الجدية و المماطلة فى الإرتباط

[بنت شعنونة]

واحدا زمليتي ارتبطت بعلاقة حب مع زميل لينا ايضا

وكل ما تفتح معاه سيرة الجواز يقولها انا مش عاوز اتجوز دلوقتي

لما اخلص الرسالات بتاعتي..

المهم هيا فضلت تحبه :?

من كام يوم كدا جتلنا معيطة وحالتها حالة

وكانت قبلها مسافرة لمدة يومين

افتركنا ان حد جراله حااج عندها

طلع الموضوع

انه الأستاذ ليه صديق له اختفى برضه لفترة كدا ومابقاش يجي المستشفى فلما اتصل يساله

قاله اصله ان اتعرفت على واحدا وبكلمها كل يوم للصبح ف مش بنام ف مابعرفش احضر

وحكاله على البنت اللي بالمصادفة طلعت صفاتها تشبة زميلتي

ولما اتصل بيها وقتها ما عرفش يوصلها فصدق انها هيا

فراح شك فيها وقالها انا عرفت كل حاجا خلاص وشكرا ودا اخرة حبي وانتي نسيتي وافلام.. :twisted:

البنت ردت عليه وحكيتله ظروفها وظروف سفرها راح اعتذر كدا اي كلام وقالها اصل حصل حاجا هليتني اشك فيكي

وما قالهاش على موضوع زميلة دا

وبعد يومين مشاحنات حكالها

طبعا البنت صعقت

وهوا شوية يعتذر وشوية يقولها اصل انتي السبب

انتي اللي اختفيتي في نفس الوقت اللي هوا اختفى فيه :shock: :shock:

وبعدين انا خدت على قفايا مرة ومش ها تحصل تاني ( البيه كان بيحب قبل كدا وعرف حبيبته على صحابه ف واحد منهم حبها فطنشت صاحبنا و كلمت التاني واتجوزته)

البنت انهت العلاقة وجاتلنا منهارة وهيا بتحكي

لدرجة انها اغمى عليها بينا النهاردا وروحناها بدري

راح متصل بيها عشان يصالحها

وبرضه شوية يعتذر وشوية يقلب الكلام عليها

ولما قالتله لازم نسيب بعض

راح ذلها بمعلومات هيا كانت حكياله عنها وعن حياتها الشخصية وازاي انه استحملها في نكدها وقعد يعدلها كل حاجا عملها عشانها

انا شخصيا نفسي اقتله

ومغلطاه من ساسه لراسه

وهوا بيتحجج وبيقول لو كانت بتحبني ما كانتش سابتني وكانت ادتني فرصة (مع انه هوا شك فيها وخونها ونسي الحب دا اصلا :twisted: :twisted: )

ايه رايكم في الموضوع اللي يعصب دا

[crossfield]

عزيزتى شعنونة:

بصراحة نجحتى بجدارة فى حرق دمى خصوصًا إنى أعرف حد مر بنفس التجربة دى و كان رأيى برضه إن صاحبنا يا إما عبيط يا إما بيستعبط و فى الحالتين البعد عنه غنيمة أو زى ما بنقول بالبلدى كده "علاج الندل إجتنابه". هوه حاجة من الأتنين يا إما شك لمجرد الشك(عقد و كلاكيع و فيونكات) أو تلكيكة عشان ميورطش نفسه فى جواز و كلام رسمى(تسلية و تضييع وقت).إنتى صاحبتها و تقدرى "تشخصى"حالته أحسن منى (و يمكن أحسن منها كمان لإن الواحد كتير بيبقى مستحلى إنه أعمى و مش عايز يشوف أو يصدق الحقيقة المرة).المهم صاحبنا ده مش ممكن يكون إنسان سوى أساساً لإن الانسان السوى بيعرف يفرق بين اللى بيحبه بصحيح و اللى بيتسلى بيه. صاحبتك دى أكيد ربنا بيحبها عشان خلاها تكتشف حقيقته (دلوقتى أحسن من بعدين). الحالة اللى بكلمك عنها إتجوزوا فعلاً (بعد ما طلع عنيها طبعاً ) و لا زالوا لحد النهارده فى مشاكل و خلافات كل يوم و التانى بسبب شكه المرضىده لدرجة إن أهلها أصروا على تطليقها منه لكن هيه اللى مش عايزة عشان دلوقتى فيه أولاد :( .المهم خليكى جنبها فعلا اليومين دول لان ممكن ضعفها ده يخليها ترجعله تانى خصوصاً و إنه مش هيسيبها فى حالها (مش عشان بيحبها لكن عشان يمكن لسه ملقاش حد spare يشك فيه و يطلع عليه عقده بدالها) و عليكى طبعا بالمسكنات القرآنية"و عسى أن تكرهوا شيئاً و هو خيراً لكم"و يا ريت تحاولى تخليها تنضم للمنتدى هنا و أنا كفيلة بإنى أخليهالك تنضم لجمعية المرأة المتوحشة و تبقى من أبرز أعضاءها كمان. :twisted:

دمىىىىىىى

أعصابىىىىىىى

هاتوا لى الدكتووووووووووووور :twisted: :twisted: :twisted:

[se_ Elsyed]

شوفي يا شنشن ، ما بني على باطل فهو باطل ، أنت قولتي فى الأول أنهم بقلهم فترة كبيرة بيحبوا بعض والزبون مستلوح فيها ومش راضي يتجوزها علشان الرسايل بتاعته بيعملها ( يكونش شغال بوسطجي بعد الضهر ) ...

نصيحتي أنك تقولي لصاحبتك تبعد عن الشخص ده لأنه متأكد من حبها ليه وهو بيتلذذ بتعذيبها بالحب ده ......

وهأقولك على سر من الأسرار الحربية الرجالية ... فى فترة ما قبل الزواج الراجل مابيحبش البنت المدلوقة فى حبها عليه زى صاحبتك كده .. لازم شوية توقل ويكون لها موقف معاه .. هانتجوز يابن الحلال أهلاً وسهلاً . ما فيش جواز تديله السكه على طول .

[nora]

انا بشارك سي السيد في الرأي

المفروض انها من اول مماطل في الجواز تفهم انه واخدها لعب لكن لو جد ابسطها كان حاول ياخد خطوه ايجابية ويكلم اهلها حتى لو دبلة بسيطة لكن كده مينفعش خالص

كده معلقه نفسها في الهوا وده ميرضيش حد خلي بالك منها واقفي جمبها وحولي تخرجيها من الي هيا فية وبلاش تستسلم للاوهام وتنهار وتعيط هو الكلام سهل انا عرفة بس خليها تنشغل في حاجة مفيده اي حاجة عمل خير مؤتمرات ندوات فسح خروج والافضل الصلاه والايمان ده هينسيها

وقولي ليها الي مقسملك هتخديه ونصيبك جي وهتلاقيه وان ربنا موزع الرزق وكاتب لكل واحد نصيبة فده مش نصيبها

والواحد مش غلط انه يغلط الغلط انه يستمر في الخطأ

وانا دايما بؤمن بالكلمة دي ...

لما تقعي على الارض ادامك حاجة من الاتنين يا تقف على رجليك يا تفضل واقع ولو قمت هدومك هيكون عليها تراب ...... صح

نفضة بأه وكمل طريقك .........مش معقول يعني هتمشي وهدومك متوسخة .

بس ده الي اقدر اقوله وربنا يكون مع الكل

:) :lol:

[بنت شعنونة]

الموضوع دا كان فين؟؟؟؟؟ :shock: :shock: :shock:

الحمدلله اني لقييييييييتك يا ابني :D :)

افرحكم.....

الاستاذ اعتذرلها بكلمتييييييييين وهيا سامحته!!!!! :twisted: :twisted:

حد يسمعنا الله اكبر والنبي :(

[Proud Muslim]

أنا ماليش في قصص الغراميات و حكايات الحب و السهر ..

بس حسيت أنه يجب أن أقول كلمة و نصيحة للأخت ..

بصراحة ..

لا يصح الا الصحيح ..

طالما دخلت الأمور في حب و إرتباط غير شرعي .. فماذا يمكن أن تكون النتيجة .. خصوصا لو كان الرجل سيماطل !!

و لا أنكر وجود الحب بهذا الشكل .. و لكنه في نظري بلاء كبير .. و أنا أتكلم عن الحب بمعنى الارتباط .. يعني مقابلات و لقاءات و كلمات و نظرات و مكالمات و رسائل ...الخ .. و كل هذا يندرج تحت مسمى ارتباط غير شرعي !!

لكن واحد شاف واحده ( بالصدفة ) و أحبها .. ثم كتم هذا الحب و لم يتبعه بنظرات و ما شابه الى أن يفرجها الله عليه و يتقدم لخطبتها و لم يعلمها بهذا الحب أو لم يحدث أي نوع من أنواع التعريف بهذا الحب .. فلا نقول أن هذا إرتباط غير شرعي أو علاقة أو ماشابه ..

و حديث الرسول صلى الله عليه و سلم .. ( لم أرى للمتحابين غير الزواج ) صححه الشيخ الألباني رحمه الله .. فهذا هو الحب السليم ..أما غير ذلك .. فهو حب غير شرعي ..

و أذكر أن هناك حديثا في من كتم حبه .. لا أذكره ..

لو حد يعرفه و يقوله لنا ..يبقى جزاه الله خيرا ..

يمكن يكون كلامي قاسي .. و لكن بصراحة هذه هي الحقيقة ..و الحقيقة موجعة في أحيان كثيرة ..

ماذا اذا تزوجت هذه المرأة شخصا آخر و ظل قلبها معلقا بالأول ؟؟

و هذا يحدث كثيرا و ليس حالة شاذة !!

يبقى هتعيش مأساة .. و سيعيش زوجها مأساة معها و هو لا يدري ما السبب !!

و ما يقال عن المرأة يقال عن الرجل .. حتى لا أتهم بالتحيز !!

و بعدين نصيحة للأخت الذي أبتليت بحب هذا الرجل ..

إياكي أن تعتقدي أنه سيتزوجك ..

الرجل اذا أراد الزواج من امرأة .. فسيفعل المستحيل ليتزوجها فورا دون أعذار خصوصا لو كان مقتدر .. غير كده .. يبقى بيضحك عليكي ..و ده يعني شيء بديهي يعلمه الأطفال في الحضانة !!

و ربنا يكرمك و يرزقك زوج صالح و يبارك لكما و عليكما .

و الله من وراء القصد .

[الطفشان]

لاستكمال الفائدة

و حديث الرسول صلى الله عليه و سلم .. ( لم أرى للمتحابين غير الزواج )  صححه الشيخ الألباني رحمه الله

‏عن ‏ ‏ابن عباس ‏ ‏قال ‏

‏قال رسول الله ‏ ‏صلى الله عليه وسلم ‏ "‏لم نر (أو يرى) للمتحابين مثل النكاح" ‏

الحديث رواه ابن ماجه و الحاكم و احمد و ابن النجار و الخرائطي في اعتلال القلوب و ابن عساكر في تاريخ دمشق

و هو عن جابر و ابن عباس

و صححه الحاكم و قال على شرط مسلم

و اقره الذهبي

, صححه الهيثمي في الزوائد و الالباني

و في رواية ان سبب الحديث كالاتي:

عن جابر قال‏:‏ جاء رجل إلى النبي صلى الله عليه وسلم

فقال‏:‏ يا رسول الله عندنا يتيمة خطبها رجلان موسر ومعسر، وهي تهوى المعسر ونحن نهوى الموسر

فقال رسول الله صلى الله عليه وسلم‏:‏ لم ير للمتحابين مثل النكاح‏.

و أذكر أن هناك حديثا في من كتم حبه .. لا أذكره ..

لو حد يعرفه و يقوله لنا  ..يبقى جزاه الله خيرا ..

من عشق فكتم و عف، فمات، فهو شهيد

حديث موضوع (الالباني)

يعني مكذوب لا يصح ان ننسبه للنبي صلى الله عليه و سلم

[Proud Muslim]

جــــــــــــزاك الله خيــــــــــرا

يا أستاذي العزيز . :oops:

[بنت شعنونة]

وهأقولك على سر من الأسرار الحربية الرجالية ... فى فترة ما قبل الزواج الراجل مابيحبش البنت المدلوقة فى حبها عليه زى صاحبتك كده .. لازم شوية توقل ويكون لها موقف معاه .. هانتجوز يابن الحلال أهلاً وسهلاً . ما فيش جواز تديله السكه على طول

امسسسسسسسسك

:oops: :oops:

طب سي السيد على حس الكلمتين دول بقى

انا ها اقلب الموضوع دا الى ارض محايدة

وانا بتكلم جد جدااااااا جداااااا جداااا والله

لآنه الموضوع دا اكيد مهم عند ناس كتيييييييرة

ايه رايكم الجزء الرجالي يدينه نصيحة او سر من بتوعهم في ازاي البنت تعامل الرجال

مقابل ان الجزء البناتي يديكوا سر حربي من بتوعنا كمااااااان

يمممممممممكن نقدر نوصل في النهاية للعلاقة السعيدة

سواء كاسرة بعد كدا او في بداية المعرفة

يعني مثلا انا اوووووووووووول مرة اعرف السر الحربي اللي قاله سي السيد دا؟؟؟؟؟

لآني كنت فاكرا العكس تماما

بس الظاهر انه القط ما يحبش الا خنااااااااقة :twisted: :twisted: :? :?

يالله بقى عاوزين الفريق الرجالي يبدالنا بسر حربي..:oops:

و الله يخليكم ما تقلوبهاش هزااااااااااار

خلونا جددددددددد

ماشي :twisted: :twisted:

[se_ Elsyed]

خدي عندك كمان سر مهم جداً يا شنشونة ، وقد ذكره أخونا براود فى التوبيك بتاع عندما تفكر المرأة :lol: ، وهو يتلخص فى

1- ان المرأة لابد أن تكون أذكي من الرجل في أن تشعره بإنها أقل منه ذكاءاً لأنه لو حس أنها ببتذاكى عليه هايشن عليها حرب شعواء خفـــــــــــية.

2- الراجل مهما كان عمره بداخله طفل صغير ، ممكن تضحكي عليه بالكلام الحلو والشكولاته :lol: .. وهو عنيد مثل الطفل لا يقبل أو يحب إصدار الأوامر المباشر إلية - خاصة من المرأة - وإن حدث ذلك فإنه يعند ويفعل العكس لذلك لابد أن تعطيه المرأه أحساس - كاذب - بأنه سي السيد الأسد المغوار الذى لا يشق له غبار .

3- الراجل بليد جداً فى التاريخ - بعكس الست - يعني بعون الله ممكن تلقية بعد سنة جواز نسي تاريخ ميلاد المدام وتاريخ جوازه وتاريخ الحملة الفرنسية على مصر :) .

4- الراجل لا يهتم بالتفاصيل الدقيقة ، مثل فاكر لون الفستان اللى كنت لابس لما أتقابلنا اول مره ..... الخ ، لأن دماغه مشغولة بحاجات اكبر وأهم من كده من ساعة لما يقوم من النوم الصبح ويطلع يجري ورا الأتوبيس علشان مايروحش الشغل متأخر ومديره يبستفه الى أن يرجع ومعاه البطيخه بتاعت أول كل شهر :lol: .

كفية كده النهاردة لن خططنا كلها هاتتكشف والأعداء هايضربونا فى مقتل. :twisted:

[crossfield]

هايل يا أخ سى السيد بصراحة لا فض فوك :lol: : .بس ليه كام تعليق على كلامك:

النقطة الألىبتاعة التقل دى مفيش خلاف عليها و يا سلام بقى لو مكنش فى الفترة الأولى من التعارف بس .يعنى تبقى سياسة طويلة المدى :cool: :cool:

النقطة التانية:بصراحة صعبة شويتين و لو انها صح 100 فى المية و ده بيأكد كلام كليو بإن الرجال يا شعنونة مبيحبوش البنت اللى بتفكر أو يكون ليها شخصية يعنى لو لا قدر الله كانت من اللى بيفكروا و يا داهية دقى لو كانت ذكية كمان :? :? فلازم تدارى ذكاءها ده شوية و تحتفظ باللى هيه فاهماه ده لنفسها متصرحش بيه لكن من تحت لتحت تتصرف على أساسه و مش هاقوللك بقى… إن كيدهن عظيم :twisted: :twisted: (بس لو أبطل أفكر!!!!!! :( :? :( )

النقطة التالتة:ليه دايماً نقول إن الراجل مهما كبر جواه دايماً طفل صغير؟؟؟مع إن الكلام ده ينطبق على البنات كمان و بالعكس ده البنت أو الست أكتر لانها بطبيعتها رومانسية أكتر.يعنى البشر كلهم كده. ده جزء من تكوينا النفسى كبشر .إشمعنا البنت أو الست يبقى هيه اللى مطلوب منها على طول الخط إنها تحايل و تصالح و تيجى على نفسها و تجيبله شكولاته لمجرد إن المركب تمشى زى مبيقولوا.لازم يبقى فيه شوية إنصاف يا سى السيد. إنسوا حكاية الست أمينة دى خلاص بقى. إنتو يا رجالة دلوقتى عايشين فى زمن بتاعنا إحنا و اسأل المجلس القومى للمرأة. :twisted: :devil: :twisted:

النقطة الرابعة:حكاية التفاصيل الدقيقة دى معاك حق فيها لان ربنا خلق الراجل بطبيعتهresult oriented يعنى عقله فى أى موقف أو مشكلة يهتم أكتر بالنتايج مش بالتفاصيل اللى بتهتم بيها البنات لان طبيعة تفكيرنا process oriented لاننا نحب نسوس فى الصغيرة قبل الكبيرة :sigh: وده كلام قريته قبل كده فى دراسة إجتماعية ما.

أنا على فكرة مؤمنة قوى بحكاية الأبراج وشايفة إن فيه أبراج متنفعش غير مع أبراج معينة مثلاً العقرب :twisted: برج بيحب السيطرة فمينفعش معاه برج الدلو مثلاً لانه مبيحبش حد يتحكم فيه و كذلك برضو مينفعش مع الأسد لكن ممكن يسلك مع العقرب اللى زيه :twisted: .المهم مش عايزين ندخل فى موضوع تانى لكن ده من باب الشئ بالشئ يذكر.

كلمة أخيرة لشانا: العملية فى رأيى مش محتاجة لخطط و لا استراتيجيات و لا تكتيك لأن لو الواحد حاول يتظاهر بشئ مش فى طبيعته أصلاً هييجى وقت و هيرجع لطبيعته تانى و هيحصل ما لا يحمد عقباه يعنى مفيش أحسن من إن الواحد يبقى على طبيعته و على رأى الست يسرا الطبيعى يكسب :cool: :lol: :lol: .

[بنت شعنونة]

هممممممم

معلومات منها جديد ومنها انا عارفاه :?

انا كنت فاكرا انه الراجل لما البنت بتبينله قد ايه بتحبه ها يقدر دا؟؟؟ :lol: :lol:

يعني مثلا.. انا لو خطيبي او جوزي ها يتقل عليا..بجد.. ما يلزمنيش

انما لو باينلي حبه وقد ايه هوا مهتم بيا

اككيد ها شيله في نني عيني

مش عارفة مين فينا اللي غلط :roll: :lol: :? :?

البنات بقى يا سي السيد

تحب اللي يضحك عليها.. واللي يفهمها وهيا طايرة

مثلا..

وانا بشوووووووف الحركاااااااات دا كتييييييير جدا

تبقى هيا وخطيبها خارجين برا مثلا في كافيه او كدا

تروح تقوله " الجو برد اوي.. انا حاسا اني ها اتجمد"

وهيا ولا بردانا ولا نيلة

ليييييييييه بقىىىىىىى

عشان يعمل حاجا من اتنين

يا اما يستذكي ويقلع الجاكيت اللي لابسه ويلبسه ليها

وساعتها يبقى خد بونص مية المية :lol: :lol:

يا اما عشان يقولها

طب تحبي نروح مكان تاني لو بردانه؟

وسعته يبقى خد نص بونص بس :wink: :wink:

دا اول درس

لما افتكر الباقيين ها اكتبتهم..

كروساااااية

انا عارفا والله انه مش تكتيك ولا حاجا

بس انتي عارفا

ارض الرجال بالنسبة لي عبارة عن حقل الغام

فيها ايه لما يشرحولنا نمشي ازاي؟

اقله عشان ما ينفجروش فينا :wink: :wink: :lol: :lol: :oops: :oops:

[الطفشان]

ايه رايكم الجزء الرجالي يدينه نصيحة او سر من بتوعهم في ازاي البنت تعامل الرجال

مقابل ان الجزء البناتي يديكوا سر حربي من بتوعنا كمااااااان

يمممممممممكن نقدر نوصل في النهاية للعلاقة السعيدة

سواء كاسرة بعد كدا او في بداية المعرفة

معلش يعني

اسمحولي برأي شخصي خاص - او بالاحرى نصيحة - في الموضوع دة

و لو اخذتم بها فشكرا، و ان لم تأخذوا بها فاعذروني

اولا: الموضوع فيه نوع من "لعب الادوار" او "التصنع الاجتماعي"

انا ارى ان يكون الانسان او الانسانة على سجيته افضل كثيرا من ان يكون مجامل و عنده ذكاء اجتماعي فيه تصنع

ثانيا: الموضوع فيه جزء من التخيلات و التهيؤات لما يريده كل منا Fantasy

يعني بدل من النظر الى مزايا الزوج (للمتزوجين) او الخطيب (للمقبلين على الزواج)، و التغاضي عن العيوب (و هي موجودة في كل شخص من جنس البشر) يحاول كل منا ان يرضي خياله بصورة مثالية تحلق في السماء و الافلام الابيض و اسود بعيدا عن الواقع

و ابو حلاوة يقدر يفيدنا عن دور ال fantasy في العلاقة مع الزوج، و متى يتحول من مجرد خيال الى عرض مرضي

ثالثا: البشر مخلوق معقد

و بالتالي فأي "قواعد" او "اسرار" قد تنطبق على شخص ما و لا تنطبق على اخر، بل قد يكون عكسها هو الصواب!

و باختلاف النشأة و البيئة و التربية و التعليم و العمل و الاسرة و الخبرة ستختلف حتما هذه "الاسرار"

[crossfield]

أين أنت يا دكتور أبو حلاوة أغثنا أغثنا :w: :w:

[مريم]

الأخت مريم

سبق و ان قلنا ان تحويل الحوار ممنوع

يمكنك فتح موضوع جديد في الباب المناسب لما تريدين و تضعين وصلة له فقط و من شاء يناقش هناك

الادارة

[مريم]

كتبت الإدارة:

الأخت مريم 

سبق و ان قلنا ان تحويل الحوار ممنوع

أنا لم أحول الحوار ،لقد قالت الأخت كروسفيلد أنها تؤمن بالأبراج وأجبتها بأنه من الخطأ أن تؤمن بها ،فأين الخروج عن الموضوع وتحويل الحوار؟‍‍‍‍‍‍‍‍‍‍؟؟؟ :!: :!: :!:

أرجو من الإدارة إعادة مشاركتي مرة أخرى .

وجزى الله الإدارة خيراً.

_____

قواعد المنتدى تحظر مناقشة عمل الادارة

و نرجو الكف عن اسلوب الجدل

قلنا مرارا انه بالامكان ان تكتبي سطر او اثنين و وصلة على موضوع مستقل بالباب المناسب لمناقشة الامر العارض

كما يمكنك نصيحتها على المسنجر و ليس على الملأ

الادارة