فزورة فنية علمية

[حسام يوسف]

السلام عليكم

ايه يا جماعة؟

حد عندة حل؟

ياللا عشان نشوف غيرها

ده الاستاذ دالى والاجر على الله wst::

انشاءالله لو ماحدش هيعترض

وعايز تمديد للوقت عشان يفكر

انا هكتب الحل السبت مساءا

[هشام يوسف]

مساء الخير

حقيقى انبسطت من الموقع دا وبنسبة كبيرة من الموجودين

انا لا اعرف شيئا في الفن ولا في التصوير

بس مستنى تفهموني

اللى على فكره انا سمى هشام يوسف وانت حسام يوسف

ياترا احنا قرايب من ناحية يوسف :)

تقبل والكل تقديري

[shawshank]

فين الحل ؟ ... احنا مساء السبت اهو

[Einstein]

فين الحل ؟ ... احنا مساء السبت اهو

الظاهر ان اخوية و حبيبي حسام أجل نشر الحل لاني قلت له امبارح اني مشغول وكنت عاوز اشارك بالحل الاخير،

هو بصراحة انا مليش اوي في موضوع الفن و خاصة السريالي و التشكيلي و التجريدي :closedeyes: ........ وان كان نفسي و منايا افهم اللوحات دي واعرف افرق بينها و بين شخبط شخابيط ، وبتهيألي اخويه حس مش هيبخل عليه اني يعلمنا الفنون دي واحدة واحدة

المهم اخر حاجة احب اقولها هنا ،

اني لما شفت ال 30 كورة في اول شريحة وبما ان الكور اصلا ثلاثة الابعاد ، يعني اول شريحة ثلاثية الابعاد

ولقيت بعدها للخلف الثلاثين كورة بيتكرروا ،

قلت يبقي ده بعد الزمن ،

خاصة وان ال 30 كورة ممكن تشير الي الشهر تجاوزا

يعني طبقات الكور دي عبارة عن شهور ورا بعض ، يعني الزمن

وكانت نهاية الطبقات دي في الاخر هي نقطة

يعني ممكن تكون النقطة دي ترمز الي البج بانج ، اللي هية بداية الزمان و المكان

يعني معني كده ان اللوحة دي بتقول ان المرأة هنا اللي في اللوحة تمثل للرسام كل الزمان و المكان

معقوله دي :lol:

دي كانت خاطرة مرت بخيالي و حبيت اشارك بيها

اتمني مكنش بعدت اوي عن الحل الصحيح

[حسام يوسف]

السلام عليكم

انا اسف لو كنت اتأخرت فى الرد

بس عندى امل حد يحلها

انشاءالله بكرة الاثنين مساءا الحل انشاءالله

[نبض الابداع]

دي لوحة الفنان العظيم سلفادور دالي

وهي من المدرسه السريالية التى يتزعمها سلفادور

و هي لزوجته جالا

و فيها عدد مهول من الكرات الارضية

ان شاء الله اكون نجحت

:shutup:

[مسافر زاده الخيال]

سلفادور دالي فنان عظيم فعلا واعتقد انه اعظم من بيكاسو

ولا ايه رايكم (خصوصا المتخصصين)؟؟؟؟؟؟؟؟؟؟؟؟؟؟؟؟؟؟؟

[shawshank]

ان شاءالله بكرة الاثنين مساءا الحل ان شاءالله

أنا لسه مستني اهوه :closedeyes:

[galaxy]

مش عارفه هو فرق التوقيت كبير اوي بين مصر والامارت :lol: ......النهارده مش التلات باين .....حاضرين....يلا بقي يا دكتور :lol:

تم تعديل 29 أبريل 2008 بواسطة galaxy

[حسام يوسف]

السلام عليكم

أعتذر عن التأخير

كان عندى أمل فى الحل الصحيح

ولو ان فيه ناس قربت

ومعلهش يا زميلتى العزيزة جالاكسى

لو كنت اتاخرت

اللوحة لسلفادور دالى

والوجة للمرأة الذى يظهر فى اللوحة هو بالفعل لزوجتة جالا

لكن المشكلة انه ليس هناك وجة اصلا

اللوحة تعتمد على التضليل البصرى

اللوحة عبارة عن مجموعة من الكرات ليست فقط التى تظهر

ولكن كل كرة تظهر أمامك وراءها كرات كثيرة

صف طويل

والانعكاسات المختلفة من الضوء على الكرات هى التى توهمك ان هناك وجة امرأة

ودى كانت لعبة المعلم دالى

وقد ربط بعض العلماء والنقاد هذة اللوحة بنظرية النسبية لاينشتين

(الامريكانى مش الصيدلى المصرى :) )

اسف لو كنت ضايقتكم وخدت وقتكم

وأستودعكم الله

لأنها اخر مشاركاتى

السلام عليكم ورحمة الله وبركاتة

[~Heba~]

دكتور حسام انا متابعة الموضوع من بدرى

بس بجد التفسير ده مش داخل دماغى

توجد مناطق خارج الكور فيها لون امتداد للون فى الكود و امتداد اللون ده ملهوش تفسير الا عشان صورة المرأة تبقى ظاهره

فى الصورة انا اشرت للمناطق اللى بكلم عنها

و هى فى الشعر و الحاجبين

[ملك]

اعتقد انها صخرة تحت الماء

ونحتت وعليها بعض الاصداف