خواطر يوم بيوم ....لجميع المحاوريين ..

[houssin abo habaga]

[color="#8B0000"][u

]خواطر يوم بيوم ...للجميع

هذا الموضوع لكل أعضاء محاورات المصريين

وهو ترويح عن النفس وأظهار الموهبه

التى تعيش فى بالك

ولا يسمح بمنقول

ولكن يسمح بالأبداع الشخصى

ولاتكون الخاطرة طويلة أو ما شابه ذلك

ويتم وضع تاريخ اليوم والأسم

والمشاركه للجميع وما يجول بخاطرك يصلح

فقط يكفى شرف المحاولة

هذا مثال:اليوم / 21/4/2008

شابة جميلة

بنت ناس

تركت النور

وأختارت

تمشى فى ظلام

أتعثرت رجليها

فى واحد

قليل الأصل

من بنى شيطان

كسر كرامة

الشابه

وعاشت باقى عمرها

فى ظلام ------------

خواطر ....... أبو حباجه :blush2:

يازارعيين الأرض احرثوها بمعزه

وبين خطوط الحد ازرعوا البزره

ارويها بالأخلاق والأدب والعزه

تطرح نبات طيب الأصل من البذره

-----------

خواطر ..........أبو حباجه :D

تأكد أن بنات أفكارك مليئة بالموهبه فلا تبخل

علينا بها

تمنياتى بالتوفيق لكم جميعا

[houssin abo habaga]

[b[size

="5"]]

اليوم / 21/4/2008

ساعات لما بشوف

جمالك يا مصر

بيجينى أحساس

أخدك فى حضنى

وأبوس خوخك

وأشتهى أمهاتك

ولما أبص

فى وشوش الناس

وأشوف الحزن

فى عنيهم

وأسمع صوت

ناى حزين

بيغنى

ويلعن ف الزمن

واللى جابه

ورماكى

ألعن أنا برده

فى اللى

جاب خاشه

خواطر .....أرابيسك :blush2:

[houssin abo habaga]

اليوم / 22/4/2008

يا عينى عليكى يا مصر

وأنتى بتتألمى

من غير صوت

قومى مره أصرخى

قبل الحياة ما تفوت

وتيجى النهاية

ونندم مهما نندم

ونصرخ

وأيه يفيد الصراخ

بعد الموت

----------

أرابيسك

:unsure: :happy:

[houssin abo habaga]

اليوم 22/4/2008

قالوا القمر فى السما

قلت أنا شايف

كل الليالى سودا

ونجوم بتلمع

فى السما

وكأنها

موضا

ووشوش

مره تكون صادقه

ومرة على الموضه

أزاى يا قلبى تفرق

بين

قلوب طيبه

وبين قلوب سودا

----------

أرابيسك

:unsure: :happy:

[houssin abo habaga]

أليوم 24/4/2008

قول يا بحر وأحكى

دا عمر بحر الله

ما يكذبشى

الموج بيتقلب

فى بطنك

ليل نهار ما يسكتشى

وأنت يا بحر الله

عمرك فى يوم

ما تشكى

ياريتنى يا بحر

أكون مثلك

لكن يا بحر

أنا بشر

أول ما ييجى الألم

اقول آه ولا اسكتشى

***********

خواطر ........أرابيسك

أشوف أحوال

البشر

فى الزمن ده

ليها العجب

ناس أجازتها

التلات

وناس تصوم

رجب

وناس تبص

لغيرها

بدون أدب

وناس تشتكى

اليوم لليوم

وتنام

مهمومه

عمرك يا صاحبى

يوم

شفت الفيل

بيشتكى

من تقل

خرطومه

**************

خواطر أرابيسك :lol: :cry: :cry1:

[houssin abo habaga]

[b]

اليوم 25/4/2008

انت اللى جايبه لنفسك يا مصرى

ومحدش جابهولك

تشكى لمين همك وللخلق تحكى

لما مش حتلاقى فولك

بكرة النيل من سكوتك حيجف

وابنك مين يحمولك

ويتراكم عليك العفن والمرض

يا فرحتى بطولك

فوق بقى وشوف اللى بيحصل

وإلا لازم أنا أعيد هولك

*****************

لا تنسوا / 4مايو كلنا واحد

خواطر ..........أرابيسك

:closedeyes: :closedeyes: :blink:

[houssin abo habaga]

اليوم 25/ 4/2008

يا سلام يا نيل

ياما شفت على ضفتك

ناس عشاق

وناس تشتاق

وناس تشكى همومها

وناس تحلم بيومها

وناس تنزل لموتها

وانت يا نيل

تنساب

تسقى وتروى

وناس بميتك

تغسل همومها

************

لا تنسوا / 4/مايو

خواطر ......أرابيسك

:closedeyes: :closedeyes: :blink:

[houssin abo habaga]

اليوم 26/4/2008

آه يا حب

زى الطير

كل ما ضاقت علية

طار فوق السحاب

حتى لو الريح

عليه شده

يرفرف بجناحه

الصغير

ويحط على غصن

عشق وموده

آه يا طير

لو تعرف أنا

قد آيه مهموم

قد موج البحر

وفيض مده

ومن طيبة قلبى

أعود تانى بحر

لآصله

ينكمش جذره

أنا يا طير

زاد عليا اللوم

وصبرى نفذ

وزاد حده

عملت بالأصول

ووفيت

وواجبك عندى

وفيت حقه

كلام جاى

ورايح بعيد

واشوف الدمع

نازل على خده

أقول أمتى يجى

العيد

علشان أصالحه

وأبوسه من خده

*************

كتابات / أرابيسك

:) :lol:

تم تعديل 26 أبريل 2008 بواسطة houssin abo habaga

[houssin abo habaga]

اليوم

27/4/2008

ما أكبر السما وسنينها

وينيرها قمر واحد

وما أكثرها نجوم تتلاءلاء

نور و ضياء

وتلك الأرض الواسعه مملوء

بكل البشر

وأنتى من بين كل البشروحـــدك

لقلبى ضياء

يا حبيبتى يا مصر

*************

كتابات / أرابيسك

:) :lol:

[ابو جيداء]

اليوم 27 / 4/ 2008

غنى الوتر نغمة الأصيل

سمعة القمر قالة ياليل

وقال ياعود قسم كمان

جمب القنا والليل سهران

غنى الوتر

ياقلبى يابن النيل

غنى مووايلك

من كل دقة قلب

حانقيد قناديلك

احنا ولاد اليوم

شربنا من نيلك

واللى بعيد عننا

دا بكرة حايجيلك

******

أبو جيداء

تم تعديل 26 أبريل 2008 بواسطة ابو جيداء

[houssin abo habaga]

اليوم 28/4/2008

أرمى السلام

من غير كلام

او حديت

لما أشوف

وشك منور

من بعيد

تشبه القمر

فى ليلة تمامه

ابص فوق للسما

أدعى

يا رب خلى

السما نورها

واحفظ قمرها

من كل شر

وشيل زمان الخسيس

وحط مكانه زمن حر

خواطر ........أرابيسك

wst:: :lol: bv:-

[houssin abo habaga]

اليوم 28/4/2008

انا ما أنساك ولا تنسى

أنى يوم مريت

بصيت على الشباك

أنتظر طلتك

وطال أنتظارى ليك

مليت

سألت عليك

قالوا كان هنا وراح لهناك

رحت لقيته

لابس توب فرح وقاعد فى الفرح

بصيت قلبى أنجرح

وراح الشوف منى وكأن

الفرح أنقلب حزن والضحك

بقى صويت

غريب أمرك يا زمن لحظه

تنعم وتحرم

وتحكم كما القاضى

مهما يكون حكمك يا زمن

أنا راضى

********

خواطر...أرابيسك

[/]

تم تعديل 29 أبريل 2008 بواسطة houssin abo habaga

[houssin abo habaga]

[

u]اليوم 29/4/2008

يا نيل

كل ما عينى تراك

يسير الدم فى عروقى

شلال

واحس برعشه

وكأنى بحيا

من جديد

وأبص فى عيون البشر

أشوف فيها

بشر مش بشر

أدعى يا رب

تخلى قلوبهم بيضا

وتحب

أنظر الى ميتك

أشوفك ملاك

أتمنى االناس

يا نيل

تشبهك

فى صفاك

خواطر أرابيسك

:unsure: :lol: :)

[houssin abo habaga]

اليوم 30/4/2008

الدمع فى عينى هل

وأنت يا قلبى مجروح

جرح غميق

بقالى سنين أداويه

ما أندمل

وروحى هايمه وحيده

فى دنيا الغرام

تدور على قلب

يشترى الحب

بلا أمل

**********

خواطر ......أرابيسك

:lol: :lol: :D

[houssin abo habaga]

أستاذة الحب

كل يوم تتلون

بلون

مره تقولك شفتك

مش أنت

آه فى يوم

قلتلى بحبك

ساعتها أنا برده عشقتك

أستاذه الحب

زى علبة الألوان

تتلون كل يوم بلون

محترفة بشر

تغيرك زى ما بتغير

الفستان

وتتلون كا الشجر

وكما الورد فى البستان

ولما تتواعد معاها

تقولك بكرة مشغوله كمان

ولما تروحوا حفله

تلغمط وشها ألوان

أول دخولها

يتلم حولها الشبان

ما تقلش صحن عسل

ملموم عليه دبان

ولما تسألها

آيه ده

تقولك خليك فرى

كلهم حبان

يدور راسك شمال

وتروح فى خبر كان

وتلعن اليوم اللى

خلاك تفكر أنك ناظر

فى مدرسة الحب

يا غلبان

***********

خواطر أرابيسك

:) :) ]

[houssin abo habaga]

[b]:

Dاليوم 4/5/2008

اليوم يا مصر يومك

عايز اشوفك متربعه

وعينى لما تنظر

تشوفك اربعه

اليوم يوم ولادك

ويوم المعمعه

سجل يا تاريخ وأكتب

وأفتح دفاتر المحروسه

وأكتب

شعب مصر

طلق رئيسه بالأربعه

*************

حسن أرابيسك

f((: :D

[houssin abo habaga]

اليوم 5/5/2008

يا فاتنه الحى

كم لكى من المحبيين

أسألك كم عدد قتلاكى

والمنتحريين

ساحرة أنتى

أم من الشياطين

أستعيذ بالله منك

ومن الحاسدين

أذهبى فى طريقك

وأعلمى

أنى فتى الشباب

و لست من قتلاكى

ولا من المنتحريين

**************

خواطر ......أرابيسك

[houssin abo habaga]

آه يا بحر

حامل أسرار فى أعماقك

وكل يوم غارق

فيك سفينه

الدر والياقوت فى أحشائك

ما يطلها أمهر

غواصينك

ولا حد يعلم أسرارك

إلا مالك الكون

و رب العالمينا

مهما حكيت من أسرارك

يفضل سرك فى قلبك

دفين

*********

حسن أرابيسك :

roseop:

[houssin abo habaga]

[b]

اليوم 23/5/2008

فهلوى من بتوع الزمان ده

جمعلوا قال ثروة

شوية كمسيونجى

وشوية من الخمرة

فى يوم قعد مع نفسه

يعد فى الأيام

يشوف كام منها عدا وباقى فيها كام

ويفتكر أيام الدراسه

ويقول والله زمان

الواد ابن بهية

بقى طبيب مداوى

وجراح كمان

والواد ابن علوكه

عنده دكان بقاله

وقهوة فى الميدان

وفلانه بقت مدرسه

وفلانه أتجوزت

قال وليه الندم

حا تفيد بأييه يا زمان

أنا بثروتى

اغلب الأيام

وف يوم جاله شلل

ورجع يعيب ع الزمن

ويعد فى الأيام

ويدعى رب الكرم

لو تصلح اللى أنكسر

حا أتبرع أنا بثروتى

تايب

وهارب من الأيام

----------------------

عملت روميو الجديد

وهيمت أنا فى عبلة

وسهرت ليالى

اناجى النجوم

وأقرأ جواب عبله

وفى يوم جانى

مرسال يدعونى

يوم الخميس

أحضر فرح عبله

جانى زهول

ومش عارف

آييه جرى لعبله

قعدت طول الليل

سهران

أزغرد

وأدق على الطبله

_____________

خواطر .....أرابيسك

:sad:

[houssin abo habaga]

[u

]

اليوم 25/5/2008

شعبان عاش الشتا

من غير غطا بردان

مش لاقى ليه بطاطين

راح الشتا

ولما جه الصيف

قال خلاص

ملعون أبوا الشتا

وملعونه البطاطين

مر يوم أتنين

نزل قرار الحكومه

غلوا عليه البنزين

شعبان سمع الخبر

فقد عقله

ومشى فى الشارع

يهزى

ويلعن فى الزمن

والريس

واللى غلوا عليه التين

خواطر .......أرابيسك

:happy: :sad: