فرص العمل فى الامارات ؟؟؟

[marlboroegy]

السلام عليكم ورحمة الله وبركاته

تحية طيبة وبعد الى جميع اعضاء المنتدى

الحقيقة نويت ازور الامارت بتاشيرة سياحة وفى نفس الوت البح عن فرص عمل مناسبة كمحاسب ذو خبرة وكومبيوتر ولغة

وكنت عايز اعرف اقل مرتب كويس يكون مجزى للغربة وفى نفس الوقت كيفية ايجاد فرص العمل

وشكرا ليكم مقدما

ودى وتقديرى

[osmel33]

السلام عليكم أتمنى لك التوفيق أولاً فى كل الأحوال وأعرفك بنفسى أنا المهندس/ أسامه السيد كنت فى الإمارات وحالياً مقيم فى قطر وكل سنة مرة على الأقل بروح دبي شغل

خلينى أراجعك فى كام حاجة كده أولاً اشمعنى الإمارات ؟ثم مسألة انك تاخذ تأشيرة زيارة ثم تبحث عن عمل دى مش بالسهولة دى أولا انت تعرف حد فى الإمارات ؟ من الواضح انه "لأ" لأنك ماكنتش طرحت الموضوع من أصله طيب خلينا نكون عمليين فى التفكير

1- تأشيرة الزيارة - أعتقد دى ممكن تكون سهلة

2- مسألة البحث عن عمل انت محدد هاتدور فين حكومة ولا شركات قطاع خاص ؟ أولاً نصيحة حاول تدور على حاجة حكومية أفضل لأن للأسف الشديد العروض فى القطاع الخاص فى دول الخليج غير جيدة بالمرة ويمكن فى الإمارات تحديداً حصل احتلال من الهنود فى مهن كثيرة منها المحاسبين ومبرمجى الكمبيوتر وغيرها وهم طبعاً عمالة رخيصة بيقبلوا أى حاجة وده بيخللى الفرص نادرة لينا نادرة وهناك أصبح فيه تشبع عمالة فى كل المجالات

3- أرجع لأول حاجة اشمعنى الإمارات انت سافرت الإمارات قبل كده ؟ لو لأ تبقى مبهور باللى بتسمعه فقط أولا دبى أنا شخصيا ما بحبش اقعد فيها اسبوع على بعضه من الزحام اللى شبه زحام مصر وبصراحة الدوحة هنا فى الموضوع ده بميت دبى فى الشوارع وتسيير المرور والإشارات ما علينا ما فكرتش تروح قطر الفرصة هناك أكبر لسه البلد بتتبنى ومحتاجة عمالة فى كل المجالات ومحصلش لسه التشبع الموجود فى الإمارات

اتمنى ان ترسل ما هو تخطيطك المبدئى للرحلة دى وبتفكر فى أيه وزود عليهم ماعلش عامل حسابك فى فلوس معاك كام :closedeyes:

[marlboroegy]

السلام عليكم أتمنى لك التوفيق أولاً فى كل الأحوال وأعرفك بنفسى أنا المهندس/ أسامه السيد كنت فى الإمارات وحالياً مقيم فى قطر وكل سنة مرة على الأقل بروح دبي شغل

خلينى أراجعك فى كام حاجة كده أولاً اشمعنى الإمارات ؟ثم مسألة انك تاخذ تأشيرة زيارة ثم تبحث عن عمل دى مش بالسهولة دى أولا انت تعرف حد فى الإمارات ؟ من الواضح انه "لأ" لأنك ماكنتش طرحت الموضوع من أصله طيب خلينا نكون عمليين فى التفكير

1- تأشيرة الزيارة - أعتقد دى ممكن تكون سهلة

2- مسألة البحث عن عمل انت محدد هاتدور فين حكومة ولا شركات قطاع خاص ؟ أولاً نصيحة حاول تدور على حاجة حكومية أفضل لأن للأسف الشديد العروض فى القطاع الخاص فى دول الخليج غير جيدة بالمرة ويمكن فى الإمارات تحديداً حصل احتلال من الهنود فى مهن كثيرة منها المحاسبين ومبرمجى الكمبيوتر وغيرها وهم طبعاً عمالة رخيصة بيقبلوا أى حاجة وده بيخللى الفرص نادرة لينا نادرة وهناك أصبح فيه تشبع عمالة فى كل المجالات

3- أرجع لأول حاجة اشمعنى الإمارات انت سافرت الإمارات قبل كده ؟ لو لأ تبقى مبهور باللى بتسمعه فقط أولا دبى أنا شخصيا ما بحبش اقعد فيها اسبوع على بعضه من الزحام اللى شبه زحام مصر وبصراحة الدوحة هنا فى الموضوع ده بميت دبى فى الشوارع وتسيير المرور والإشارات ما علينا ما فكرتش تروح قطر الفرصة هناك أكبر لسه البلد بتتبنى ومحتاجة عمالة فى كل المجالات ومحصلش لسه التشبع الموجود فى الإمارات

اتمنى ان ترسل ما هو تخطيطك المبدئى للرحلة دى وبتفكر فى أيه وزود عليهم ماعلش عامل حسابك فى فلوس معاك كام :lol:

اخى العزيز المهندس اسامة

اشكرك على على تعاونك وكلامك المرتيب الذى ينم عن شخص ذو تفكير سليم والحقيقة انا بالفعل اختارت الامارت لانى سمعت عن الامرات الكثير والكثير واعرف ايضا ان العيشة هانك غالية جدا

اما بالنسبة لقطر او البحرين الحقيقة لما فكرت فيهم ومن خلال الاجابات التى وجدتها لقيت ان قطر غالية جدا ويمكن اغلى من الامارات من حيث السكن واعتقد ان مسالة الزيارة فى قطر والبحرين ممكن تكون صعبة على ما اعتقد ؟؟!! مش عارف هل المعلومة دة صح ولا غلط

ياريت اتشرف باميل حضرتك لاخذ المشورة والنصح لو مفيهاش ازعاج

تقبل ودى واحترامى وكل تقدير وبارك الله فيك

[osmel33]

مافيش مشكلة يا غالي وأنا بعتلك امبارح الميل بالخاص بى واللى لازم بافتحه فى اليوم أكثر من مرة وكمان الخاص بال MSN

[marlboroegy]

مافيش مشكلة يا غالي وأنا بعتلك امبارح الميل بالخاص بى واللى لازم بافتحه فى اليوم أكثر من مرة وكمان الخاص بال MSN

تمت الاضافة يا بشمهندس بارك الله فيك وفى انتظار سعتك فى اقرب وقت ممكن

جزاك الله خير

[alaqrabalmasry]

اخواني الاعزاء

السلام عليكم ورحمة الله وبركاته

انا طبيب مصري تخصص تحاليل طبية ماجستير 2003

جيت ابوظبي زيارة وامتحنت امتحان وزارة الصحة في ابو ظبي ونجحت الحمد لله وحصلت على شهادة تقييم " اخصائي ب "

ارجو الاستفسار عما يلي :

1 - في فرصة اني اشتغل في الحكومة ؟ وازاي اتابع الموضع؟

2- الشهادة دي صالحة على طول؟ يعني ممكن اشتغل بيها في اي وقت؟ ولا لها فترة معينة؟

3 - ايه الامارات اللي ممكن اشتغل فيها ؟ لاني عرفت ان في دلوقتي حاجة اسمها شهادة الهيئة

ارجو من المقيمين في الامارات ان يساعدوني في اقرب وقت وجزاكم الله كل خير

[wela]

بص يا سيدي معاك خالد محاسب ومدقق داخلي بامارة العين

اولا الموضوع مش صعب بس عايز امكانيات

عايز اقولك انت هتيجي فيزا سياحة هتكلفك بتذكرة السفر ومصاريفك علشان تدور علي شغل حوالي 8 او 9 الف مصري وده انت لسه معملتش حاجة

هنقول انت جيت انت بتقول محاسب عارف محاسب في الامارات لازم يكون معاه شويه حاجات هنا بيسموها ا ب محاسبة علشان تقدر تشتغل براتب كويس او معقول اولا لازم انجليزي تمام مش انجليزي مصر

ثانيا : هنا مش بيشتغلوا بالدفاتر زي مصر هنا في حاجة اسمها برامج محاسبة وكمان كل برنامج ليه اصدار معين لازم تكون محترف اتنين من البرامج دي علي الاقل

كده ممكن تيجي بس انت تعرف مين في البلد هتصرف كتير جدا وكمان كبداية ليك في الامارات سواء ابوظبي او العين او الشارقة لو معاك الي انا قولتلك عليه يعني 3000 درهم مبدئي يمكن يقل شويه او يزيد انت ورزقك لو انت في ابوظبي هتصرفهم لو بتدخن ومصارفك كتير لو في العين هتصرف نصهم تقريبا .

هتتعب شوية بس ان شاء الله ربنا يكرمك...

لو عايز اي سؤال انا تحت امرك...

بالتوفيق

[hhanafy]

يا سيدى اول ما تيجى دبي اعمل اعلان فى الجريدة GULF NEWS تطلب فيها وظيفة لك.وشركات التوظيف سوف تبدأ الإتصال بك.

المرتب هيكون ضعيف بس متقبلش اقل من 6000 درهم لأنك فى اول سنة هتسكن فى شيرنج