من زكي بدر ... لحبيب العادلي .. يا مصري لا تحزن

[se_ Elsyed]

وكإن هو قدر مكتب علينا ان نكون عبارة عن نعاج أو دجاج ليس له ثمن في عين الحكومة ....

فما بين زكي بدر الذي قال منذ أكثر من 20 عاماً إن لديه تصريح من الرئيس بإبادة 25 % من الشعب المصري عند الضرورة ..

إلى حبيب العادلي الذي اطلق يد زيانيته للتنكيل بمن يقول لأ ... حتى ولو كان من رجال القضاء حُماة العدالة ... إلى هذا الشيء النكرة الذي أتوقع بإذن الله ان يدخل جهنم وبئس المصير .. هذا الشيء يُدعى " اللواء / محمد الحميد عمر ... ويشغل منصب وكيل لجنة الدفاع والأمن القومي بمجلس الشعب وعضو لجنة السياسات في الحزب الوطني " .... تخيلوا يعني مسئول عن السياسات الأمنية في البلد ؟!!!! .. هذا الشيء تمت إستضافته تليفونياً بالامس في حلقة جريئة للصحفي وائل الإبراشي على قناة دريم ببرنامجه الإسبوعي الحقيقة .. وكانت تدور حول الإثنين الذين أستشهدا في المحلة ظلماً وعدواناً برصاص زبانية الشرطة الذين أصبحوا مكروهين من كل المصريين ...

وأستضاف أيضاً والد الطفل البريء اللي في المرحلة الإعدادية اللي كل ذنبه إنه كان واقف في البلكونة بيتفرج على المظاهرات فأصابه عيار ميري في رأسه فأنفجرت ومات بجوار والده .. وحاول المذيع تطيب خاطر والد الشهيد وخاله الذي حضر أيضاً الحلقة ومعهم اللواء / فؤاد علام وكيل مباحث أمن الدولة السابق .. وشيء أيضاً مجعلص في البلد إسمه نبيل لوقا بباوي أنا مسميه " عبد الله بن سلول رأس المنافقين "

وأتصل وائل الإبراشي بذلك النكرة محمد عبد الحميد عمر ليسأله عن التحقيقات اللي المفروض أن تتم في مقتل هاذين الشابين الأبرياء .. وإذ به ينفجر في الكلام وكويس إنه ما كانش حاضر الحلقة وإلا كان قام قتل أبو الولد .... ودار هذا الحوار بالنص واظن هناك من الزملاء من سمعه :

سعادة اللواء الباشا محمد عبد الفتاح عمر المسئول عن السياسات الأمنية في البلد : بأقولك إيه را جل إنت ما تقعدش تقرفنا وتعيد وتزيد وتقول إبنك شهيد إبنك شهيد ...شهيد ليه إن شاء الله ؟ أهو مات وغار في ستين داهية ..... إحنا كنا رايحين نحمي البلد من اللي عايزين يحرقوها ويولعوها زي اللي ولعوها سنة 1951 وحرقوا القاهرة .. والمتظاهرين دول كانوا في طريقهم لقلب نظام الحكم والإستيلاء على البلد .

وهنا تدخل وائل الإبراشي وقاله حضرتك بتقول إيه يا سيادة اللوا ده الولد مات وأهله مكلومين وإحنا بنصبرهم ..

سيادة الباشا اللوا : يا سيدي الولد ده مات عشان ما عندوش ثقافة أمنية

وائل : ثقافة أمنية ؟ عند ولد في إعدادي ؟ وإيه هي الثقافة الأمنية سيادتك ؟

سيادة اللوا : الثقافة الأمنية هي إن لما يكون في مظاهرات .. ليه ولد زي ده يبص من البلكونة ؟ ... وبعدين أنا أساساً مختلف مع رئيس الوزرا اللي رايح يكافيء المخربين ويديهم شهر مكافاة مقابل إنهم حرقوا البلد

لحد هنا وأنا ما مستكش نفسي ودعيت عليه وإن شاء الله يتصاب في أولاده أو أولاد اولاده عشان قلبه يتحرق زي ما شتم الرجل وقاله إبنك مات وغار في سيتن داهية .. وحسبنا الله ونعم الوكيل فيه وفي رئيسه وبإذن الله نشاهدهم جميعاً في قاع الجحيم ... ربنا بيمهل ولا يهمل .. حتى لو كان شايف نفسه لواء ولا فريق حتى .. أهو يبص لواحد ظالم جبار زي صدام لما اتذل وإتمرمط به الأرض .. وإن شاء الله نشوف من سرقوا البلد وذلوا اهلها بهذا الشكل .. نشوفهم جميعاً معلقين على المشانق في الميادين العامة وساعتها سنخلع جميعاً أحذيتنا لنضربهم بها حتى بعد موتهم ..

أنا أملي في ربنا كبير وعارف إنه يُمهل الظالمين ولكن عندما يأخذهم فإن أخذه بيكون أخذ عزيز مقتدر ..

بالمناسبة هذا ليس موقفاً أو رأي شخصي من هذا الشيء المدعو عبد الفتاح عمر .. ولكنه توجه عام من الدولية البوليسية المحتميه من الشعب خلف البنادق والمتاريس لإنها أجبن من ان تواجهه لإنهم فشلة وظلمة ولصوص وعارف إن ساعة القتك بهم قد إقتربت وإن دولة بجيشها وشرطتها وعدتها وعتادها خايفة من بنت صغيرة تُدعى إسراء لا تملُك إلا قلماً جريئاً وقلباً محباً لوطنه ...

وأحب ابشركم إن النهاية قريبة بإذن الله ....

وإذا كانت دولة الظمل ساعة .. فإن دولة الحق والعدل إلى قيام الساعة

[مهيب]

س س .. استنى أرجوك معلش .. " أهو مات وغار في ستين داهية " .. هو قال كده فى البرنامج بجد ؟؟؟ قال كده لأبو الولد فعلا ؟؟؟ حقيقى ؟؟؟

هذا شيء فوق الاحتمال .. فعلا هما دود الأرض و الآفة المخيفة .. هم علة فى جسم بلدى .. هم جيفة .

لكن ارجع و ابتسم ابتسامة خبث و تشفى .. اترعبوا يا كلاب .. موتوا فى جلدكم و بللوا سرايركم بالليل .. طلعوا كل الأسلحة .. و اللى خايف منكم على عياله يسفرهم برة .. و ان شاء الله تفضل سلاسل الاعتصامات و الاضرابات فى جميع أنحاء مصر لحد ما تخنقكم .

مهيب

[التونسى]

لمن يحب ان يرى الحلقه بدون تحميل من موقع عرب تيوب انا حاليا بشاهدها بعد ما قريت الموضوع وهى ثلاث اجزاء

http://www.arabtube.tv/videos/Shows/Wael_E...tial_Elma7la_p1

http://www.arabtube.tv/videos/Shows/Wael_E...tial_Elma7la_p2

http://www.arabtube.tv/videos/Shows/Wael_E...tial_Elma7la_p3

[التونسى]

على فكره حتة يروح فى داهيه قالها اللواء ردا على سوال مقدم البرنامج وائل الابراشى لما قالله ابنك لو مات بنفس الشكل برصاص عشوائى راح قايل مباشرة يروح فى داهيه وهو بيقصد ابنه فى المقام الاول لانعدام ثقافته الامنيه فى مثل هذه الظروف الطارئه !!!!

توضيح بس لابد من ذكره

[Folana]

السلام عليكم ورحمة الله....

سيادة الباشا اللوا : يا سيدي الولد ده مات عشان ما عندوش ثقافة أمنية

متهيألى كان قصده "ثقافة حرامية وبلطجية"....طول عمرنا اهالينا يقولنا لما تلاقوا خناقة ماحدش يقف يتفرج...علشان بيبقوا حرامية وفتوات

فترسخت بداخلنا ما يمكن ان نطلق عليه بلسان هذه الايام "ثقافة بلطجية"......لكن طالما الحال هكذا ....وانقلب الحال ومابقاش فيه مسميات واضحة للاشياء ..يبقى احنا محتاجين دورة ثقافة أمنية....علشان لما نشوف عسكرى نجرى بسرعة من قدامه....

والعمر مش بعزقة بصراحة....

أه يابلد....

ونقول كمان....

صبرك ع المساوى

بيزيد البلاوى

تبجى انت المصيبة

وتبجى انت المصاب

ياويلك بصبرك

ع الظالم وظلمه

فى الدنيا ويا ويلك

من يوم الحساب

وان كنت ناصح وفهمت المجاله

فهمها يا ابنى للى ما فا همشى

طنبور نجم

[se_ Elsyed]

على فكره حتة يروح فى داهيه قالها اللواء ردا على سوال مقدم البرنامج وائل الابراشى لما قالله ابنك لو مات بنفس الشكل برصاص عشوائى راح قايل مباشرة يروح فى داهيه وهو بيقصد ابنه فى المقام الاول لانعدام ثقافته الامنيه فى مثل هذه الظروف الطارئه !!!!

توضيح بس لابد من ذكره

إنت عارف يا تونسي إن لاول مره أذكر هنا في المحاورات إني لا أعترف بحاجه إسمها إستقلال القضاء وإن لا تعليق على أحكام القضاء والحبشتكانات دي كلها

لإن التعليق عندي لا يكون إلا على نص قرآني صريح أو حديث نبي صحيح

طب أنا بأقول الكلام ده ليه ؟

لإن من سنة تقربياً أم واحد من البحارة اللي راحوا في العبارة بتاعت زكيا عزمي .. قصدي بتاعت ممدوح إسماعيل زمايلة الناجون أكدوا وبصموا بالعشرة إنه موجود وإنه وصل معاهم للغردقة - زي مانا ما شوفت بعيني الممرضة بتاعت السفينة وهما بينقذونها عن طريق السفينة البنجلاديشية اللي معديه والسفينة دي صورت عملية الإنقاذ والبنت إتنقلت للغردقة برضوا وصحتها وحالتها كانت زي الفل ومع ذلك بخ وأختفت وما رجعتش حتى الأن وأمها إتعرفت عليها بلبسها وهيئتها وشكلها - .. فالست أم الولد ده كانت بتسأل بس هو فين إبني ؟ لا أكثر ولا أقل ... فالمهم حسبوه من ضمن اللي راحوا وهي وبالرغم حاجتها رفضت تستلم التعويض ..

عايز أوصل لحته بقى ... إن الست دي في حضورها لإحدى جلسات محاكمة السفاح ممدوح إسماعيل بكت وأنتحبت في قاعة المحكمة يقوم البيه القاضي اللي بيبقى معظمهم ظباط شُرطة فشله وبيسلكوا سلك القضاء .. يروح قايل لها : إنتي بتعيطي ليه .. إنتي مش اخدتي تعويض وخلاص ؟

تخيل إن الست دي إتجننت رسمي من بعدها وتم إيداعها مصحة للامراض العقلية من الصدمة ؟

اهي هي دي يا سيدي الفاضل نظرة الناس اللي فوق كلهم لنا ....

إحنا عبارة عن 5000 جنيه بتترمي عالجزمة القديمة للمتوفي

و 3000 ج للمصاب العاجز

وطول ما معاك تدفع يبقى دوس بجزمتك على الفقراء الذين بدون ثمن .