المقهى السياسى ( كلام حر جدا )

[houssin abo habaga]

هى الست لطيفه مش حا تبطل خناق مع جوزها

حصل آييه تانى يا معلم

مصممه تعمل كحك العيد فى البيت

والراجل عمال يقولها نجيب جاهز أحسن

بدل تضييع الوقت

وهى راسها وألف سيف تعمل كحك فى صاجات وتوديه الفرن

ايوه يا معلم دى عادة عندنا من زمان

وأنا قريت أنها من قبل رمضان

أيوه لكن الدنيا أتغيرت والحال مبقاش الحال

وبعدين دلوقتى كل حاجه جاهزه ولعلمك صحية

يا معلم خلينا ننسى المشاكل شوية

والعيال تفرح كمان الجيران بتتلم مع بعض

وبيكون فيه طرابط بين الناس وبعضيها

والله يا مورستان أفندى عنك حق

خلاص أنا حا اراضيهم كمان حا أخلى الست بتاعتى تساعد الست لطيفه

وبالمره يعملونه غريبه أصلى بحبها قوى باالذات بالسمن البلدى

ياه يا معلم دى بتبقى تقيله قوى

يعنى عاجبك أكل الزيت اللى جاب صحة ولادنا لورا

شيبسى وبيبسى وفاست فود

خلاص يا معلم ناكل غريبه آهى مرة من نفسنا

بس ما تخليش عمنا الدكتور يسمعك يديك محاضرة

هو دايما يقول المخلوط أحسن خليها شويه بلدى وشوية نباتى

وشوية زيت زيتون وشوية زيت درة

وبلاش زيت العربيات

يالله كل سنه وأنتوا طيبين

رمضان نعمه على الجميع

والحمد لله الماتش خلص تعادل

ومفيش وجع راس

نتسحر بهدوء

سمعنا يا عم سيد

التبات والنبات

اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

مسحراتي

منقراتي

صاحب مدايح

وموشحاتي

الله يسامح

زمن الشحاته

كان سكيفي طايح

سيف خردواتي

دلوقتي فالح

في مناوشاتي

كسرت جانح

ابن الذوات

علقته سابح

خيال مقاته

وبقالب صالح

من غير شماته

على القوالح

سهران وشاتى

قلت الي رايح

غير اللي آتى

رمضانا صابح

مصابح ليلاتى

قال أنت سارح

تشهد زيناتى

أنا بحر مالح

يحلى يوماتى

وأنا ليلى طارح

عنب بناتى

وهلالى فاتح

بلد الزناتى

أنا قلت واضح

يا شوق حياتى

كل الروايح

هلت جهاتى

والشر زايح

والخير مواتى

وله لوايح

ولقيت مطارح

لمت شتاتى

عيشى فى تباتي

وفى نباتى

يا أم ابنى

بحرى وقبلى

الخير تقابلى

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

عشنا وشفنا الكواسر انكسر نابها

وخبرتنى بهيه أن الغيطان أبهى

وبنتها في المدارس أوله نابهه

وعيونى قابلت عيون من كل خير نابها

أنا قلت يوم المنى اليوم اللي كان منى جاه

وكان لبي بينى وبينك يا قمر مناجاه

الحمد لله عشت وقلبى غنى بها

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق

رمضان كريم

[houssin abo habaga]

سلام الله عليك يا معلم

عليك السلام يا مورستان أفندى

مالك يا معلم

يا أخى العالم كل يوم بحال تحس إن ليه 100 وش

أكيد يا معلم دنيا ىمصالح

تعرف السياسة دى يا معلم بتبدأ منين

فيدنا الله يفيدك يا مورستان أفندى

تبدأ من المهد

الطفل يسايس أمه علشان يا خد الرضعه

والست تسايس جوزها علشان الأمور تمشى

والواد يسايس أبوه علشان يا خد المصروف

والتلميذ بيسايس الأستاذ علشان يحصل على أعلى الدرجات

والموظف يسايس مديرة علشان يترقى

لكن المشكله يا معلم لما يحصل خلاف

الطفل يتفطم ويتحرم م الرضعه

والست تتطلق

والواد ينطرد فى الشارع

والتلميذ يعيد السنه

والموظف يتحرم م الترقية

علشان كده يا معلم السياسة ملهاش أمان

يا نهار أبيض يا مورستان أفندى

دا مخك يساوى درر

دا أنت نورتنى

أنت علامه وكراس مليان كتوبه

الله ينور مخك زى ما نورتنى

على رأى اللى قال

خدوا الحكمه من مورستان أفندى

جه وقت السحور

نسمع الشيخ سيد

وكلام أستاذنا فؤاد حداد

بيوت كتيرة

اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

مسحراتي

منقراتي

طلبت مراتي

مهر الأميرة

وأنا بحر فني

شال ميت جزيره

أنا المغني

لبيوت كتيره

تمن اللى قسطه

قطم له وسطه

ولا اللى مطلى

بمزاج عواطلي

من بره رايق

مليان حرايق

أصل القرايه

مش في المرايه

لكن في صفحه

ابيض على اسود

دى حكمه واضحه

خلينى أحود

على بيت فى حاره

لولى في محاره

وبيت في عطفه

لولى في صدفه

وبيت بقوقع

خايف ليوقع

وبيت بساقية

ع العهد باقيه

وبيت عتبته

عنوان كتابته

وبيت فى زقه

بعيش ودقه

وبيت خزينه

لخبازينه

وبيت يولد

الجاى بعده

ولا حد خلده

ولا حد وحده

على المداخل

بعد المداخن

بيوت مداين

إبني يا وعده

بيوت بناتها

عرسان بناتها

أنا بيناتها

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

المشى طاب لي علي طبلي وناياتي

تشب فيها العيدان تجري قناياتي

تسقى وانا سقا

عمره ما قال لاه

تحت القمر شقه

قالت الشوارع باتابع دقة دقه

ودقة دقة تتمايل بناياتي

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق

رمضان كريم

:blink: :blink:

[houssin abo habaga]

رد: (المقهى السياسى) أدارة المعلم فحمه

يمهل ولا يهمل

يا عالم بالعباد يا رب

مالك يا معلم

المؤسسات المالية عماله تنهار

أيوه كل يوم خبر

ما هما دول يا مورستان أفندى اللى طحنوا الغلابه

أيوه يا معلم ودلوقتى جه أنتقام ربنا

والبورصات عماله تنهار

علشان كده يمهل ولا يهمل

غلوا الحاجه من غير سبب وخربوا أقتصاد الفقرا

وبدلوا زراعة قوت الناس بزراعة منتج وقود

وبهدلوا العالم الفقير

أيوه لكن اللى بيحصلهم ده من عند الله

شوف المؤسسات المالية فى أمريكا عماله تقع واحده ورا التانية

ايوة يا معلم بس الأرقام اللى أنت بتسمع عليها دى ولا حاجه

بالنسبة لآقتصاد بلد زى أمريكا

ليه كده يا مورستان أفندى تسد نفسى

دى الحقيقة يا معلم

طيب مش حا تعمل هزه

أكيد العيار اللى ما يصبش بيدوش

ما البنوك عماله تنهار ومؤسسات مالية عماله تقع

والأعصار اللى غرق ولاية تكساس

كل ده ما يتهكش أقتصادهم

أمال آييه اللى يتعبهم يا مورستان أفندى نفسى أشوف فيهم يوم

لو أتجمع العوامل فى وقت واحد

يعنى أييه

يعنى تستمر أنهيار المؤسسات المالية من الأساس

ومدام الأساس حصل فيه خلل يبقى كل المبنى يقع

طيب الخراب فى أمريكا أمال البورصات الأسيوية أتأثرت ليه

لآنها مستثمرة فى المؤسسات دى وليهم نسبه كبيره

علشان كده أتاثروه بسرعه

يا مقرب البعيد يا رب

تقرب ليهم أعصار كتارينا ومكارينا وبريتنى اسبيرز ياخد أجلهم

بحق هذا الشهر الفضيل وأيامه المفترجه

كله على الله هو القادر على كل شىء

أياك الأسعار تهبط علشان خاطر الغلابه

الحمد لله على كل حال اللى يشوف بلاوى الناس تهون عليه بلوته

نسمع مسحراتى أستاذنا فؤاد حداد

الأشيا معدن

اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

مسحراتي

منقراتي

لقيت أهلا

نزلت سهلا

الأرض برحه

والأشيا معدن

وليالى سمحه

نجومها سبحه

إن كنت نايم

يا نايم اصحى

شوف قلبى هايم

واخدنى فسحه

ما فيش مآسى

على غير مقاسى

يا أبو قلب قاسى

ما بطلوا دا

فى مصر ثوره

عفيه قادرة

أيادى سمرا

وأنفاس ودوده

وأيام تزامل

فلاح وعامل

بالخير حوامل

الخير ولوده

والى فى خيالى

صبح محقق

أحضن عيالى

وأبوس وازقق

وانشد ليالي

بقصب يزقزق

باشيل تلالي

بالكروم وباعزق

فى نجوم تلا لى

عمال أبعزق

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

بلدى على النيل وساكن عش وبنانى

والحمد لله بنيت السد وبناني

غنيت وعشت الأمل وسجدت فى رمضان

للى خلقنى وعلمنى البيان رحمن

قادر يسوى بنانى

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق

رمضان كريم

:rolleyes: :lol:

[houssin abo habaga]

يوم الأربعاء

النهارده غزوة بدر ربنا نصر الأسلام وأعز المسلمين

لا حول ولا قوة إلا بالله

رمضان جرى يا جدعان من أفعالنا

لسه الهلال ظاهر امبارح النهارده البدر فى النازل

كأن الأيام الحلوة مش عايزانا

يا معلم الزمن بقى يجرى غير الأول

مش هى هى الساعات ولا اليوم بقى 20 ساعه

لاء يا معلم الأمور هى اللى بتتسارع

طيران وسيارات وناس بقت تجرى بكل سرعه علشان رزقها

ما عدش فيه حاجه بالساهل

حد يصدق أن التهجد يوم السبت

يالله يا معلم ربنا يتقبل منا ومنك أنشاء الله

أنت عارف يا دكتور اللى مزعلنى إن فيه حاجات حلوة قوى فى رمضان

بعد ما يمشى تلاقى كل شىء رجع زى ما هو ويمكن أكتر م الأول

يا ما نفسى الناس تفضل عايشه بروح رمضان طول السنه

شوف يا دكتور الرحمه والحب وجسور الوصل اللى أتبنت بين الأهل

عمرك ما تشوفها فى أى وقت تانى

الدنيا كده يا معلم لا يمكن تفضل على حال

والله أنا حاسيت إن الفقر والمرض والبطاله أختفت من مصر الشهر ده

هى دى حلاوة رمضان يا معلم

أوله رحمه ووسطه مغفرة وآخرة عتق من النار

ما نملكش إلا الدعاء لمجيب الدعاء

أن يجعل القرآن العظيم ربيع قلوبنا وجلاء أحزاننا وتفريج همنا

داقت ولما أستحكمت حلقاتها فرجت وكنت أظنها لا تفرج

يالله كله على الله

نسمع عمنا الشيخ سيد

أنا اشتراكي

اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

مسحراتي

منقراتي

في مذكراتي

عن عهد بائد

ولا عمره عائد

طلعت لي غنوه

لا تقول لي حلوه

ولا سفيهه

فيها اللي فيها

باغنى واحكي

غنوه حكاية

كان فيها ضحكي

فيها بكايا

اسمع يا ولدي

العين بصيره

والايد قصيره

والفقر لابد

علي الحصيرة

بيقول يا عابد

زحزحني

والزير حدايا

من البداية

وأنا اللي سانده

علي النقاية

بيقول يا عبده

زعزعني

والقلب شابي

علي الغلابه

رفع علي

قوس الربابه

وقال يا بابا ...

زغزغني ..

اسمع يا ولدي

من غير شماته

دلوقتي ردي

علي التلاته

بنيت في سدي

زعزعت زيري

علي مزاجي

يا اقطاعيه

وغار اذاك

زغزغ لي قلبي

عدو باكي

زحزحت فقري

وأنا فداك

يا مصر لما

لقيت ضناك

أول ما ينشأ

حرية ينشق

أول ما ينطق

يقول وراك

أنا اشتراكي

يا مصر ياللي

اسمك في ريقي

عارف طريقي

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق

رمضان كريم

:lol:

:lol:

:lol:

[houssin abo habaga]

والله يا مورستان أفندى الواحد عقله حا يشت

ليه يا معلم

قعدنا نسمع عن جماعه آييه وحركاته آييه وحزب آييه

وكام مصيبه حصلت ومفيش أى حد أتحرك

ما فيه يا معلم حركات بتعمل وقفه

وقفه ع السلم لا اللى فوق شفوها ولا اللى تحت شافوها

يا مورستان أفندى بلدنا استسلمت وبتتسلم

لآسم النبى حارثه وضامنه

مين ده يا معلم

دا العلامه اللى مرة واحده لقيناه قدمنا

ليه هو مش متودك

متودك آيه يا عم دا راجل كان شغال طالع واكل نازل واكل

والكل عارف وساكت

طيب يعنى يا معلم الشعب يعمل آييه

قبل ما نقول الشعب لازم الكبارات يتحركوا

زمان كنا نسمع إن الجيش فيه فرسان أحرار

عمرهم ما كانوا يسيبوا البلد تنهار

لكن النهارده تحس إن الجيش معزول أو حد عامله عمل

يعنى تقصد إنقلاب عسكرى

وليه لاء

ما بدل ما تقوم ثورة شعبية تكسر الدنيا وتخرب البلد م الناحيتين

مره فى الأرواح ومرة فى الممتلكات

ياه يا معلم أنت بتحلم

ليه يا مورستان أفندى أنت بتكسر مقاديفى

لا يا معلم أنا بقول الواقع

شعبنا النهارده مستسلم الشعب الثورجى بتاع زمان خلاص

المصانع والجامعات والشارع كله خرج

فاكر زمان يا معلم لو موضوع المحله حصل كان زمانك لقيت

حلوان وأسكندرية وأسوان ردوا وأتضامنوا معاهم

لكن شوف اللى حصل فى المحله بهدلوهم وسجنوهم وضربوهم

وضيعوا حقوقهم ومحدش أتحرك

الله أمال فين الحركات التحررية والأحزاب اللى واجعه دماغنا

كله فى الموانى يا معلم كلام وبس

يعنى آييه نقعد نعدد زى الولايه

أنا مقلتش كده يا معلم

طب فيدنا الله يفيدك

لازم المعارضة تكون كتله واحده وأديك شايف

كل مكان أتحدت فيه المعارضة حصل فيه تغيير وتنفيذ أرادة الشعب

لكن أحنا يا مولانا كما خلقتنا تحس إن بلدنا فى حالة كسل

لازم نتحرك قبل الفاس ما تقع فى الراس

والله كلامك درر يا مورستان أفندى

بالمناسبه تصدق أول مرة أشوف صورة هشام مصطفى

دا مش منظر رجل أعمال دا شكله عربجى

على رأى اللى قال خدوا الحكمه من مورستان أفندى

أصحاب العقول فى راحه

نسمع عمنا سيد

تاريخ جديد

اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

مسحراتي

منقراتي

وأنا قلبي راضي

أنا قلبي رايق

أنا قلبي طايق

سبع طرايق

علي الوريد

الأوله دي

عيون ولادي

صبح ميلادي

بتاريخ جديد

والتانيه ساير

تحت المناير

رمضان يناير

طالع سعيد

والتالته عيني

علي البريد

بينك وبيني

سكه حديد

والرابعه داخ اللي

قلبه داخل لي

يبقي داخلي

بالأكيد

والخامسة أمسى

فارش في شمسى

أنا اللى همسى

صبح نشيد

والساتته يومي

جميل فى قومى

أنا اللى صومي

وصلاتى عيد

والسابعه بشرى

من قبل بكره

علي كل أكره

يبقى لي إيد

عصر العجايب

جايب ماجايب

جايب ما جاب لى

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

يا ليلى يا عين أنا حالف ما اغمض عين

دا أنا إن شقيت قلت آه ريحت قلت آهين

صبح الشقارين

لعيون تزامل قمر كامل يؤانسها

وعيون كما العيله دايره بفوانيسها

وعيون تقول أنا حاهدي الفجر موالى

ولا حد يسهر ليالي وفي الأوان يسهى

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق

رمضان كريم

smk:

bv:-

:D

[houssin abo habaga]

المعلم حا يعتكف مش لاقى حته يعتكف فيها

الحكومه تحرم وتنعم على كيفها

بدل ما يخلوا صلاة التراويح على الملاء

سواء فى الساحات أو الجناين

علشان الناس تتشجع ويزيد الأيمان والتسامح

رايحين يحطوا شروط على الأعتكاف

جميع المساجد اللى حوالين بيت الحاج مبارك

ممنوع فيها التهجد أو الأعتكاف

أصل الراجل بينام بدرى

والله ربنا يستر على أخرتهم

أنا لو ما لقتش حته حا أروح مكه أعتكف هناك

وكل سنه وأنتم طيبين

دى آخر ليله عايزكم تسامحونى

واشوفكم فى العيد أنشاء الله

وكل سنه وأنتم طيبين

وموصيانى الست لطيفه وجوزها الأستاذ عبد الهادى

والدكتور ومورستان أفندى

كلهم بيقوللكم

كل سنه وأنتم طيبين

وربنا يتقبل منا ومنكم صالح الأعمال

ويبلغنا ويبلغكم ليلة القدر

الله أما أنك عفو تحب العفو فا أعفو عنا

أشوفكم على خير

نسمع المسحراتى

ليلة القدر

اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

يا رب يا رب

أنا ذو شجن صب

أهدينى للصبر

اخدم فى ناسى

وأوفى بالندر

وقلبى مالي

أبدر آمالى

للعالمين بدر

الرايه قلعى

والصارى ضلعى

قادر على البحر

للسعد إبنى

ولعينى جفنى

وللأمان بر

مالكين مصيرنا

ينصر ناصرنا

صبح لنا قدر

فى كل ناحيه

عينينا صاحيه

يا ليلة القدر

ليلة بكل السنه

الطاقه عرض السما

والطاقه فى الصدر

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

يا بلدى نورك سرح فى كافة الأمصار

بدر الآمال بدر

مهاجرين فى سبيل الله مع الأنصار

غزينا فى بدر

ووفينا بالندر

لمنزل الوحى هادى الوحى والأبصار

فى ليلة القدر

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق

رمضان كريم

كل سنه وأنتم طيبين وبعوده الأيام عليكم بالخير

نتقابل فى العيد أنشاء الله

ربنا يتقبل منا ومنكم صالح الأعمال

الله أما أنك عفو تحب العفو فا عفوا عنا

أرجوا من أى حد أنا قصرت فى حقه يسامحنى

تقبلوا تحياتى وأحترامى

أخوكم فى الله / حسن عمران

:blush2: :lol: :lol: