هو ليه مابيكلمناش ..!!!! ؟؟؟؟؟

[أسد]

1- لأنه ما بيعرفش يتكلم

مفيش مشكلة ... يكتبوا لنا هو عايز يقول ايه ..

أو حتى يشاورلنا واحنا نحاول نفهم ..

أو حتى يتصل بينا ..

2- لأنه معندوش حاجة يقولها ولا حجج يعلق عليها خيبته ... حتى موضوع (وأنا حجيب لكم منين) دى و(الزيادة السكناية بتلهط مواردنا) بقت كارت محروق لأن الناس ردت عليه وقالت له مش حنضرب لك مثل بالصين علشان عارفين الرد مسبقاً (تحبوا يعنى أقلبها لكم شيوعية) لكن ضربوا له المثل بماليزيا والهند

كان فيه واحد جارنا لما حد من ولاده يطلب منه حاجات زيادة .. كان يقعد يزعق لهم ويقول لهم .. أجيب لكم منين .. خدوني بيعوني .. وهاتوا اللي انتوا عايزينه .. خدوني حتى بيعوني بالكيلو ..

نفسي يرد علينا كده

تاني يوم حتلاقيه هنا

3- مالوش كاريزما زى عبد الناصر أو السادات ودمه يلطش فبيطلع يرزع أى كلام من الورق اللى كاتبينهوله بلا روح ولا إحساس حتى وإن حاول أن يتصنع ذلك

لأ .. الحقيقة مالوش ..

في دي ليك حق

4- ليس لديه القدرة على الإرتجال مطلقاً

برضه يا أخي ليك حق في دي

مابيعرفش

5- علموه فى كفر مصيلحة (دارى على شمعتك تقيد) وبلاش تبان فى الصورة كتير عشان العين فلقت الحجر

ولا بيحوق فيه .. ولا بيتأثر ..

6- هوه بيتبع نظام (الكبت يولد الإنفجار) فبيسيب الناس تتكلم علشان ما تنفجرش وهوه ودن من طين وودن من عجين

ايه ..؟؟؟ بتقول ايه ؟؟؟؟؟

7- فرجه قريب !!!

طيب .....

[hyoussif]

حد شاف رئيس جمهورية قبل كدة حكم لمدة 28 سنة ولسة بيقرأ خطبه من ورقة وده ليه لانه مبيعرفش اصلا يتكلم ودى بتظهر فى الزيارات الميدانية كله تحديف طوب زى اللى بيقولوا عليه سكت دهرا ونطق كفرا هما كام كلمة من يوم ماجه اربطوا الحزام متخلفوش عيال انتى بلدك ايه المستقبل مظلم الاسعار العالمية بتزيد وآخر مازهق نزل قانون بربط الحزام بس للعندهم عربيات بس عشان هو مع محدودى الدخل وغلا الكهرباء عشان المستقبل يضلم اكتر وبدل ماينقل الناس من محافظتهم نقل المحافظات وساب الناس زى ما هى تولع فى نفسها ومش مشكلة مش هو قال متخلفوش خلاص روحوا موتوا بغيظكم فيه بلد عندها نهر زى نيلنا وتشترى المية فى زجاجات وتطلع فى الآخر هى مية النيل برضه حسبنا الله ونعم الوكيل الله يرحمك يامحمد على باشا وكل من تبعك من الحكام المخلصين فقط والله ده ظلم لجيل اكتوبر اللى كان بيقول عليه السادات ووثق فيه وسلمه الامانة يعنى جيل الثورة نهبنا وهزمنا وصلح غلطته فى الآخر على يد السادات ونصرنا ورجع جزء من اللى اتنهب وبعدين جه جيل اكتوبر نهب اللى رجع واللى طلع واللى لسة هيطلع من قوت عيالنا لكى الله يامصر ولكى منا الف سلام وتحية اللهم فرج همنا وزيح عنا ما ابتليتنا بهم لعله امتحان فالهمنا الصبر واجعله فى ميزان حسناتنا ............................ آمين :)

[yasser6666]

موضوعك جميل ياأخ أسد

وعلي فكرة والله انا كنت لسه بسأل نفسي من فترة وأقول امال الريس بتاعنا فين من الأحداث المتتالية دي سواء اضرابات أو تعذيب او غلاء أسعار او ازمة الخبز أو تلوث المياه ...ماعلينا

الحقيقة كل اللي بيوصلنا من تصريحات الريس بتكون عبارة عن مقابلات مع رؤساء تحرير الصحف ولا تكون خطب او احتفاليات كباقي رؤساء الدنيا...

في رأيي الريس مش بيكلمنا لانه بيحتقر الشعب المصري والسبب في هذا الأحتقار انه يعلم علم اليقين ان الشعب بالكامل يكرهه كراهة التحريم وبيدعي عليه ليل نهار ان يخلصنا الله منه ومن اسرته ولكنه لايستطيع اعتقال الشعب كله وأيضا لايريد تغيير هذا المفهوم لدي الشعب لمصالح عائلته وبطانته ولذلك فأن أقصر الطرق عندما تتوتر العلاقات بين طرفين ان يتجاهل كل منهما الاخر

والأحتقار ليس ناتج عن دونية الشعب لاسمح الله ولكن ناتج عن التجاهل المتعمد تجاهه