الوشوش العكرة

[ELSHAMY]

اخى العزيز سى السيد

لابد انه توارد خواطر شديد...النهاردة حبيت افتح موضوع جديد عنوانه (الوشوش العكرة)...ولم يكن قصدى _حاشا لله_ السخرية من خلق الله...كان قصدى تعريف الناس بهذه الوشوش المفروضة علينا اعلاميا ...فى كل مكان حتى لو حتفتح حنفية اللامؤاخذة التواليت حتلاقيهم ناطين لك....الوشوش العكرة ربنا ما خلقهاش عكرة....هى اللى بقت عكرة بافكارها و معتقداتها وسمومها اللى بتسربها للناس....ألا يتقون الله و هم محاسبون على كل ما كتبت أيديهم و نطقت ألسنتهم....كلاب سلطة ليس لهم هم الا ارضاء السلطان...حتى ولو كان الثمن كرامتهم و احترامهم لذاتهم

و استأذنك أخى الحبيب اننا نكون أول من يفضحهم و الغرض تحذير الناس و توعيتهم....وايه رأيك نعمل لستة بهذه الاسماء....وكل واحد من القراء يضيف لها ما يشاء ممن يراه يستحق لقب مزور ارادة الشعوب...وأبدأ بنفسى و حأقولك اللى فاكرهم دلوقت:

اسامة سرايا

ممتاز القط

المذيع المستفز بتاع برنامج (حالة حوار)...(حالة حمار فى بعض الروايات)

واحد اسمه مجدى الدقاق ...مسئول لجنة الاعلام

واحد اسمه طارق الحسن...زى اللى سبقه

احمد موسى ...المخبر فى برنامج القاهرة اليوم

عمرو أديب نفسه و مراته...من أخطرهم

ابراهيم نافع

تامر امين...بتاع البيت بيتك

و انا فى انتظار تكملة اللستة....حاجة تقرف

[~Heba~]

ليه بس ماله تامر امين دا انا معجبة بيه جدا

و البقية انا مش بتابعهم عشان احكم عليهم

[Handasah]

ونسيت معتز بية الدمرداش ورفاقة وتحيزة الى حزب الحكومة

[evermrod]

كرم جبر

عبد الله كمال

مفيد فوزى

أحمد شوبير

[badroora]

للاسف مبتفرجش على تليفزيون ولا على قنوات مصرية مين الناس اللى بتتكلموا عليهم دول

اعرف شوبير ايام الكورة

ومفيد فوزى ايام حاجة كدا كان بيعملها زمان

اصوات المدينة حوار المدينة والله مافكرة بس حاجة المدينة كدا

الاشكال دي معرفهومش

فممكن تحطوا صورهم عشان تبقي الفضيحة واضحة للى مش يعرفهم :lol:

تم تعديل 21 أبريل 2008 بواسطة Badria Mekkawy

[Sherief AbdelWahab]

واللي بالي بالك..

خلص الكلام

[حسام يوسف]

انا هطلع برة السياسة

والوش العكر المشهور باسم دكتور علاء صادق

[badroora]

واللي بالي بالك..

خلص الكلام

تقصد محمد سعد (اللمبي ) :unsure:

[aimen]

والله فكره حلوة ونعمل لهم موقع نسميه المفضوحون فى الأرض أو اللى ما يتسموا -- انا ما بتفرج على تليفزيون لو قفلت اوى اجيب فيلم من النت انما اتفرج على قناة مصرية ومذيع زى ثقيل الدم ابن ماما نونا لأ ما اقدرش مرارتى ما تساعدنى المشكلة ان البجاحه عندهم بقى فيها وفر يعنى ما بينكسفوا

[ELSHAMY]

حمدى رزق

[Sherief AbdelWahab]

شلة الأربعة شهداء المال السياسي، ومعاهم بكري ورئيس تحرير الموجز..

خلص الكلام

[القارئ]

أحمد عبدالمعطى حجازى يقولون عنه أديب ويكتب فى الأهرام . واحد لواء إسمه حاجة بباوى , عبدالله كمال بتاع الحزب الوطنى , الناظر فتحى سرور بتاع مجلش الشعب , الشيخ حلاوة , أسف أقصد بتاع الأزهر الى إسمه طنطاوى ,

[galaxy]

هو ممكن اعلاميين ومسئولين وممثلين...........كل اللي بنشوفهم يعني

هاله سرحان

معتز الدمرداش

محمود سعد

سيدقراره كمان مرة

يوسف شاهين

عادل امام

مفيد فوزي برضه

فاروق حسني

هاله سرحان

بوسي شلبي

سامي العدل

طنطاوي تاني

سعد الصغير

دينا

شوبير

احمدعبدون

مش فاكرة الباقي........بس همه كتير........واللي بالي بالك برضه.

تم تعديل 22 أبريل 2008 بواسطة galaxy

[حسام يوسف]

السلام عليكم

اسمة نبيل لوقا بباوى لأماحصلشى كماقال فى برنامج الحقيقة

[ELSHAMY]

اخوانى الاحباء

السلام عليكم ورحمة الله

كان من أهم أهدافى فى هذا الموضوع هو تعريف من لا يعرف من القراء بهوية و توجه هذه الوشوش التى تطل علينا صباح مساء حتى يأخذ حذره و يصفى كلامهم قبل سماعه و بهذا نكون قد أفدنا بعضنا البعض بعيدا عن أى أهواء شخصية.....

جاءتنى نصيحة من شخص عزيز ان نحاول تقنين الكتابة فى هذا الموضوع حتى لا تخرج من هدفها التعريفى باشخاص نكره توجهاتهم و تدليسهم علينا الى - لا سمح الله - غيبتهم و الوقوع فى أعراضهم....لذلك لزم التنويه .

و أشكر أولا من لفت انتباهى الى هذه النقطة...وجزاكم الله خيرا جميعا

[حشيش]

مفيش يابنى وشوش عكرة ولا حاجة ! ... ده شيطان وراكبك ! ... قوم اتوضى وصليلك ركعتين !

[se_ Elsyed]

أعتقد الغيبة او النميمة يا دكتور شامي لما تكون مهاجمة الشخص لشخصة هو ولعيوب فيه

إنما لما يكون سياسي وصاحب منصب .. يبقى من حقنا نديه على قفاه لإن أنا وإنت اللي بندفع مرتبه اخر كل شهر من دمنا ومن ضرايبنا ودمغاتنا

هاغطس شويه وأجيبلك شوية وشوش وماسكات .. أحسن الزملاء خلصوا كل المخزون اللي عندي ...

[~Heba~]

أعتقد الغيبة او النميمة يا دكتور شامي لما تكون مهاجمة الشخص لشخصة هو ولعيوب فيه

إنما لما يكون سياسي وصاحب منصب .. يبقى من حقنا نديه على قفاه لإن أنا وإنت اللي بندفع مرتبه اخر كل شهر من دمنا ومن ضرايبنا ودمغاتنا

من بين كل الناس الكلام ده ميطلعش منك يا سين

دا انا بتخذك قدوة و بيعجبنى دايما رأيك (ماعدا كام مرة)

هو ده اللى حتعلمه لهبه الصغيره :P ...

مفيش يابنى وشوش عكرة ولا حاجة ! ... ده شيطان وراكبك ! ... قوم اتوضى وصليلك ركعتين !

مش عارفة يا حشيش كلام ده فيه تريقه :) ؟؟؟؟؟؟؟؟؟؟؟

للعلم

الغيبة في اللغة: من الغيب وهو كل ما غاب عنك، وسميت الغيبة بذلك لغياب المذكور حين ذكره الآخرون، وقال ابن منظور الغيبة من الاغتياب.. أن يتكلم خلف إنسان مستور بسوء.

والغيبة فسرها رسول الله صلى الله عليه وسلم بقوله: “ذكرك أخاك بما يكره” مما يتصف به من العيوب الخِلْقِية أو الخُلُقِية فهذه هي الغيبة أن تذكر أخاك بما يكره في غيبته، ولهذا قيل لها غيبة، وأما إذا ذكرته بما يكره في مقابلته فإنه يسمى سبا وشتما، وهذا إذا كان المذكور متصفا بما قلت فيه. أما إذا كان غير متصف فإنه يكون بهتانا أي كذبا.

[shawshank]

حسني مبارك

أحمد عز

محمد عبد اللاه

مجدي راسخ

حسني مبارك

زكريا عزمي

طنطاوي (الدفاع)

صفوت الشريف

مفيد شهاب

حسني مبارك

حبيب العادلي

كمال الشاذلي

يوسف بطرس غالي

أسامة الباز

حسني مبارك

حسين سالم

أحمد درويش

[aimen]

يا بشمهندز فيه واحد مكرر مرتين ؟ نعمل فيه ايه

إنولع فيه ؟ ولا نطخه :)