy]

بدور الجميله.............اسعد الله مساءك........... :D

تمام يا معلم كلامك صح.......................... :blush2:

اما حكايه النقط الكتير ف انا هريحك.............انا بحب اريح نظري شويه ونظر اللي قدامي بالمساحات الواسعه...................لان لما بشوف مداخله كلها كلام جنب بعضه من غير فراغات بتتعبني قوي في قرايتها........مع اني والحمدلله مش لابسه نظارة. :D ................عشان كدا زي ما قولتلك بريح نظري بالفراغات ونظر غيري....................بس يا ستي ادي الحكايه . :sad: يعني بستخدمها للفصل مش اكتر ................................................................................

. :sad:

بس عموما هحاول ابقي اكبر الخط او الونه لو النقط بتضايقك يا بدور........تحياتي :D

تم تعديل 21 أبريل 2008 بواسطة galaxy

[badroora]

شيكولا المعسلة ....... :D

انا عاوزة ابدي اعجابي بالنقط بالعكس بتخلى الشكل العام للكتابة جميل ومريح زي ماقولتى ........

انا كنت عاوزة اقوللك تحليلي من خلال النقط اللى بترسميها ..... :blush2:

فرااااااااااااغ :D مش كدا

تتمسي بالخير يا دميل يا جومر :D

[galaxy]

شيكولا المعسلة ....... :blink:

انا عاوزة ابدي اعجابي بالنقط بالعكس بتخلى الشكل العام للكتابة جميل ومريح زي ماقولتى ........

انا كنت عاوزة اقوللك تحليلي من خلال النقط اللى بترسميها ..... :unsure:

فرااااااااااااغ :happy: مش كدا

تتمسي بالخير يا دميل يا جومر md2:

لا والله للاسف يا بدور ........................انا بس بريحلك عنيكي وبنظم افكاري فقرات................................عشان بصراحة برتاح في المساحات الواسعه كتير :blink: .............يسعد مساكي يا بدورة wst::

[shawshank]

...فعن أم كلثوم قالت لم يرخص رسول الله الكذب إلا في ثلاث الرجل يقول لزوجته والرجل يقول القول في الحرب والرجل يصلح بين الناس "

ودا

....ان سأل اعرابي رسول الله ..صلي الله عليه وسلم ..ايسرق المؤمن يارسول الله؟قال الرسول الكريم....نعم يسرق....فتعجب الاعرابي وكررها ثلاثا...وكان عين الجواب......ثم سأل ايزني المؤمن يارسول الله؟ فأجابه الرسول الكريم.. نعم يزني...فتعجب الاعرابي وكررها ثلاثا.....وكان عين الجواب...ثم قال ا يكذب المؤمن يا رسول الله ؟فأجاب رسولنا الكريم.........لا

فى الاول الرسول علية الصلاة والسلام قال ان الكذب مباح فى ثلاث حالات .

وفى الحديث الثانى

كان الرد قاطع بان المؤمن لا يكذب ابدا .

هنا ارى تناقض بين الحدبثبن ؟!!

مش تناقض . الأحكام الشرعية لا تؤخذ من حديث واحد ولا من آية واحدة . بل يجب أن تضم كل الأدلة جنبًا إلى جنب لاستنباط الحكم . هناك من الأحاديث والآيات القرآنية ما هو عام يخصصه نص آخر ، وما هو مطلق يقيده نص آخر ، وهكذا . وهنا تأتي مهمة العالِم في استنباط الحكم الشرعي لأنه يكون ملمًا بكل آيات وأحاديث الأحكام . ثم يضاف إليها للاستئناس أفعال الصحابة والتابعين وأقوالهم وفتاواهم وما كانوا عليه ... الخ .

[badroora]

مش تناقض . الأحكام الشرعية لا تؤخذ من حديث واحد ولا من آية واحدة . بل يجب أن تضم كل الأدلة جنبًا إلى جنب لاستنباط الحكم . هناك من الأحاديث والآيات القرآنية ما هو عام يخصصه نص آخر ، وما هو مطلق يقيده نص آخر ، وهكذا . وهنا تأتي مهمة العالِم في استنباط الحكم الشرعي لأنه يكون ملمًا بكل آيات وأحاديث الأحكام . ثم يضاف إليها للاستئناس أفعال الصحابة والتابعين وأقوالهم وفتاواهم وما كانوا عليه ... الخ .

اوك كدا فهمت ..... يعنى المفروض اننا نبحث عن كذا مصدر لتثبيت وتأكيد المعلومة ولا يجوز الاخذ بحديث واحد فقط اوآية واحدة صح ولا فهمت حاجة

تانية .....شكرا لحضرتك .... :)