صرخة أم ... إسراء عبد الفتاح ... رحمتك يا رب

[زهرة الجبل]

ده يرضي مين حرق القلوب على الضنا ..... ده يرضي مين... ؟

ده يرضي مين يا نـــــار و آيده في قلبنا ..... ده يرضي مين... ؟

و فــاضل إيــــه بعد الضنــا ؟ ده عرضنـــا ..... ده يرضي مين... ؟

طب ريحوني بنتي عايشه؟ولا فرحمة ربنا.. يا مـؤمـنـيــــن... ؟

أنا عايـــــزه بنتي .. تاخدوها ليه بذنبي أنا؟ ...البت فيــــن... ؟

الذنب ذنبي ... الجــُــرم جــُرمي ....أنا و أبوها الغلطانين

أنا إللي ربيتها غلط !!!

أنا إللي قلت لها إن صــــوت الـحــق مـــــش لازم يـــخـــــــاف

أنا إللي قلت لها بإيــدنــا هــتـنتـهي سنــينـــنا العـُــجـــــــاف

أنا إللي قلت لها البــشــر لمــا تلَمـلِمـهـم عصى يبقوا خـِراف

أنا إللي قلت لها ده عارنا إن البلد جاعت ومش لاقيه الكفاف

أنا إللي فلت لها الكرامه ... عمرهــــا ما توجت روس الضعاف

طيب هاتوها

إرحموها ورجعوها

إتقرصنا خلاص فهمنا

درسنا طال حته منا

و إن عـُدتوا مره ... تشوفوا ضل البت بره ...

عن بيت أبوها ...

إبقوا خدوها

بس إرحموني و إرحموها

كيبورد بنتي خاف و إنكسر .. وقعت خــلاص مِـنــه الحــروف

و آدي قلمها إللي كتب فِهـِمْ العتب .. أصـبــح يتيـم مقصوف

وصوت بناتنا إن كان عـِلا .. راح نكتمه.. راح ينخرس بالخوف

إن عـُدتوا مره تسمعوا صوتها يقول للفقر لأ

إبقوا إقتلوها

إن عُــدتوا مره تــحِـسوا إنهــا هتقول يا حق

إبقوا إحرقوها

بس إرحموني دي سابقه أولى و إرحموها

و ريـــحوا عينيا بشوفتــهـــا و رجعوهــــا

و إعذروني

مكنتش أعرف إن الشمس بعيد كده .. خــــلاص عـــرفت بإنهــــا فـِــعلاً بعيد

و إنه وراهــــا برااح و ِ ســـايع كــل ده .. وبراحها لسه بيانه أن (هل من مزيد)

و إنه إللي راح وراهـــا ما يفيده الندا .. أصـله إللي راح وراهــا مـِتلجم حديد

آآآآآآآه يا بشر..ممكن سـؤال مـن فضلكم؟

ومـاتخـافوش .. سؤالـــي مـش هَيهـِزُكُم

هــكتــم صراخــي مــش هيــجـرح ودنكم

همسح دمــوعي مـــش هـتـنزل عندكم

بس إسمحولي أنا برضه أم ....زي أمكم

و إللي فـ قلبي لو حسيتـــوه كان هدكم

أنا حـــاسه ليــــه إني غريـبه فـ وسطكم؟

لا كـأني مـِنكـم .. و لا إن بنتــي تخصكم؟

يعني عشـــان بنــاتكو نــايمه فـ حضنكم؟

إســــــراء تهــــون ؟ وهي تايهه فـ همكم؟

طب تعرفوا؟

ساعات بحس إن إنتو صح فـ صمتكم

بلاش جنان .. خلوا بناتكو فـ حضنكم

أنا بنتي رااااحت ... شكلها فـ حته بــعيـــده

ونـــاري مش راح تنطفي بكارثـــه جــديــــده

خلوا بناتكوا فـ حضنكوا ... آمنـــه .. سعيــده

وسيبولي حسرة قلبي على بنتي الوحيده

آه ياناري...حسرة قلبي على بنتي الوحيده

تم تعديل 24 أبريل 2008 بواسطة زهرة الجبل

[shahd]

صح لسانك اختي الفاضلة

[إيزيس]

يااااااااااااااااااااه يا زهرة

مش عارفة أقوللك إيه

غير

أبدعت و الله أبدعت

[لخبطه]

جميلة ومعبرة ومتدفقة

وسنان قلمها إللي كتب فِهـِمْ العتب .. أصبح يتيـم مقصوف

القلم له سن واحد مش سنان

مكنتش أعرف إن الشمس بعيد كده .. خــــلاص عـــرفت بإنهــــا فـِــعلاً بعيد

والشمس يتقال عليها بعيدة مش بعيد

لكن بصراحة جميلة تسلم ايدك زهره

[زهرة الجبل]

صح لسانك اختي الفاضلة

نورتي الصفحه أختي الكريمه شهد

أسعدني مرورك

تحياتي

[زهرة الجبل]

يااااااااااااااااااااه يا زهرة

مش عارفة أقوللك إيه

غير

أبدعت و الله أبدعت

يا هلا وكل الغلا بقرنفله

شكراً أختي الفاضله على مرورك و تشجيعك

تقبلي تحياتي و تقديري

[زهرة الجبل]

أخي الفاضل لخبطه

أسعدني مرورك هنا

القلم له سن واحد مش سنان

أصبحت : {{ و آدي قلمها إللي كتب ... فهم العتب .. أصبح يتيم مقصوف }}

ملحوظه:الشكر لأختي قرنفله لأنها إقترحت عليَ هذا التعديل ( آدي قلمها ) بعد قراءة تعليقك

والشمس يتقال عليها بعيدة مش بعيد

كلمة (بعيده) أجد أنها تكسر الوزن

غير أن كلمة بعيد أجدها لائقه من حيث المعنى و حافظت على الوزن

تحياتي لإهتمامك

و دمت بخير

[galaxy]

ربنا يفك اسرها ويطمن اهلها يارب....اللهم ازل هذه الغمه عنا يارب ............تسلم ايدك مدام زهرة الجبل :lol: ..........تحياتي

الحمد لله افرجوا عنها ورجعت لاهلها........يارب يكون بالسلامه..........ربنا معاها.

سبب تعديل المشاركه معرفتي بالافراج عنها........ :cry:

تم تعديل 24 أبريل 2008 بواسطة galaxy

[ELSHAMY]

تسلم ايديكى...وافكارك

[أشرف حسين]

كم هي قاسيه و حزينه كلماتك

ماذا اقول .... لنا الله

امـ كـريم..

لله يسامح احساسك

[badroora]

احساسك جميل وعالى اوى يا زهرة

تسلم ايدك وربنا يحميكي ويخليلك ولادك يا رب wst::

[sheriefm]

بصراحه شعرك جميل وهزنى

[زهرة الجبل]

ربنا يفك اسرها ويطمن اهلها يارب....اللهم ازل هذه الغمه عنا يارب ............تسلم ايدك مدام زهرة الجبل :sad: ..........تحياتي

الحمد لله افرجوا عنها ورجعت لاهلها........يارب يكون بالسلامه..........ربنا معاها.

سبب تعديل المشاركه معرفتي بالافراج عنها........

منوره يا جلاكسي

بجد والله نورتي الصفحه بالخبر الجميل ه

و بوجودك طبعاً

لكن اول ما عرفت انها رجعت كان أجمل خبر سمعته يمكن من اسبوعين فاتو

تحياتي لك و لأخبارك الحلوه

و شكراً لمرورك و وجودك هنا و تواصلك الذي يسعدني كثيراً

[زهرة الجبل]

تسلم ايديكى...وافكارك

أخي الكريم الشامي

شكراً لمرورك الراقي

أسعدني تواجدك و حسن تذوقك

دمت بخير

[زهرة الجبل]

كم هي قاسيه و حزينه كلماتك

ماذا اقول .... لنا الله

امـ كـريم..

لله يسامح احساسك

أخي الفاضل أشرف

وجودك هنا أسعدني كثيراً

الكلمات تستقي القسوه من قسوة الواقع للأسف

وكما قلت .... لنا الله

تحياتي

[زهرة الجبل]

احساسك جميل وعالى اوى يا زهرة

تسلم ايدك وربنا يحميكي ويخليلك ولادك يا رب :sad:

بدريه ... بجد بجد بيسعدني تواجد إسمك في صفحاتي

شكراً لإحساسك المتذوق

و شكراً لدعواتك الجميله ... و لك مثلها

و ربنا يكرمك و يسعدك يا رب و يحميكي

دمتِ بخير و ود

[زهرة الجبل]

بصراحه شعرك جميل وهزنى

أخي الفاضل شريف

أرى أنك زميل جديد بالمحاورات

أهلاً وسهلاً بك هنا و أتمنى أن تجد الفائده معنا

أشكر لك مرورك وحسن تذوقك

دمت بخير

أختك أم كريم

[التونسى]

اغبطك على هذه القدرة المتميزه فى التفاعل الشعرى مع قضية اسراء .. وعلى هذا الاسترسال فى نظم قصيدتك الزجليه الجميله والتى تتخللها عواصف من الشجن والمرارة ... وعلى النجاح الكبير فى تقمص مشاعر الام المكلومه والتعبير بحرفيه عما يجيش بصدرها من لواعج الألم جراء اعتقال فلذة كبدها

أحسنتِ... أحسنتِ .. أحسنتِ

بارك الله فى قلمك... الذى بتمتع بالرهافة والابداع :sad:

[زهرة الجبل]

اغبطك على هذه القدرة المتميزه فى التفاعل الشعرى مع قضية اسراء :ninja: .. وعلى هذا الاسترسال فى نظم قصيدتك الزجليه الجميله والتى تتخللها عواصف من الشجن والمرارة ... وعلى النجاح الكبير فى تقمص مشاعر الام المكلومه والتعبير بحرفيه عما يجيش بصدرها من لواعج الألم جراء اعتقال فلذة كبدها

أحسنتِ... أحسنتِ .. أحسنتِ

بارك الله فى قلمك... الذى بتمتع بالرهافة والابداع

أخي الفاضل التونسي

دائماً ما كانت مداخلاتك الراقيه تكمل شيئاً ما في صفحاتي

أشكر لك مجاملتك الكريمه

و سعدت جداً بحسن تذوقك لكلماتي المتواضعه

أتمنى لقلمي الثبات عند حسن الظن به

و أتمنى منك دوام التواصل

دمت بخير أخي الفاضل

أختك أم كريم