..... العمر فُرشة .....

[حشيش]

تربى (محروس) على يد الأسطى (صابر جامالكه) أشهر مبيض محاره فى بر مصر وشرب على يديه أصول الصنعة ... كان الأسطى صابر يقسى على محروس أحياناً ليعلمه ولكنه كان يحبه مثل إبنه ... كان العمل لا ينتهى وكان المقاولون يتنافسون على صابر وكان صابر بدوره يصطحب تلميذه النجيب محروس فى كل مقاولة يتعاقد عليها .... فى ظهيرة يوم من أيام الصيف الملتهبة سقط الأسطى صابر من فوق السقالة التى يعمل عليها فى الطابق السابع من العمارة الجديدة التى كان على وشك الإنتهاء من تمحيرها ... هرع الجميع إلى الأسطى صابر والتف حوله العمال وأولهم محروس وهو يلفظ أنفاسه الأخيرة

صابر وهو ينازع الموت: فين محروس ؟ wst::

محروس: أنا جنبك يامعلمى :lol:

صابر: إسمع يامحروس يابنى ... حقولك كلمة حطها حلقة فى ودانك :wub:

محروس وهو يقبل يد الأسطى صابر ودموعه تنهمر بغزارة: كلامك على راسى من فوق يامعلم :lol:

صابر: أنا علمتك صنعة تأكلك الشهد ..... سلاحك فى الدنيا دى يابنى جردلك وفرشتك .... أوعى تفرط فى واحدة منهم :wub:

محروس: على عينى حاضر ..... أيوه جااااااااى

صابر: يامحروس يابنى الناس ديابة ... حينهشوا لحمك لو الفرشة فى يوم وقعت من إيدك .... فاهم يا مح يا مح يامحررروووس ...... وتفيض روح الأسطى صابر إلى بارئها وسط دموع تلاميذه ومريديه f((:

كان أكثر الناس تأثراً بموت الأسطى صابر هو تلميذه محروس الذى أعلن تنكيس فرشته ثلاثة أيام حداداً على وفاته :big_boss:

بعد إنتهاء أيام الحداد عاد محروس إلى عمله .... كانت كلمات الأسطى صابر تدوى فى أذنيه .... خلع جلبابه وبدأ يعمل بجد وإجتهاد .... كان يقوم بسد كل الخروم التى تقع عليها عيناه ثم يقوم بتغفيقها وتمحيرها وطرطشتها بالجير ببراعة نادرة :wub:

فى ذات يوم ليس ببعيد من موت الأسطى صابر صدقت مقولته فى الناس ... إنتهز المقاول الجشع وفاته وجاء لمحروس ليبلغه أن ظروف العمل ليست على ما يرام وأنه مضطراً إلى تخفيض يوميته إلى النصف .... لم يكن المقاول الشرير يجرؤ على فعل هذا مع محروس فى حياة صابر أسطورة المحارة ..... لكن المقاول نسى أن محروس تعلم من استاذه العزة والكرامة كما تعلم منه فن المعمار والطرطشة mfb:

محروس متهكماً من كلمات المقاول: يظن ُ الخسيسُ أنى سأركعُ .... وما الحياة ُ إلا فرشة ُ ُ

المقاول: أنا مش فاهم حاجة من كلامك يابنى :huh:

إلى اللقاء

[badroora]

لكن المقاول نسى أن محروس تعلم من استاذه العزة والكرامة كما تعلم منه فن المعمار والطرطشة :big_boss:

محروس متهكماً من كلمات المقاول: يظن ُ الخسيسُ أنى سأركعُ .... وما الحياة ُ إلا فرشة ُ ُ

ويغادر محروس المكان وفرشته فى يدة والدموع فى عنينه

وهنا ينزل الموال ليعبر عن حالة محروس

خسيس وقال للاصيل تعالى أما أعملك خدام

تاكل وتشرب وتبقى من جملة الخدام

قال له انا أقعد على جبل عالى

تاكلنى الحد والغربان

ولا يقولوش الاصيل عند الخسيس خدام

الله الله الله

تم تعديل 21 أبريل 2008 بواسطة Badria Mekkawy

[se_ Elsyed]

والله ما هي أخلاق مؤلفين دي أبداً

إنت كده أثبتت يا حشيش إنك مبيض محارة اساساً ..

لإنهم بيعملوا كده زيك بالظبط

فبعد فترة ركود ولم سبارس وقعاد عالقهاوي لمدة ممكن تصل إلى سنة ... فيوم ما ربنا يكرمه بمرمة حلوه المفروض يخلصها قوام قوام .. فبدل ما يخلص في عمله ويفنش الشغلانه اللي في إيدة .. لأ إزاي يروح شابط في واحده تانية عشان يلعب على كل الحبال ..

وإنت عملت كده

فبعد ما علقتنا بناصور وحكاياته السودا وبقينا نستنا الحلقات الجديدة كل دقيقة ... إذ بنا تُشرق علينا شمس الأصيل ونلاقيك شبطت في مقاولة تانية بعنون " ما الحياة إلا فورشتون وسكينت معجونون "

خدها نصيحه صريحة مريحة من سيناريست متقاعد : إخلص في عملك يا حشيش يابني .. وما تزعلش جمهورك ومحبيك منك ... لإنهم هم ريس مالك ...

[حشيش]

والله ما هي أخلاق مؤلفين دي أبداً

إنت كده أثبتت يا حشيش إنك مبيض محارة اساساً ..

لإنهم بيعملوا كده زيك بالظبط

ليه سوء الظن ده بس يا مح يا مح يا محروووووووووس :big_boss: ... الفكرة ببساطة إنى قلت لنفسى ليه ياواد ياشيشو ما تنزلش بعمل جديد زى (ياكمسرى ياكمسرى) مع عمل قديم نسبياً زى (العمر فُرشة) فى نفس الوقت ويبقى فيه دايماً فيلمين فى حفلة 10 - 1 للطلبة المزوغين من المدارس كتجربة كصصية جديدة ورائدة :huh:

[حشيش]

لكن المقاول نسى أن محروس تعلم من استاذه العزة والكرامة كما تعلم منه فن المعمار والطرطشة :huh:

محروس متهكماً من كلمات المقاول: يظن ُ الخسيسُ أنى سأركعُ .... وما الحياة ُ إلا فرشة ُ ُ

ويغادر محروس المكان وفرشته فى يدة والدموع فى عنينه

وهنا ينزل الموال ليعبر عن حالة محروس

خسيس وقال للاصيل تعالى أما أعملك خدام

تاكل وتشرب وتبقى من جملة الخدام

قال له انا أقعد على جبل عالى

تاكلنى الحد والغربان

ولا يقولوش الاصيل عند الخسيس خدام

الله الله الله

فعلاً يابدرية الموال ده متناغم من الحالة الدرامية لبطل الكصة الأسطى محروس فُرشة عندما أراد المقاول الجشع إستغلاله بعد وفاة أسطورة المحارة صابر جمالكة .... نسألكم الفاتحة :big_boss:

[حشيش]

محروس للمقاول: لايمنى يابا على بقية حسابى ..... الصنايعية على قفا من يشيل ...... لحد كده وشغلى معاك إنتهى mfb:

المقاول: براحتك يامعلم

يأخذ محروس أجرته وينصرف إلى حال سبيله ...... ظن محروس فى بادئ الأمر أن العمل سيسعى إليه دون عناء منه وذلك لكفاءته وخبرته الطويلة فى كار المعمار ولكنه نسى أن كل عمله كان يأتيه عن طريق المعلم صابر جامالكه

إنتظر محروس أيام وأسابيع وشهور دون أن يرسل إليه أحد بعمل ... طال أمد البطالة مع محروس حتى بدأت مدخراته فى النفاذ .... ذهب ذات يوم إلى المقهى القريب من بيته حزيناً شارد الذهن فإذا بصديق له كان قد سافر إلى السعودية منذ عشرة سنوات ينادى عليه من داخل المقهى

عطية: مش معقولللللللللل ....... محروس ....... سلامات ياراجل عاش من شافك :wub:

محروس: مش ممكن .... إزيك ياعطية ..... فينك يابنى وفين أراضيك ؟!

عطية: أنا شغال فى السعودية

محروس: معقولة ... لسه هناك طول العشر سنين اللى فاتوا ؟!

عطية: مانته عارف يامحروس العيشة هنا صعبة والمصاريف كتير f((:

محروس: ولساك شغال فى كار المعمار ولا غيرت صنعتك ؟

عطية: وأنا أفهم فى حاجة غير المعمار ياسطى .... أنا إبتديت هناك مبيض محارة زى ما نته راسى ومع الوقت البلية لعبت معايا وبقيت دلوقتى عقبال أملتك ريس عمال

محروس: انته نازل أجازة ولا رجعت نهائى ؟

عطية: أنا نازل أجيب عمال ...... ياسلام ياوله يامحروس لو تبطل كلمة بلدى أولى بيا اللى على لسانك من يوم ما عرفتك دى وترضى تسافر معايا السعودية ........ إلا بالحق أخبار الأسطى صابر إيه ؟

محروس: الأسطى صابر تعيش إنته ... ومن يوم ما مات والحالة ملطشة معايا ياعطية wst::

عطية: لا حول ولا قوة إلا بالله ..... الله يرحمه كان أستاذنا كلنا ....... دنيا ...... بس عيب عليك يامحروس لما تقول الحالة ملطشة معاك وأخوك عطية على وش الدنيا ...... إنته من طلعة النهار تيجى معايا على الجوازات نعمل لك باسبور وتشد الرحال معايا على السعودية

محروس: فيك الخير ياعطية .... بس من غير مؤاخذة يعنى اليومية بتاعتى هناك حتبقى كام ؟

عطية: حتبقى كتير يامحروس ..... هوه انته شوية راجل ..... ده انته عليك ضربة فرشة الناس بتحكى وتتحاكى عليها :wub:

محروس: الله يكرم أصلك ياعطية ... بس معلش أحب أعرف يوميتى هناك حتكون أد إيه قبل ما أقولك آه أو لأ

عطية: الكدب خيبة يامحروس ياخويا ... أنا ما ملكش أقول لك يوميتك هناك حتكون كام لأن مسائل الفلوس دى لازم أتشاور فيها مع الكفيل :big_boss:

محروس: مين الكفيف ده ؟! :huh:

عطية: الكفيل ده يامحروس هوه اللى حيكون مسئول عنك طول ما نته فى السعودية .... يعنى هوه اللى حياخد لك الفيزا وهوه اللى حيدفع لك تمن تذكرة الطيارة ويوفر لك السكن هناك وهوه اللى حيقول يوميتك أد إيه

محروس: الكفيف حيعمل كل ده !!!!! .... سبحان الله .... ويخلق ما لا تعلمون :lol:

عطية: الكفيل يامحروس هوه الكل فى الكل ..... انته ما بتسمعش أغنية ( أنا والكفيل وهواك ... عايشين لبعضينا) :lol:

محروس: والكفيف اللى انته شغال معاه ده راجل طيب يعنى ؟

يرتبك عطية ويقول آآآه آآآآه ....... هوه طيب بعقل ..... ده أنا بدعيله فى كل صلاة :wub:

محروس: يبقى عالبركة .... من طلعة النهار حنزل على الجوازات أعمل باسبور واللى فيه الخير يقدمه ربنا

إلى اللقاء

[mohamed gouda]

اولا اود ان اسجل اعجابي الشديد بالشلة القديمة الي انا متابعها من سنة 2001 حت الان و منهم علي سبيل المثللا الحصر روائع الاستاذ حشيش و علي فكرة كانت تكملة القصص من س س و عصام شوقي و سكوب مع حشيش رائعة تحسسكم انهم مع بعض في مكان واحد و بيكتبوا في نفس الوقت

تلنيا يا استاذ حشيش انا مع س س ياريت تكمل قصة الكمسري الاول لان انا اول حاجة عملتها اني بحثت عن التكملة فلم اجد الا قصة جديده فلو سمحت كمل الول القديمة و بعدين الجديدة و علي رأي المثل القديمة احلي و لو كانت وحلى.

د. محمد جوده

[se_ Elsyed]

شكراً يا دكتور جوده

عايز أقول إن حشيش أستاذنا كلنا وإحنا بنستقي من نبع إلهامه وموهبته ..

بس تصدق بالله

أنا ما كانش لي الشرف للتعرف المباشر على زملاء الكفاح إلا يادوب عدد يتعد على صوابع الإيد الواحده ..

لكن حشيش وسكوربيون وحتى أستاذ عادل أبو زيد لم اتشرف بمعرفتهم عن قرب لإن كل واحد منا في بلد غير التاني .

------------------------------

إلى السيناريست حشيش الديك ...

الحكاية هاتولع يا معلم ... وشكل الولا عطيه الرِمه بيعمل مغرز في محروس وهايوقعه في كفيل يطلع أيمان أهله ... بس ليه كده يا حشيش ؟ هل كان فيه بينهم حزازيات زمان ؟ ولا الولا عطيه كان بيغير من حب الأسطى جاملكا لمحروس ؟

كمل يا مان .. بس ما تنساش الناصور الله يكرمك يعني خليك فُرشة هنا وفُرشه هناك عشان ربنا يكرمنا وتقفل الحتتين اللي إنت فاتحهم عالبحري ...

ولو محتاج اي مساعدة انا عليه تضريبة بوهيه .. ولا الكامبيوتر ... وممكن أمسك لك السلم وإنت طالع تدهن السقف .. وما تخافش مش هاستندل معاك وأشد السلم وإنت فوق ... إنت أخويا وحبيبي ويا ما شيشنا مع بعض معسل بحريني ...

[ELSHAMY]

اخويا حشيش

الوله عطية شكله حيجيب رجل محروس فى الخية.....ويبدأ معاه سكة اللى يروح ما يرجعشى... وهل محروس حيتأقلم مع الوضع الجديد

بس أم محروس و خطيبته أيه رأيهم فى الموضوع ؟

وهل عطية حيساعد محروس فى تمن التذكرة ؟....اسئلة كتيرة تدور برأس المتابعين...

فى انتظار الحلقة الجديدة

[se_ Elsyed]

اخويا حشيش

الوله عطية شكله حيجيب رجل محروس فى الخية.....ويبدأ معاه سكة اللى يروح ما يرجعشى... وهل محروس حيتأقلم مع الوضع الجديد

بس أم محروس و خطيبته أيه رأيهم فى الموضوع ؟

وهل عطية حيساعد محروس فى تمن التذكرة ؟....اسئلة كتيرة تدور برأس المتابعين...

فى انتظار الحلقة الجديدة

مش عارف ليه يا دكتور شامي حاسس إن عطيه هايدق الناقصة معا محروس ويجيب رجله للسعودية ويعمل عليه بقى ريس عُمال لحد ما يطفحه الكوتا ... وفي الأخير ممكن محروس يتهور ويقوم رازعه فُرشه على دماغه يفتحهاله ضبه ومفتاح وبعدين ياخدوه على الساحة يقشطوا له رقبته .. ويكون كاتب وصيه إن لازم الفُرشة تندفن جنبه هي والجردل لكن قبل ما السياف يقطع راسه يروح قايل مقولته لاشهيرة اللي حشيش ينهي بها القصة " وما الحياة إلا فورشتون كبيرة " ...

[galaxy]

شكراً يا دكتور جوده

عايز أقول إن حشيش أستاذنا كلنا وإحنا بنستقي من نبع إلهامه وموهبته ..

بس تصدق بالله

أنا ما كانش لي الشرف للتعرف المباشر على زملاء الكفاح إلا يادوب عدد يتعد على صوابع الإيد الواحده ..

لكن حشيش وسكوربيون وحتى أستاذ عادل أبو زيد لم اتشرف بمعرفتهم عن قرب لإن كل واحد منا في بلد غير التاني .

------------------------------

إلى السيناريست حشيش الديك ...

الحكاية هاتولع يا معلم ... وشكل الولا عطيه الرِمه بيعمل مغرز في محروس وهايوقعه في كفيل يطلع أيمان أهله ... بس ليه كده يا حشيش ؟ هل كان فيه بينهم حزازيات زمان ؟ ولا الولا عطيه كان بيغير من حب الأسطى جاملكا لمحروس ؟

كمل يا مان .. بس ما تنساش الناصور الله يكرمك يعني خليك فُرشة هنا وفُرشه هناك عشان ربنا يكرمنا وتقفل الحتتين اللي إنت فاتحهم عالبحري ...

ولو محتاج اي مساعدة انا عليه تضريبة بوهيه .. ولا الكامبيوتر ... وممكن أمسك لك السلم وإنت طالع تدهن السقف .. وما تخافش مش هاستندل معاك وأشد السلم وإنت فوق ... إنت أخويا وحبيبي ويا ما شيشنا مع بعض معسل بحريني ...

طب معلش يا استاذ حشيش..............خليهم فرشتين وفرشه...... :D ..........بس الله يكرمك كمل الاتنين :blush2:

تم تعديل 21 أبريل 2008 بواسطة galaxy

[حشيش]

الأعزاء محمد جودة ... سى السيد ... الشامى ... جالاكسى

ربنا يجبر بخاطركم ... شكراً لكم :lol:

يشد محروس وعطية الرحال الى السعودية بالاوتوبيس ... بعد رحلة شاقة ومضنية يصل محروس الى الطائف وقد بلغ به التعب مبلغه ... ما ان يدخل الرجلان الى مكتب الكفيل حتى يقابلهما بعبوس وتجهم ... يقدم عطية زميله محروس قائلا: جايبلك معايا هدية ياشيخ فسيان :lol: ... الراجل ده اجدع مبيض محارة فى بر مصر ... عليه لا مؤاخذة سكينة معجون تستاهل وشك :lol: ... يرد الكفيل على محروس بفتور قائلا هلا ... يقوم عطية بدوره بتعريف محروس بالكفيل قائلا وده ياعم كفيلنا الشيخ / فسيان العتيبى اللى كلمتك عليه :lol:

الشيخ فسيان بتجهم: وايش جولت له عنى ؟!

عطية: كل خير يامطوع حتى اسئله

فسيان مخاطبا محروس باستعلاء: عطية حياخدك يفرجك على المطرح اللى حتنام به مع بجية العمال وبكره بالنهار حياخدك تستلم العمل والحين اعطنى جواز سفرك

محروس: عدم المؤاخذة يعنى الشغل كام ساعة فى اليوم ... ويوميتى كام ريال !!!

فسيان: الله يلعن الشيطان ما جالك عطية كم تستلم !!!

محروس: الف ريال فى الشهر غير النومه والاكل وتذاكر الاوتوبيس

فسيان: مظبوط ... الدوام يبتدى من 6 صباحا للساعة 2 الظهر ... وبعد من 4 العصر للساعة 8 بالمساء

محروس: 12 ساعة فى اليوم !!!!

فسيان: ايه نعم ... والحين اعطنى جواز سفرك :lol:

محروس غاضبا: مفيش جواز سفرك قبل ما نتفق ... انا يوميتى 8 ساعات بس ... اى ساعة زيادة ليها حساب لوحدها :lol:

فسيان وقد استشاط غضبا: بدفع لك راتب ما يستلمه عشر مهندسين فى بلدك ولساك ماراضى !!! :lol:

محروس: بين البايع والشارى يفتح الله ... صوابعك مش زى بعضها ... انا بلا فخر استاذ فى صنعتى ولو مش عاجبك احنا لسه عالبر

عطية محاولا تلطيف الجو: كل شئ باوان ياصاحبى ... لما الشيخ فسيان يشوف فرشتك حيقدرك :lol:

محروس: ده اخر كلام عندى لا مؤاخذه

فسيان: يظهر عطية ما كلمك عنى كفاية ... انته هون ما لك تعترض ... مالك غير تجول نعم فجط :lol:

محروس: يبقى ما لكش فى الطيب نصيب يامطوع ... من طلعة النهار حاخد اول اوتوبيس نازل على مصر

فسيان: فهم صاحبك ياعطيه انه ما يملك يترك المملكة جبل 3 سنين :lol:

الى اللقاء

[badroora]

ولا يهمك يا محروووووووس هنهربك عن طريق البحرين بس الطائف دي قريبة للدمام ولا فى انهى جهه

يعنى لو مفايهاش حاجة يا اديب حشيش تبقي تزود ايدك شوية فى الكتابة خليها فرطة حبتين الواحد لسه يقرا وهيعيش يفاجأ بالى اللقاء بتفكرنى زمان لما يبقي الواحد مندمج فى الكارتون وفجائه يقطعوه عشان موجز انباء ولا مجلس الشعب :lol:

شكرا ان ادفانس :lol:

[~Heba~]

.

.

:lol:

انا

انا

.

.

.

.

.

.

.

.

.

.

.

.

.

انا والله بعترف انى معنديش مرارة لقراءة كل الكلام الظريف و الجميل اللى بيكتبه الاستاذ الاخضر حشيش رغم انه يستحق القراءة

لكن اول ماشفت استاذنا التانى سين سين لماقال ان حشيش استاذنا رجعت و قريت كل حاجة و دلوقتى بس عرفت سين سين جايب خفة الدم دى منين

الى الامام يا استاذنا الاخضر...لا عدمنا فرشتك...قصدى قلمك :lol:

و بقولك و بقول للمحاورات

ياريتنى عرفتك من زماااااااااااان

[Dr.mmfriend]

ليه كده يا حشيش بيه

مبهدل محروس ليه بس

وبعدين الشيخ فسيان ده كويس ولا زى ريحته

قصدي اسمه

ياترى لاين تقود الاحداث

قاتل بعقلك وكيانك من اجل محروس

والفرشه

[!! Lidooooo !!]

تم تعديل 23 أبريل 2008 بواسطة !! Lidooooo !!

[badroora]

والله فنان يا ليدوا تسلم الايادي

حلوة الطفل المعاق دي

صحيح ايه حكاية الاشباح اللى فى خلفية الصورة دول :happy:

تم تعديل 22 أبريل 2008 بواسطة Badria Mekkawy

[النجم الثاقب]

ماشاء الله .... والله مش عارف اقول لحضرتك ايه القصه جميله و فى انتظار التكمله

ولا يهمك يا محروووووووس هنهربك عن طريق البحرين بس الطائف دي قريبة للدمام ولا فى انهى جهه

الطائف جنب مكة بشويه كده حوالى 88 كيلو يعنى نهربه عن طريق جده احسن بس على الله ميكنش عمل البصمه

[حشيش]

الأعزاء بدرية ... الفنان الكبير ليدووووووو ... النجم الثاقب

ربنا يجبر بخاطركم ... شكراً لكم

يشتد غضب محروس على ما قاله الكفيل بانه لن يغادر المملكة قبل ثلاثة اعوام

محروس: هيا عبودية ... انته فاكرها سايبة !!! ... والله اشتكيك فى السفارة يودوك فى داهية :sad:

ينفجر الشيخ فسيان ضاحكا وهو يقول اضحك الله سنك يامحروس ... تبغى تشتكى عليا فى السفارة المصرية !!! ... ثم يضحك مرة اخرى ويقول ما بتخسر شئ روح جرب حظك ... ويغادر مكتبه وهو لا يزال مستغرقا فى الضحك :D ... ويترك محروس وهو يكاد ان يموت كمدا

محروس مخاطبا عطية: هوه ابن الهرمه ده بيضحك على ايه :happy:

عطية: على العك بتاعك !!! ... سفارة ايه اللى حتشتيكلها دى !!!

محروس: سفارتنا ياعطية !!! ...سفارة مصر smk:

عطية: يابنى سيبك من الاوهام اللى فى دماغك دى ... محدش حيعبرك فى السفارة ... ولو على احسن الاحوال فيه حد عبرك مش حيقدر يعمل لك حاجه ... ... انته فاكرها سفارة امريكا يامحروس !!!

محروس: يعنى ايه محدش يقدر يعمل لى حاجة !!!

عطية: زى ما بقولك كده ... يابنى فيه فى السعودية لوحدها اكتر من مليون مصرى ... انا مرة باسبورى ضاع رحت السفارة علشان يعملولى بدل فاقد او يطلعولى وثيقة سفر انزل بيها مصر ... مش حقول لك على قلة القيمة والبهدلة اللى شفتهم فى السفارة ... همه بيقدروا عالمصرى يامحروس لكن مايقدروش عالسعودى :blink:

محروس: بس ده ظلم ... يعنى يا اما نرضى بالذل يا اما نخبط دماغنا فى الحيط

عطية: حكم القوى عالضعيف يامحروس

محروس: للدرجة دى رخصنا ياعطية !!!

عطية: ما تشيلش نفسك فوق طاقتك يامحروس ... فسيان العتيبى ده من علامات الساعة ... يعنى كلها خمس ولا عشر سنين والقيامة تقوم ... الحق اعملك كام الف ريال :D

محروس: اناحقعد مع الراجل ده ست شهور بالعدد مش حيزيدوا يوم واحد ... يادوب اعمل لى فيهم 5 الاف ريال وانزل على مصر

عطية: احنا حنعيده من تانى يامحروس ... فسيان مش حيخليك تسافر قبل ما تكمل 3 سنين

محروس: طب وحياة شرفك اللى ما لقيت له امارة ياعطية حنزل بعد 6 شهور ... العالم اللى زى فسيان ده اتعلموا الصياعة على كبر ... مش زى حالاتنا رضعناها مع اللبن

عطية: يامحروس ال 3 سنين بيعدوا هوا ...حاول تشغل نفسك فى اى حاجة بعد الدوام ... مالكش هوايات يا اخى

محروس: بخلاف العزف عالبيانو ماليش هوايات تانيه

عطية: ما فكرتش ترسم بالجير ... ده انته عليك فرشة تتلف فى حرير يامح يامح يامحرووووس :P

محروس: ما توقعش قلبى ياعطية ... بلاش يامح يامح يامحرووووس دى

عطية: ماشى كلامك ... اقوم بقى اعمل دور شاى ونشرب لنا سيجارتين ... قول يارب ... فرجه قريب ... احطلك شريط فى المسجل ... تحب تسمع مين !

محروس: حط لنا حاجة لماجدة الرومى

عطية: مش دى كلناها فى العيد ... ححط لك شريط لريكو يعدل مزاجك :wub:

الى اللقاء

[حشيش]

سقط سهواً تقديم الشكر للباشمهندسة هبة ود. م م فريند فأرجو المعذرة