فزورة فنية علمية

[حسام يوسف]

السلام عليكم

حد بيحب الفوازير؟

اللى مابيحبش يمتنع

هذة الصورة من أعمال فنان عالمى مش هنقول اسمة

يا ترى انت شايف ايه؟

ايه تفسيرك للوحة؟

وانا هساعدك وأقول انها فزورة علمية فنية

أما نشوف

[محمد عبدالعزيز]

هى الصورة فيها وجه إمرأة

وأعتقد إن اللى موجود حول الصورة ده هى مراحل القمر, يعنى هلال ومحاق وبدر... إلخ

[النجم الثاقب]

بصراحه انا مش شايف غير صفين لولى

قصدى مش لاقى تفسير بس شايف ان ده وش واحده ست و مش عارف ليه الكور دى بتفكرنى بالكواكب ، و شويه احس انها ساعه رمليه

بس خلاص

[حسام يوسف]

السلام عليكم

يا جماعة الموضوع كبير

فكروا شوية كمان

وللامانة انا لما اتقاليتلى الفزورة

ماعرفتهاش

فكروا

فكروا

فين بدرية

وهبة

واينشتين

وناش

وجالاكسى

وأم مروان

وأسد

وشريف

وعمنا س س

وعمنا سكوب

وعمنا ابو محمد

ياللا يا جدعان

ياللا ياجدعان

قبل ما يعقل يا جدعان :)

[Einstein]

ياللا يا جدعان

ياللا ياجدعان

قبل ما يعقل يا جدعان

ضحكتني يا حس يا حبيبي :P wst::

جاري المحاولة

من الخارج طبعا صورة وجه فتاة

لكن المفروض انها تبطن شيء اخر

ولكن الصورة صغيرة وغير واضحة

فهل منكن صورة 6×9 اكبر شوية :)

[galaxy]

سيادتك جاري البحث.............تطلع ايه دي :)

[حسام يوسف]

السلام عليكم

يا جماعة اتعلمنا زمان اننا نستخدم كل المعطيات فى المسألة عشان نقدر نحلها

وفية معطى انا مديهلكو غريب شوية لكنه معطى

المعطى هوة اسم الفزورة

فزورة علمية فنية

بتقولوا ايه ياولاد؟

علمية؟

علمية ايه يا ولاد؟

علمية

شدوا حيلكوا

الموضوع كبير

ولو ماحلتهاش يا عم اينشتين

يبقى تحاول

-متزعلش منى-

تغير اسمك

ادينى بديلكم معلومات اهو

وبحاول اسهلها

لأنى عارف انها صعبة

[واحد تاني]

اللي اعرفه يا دكتره ان دي واحدة من أعمال العبقري المجنون سلفادور دالي ...

وهي عبارة عن بورترية لمراته جالا ...

فين بقى العلام في الموضوع ... :)

[حسام يوسف]

السلام عليكم

اللهم صلى ع النبى

ايه الحلاوة دى

الله ينور يا عم واحد تانى

ده انت واحد أول مش واحد تانى :)

كلامك صحيح من حيث مين صاحب الصورة مين

بالفعل هوسلفادور دالى

اللى انا حاطط صورتة على البروفيل بتاعى تقديرا لهذا الفنان العبقرى

لكن ان الصورة لزوجتة دى طلعت منك أوت

انت كدة عرفت الصورة بتاعة مين

وبنحييك

لكن ما معنى الصورة؟

حد فى الدنيا يرسم زوجتة برضة,وتبقى لوحة فنية علمية يا راجل؟ :lol:

[حسام يوسف]

السلام عليكم

يلا ياجدعان

يلا ياجدعان

قبل مايعقل ياجدعان :lol:

حد حاول تانى؟

القراءات تقريبا ع المية والردود لسة قليلة

يا ترى مين هيكسب؟ :)

[galaxy]

سيادتك هو في جوايز؟؟؟؟؟؟؟؟؟ :)

[هشام عباس]

انا متهيألي انها لواحده حاسه ان الدنيا كلها بتدور حوليها وانها مركز الكون علشان كده الكواكب بتلف حولها!!!!!!!!!!!!!!!!

[هشام عباس]

وممكن تكون لواحده حاسه انها تايهه في الدنيا وكل حته فيها في مكان بعيد عن التاني بُعد المجرات عن بعضها والواضح كمان انها حزينه جدا او متألمه

وباين فيها شويه زي تشريح لمنطقة الرقبه والأكتاف؟؟؟؟؟؟؟؟

غلبتنا! قلنا انت حل الفزوره

[shawshank]

لكن ان الصورة لزوجتة دى طلعت منك أوت

دوّرت لقيت الناس بتقول إنها فعلاً مراته . ولقيت برضه الناس بتتكلم عن علم و Order of Universe ... بس برضه مش واخد بالي :)

ممكن تسهلها شوية ؟

[حسام يوسف]

السلام عليكم

ولو ان الوزارة منعت الغش

لكن انا هغششكم

قصدى هساعدكم

الموضوع هو ان اللوحة بتجمع بين البروفيل بتاعى

والبروفيل بتاع اينشتين

والا اسهلها أكتر لحسن حد يقولى دى صورة صيدلانية مش لاقية شغل

الصورة عمل فنى له علاقة بين دالى واينشتين

هة؟

ايه الاخبار؟

وبجد انا مستمتع بتفسيراتكم الجميلة

اللى حتى لو ماكانتش الصحيحة

لكنها بتقول ان فيه خيال وحس فنى عالى

ياللا يا جماعة

[Einstein]

شوف يا سيدي

انا لاحظت حاجة من امبارح بس لسه مش عارف احددها اوي

لاحظت ان الصورة تتكون من 30 كورة موزعة علي مستطيل 5×6

الكور دي تختلف في درجة شفافيتها و لونها

ويوجد امتداد لل 30 كورة دي للخلف ، بحيث كل مرة بيقل حجم الكرة

فالصورة في النهاية هي 30 كرة وتغيرها بامتداد الزمن

المشكلة بقي اني مش عارف اربط الكلام ده بمعادلة :closedeyes:

[حسام يوسف]

السلام عليكم

كمل يا اينشتين

انت ع الطريق

بس لسة شوية كمان

شد حيلك

[هشام عباس]

التلاتين كره دول هم الأساسيين وكل كره بتتفرع لعدد من الكور الأصغر كلما تبعد وده ممكن يكون مرتبط بالانهائيه؟؟؟؟!!!

[shawshank]

متهيألي فيه برضه ناس بتتكلم عن DNA

[حسام يوسف]

السلام عليكم

حديث الكور هو الطريق

عفوا ليست DNA

ياعزيزى شاوشانك