ساعات النوم الطويلة

[الحازم حسن]

- هل صحيح ان النوم الطويل مفيد للاطفال ؟ ومضر للكبار ؟

- هل الانسان صاحب النوم الثقيل وساعات النوم الطويلة في المتوسط ( 7 - 9 ) ممكن أن يسبب له نومه الطويل أي أعراض جانبية ضارة ؟

- وإذا زادت هذه النسبة إلى 10 ساعات يوميا فما فوق هل يعتبر هذا الأمر خارج عن المألوف والطبيعي ؟

- وكيف يستطيع الانسان التقليل من معدل ساعات نومه اليومي ؟

تم تعديل 20 أبريل 2008 بواسطة الحازم حسن

[badroora]

- هل صحيح ان النوم الطويل مفيد للاطفال ؟ ومضر للكبار ؟

هما الاطفال طبيعتهم النوم الكثير فى اوائل سنينهم

الكبار مش مضر انا ممكن انام 24 ساعة ومزهقش

الكبار من 6 الى 8 ساعات كفاية وبيقل على حسب طبيعة الشخص وتقدم السن .

- هل الانسان صاحب النوم الثقيل وساعات النوم الطويلة في المتوسط ( 7 - 9 ) ممكن أن يسبب له نومه الطويل أي أعراض جانبية ضارة ؟

معتقدتش انه ممكن يجراله حاجة 7 -9 ساعات معقولة جدا والنوم الطويل او العميق مش مشكلة وليس له اضرار جانبية طالما الشخص سليم ولن يعانى من اى امراض عضوية تتاثر بالنوم العميق . فى ناس مثلا فى النوم العميق بيوقف التنفس عندهم بس دى حالة خاصة ولا اعتقد انك تقصدها

- وإذا زادت هذه النسبة إلى 10 ساعات يوميا فما فوق هل يعتبر هذا الأمر خارج عن المألوف والطبيعي ؟

والله لو النوم مش مضايقك فى حاجة يبقي مافيش مشكلة

انا مثلا ضوء النهار بينيمنى ومقدرش اقاوم فمكن انام من الفجر لحد الليل ولو عندي شغل بالنهار ببقي طول اليوم نيمانه على نفسي واشرب منبهات عشان افوق واول ما الليل يدخل بلاقي نفسي نشيطة لوحدى وممكن اقعد للصبح منمش

بالنسبة لى مش مشكلة لانى دي طبيعتى ومتعودة على كدا .

كذلك الحال عندك لو دي طبيعتك يبقي مش مشكلة اما لو جديدة عليك ممكن يكون ليها اسباب كتيرة منها

الارهاق والتعب

الاكتئاب

امراض عضوية زى الانيميا وخمول فى وظائف الغدة الدرقيه

- وكيف يستطيع الانسان التقليل من معدل ساعات نومه اليومي ؟

اعطى رقم تليفونك لناس كتير فى مصر يرنوا عليك او يبعتولك رسائل كلمنى شكرا ومعتقدتش انك هتنام بعدها :lol:

دا وجهة نظرى انا اعطينى شوية صغيرين اقرا عن النوم الكتير

واجبلك رد علمى بحت

دى كانت دردشة كدا ع الماشي تقدر تسميها تصبيرة يعنى :lol:

تم تعديل 20 أبريل 2008 بواسطة Badria Mekkawy

[الحازم حسن]

الكبار مش مضر انا ممكن انام 24 ساعة ومزهقش

أهلا

هوه أنا ناقص :blink:

معتقدتش انه ممكن يجراله حاجة 7 -9 ساعات معقولة جدا والنوم الطويل او العميق مش مشكلة وليس له اضرار جانبية طالما الشخص سليم ولن يعانى من اى امراض عضوية تتاثر بالنوم العميق . فى ناس مثلا فى النوم العميق بيوقف التنفس عندهم بس دى حالة خاصة ولا اعتقد انك تقصدها

طيب معلش كمان سؤال

هل نقص الاوكسجين في المناطق المرتفعة يسبب اضطرابات أثناء النوم زي الكوابيس وضيق التنفس مثلاً ؟

والله لو النوم مش مضايقك فى حاجة يبقي مافيش مشكلة

انا مثلا ضوء النهار بينيمنى ومقدرش اقاوم فمكن انام من الفجر لحد الليل ولو عندي شغل بالنهار ببقي طول اليوم نيمانه على نفسي واشرب منبهات عشان افوق واول ما الليل يدخل بلاقي نفسي نشيطة لوحدى وممكن اقعد للصبح منمش

بالنسبة لى مش مشكلة لانى دي طبيعتى ومتعودة على كدا .

كذلك الحال عندك لو دي طبيعتك يبقي مش مشكلة اما لو جديدة عليك ممكن يكون ليها اسباب كتيرة منها

الارهاق والتعب

الاكتئاب

امراض عضوية زى الانيميا وخمول فى وظائف الغدة الدرقيه

ممكن تكون طبيعة لكن نسمع ان السهر بيضعف التركيز وان في اجزاء من جسم الانسان تحتاج الشمس عشان تنمو أو حاجة زي كده

اعطى رقم تليفونك لناس كتير فى مصر يرنوا عليك او يبعتولك رسائل كلمنى شكرا ومعتقدتش انك هتنام بعدها wst::

:lol: فكرة بردوا

دا وجهة نظرى انا اعطينى شوية صغيرين اقرا عن النوم الكتير

واجبلك رد علمى بحت

دى كانت دردشة كدا ع الماشي تقدر تسميها تصبيرة يعنى :lol:

متشكرين ع التصبيرة :blink:

في انتظار العلمي المعلمي التكويني

[badroora]

Hypersomina = زيادة فى عدد ساعات النوم

هى عبارة عن زيادة فى عدد ساعات النوم عن المعدل الطبيعي قد تصل الى 12 ساعة نوم عميق متواصل .

وصعوبة فى الاستيقاظ .

خصائص النوم الطويل

كما ذكرت اعلاه النوم فوق ال 12 ساعة مع الرغبة الشيديدة فى النوم اثناء النهار (تقيله يعنى - يميل الشخص انه يقيل بالنهار ) :huh:

الاسباب

غير معروفة

فى منها من غير سبب ومنها وراثى

ممكن يكون علامة مبكرة للاكتئاب .

العلاج

اساسا السبب مش معروف هيبقي فيه علاج ازاى :big_boss: ولكن

قالك محاولة تقليل عدد ساعات االتقييل بالنهار باخذ المنبهات مثل الكفايين .

واليك المصدر

http://www.psychnet-uk.com/dsm_iv/hypersomnia.htm

فى حاجات كتيرة فى المقال لن اترجمها نظرا لانها غير منطبقة على التساؤل اللى سالته .

ولكن لو حبيت تقرأ باستفاضة .

اى سؤال فى ترجمة المصطلحات الطبية حاضرين

مع تمنياتى لك بنوم غير هاديء حتى تقل ساعات النوم وتتعالج :lol: :lol:

تم تعديل 21 أبريل 2008 بواسطة Badria Mekkawy

[~Heba~]

يا خبر

انا بشتكى من المرض ده كمان

و الله فعلا مرات بنام 12 ساعة فعلا و احيانا اكتر و غالبية وقت النوم فى النهار :lol:

الحقينا يا دكتورة بدرية :lol:

[mohmaher]

نصائح أعجبتني جدا ... أرجو منكم قراءتها

من خلاصة الطب العربي و الاسلامي :-

أربعة تهدم البدن الهم والحزن والجوع والسهر .

ـ وأربعة تفرح النظر إلى الخضرة وإلى الماء الجاري والمحبوب والثمار .

ـ وأربعة تظلم البصر المشي حافيا والتصبح والتمسي بوجه البغيض والثقيل والعدو وكثرة البكاء وكثرة النظر في الخط الدقيق .

ـ وأربعة تقوي الجسم لبس الثوب الناعم ودخول الحمام المعتدل وأكل الطعام الحلو والدسم وشم الروائح الطيبة

ـ وأربعة تيبس الوجه وتذهب ماءه وبهجته وطلاوته الكذب والوقاحة وكثرة السؤال عن غير علم وكثرة الفجور

ـ وأربعة تزيد في ماء الوجه وبهجته المروءة والوفاء والكرم والتقوى .

ـ وأربعة تجلب البغضاء والمقت الكبر والحسد والكذب والنميمة .

ـ وأربعة تجلب الرزق قيام الليل وكثرة الاستغفار بالأسحار وتعاهد الصدقة والذكر أول النهار وآخره .

ـ وأربعة تمنع الرزق نوم الصبحة وقلة الصلاة والكسل والخيانة .

ـ وأربعة تضر بالفهم والذهن إدمان أكل الحامض والفواكه والنوم على القفا والهم والغم .

ـ وأربعة تزيد في الفهم فراغ القلب وقلة التملي من الطعام والشراب وحسن تدبير الغذاء بالأشياء الحلوة والدسمة وإخراج الفضلات المثقلة للبدن .

[badroora]

الحقينا يا دكتورة بدرية :sad:

العزيزة هوبة بلييييييييز بلاش دكتورة دى احسن اخوانا بتوع الالقاب ينزعجوا ويتهمونا بانتحال الالقاب ......

قوليلي يا بدرية

او

ميس

او سيستر

او

:lol: ممرضة

ولا اقولك لو مصرة اوى ع الالقاب ......قولى يا ام بهية او حسنين :lol:

[الحازم حسن]

شكراً للأخت بدرية المستخبية على الشرح العلمي المعملي الفذ

فاضل بس سؤال أخير هل نقص الأكسجين في المناطق المرتفعة يسبب كوابيس أثناء النوم ؟؟

[~Heba~]

الحقينا يا دكتورة بدرية :blink:

العزيزة هوبة بلييييييييز بلاش دكتورة دى احسن اخوانا بتوع الالقاب ينزعجوا ويتهمونا بانتحال الالقاب ......

قوليلي يا بدرية

او

ميس

او سيستر

او

:happy: ممرضة

ولا اقولك لو مصرة اوى ع الالقاب ......قولى يا ام بهية او حسنين

الممرضة لا تختلف عن الطبيب فى شئ كلها مهنة انسانية جميلة و احنا بنقدر اصحابها كل التقدير

و انا يا بدرية والله كنت حموت و ربنا بعتلى زميلتى فى السكن بنت حلال طالبة فى كلية تمريض فضلت تراعينى لغاية ما خفيت

صحيح و الله ملائكة الرحمة

ربنا يخليكم لينااااااااا

[deemuck]

شكراً للأخت بدرية المستخبية على الشرح العلمي المعملي الفذ

فاضل بس سؤال أخير هل نقص الأكسجين في المناطق المرتفعة يسبب كوابيس أثناء النوم ؟؟

لا اعتقد. نقص الاكسجين يسبب تعب سريع وارهاق.. بتعرف تلعب كرة في المناطق المرتفعة؟ لو طلعت السلم ونزلت تتعب بعد كام مرة؟

بس احسن ما فيها الجو صيفا وشتاءا..........واخيراً جاكم مطر؟

[الحازم حسن]

شكراً للأخت بدرية المستخبية على الشرح العلمي المعملي الفذ

فاضل بس سؤال أخير هل نقص الأكسجين في المناطق المرتفعة يسبب كوابيس أثناء النوم ؟؟

لا اعتقد. نقص الاكسجين يسبب تعب سريع وارهاق.. بتعرف تلعب كرة في المناطق المرتفعة؟ لو طلعت السلم ونزلت تتعب بعد كام مرة؟

بس احسن ما فيها الجو صيفا وشتاءا..........واخيراً جاكم مطر؟

بس أصل الموضوع ده بيحصل معايا كتير تقدر تقول بشكل يومي تقريباً لكن لما بنزل جدة ومكة بيكون الوضع مختلف تماماً

[رمضان]

ممكن ادخل اقر واحسد فيكم شوية

الله يخليكي يا دكتورة تلحقيني بوصفة نفسي انام زي الناس انا مش بعرف اناااااااام

انا احيانا بفضل صاحي 24 ساعة واحيانا اخرى اخرج اهيم على وجهي في الطرقات في انصاف الليالي لاني ببساطة مش عارف انام

لو حد يقدر يحل المشكلة دي يبقى جزاه الله خير

انا يا دكتورة احيانا بفضل 4 ساعات اتقلب من اجل ساعتين نوم واصحى بعديها فورا

بصي انا دايما صاحي تقدري تقولي كده

[احمد هادي]

ممكن ادخل اقر واحسد فيكم شوية

الله يخليكي يا دكتورة تلحقيني بوصفة نفسي انام زي الناس انا مش بعرف اناااااااام

انا احيانا بفضل صاحي 24 ساعة واحيانا اخرى اخرج اهيم على وجهي في الطرقات في انصاف الليالي لاني ببساطة مش عارف انام

لو حد يقدر يحل المشكلة دي يبقى جزاه الله خير

انا يا دكتورة احيانا بفضل 4 ساعات اتقلب من اجل ساعتين نوم واصحى بعديها فورا

بصي انا دايما صاحي تقدري تقولي كده

عزيزي رمضان

كنت اعاني من حالة شبيهة بحالتك لسنوات طويلة

لكن في الشهور الأخيرة

اصبحت أنام كالطفل بمجرد دخولي الي البيت

حدث ذلك بعد أن بدأت ممارسة الرياضة يوميا في وقت محدد

أبدأ عملي من السابعة والنصف صباحا حتي الرابعة

ومن بعد ذلك حتي غروب الشمس امارس الرياضة وأدخل بيتي بعد المغرب في حالة من النشوة والصفاء الذهني

والنتيجة هي

1- جسم أفضل

2- حالة نفسية أعلي

3- تحسن في كافة وظائف الجسم

4- انتظام في مواعيد الوجبات وشهية مفتوحة

5- قدرة أعلي علي العمل والتركيز

والأهم من ذلك كله نوووووم عميق جدا

تحياتي

تم تعديل 23 أبريل 2008 بواسطة احمد هادي

[رمضان]

ممكن ادخل اقر واحسد فيكم شوية

الله يخليكي يا دكتورة تلحقيني بوصفة نفسي انام زي الناس انا مش بعرف اناااااااام

انا احيانا بفضل صاحي 24 ساعة واحيانا اخرى اخرج اهيم على وجهي في الطرقات في انصاف الليالي لاني ببساطة مش عارف انام

لو حد يقدر يحل المشكلة دي يبقى جزاه الله خير

انا يا دكتورة احيانا بفضل 4 ساعات اتقلب من اجل ساعتين نوم واصحى بعديها فورا

بصي انا دايما صاحي تقدري تقولي كده

عزيزي رمضان

كنت اعاني من حالة شبيهة بحالتك لسنوات طويلة

لكن في الشهور الأخيرة

اصبحت أنام كالطفل بمجرد دخولي الي البيت

حدث ذلك بعد أن بدأت ممارسة الرياضة يوميا في وقت محدد

أبدأ عملي من السابعة والنصف صباحا حتي الرابعة

ومن بعد ذلك حتي غروب الشمس امارس الرياضة وأدخل بيتي بعد المغرب في حالة من النشوة والصفاء الذهني

والنتيجة هي

1- جسم أفضل

2- حالة نفسية أعلي

3- تحسن في كافة وظائف الجسم

4- انتظام في مواعيد الوجبات وشهية مفتوحة

5- قدرة أعلي علي العمل والتركيز

والأهم من ذلك كله نوووووم عميق جدا

تحياتي

الفاضل احمد هادي

بجد بشكرك على النصيحة دي

بس برده مفيش فايدة انا جربت كل حاجة

انا بكون تعبان وبرده مش عارف انام

[الحازم حسن]

لا حول ولاقوة إلا بالله الله يكون في عونك يا رمضان .. فكرتني بأحمد زكي في فيلم معالي الوزير

أفتكر ان دي حالة نفسية أكتر منها عضوية