كيف يُصنع الطغاة

[التونسى]

هو مش كلام الشعب .. هو كلام عن الشعب :happy: ...من واحد من هذا الشعب ((واحد هارب وطفشان من البلد بدوره .. ومحلتوش الا شوية ازجال توصيفيه تحريضيه)) والغريبه انى فى نفس الوقت بكتب قصيده اخرى لاذعه ..عن الحكومه ... قصيده بتخيلها ممكن تكون الشعارات او الهتافات الثوريه اللى حتصرخ بها الجموع المحتشده يوم 4 مايو المنتظر

يعنى عقلى الباطن عاوز يقول ان مسئولية التدهور والانهيار اللى احنا فيه مسئوليه مشتركه ما بين الشعب السلبى وما بين الحكومه الفاشله و اللى سايقه الهبل على الشيطنه ... القصيدتين بيوصفوا الحاله من وجهة نظرى طبعا واللى ممكن تكون وجهة نظر قطاع كبير

على العموم انا لسه بظبط فى القصيدتين علشان يطلعوا فى ادق مضمون واحسن شكل ووزن .. على قدر المستطاع .. وان شاء الله يروا النور يا اخت بدريه

[~Heba~]

الشعب آآآآآه من الشعب كان الله فى عونه

الشعب عايز يربى عياله و بس...

حقيقه انه قله من الناس تتجاوز هموهم الاطار الشخصى و ده بيكون حسب ظروفهم وثقافتهم التى فى بعض الاحيان قد لا تسمح بالتدقيق و التمحيص و مراقبة الحاكم عشان يشوفوا دا طاغية والا لأ

الا اذا بقى لما نوصل لمرحلة "طفح الكيل"

و هنا بتحصل فوضى لانه مش حيبقى فيه طريقة علمية للنقد و الاصلاح...و دا اللى حاصل عندنا دلوقتى

[التونسى]

الا اذا بقى لما نوصل لمرحلة "طفح الكيل"و هنا بتحصل فوضى لانه مش حيبقى فيه طريقة علمية للنقد و الاصلاح...و دا اللى حاصل عندنا دلوقتى

الله ينور عليكى .. هى دى... ((طفح الكيل )) ... لسان حالنا جميعا الان بيقول ((فاض الكيل)) ..الشعب بكل فئاته ((يمتنع المنافقون واللصوص والمنتفعون)) ...يصرخون ((فاض الكيل)) ... عمال.... موظفين .. اساتذة جامعات ...خريجين ..الخ الخ الخ بيقولوا حاليا وفى نفس واحد((فاض الكيل)) وده بالضبط هو عنوان قصيدتى اللى بكتب فيها حاليا.. واللى بتخيلها كما اسلفت الشعار اللى ممكن يتردد فى الاحتجاجات والمظاهرات والاضرابات القادمه

فاض الكيل .... يا حكومه يا ظالمه ......فاض الكيل

فااااااااااااااااااااض .. الكيــــــــــــــــــــــــــــــــــــــــــــل

فاض الكيل .... بكفايه بقى ... قــــهر .... وتنـــكيل

فااااااااااااااااااااض .. الكيــــــــــــــــــــــــــــــــــــــــــــل :lol:

[رمضان]

الاخ الفاضل رمضان...............تحياتي لموضوعك الجميل ورؤيتك المتعمقه ...............بس كلامك فكرني كمان بفيلم الجوع.......مش قصدي اقلبها افلام والله .................بس ممكن فكرة مشابهه..............................لما الظلم اثار البطل ليدافع عن شخص مظلوم........ثم التف حوله المظاليم..........اللي هما فعلا مظاليم..........ثم تبدأبطانه السوء من اغنياء في الوسوسه ومسح الجوخ وتقديم النصائح الغاليه للمحافظه علي ملكه المزعوم..........خوفا من انه.ينصر المظاليم بجد لا سمح الله............مع انه لم يكن في تخيله اكثر من دفع ظلم ما للحظه............الا انهم بحذق ومهارة حولوا اهتمامه للسلطه ...............وزغللوا عيونه بالاموال والكرسي..........وهو من داخله طبعا لديه الميول...........................حتي تحول الي طاغيه ...........تحول الي العوبه في ايديهم .........او اداه لتحقيق اهدافهم ..........واهدافه برضه ........لانه من جواه برضه عايز........ بس تنقصه الفرصه .......والحمدلله اعطوهاله...........وهو والله ما قصرش........تحياتي بجد يا استاذ رمضان

السلام عليكم

الاخت جالاكسي شكرا ليكي

بالفعل فيلم الجوع نموذج اخر من نماذج صناعة الطغاة وبالفعل احيانا يكون الطاغة مجرد غطاء خارجي لمجموعة اكبر وهذه المشكلة حتى بوفاته لا يتغير شيء

تحياتي مرة اخرى

[رمضان]

كيف يصنع الطغاة .؟

نحن من يساهم فى صنع الطغاة والاستبداد ..!!!

كل انسان منا بداخلة ميول فطرية للطغاة والاستبداد ولكنها ممكن تبقي موجودة او تتلاشي

موجودة بمساعدة المحيطين بنا اللى بيقليلوا بانفسهم ومن قدرهم لحساب الاخرين ...

الناس التى تعطى لاصحاب السلطة اكبر من حجمهم وتجعلهم كانهم ولى نعمتهم ...

التلاشي . حسب نشأة الشخص نفسه ونوع تربيته لو نشأ فى بيت محترم هيتلاشي ميوله ,ولو نشأ فى ظل اب مستبد اكيد

هيتعزز عنده الاحساس دا .

لو حبينا نطيق هذا الكلام على مجتمعنا المصري ... هنلاقي من الطبيعي ان يكون من بين افراده شخصيات مستبدة

طغاة .اصبح كل ذو سلطة عنده الاستعدادت النفسية للاستبداد ولقهر الاقل منه طالما ان هذا هو السائد فى المجتمع ولن

يتصدي له احد.

الطغاه صنع محلى .... يعنى لو لقي البيئه المناسبة العوامل المساعدة هيبقي ليه لاء .

الانساس الطاغى لا دين له ولا مذهب ولكنه طاغى بالفطرة وبتشجيع من الاخرين

فليكن نحن الاخرين ويجب علينا التصدي والوقوف فى وجههة الطغاه والمستبدين .......

ففى النهاية الطغاة ليس ظاهرة مفروضة علينا فى الحياة ........الطغاة من صنع الانسان .!!

موضوع جميل يا رمضان تسلم ايديك

ويا ريت تنام كفاية عشان تصحصح كدا وتشوفلنا فيلم جديد وليكن هنا القاهر ونناقش مشكلة تكبير وتصغير رغيف العيش

تحياتى ....

هلا والله وغلا ببدرية

مشكور طال عمرك

بالفعل يا بدرية داخل كل منا طاغية ونتربى على ان يكون لنا شخص متحكم فينا منذ نعومة اظافرنا مرورا بالمدرسة التي هي الاساس بعد المنزل

وفي النهاية ما عرفت انام وياريت بصفتك في المجال الطبي تديني حل للأرق ده ينوبك ثواب مش بنام غير 3 ساعات بس

تحياتي يا بدرية

[رمضان]

طيب اسمحلى اسالك سوال اخى الكريم رمضان

هل فى تصورك اننا بصناعتنا للطغاه نستاهل اللى يجرالنا منهم .. وينطبق علينا ((من اعمالهم سلط عليهم))

يعنى باختصار ...((هل احنا شعب يستاهل !!!!!؟))

الاجابه مفتوحه لكل اللى يحب يجاوبنى .. بصراحه الاجابه تهمنى جدا

اكيد اخ تونسي نستاهل كل اللي يحصل لينا على الرغم انه احيانا بيكون من صنع اجيال سابقة ولكن لابد من ان ندفع الثمن

واعتقد ان بدرية برده قامت بالواجب في الاجابة

[se_ Elsyed]

طول ما في إعتقادنا الراسخ إن هناك دائماً في المجتمع من هم على إستعداد ليكونوا وقود المعركة بدلاً منا .... يبقى هانفضل كده إلى يوم الدين

بمعنى

بص كده على الأكثرية من الناس

هاتلاقيهم منتظرين السماء تُمطر عليهم محررين .. ومتكلمين .. ومدافعين عن حقوقهم

وكإن في ناس قدرها تبقى زي سعد زغلول .. او إسراء عبد الفتاح

هما اللي يبقوا في المقدمة .. وهما اللي ياكلوا ضرب لحد ما يبان لهم صحاب

أما البقية فتقف لتتفرج وتشاهد وتمصمص شفايفها وتدعي على ألهة العجوة التي خلقوها بأنفسهم ثم ظلوا يعبدونها حتى أستقوت تلك الألهة وأصبحت حجارة من صوان ... واول ما بطش الحجر ... بطش بصانعه .. وهو الشعب .

يبقى للتخلص من تلك الأصنام .. يا نتحرك كلنا سوا .. يا كل واحد يحط لسانه في بؤه ويتفرج على هدومه وهي بتنزل المزاد ويروح يدور له على ورقة جرنان قديمة يستر بها نفسه .

[رمضان]

طول ما في إعتقادنا الراسخ إن هناك دائماً في المجتمع من هم على إستعداد ليكونوا وقود المعركة بدلاً منا .... يبقى هانفضل كده إلى يوم الدين

بمعنى

بص كده على الأكثرية من الناس

هاتلاقيهم منتظرين السماء تُمطر عليهم محررين .. ومتكلمين .. ومدافعين عن حقوقهم

وكإن في ناس قدرها تبقى زي سعد زغلول .. او إسراء عبد الفتاح

هما اللي يبقوا في المقدمة .. وهما اللي ياكلوا ضرب لحد ما يبان لهم صحاب

أما البقية فتقف لتتفرج وتشاهد وتمصمص شفايفها وتدعي على ألهة العجوة التي خلقوها بأنفسهم ثم ظلوا يعبدونها حتى أستقوت تلك الألهة وأصبحت حجارة من صوان ... واول ما بطش الحجر ... بطش بصانعه .. وهو الشعب .

يبقى للتخلص من تلك الأصنام .. يا نتحرك كلنا سوا .. يا كل واحد يحط لسانه في بؤه ويتفرج على هدومه وهي بتنزل المزاد ويروح يدور له على ورقة جرنان قديمة يستر بها نفسه .

منور يا سي السيد

بص يا بيه مش الشعب المصري بس اللي كده معظم الشعوب كده لازم لها محرر ومفيش ثورة او تحرير الا لما يكون وراها محرك خفي كأن يكون حزب او فئة معينة لها مصلحة في تغيير النظام وفي الغالب بتكون مصالح اقتصادية وليست سياسية حتى الثورة البلشفية كان وراها اليهود بفلوسهم ولمصلحتهم دعموا الثورة

وطبعا بما ان معظم المسؤولين عندنا اذكياء فيبظبطوا الفئة القادرة على تحريك الشعب او حتى الموظفين علشان يحافظوا على المسؤول بتاعهم

يعني مثلا ان مدير مصلحة ما اقوم جاي على القوى اللي فيها واظبطهم وارقيهم فالكل هيكست

[se_ Elsyed]

لن تستطيع جيوش العالم او قادته أن تحرك شعباً ليس مؤمناً بمبدأ أو لديه هدف معين

فلما يبقى كلنا عندنا هدف محدد .. بالتأكيد هايطلع مننا من يقود حركة التغير

وحتى ذلك الوقت الكل خايف يبقى هو هذا الشخص أحسن يتسحل ويروح ورا الشمس ...

ومن لا يوجد لديه شجاعة تحمُل نتيجة أفكارة ومعتقداته بحلوها ومُرها .. يبقى يركن على جنب ويستنى القطر لما يعدي يمكن يلحق يتشعبط في السبينسة ...

برضوا سؤالي ؟

هو الشخص المُحرك ده بيبقى مصنوع من المهلبية وإحنا مصنوعين من طين ؟

وليه ما يكونش انا أو إنت يا رمضان ... عشان ما تزعلش ؟

ليه كلنا منتظرين هذا المهدي المنتظر من غير ان تكون لدينا الجرأة بأن نكون نحن هذا الشخص ؟

[رمضان]

لن تستطيع جيوش العالم او قادته أن تحرك شعباً ليس مؤمناً بمبدأ أو لديه هدف معين

فلما يبقى كلنا عندنا هدف محدد .. بالتأكيد هايطلع مننا من يقود حركة التغير

وحتى ذلك الوقت الكل خايف يبقى هو هذا الشخص أحسن يتسحل ويروح ورا الشمس ...

ومن لا يوجد لديه شجاعة تحمُل نتيجة أفكارة ومعتقداته .. يبقى يركن على جنب ويستنى القطر لما يعدي ...

برضوا سؤالي ؟

هو الشخص المُحرك ده بيبقى مصنوع من المهلبية وإحنا مصنوعين من طين ؟

وليه ما يكونش انا أو إنت يا رمضان ... عشان ما تزعلش ؟

ليه كلنا منتظرين هذا المهدي المنتظر من غير ان تكون لدينا الجرأة بأن نكون نحن هذا الشخص ؟

انا طول عمري وانا انتقد الشعب المصري علشان النقطة دي ، نقطة ان كل واحد معتمد على الثاني ، في المدرسة لازم نحط واحد في وش المدفع ووقت الجد الكل يجري واذا نجح نمشي كلنا وراه ، في الشغل الكل بيسكت عن حقه ومنتظرين شخص يتكلم بالنيابة عنهم واذا ظهر برده نسقف له من بعيد واذا فشل يشيلها لوحده و كلنا نظهر بمظر البرئ . وطبعا لما بيكون شخص لوحده لازم يشيلها ، علشان كده احنا من فشل لفشل ومن ضياع حقوق لضياع حقوق اكبر واهم .

دي وصلت للشرف ومحدش اتحرك ، تخيل لما واحد يغتصب واحدة في ميدان العتبة المكتظ والكل واقف يتفرج . انا عن نفسي لو حضرت موقف زي ده وما عملتش حاجة تاني يوم هلبس طرحه وامشي في الشارع واتكسف اشوف نفسي في المراية تاني . انا مش عارف ازاي بعض الناس لسه بيطلق على نفسه راجل ومرت عليه موقف زي دي.

انا يا سي السيد لا أناى بنفسي عن السكوت ، انا عن نفسي كنت اضعف من اني اواجه بس الحمد لله على المستوى العادي انا بواجه والحمد لله لاني مش بعرف انام لو ضاع لي حق .بس للاسف اتعودت اني ادور على حقي انا بس وده له عوامل كتير .

اعتقد لو اتيحيت لي الفرصة لذلك لن استخدمها حتى وساكون مثل الجميع

اعتراف مر ولكن لازم اعترف بيه

احيانا بينقصني الشجاعة حتى اني اواجه نفسي بغلط عملته وبسوق لنفسي المبررات

لحد كده كفاية قوي لاني شكلي هتكلم كتير وانا ضد ده من الاساس

[Einstein]

انا اهو يا رمضان

موضوعك جميل جدا

لكن المثل المذكور بيكلم على الطاغية فى كبره لكن ماذا عن الصغر

هل ننكر انه له تأثير

يعنى نقدر نقول الطاغية ده كان طفل مدلل بشكل مفرط و هذا ما جعله لا يجيد شئ سوى فرض رأيه و احكام سيطرته

يعنى مثلا فرعون ده من ساعة من اتولد و وعى على وش الدنيا و هوعارف انه حيكبر و يبقى فرعون يحكم و الناس تنظر له على انه اله (حاشا لله)

طيب هتلر مفيش فى طفولته حاجة كده و الا كده!!!

منورة يا هبه

بصي بقى بالنسبة لمرحلة الطفولة دي مفيش انسان بيتولد ظالم او حرامي او ألخ لكن البيئة هيه اللي بتشكل الانسان وده اللي بنقول عليه

بالنسبة لهتلر فده راجل انا بحترمه جدا ( وجهة نظري الشخصية ) حاجة تخصني يعني

بس برده نفس الكلام ينطبق على هتلر وعلى فكرة هتلر عمل ثورة صناعية هائلة في المانيا امتدت اثارها الى اوروبا باكملها

ش عارف هبعد عن الموضوع ولا لأ

ولكن عنوان الموضوع فكرني من يومين كنت عند واحد صحبي

لاقيت عنده علي الجهاز صور لآلات التعذيب القديمة

يععععععععععععع

والله ما قدرت ابصلها ، شيء لا يوصف مجرد تخيل واحد في الاوضاع دي

وهنا قولتله ازاي في ناس ممكن تعذب حد بالشكل ده

ياااااااااااااااااه

مع ان المفروض كلنا اتولدنا اسوياء وعلي الفطرة

وافتكرت رباعية لصلاح جاهين

أنا كل يوم أسمع فلان عذبوه

أسرح فى بغداد والجزاير وأتوه

ما اعجبش من اللى يطيق بجسمه العذاب

واعجب من اللى يطيق يعذب أخوه

عجبى !!!!!