بدء العد التنازلى لإضراب 4 مايو

[shawshank]

ناقص أن المصريين في الخارج يتظاهروا سلميا بلافتات أمام السفارات المصرية في بلادهم

لأن ده هيسمع على مستوى دولي و يساعد من بالداخل على توصيل الرسالة

أقسم بالله أنا مستعد ... بس يكون بالتنظيم مع الناس اللي في أمريكا ووبسرعة عشان ألحق أحجز تذكرة لواشنطن .

[nash]

هنا بفتوي شرعيه ممنوع المظاهرات.....من اي نوع وتحت اي مسمي....

تخيلوا فتوي شرعيه؟؟

[galaxy]

ربنا يسهل يا جماعه انا بدأت فعلا في نشر الدعوة..............مش مشكله بقي ولد اللي يتحرك ولا بنت......... المهم بس ييجي بفايده .........اخبار الشغل في مصر هتكون عندي اول بأول ان شاء الله ...ياريت كل اللي في مصر يعرفنا اخبار الموضوع في مكانه زي المرة اللي فاتت عشان نبقي في قلب الاحداث..............تحياتي لمجهودات الاخ الفاضل حشيش.

[حشيش]

رسائل سريعة:

سمسمة: لا تتركى مدرستك ياسمسمة لأنك لو فعلتى ذلك حتاخدى فيزة خروج نهائى من السعودية أنتى والآسرة والتى بالتأكيد ستنهرك أو تشدك من شعرك ... أكتمى إيمانك

شاوشانك: إبدأ بنفسك ومن تعول ... ولتكن أنت الشرارة التى تلهب حماس الجالية المصرية فى الولايات المتحدة ... إحمل لافتة مكتوب عليها (يا أخى حل بقى عن قفانا) وسافر بمفردك لتعتصم خارج مبنى سفارة مصر فى واشنطون وستجد الملايين قد إنضموا إليك ... كن أنت إسراء عبد الفتاح فرع واشنطن :ninja:

ناش: لا تعترضى على أحكام جماعة الأمر بالمعروف والنهى عن المنكر فى المملكة فيتم ترحيلك فى أول رحلة لمصر للطيران متجهة من الرياض إلى القاهرة ... أكتمى إيمانك واحتسبى :blink:

جالاكسى: إحشدى كل القوى الوطنية بالإمارات وابعتوا لى حوالة بمبلغ 10000 درهم لأنفقها فى مصرفها الشرعى لدعم الإضراب :lol:

مودست: ماذا أنت فاعل بعد أن عرفت أن 4 مايو هو عيد ميلاد الزعيم ... هل لا زلت مصمم على الإعتكاف بالمسجد لحين إنتهاء الإضراب ؟ :blink:

حشيش

المرشد العام لإضراب 4 مايو

[galaxy]

اخي الفاضل حشيش............سيادتك العد التنازلي بدء علي ايه بالظبط............. :closedeyes:

عامل توبيك مخصوص عشان تلم فلوس...بقي الليله دي كلها عشان كدا...................وعمال تسخن فينا ............وانا اقول لصحابي........ و قلق. :)

مش قلت معاك مش عارفه كام الف جنيه. :lol: .............وانا اللي قلت انك من الاحرار.........واللعب بقي علي كبير............طلع اللعب علي فلوس :blink: .

تم تعديل 27 أبريل 2008 بواسطة galaxy

[Modest]

رسائل سريعة:

مودست: ماذا أنت فاعل بعد أن عرفت أن 4 مايو هو عيد ميلاد الزعيم ... هل لا زلت مصمم على الإعتكاف بالمسجد لحين إنتهاء الإضراب ؟ :closedeyes:

حشيش

المرشد العام لإضراب 4 مايو

أطلع مين أنا علشان أقرر بعد ما عرفت يا مولانا :)

أنا من إيدك دي لإيدك دي :lol: .. حُطني مطرح ماتحب و هاترجع تلاقيني على حطّة إيدك :blink:

[حشيش]

مدد مدد مدد ... شدى حيلك يابلد

[حشيش]

من تصميم أخونا الفنان بروف بشئون مصرية wst::

[~Heba~]

من تصميم أخونا الفنان بروف بشئون مصرية mfb:

الاستاذ الاخضر محسسنى ان الاضراب بكرة bv:-

طيب ينفع يوم 4 مايو اروح اجيب عيش من الفرررررن bv:- wst::

على فكرة

الصورة دى مش غريبة عليا

مش بتاعت اعلان اتصالات :lol:

[حشيش]

هبة يابنتى لازم نستعد للإضراب من دلوقتى علشان نضمن إنه حينجح :lol: ... يعنى مثلاً شوفى إنتى بتاكلى كام رغيف بلدى فى اليوم ... نقول مثلاً 20 رغيف ... نشوف بعد كده فاضل كام يوم على الإضراب ... فاضل 6 أيام ... نضرب ده فى ده فى الكاركوريتور يطلع لنا إنك حتحتاجى 120 رغيف من النهارده لحد يوم 4 مايو bv:- ... تتصرفى إزاى ؟! ... تنزلى بكرة أقرب فرن وتشترى 120 رغيف وتشيليهم فى الديب فريزر أو فى السندرة لو مفيش ديب فريزر وبكده تكونى إستعديتى للإضراب وأديتى ضريبة الدم والوطن wst::

[~Heba~]

wst::

120

Oh my mother cover me and cry

هو يوم 4 مايوده موافق يوم سبت طيب ما هو اجازة رسمية!!!!!!!!!!!!!

[حشيش]

[mohmaher]

يارب تكون بداية رياح التغيير ....

يارب ... عايزين أجيال واعية تعرف فين حقوقها .. و كيف تطالب بها ... مش عايزين غنم بيمشوا ورا حزمة برسيم ...

كفاية .... عايزين ناس بتفكر و بتخاف على نفسها و على بلدها ...

كفاية ضحك علينا و سرقة .. كفاية فساد

[mohmaher]

<div><center><embed type='application/x-shockwave-flash' src='http://www.youtube.com/watch/v/R8Jg8aG6FPI.swf' width='500' height='500'></embed></center>

</div>

Nice clip

[حشيش]

منقوووووووووووووول عن (مجموعة 6 إبريل) من موقع الفيس بوك:

بدأ خلاص العد التنازلى

و ممكن نقول إن زى اليوم ده من شهر بالتمام و الكمال ... عملنا الجروب ده

يعنى كان ساعتها فاضل برضه اقل من اسبوعين ... بس ساعتها كان الناس كلها حماس و تصميم

... رغم ان ماكانش حد متوقع الإستجابه دى كلها ... لكن اعضاء الجروب بجد عملوا حاجه كبيره جدا هاتتكتب فى تاريخ مصر ... يوم 6 ابريل ده هايكون أول خطوه لإصلاح مصر

لكن طبعا مطلوب مننا إننا نبذل مجهود اكبر شويه علشان نبنى على نجاحنا

حرام نضيع مجهودنا اللى بذلناه قبل 6 ابريل

و رغم إن فيه أعداد مهوله سابت الجروب بعد 6 ابريل ... لكن فيه اعداد اكبر بكتير إنضمت بعد 6 إبريل

و احب أوضح نقطه مهمه جدا .. و هى ان رغم عيوب الفيس بوك الكبيره .. و هى عدم إستطاعة إرسال رسائل لكل الاعضاء و صعوبة التحكم فى المجموعات الكبيره .. إلا انه بجد اكثر امانا من أى وسيله اخرى

محدش فى الفيسبوك يعرف يجيب الاى بى بتاعك

لكن فى الياهو طبعا كل حاجه بتكتبها بتكون على الهوا .. و برضه حتى المنتديات مافيهاش وسائل تامين كافيه

و طبعا اللى ليه خبره سياسيه عارف كويس غن محدش من زملائنا المعتقلين إتمسك من الفيس بوك .. أو حتى كان معروف قبل 6 ابريل

كل زمايلنا اللى اتمسكوا كانوا من الشارع يا إما اثناء مشاركتهم فى مظاهرات او قبل مشاركتهم فى مظاهرات أو اثناء تجمعهم بجانب أماكن مقترحه لمظاهرات زى العزيزه اسراء

و على فكره ... اسراء اتمسكت صدفه هى و مجموعتها .. و محدش من الامن كان عارف اساسا إنها أدمن الجروب .. و عرفوا بعدها بساعات و علشان كده افرجوا عن جميع اعضاء الجروب الغير منتمين لأى تيار سياسى ... و هما معانا دلوقتى فى الجروب برضه

المهم .. فيه افكار كتير و فيه مطالب كتير

أنا عارف ان المطلبين بتوعنا مش كفايه .. و فيه زملاء كتير فى الجروب اقترحوا افكار و مطالب احسن .. و فيه زملاء لينا فى الجروب بيطالبوا بتغيير النظام بالكل لأن النظام فى مصر يعطى السلطه لشخص واحد و يعفيه من اى حساب او مسئوليه

و فيه طالبوا بدستور جديد و مطالب جميله جدا

كل ده جميل ... و فيه مفكرين و علماء محترمين فى مصر يقدروا يقودوا مصر الفتره اللى جايه ... و الدستور الجديد مقترح من سنين .. و السيناريو البديل معروف

لكن مش هاخوض فى الموضوع ده كتير لإن ده مش وقته دلوقتى

إحنا الاول قبل أى شىء محتاجين ننشر الإيجابيه بين الناس

محتاجين نصحى مصر .. محتاجين الناس ترجع تهتم تانى ببلدها

و معلش يعنى طبقا لخبرتى البسيطه فى المجال ده و هى بقالها اربع سنوات فى التواصل مع الناس فى الشارع

لما بتتكلم مع الناس فى مصر عن الديمقراطيه و الشفافيه و محاسبة المسئولين بما فيهم رئيس الجمهوريه زى اى دوله متقدمه .. و رغم اقتناعى إن ده هو الحل .. لكن هتلاقى الناس فى الشارع هايبصوا ليك كأنك كائن فضائى

لو كلمتهم عن الفساد و إننا لازم نصلح بلدنا و نطالب بحقوقنا .. هتلاقيهم بيوافقوا على كلامك جدا بس بعد كده يقولك سلاموا عليكم .. صلح انت بقى انا عندى عيال .. تقوله ما هو ده لعيالك انت راضى عن اللى هما فيه .. يقولك يا عم اللى نعرفه احسن من اللى مانعرفوش

لكن لو كلمته عن حلول مؤقته و شوية مسكنات زى العيش و المرتبات و الاسعار ... هتلاقى كل الناس معاك و نفسها تعمل حاجه

يمكن فيه ناس معترضه على كلامى .. بس جرب انزل الشارع و كلم الناس فى حل و انت هاتعرف ان كلامى صح ... الخوف و الرعب مالى الناس من اى تفكير فى السياسه ... رغم ان السياسه هى كل شىء فى حياتهم

و أنا عارف إن مطالبكم صح .. و انا طبعا متفق معاكم ... لكن إحنا هدفنا إيه

هدفنا فى الأساس إننا نجمع الناس على مطلب واحد .. يعنى عايزين مطالب تجمع و ماتفرقش

و بعد تجميع الناس و إفاقتهم الجزئيه من الغيبوبه اللى بقالهم 27 سنه غرقانين فيها ... هانقدر نتدرج بمطالبنا

بس كل شىء و له وقته ... و كل مرحله و ليها تكتيكها

و احنا فى 6 ابريل كسبنا حاجات كتير لازم نستثمرها ... و بالعقل بلاش القفزات اللى ممكن تودينا بعيد بهرجله

احنا كسبنا فى المقام الاول ايقاظ الناس .. و اللى شاف الناس فى الشوارع يوم 6 ابريل كان عرف قد إيه الناس فى مصر كلها كان نفسهم يشاركوا بأى صوره ... بس الخوف .. و الارهاب اللى عملته الداخليه

احنا بدانا نصحى المارد المصرى اللى هايعمل كتير ... و لازم نستمر تدريجيا فى افاقته و جعله قادر على استعادة وعيه و تفكيره و قدرته على الحركه ... تدريجيا

و اديكوا شايفين إن الحكومه عايزيه تضحك على الناس بشوية مسكنات و اجراءات صوريه و تغيير كام عروسه و خيال مآته قصدى وزير و محافظ ... و من مسكنات الحكومه برضه و اللى بعتبرها مكاسبنا تفكيرهم فى مطالبنا ليوم 4 مايو اللى اعلناها سابقا ... لكن كون اننا عملنالهم الرعب ده كله و اننا حركناهم كدا يبقى احنا نجحنا فى اول خطوه

و مطالبنا ليوم 4 مايو حددناها و اخدنا عليها تصويتات عديده بعد مناقشات طويله جدا

1- حد ادنى للاجور لكل فئه مع ربط الاجور بالاسعار كما تفعل أى دوله تعانى من الغلاء ... و الأمثله على كده كتير

2- إجراءات فوريه و صارمه و إصدار تشريعات و قوانين يتم تطبيقها على الجميع لمكافحة الغلاء و التحكم فى السوق و منع الإحتكار .. يعنى رقابه من الدوله على السوق و مايكونش كل حاجه ماشيه عشوائى زى دلوقتى

3- الإفراج عن معتقلى 6 ابريل

لو المطالب دى تمت بعد 4 مايو على طول .. هانفكر فى مطالب جديده اكبر شويه و اكثر نضجا و وسائل اقوى

و لو المطالب دى لم تتم ... برضه هانفكر فى مطالب جديده اكبر شويه و اكثر نضجا و وسائل اقوى

يعنى انا بقول ناجل المطالب الكبيره شويه ... كل حاجه و ليها وقتها

و كمان فيه زمايلنا بيعملوا منتدى ل مجموعة 6 ابريل و كمان موقع و جريده و كل اللى نفسكوا فيه

لكن معلش .. احنا مانعرفش بعض ... و فيه ناس غريبه دخلت الجروب قبل كده و جمعوا ناس كتير و راحوا بيهم جروب تانى و عملولهم غسيل مخ هناك و احباط .. فمعلش المنتدى او الموقع او اى وسيله بديله محدش ينضم ليها إلا لما تكون ليها لينك على الصفحه الرئيسيه للجروب .. يعنى موثوق فيها و معروف – على الأقل فى السكرته - مين صحابها

نيجى بقى هانعمل ايه يوم 4 مايو اللى جاى ... نبدا من الاسهل اللى كل الناس ماعندهاش مشاكل تعمله .. للأصعب اللى فيه ناس ممكن و فيه ناس بتقلق

1- الاجماع على ارتداء ملابس سوداء و يفضل مطبوع عليها مطالبنا المحدده المذكوره بأعلى هذه الصفحه .. و لو مش عارف يبقى اى حاجه سوده .. و خلاص .. شريط .. شاره .. بندانا

2- تم الاتفاق على ان يحاول الجميع قدر استطاعته بكل السبل البقاء فى المنزل فى يوم الإضراب مع تعليق لافته على باب منزله بمطالبنا المشروعه

3- الاجماع على تعليق علم مصر فى البلكونات و رايات سوداء و اى لوحات او لافتات تتضمن مطالبنا البسيطه

4- للطلاب و الاطباء و المهن الحرجه التى قد تضره دعوة الباقء فى البيت ... يمكنك أن تذهب لعملك او جامعتك او مدرستك عادى جدا مع الحرص على ارتداء اى شىء اسود او شاره سوده و ياريت تعرف تكتب بأى طريقه مطالبنا على اللبس او الشاره اللى هاتعلقها على شنطتك او دراعك ..و يستحسن تعرف تتجمع مع الناس جوه جامعتك او شغلك و تعلنوا الاعتصام الرمزى لبعض الوقت إعتراضا على الاحوال السيئه التى تمر بها مصر مع اعلان مطالبنا بوضوح

5- مقاطعة شراء اى سلع فى اليوم ده تحديدا .. و مقاطعة اللحوم و الفارخ لمدة 3 ايام هى 4 و 5 و 6 مايو .. و ماتخافوش ..محدش هايموت

6- مقاطعة الجرائد الحكوميه المضلله و الكاذبه زى الاهرام و الاخبار و الجمهوريه و روز اليوسف ... و كذلك مقاطعة الفضائيات الغير محايده و التى تستجيب للضغوط و تذيع النشرات و الاخبار القادمه من أمن الدوله و خاصة برامج 90 دقيقه و القاهره اليوم

7- نظرا لإستخدام حكومة الحزب الوطنى لقانون التجمهر الذى تم اصداره عام 1914 و الذى يجرم اى تجمع 5 افراد " فى الشارع "بدون اذن مسبق .. فإننا نطالب جميع اعضاء الجروب و المتعاطفين بالوقوف أمام منازلهم لكل أو لبعض الوقت يوم 4 مايو المقبل مرتدين السواد و حاملين للافتات بها مطالبنا مع فتح حوارات نقاشيه مع الماره و الجيران و إن لم تستطع فممكن تقف فى البلكونه مع نشر حاجه سوده و كتابة مطالبنا و إن لم تستطع فممكن تقف على سطح البيت .. .. اتصرف

على جميع الاعضاء و المتعاطفين استعادة حماس و مجهود ما قبل 6 ابريل و العمل الجاد منذ اليوم حتى يوم الاضراب القادم على نشر كل تلك الافكار بين الشعب المصرى و هم اهلنا و اصحابنا و اقاربنا و زملائنا فى العمل مستخدمين فى ذلك كل الوسائل المشروعه من دعوات صريحه عامه او فرديه او ارسال رسائل محمول لقوائمنا على التليفون او إرسال رسائل للشريط المتحرك فى الفضائيات بجميع انواعها او مكالمات هاتفيه او البريد الالكترونى لكل القوائم و المجموعات البريديه و المنتديات و المدونات و المواقع الاعلانيه و الجرائد و الصحف و المجلات و الاتصال بالفضائيات .. و كذلك تعليق الالافتات و ارتداء تى شيرت أو شاره يحمل الدعوه للإحتجاج السلمى من الان حتى ميعاد 4 مايو بجانب لصق دعوات الاحتجاج السلمى فى الشوارع و امام المساجد و داخل الجامعات و استخدام كل الوسائل المتاحه منها فكرة الاسبراى و استامبات الخشب و... و... و....

و على طلاب الجامعه نشر كل تلك الافكار بين اصدقائهم و زملائهم و محاولة النشر بكل الوسائل السلميه شارحين اهمية اليوم و كيف انه الخطوه الثانيه و موضحين مكاسب 6 ابريل

خلاص يا جماعه مافيش وقت .. فاضل اقل من اسبوعين .. و هو على فكره نفس الوقت اللى أخدناه قبل 6 ابريل ... يعنى فيه امل كبير اننا ننجح اكتر من الاول .. بس لو اشتغلنا بضمير

و يا ريت مساء يوم 4 مايو محدش يقترح حاجه جديده لغاية ما ندرس الاوضاع كويس و نحلل وضعنا كويس

و بالنسبه لزملائنا المعتقلين .. لا يمكن نتخلى عنهم

فاكيد مش هايخرجوا غير بضغوط ... و ضغوط قويه كمان

طبعا كل الافكار مطروحه ... مع العلم ان محدش خارج قبل 4 مايو

لكن الاعتصامات فى الاماكن الامنه و الاضراب عن الطعام وسيله مؤثره جدا

و انا مع مظاهرة مشيره .. و اتمنى ترتبها صح و يكون فيه خطه بديله و اتصال بين البنات

[حشيش]

لازم كل واحد منا ياجماعة يسأل نفسه سؤال مهم: هل قمت بنشر الفكرة لعمل إضراب أو عصيان مدنى سلمى يوم 4 مايو فى مصر بين من أعرفهم أم لا ؟ ... وإن كنت فعلت فهل طلبت منهم أن ينشروا الفكرة لدى معارفهم أم لا ؟ ... هل قمت بإرسال رسائل بالمحمول أو بالميل إلى من تعرفهم لتوسيع الدائرة أم لا ؟ ... أذكركم ونفسى بالآية الكريمة (إن الله لا يغير ما بقوم حتى يغيروا ما بأنفسهم) ... نفسنا المرة دى ما نفضلش سلبيين ونعتمد على غيرنا إنه حيعمل

[shawshank]

رائــــــع وغير عادي بالمرة ....

يا رب يكون بيتكتب تاريخ جديد لمصر .

ولو كنت في مصر ماكنتش هاروح الشغل لو هيسجنوني تاني يوم .

[حشيش]

بصراحة ياجماعة أنا كنت متوقع مشاركة أكبر من كده فى موضوع يهمنا كلنا مش يهم بس المجاميع الشبابية التى بتكتب على الفيس بوك ... الأخوة والأخوات اللى شاركوا لغاية دلوقتى لا يتعدى ال 15 عضو برغم أن عدد المشاهدات أكثر من 1200 !!! ... المحاورات موقع كبير وممكن يكون له دور أكبر من كده فى الدعوة للإضراب السلمى يوم 4 مايو إحتجاجاً على الفساد والقهر والغلاء والبطالة والإحباطات المتتالية لنا كلنا كمصريين ... طبعاً مش عايز أتسبب فى أى إحراج للأخوة القائمين على الموقع ومش عايز أحملهم فوق طاقتهم ... أقصد بضعف المشاركات أننى كنت أتوقع أن ينشط الجميع لنقل معلومات جديدة عن الإضراب من مواقع مختلفة كالصحف المحلية والعربية والدولية ومحطات التلفزيون ومواقع كالفيس بوك والمجموعات التى تم إنشائها على الياهو وغيره وما قام به كل واحد منا حتى الآن لنشر الفكرة لدى المعارف والأصدقاء ليظل الموضوع فى أذهانا حتى يكتب له النجاح إن شاء الله ... ده أنا حتى أجلت كتابة الكصص لحين 4 مايو للتفرغ للموضوع ده :unsure:

[حشيش]

طب سمعونا صلاة النبى :unsure:

[حشيش]

نقلاً عن مجموعة 6 إبريل بالفيس بوك:

مجموعة أخرى من البريد الإلكتروني لبعض الصحفيين و الوزارات ، بس للعلم بعض الأيميلات مش شغالة ، أنا جربتها قبل كدة ، يظهر الصحفيين بيحطوا أيميلاتهم في الجرايد فنتزية ، عموما المحاولة تاني مش حتضر

shgaara@yahoo.com سحر الجعارة المصري اليوم

kgaballa@ahram.org.eg كمال جاب الله الأهرام

elberyahmed@yahoo.com أحمد البري الاهرام

nasr-elkafas@hotmail.com نصر القفاص الاهرام

nasr_elkafas@hotmail.com نصر القفاص الاهرام

salama@ahram.org.eg سلامة أحمد سلامة الاهرام

salahmont@ahram.org.eg صلاح منتصر الاهرام

wagdy.zied@gmail.com د. وجدي زيد

kadrymh@yahoo.com د. قدري حفني

melnaggar@ahram.org.eg مصطفى النجار الاهرام

inafie@ahram.org.eg إبراهيم نافع الأهرام

anis@ahram.org.eg أنيس منصور الاهرام

siyassa@ahram.org.eg السياسة الدولية الاهرام

ahramdaily@ahram.org.eg الاهرام اليومي الاهرام

ahram@ahram.org.eg مؤسسة الاهرام الاهرام

ik@ahram.org.eg الاهرام الاقتصادي الاهرام

acpss@ahram.org.eg مركز الدراسات الاستراتيجية الاهرام

dostor_eg@yahoo.com الدستور الدستور

dostor.eg@gmail.com الدستور الدستور

dostor-eg@yahoo.com الدستور الدستور

admin@almasry-alyoum.com المصري اليوم المصري اليوم

editorial@almasry-alyoum.com المصري اليوم المصري اليوم

gilanegabr@myway.com جيلان جبر المصري اليوم

diaarashwan1@gmail.com ضياء رشوان المصري اليوم

hamdy_rizk36@yahoo.com حمدي رزق المصري اليوم

sawyelsawy@yahoo.com أحمد الصاوي المصري اليوم

alisayed345@hotmail.com علي السيد المصري اليوم

asanhory2003@yahoo.com عادل السنهوري المصري اليوم

french_group@hotmail.com د. محمود عمارة المصري اليوم

melgalad@almasry-alyoum.com مجدي الجلاد المصري اليوم

khramadan@hotmail.com خيري رمضان المصري اليوم

kmougheeth@yahoo.com د. كمال مغيث المصري اليوم

elshobaki@ahram.org.eg د. عمرو الشوبكي المصري اليوم

ghonaim@arabmediagroup.org صبري غنيم المصري اليوم

ogharib200@yahoo.com أسامة غريب المصري اليوم

editorial@almasry-alyoum.com المحرر المصري اليوم

xskoot@yahoo.com محمد الشربيني المصري اليوم

edawoud61@hotmail.com إبراهيم داود الدستور

yahiarakhawy@yahoo.com د. يحيى الرخاوي

bothainakamel@hotmail.com بثينة كامل الدستور

koddosi@hotmail.com محمد القدوسي الدستور

emad.abughazi@gmail.com د. عماد أبو غازي

zakisalem@myway.com د. زكي سالم

wael_elleithy@hotmail.com وائل الليثي الأهرام

smamervat@hotmail.com مريفت دياب الأهرام

rehabgouda@hotmail.com رحاب جودة الأهرام

aabdelsalam65@hotmail.com عبد الله عبد السلام الأهرام

melhenawy@ahram.org.eg مسعود الحناوي الأهرام

asaadany@ahram.org.eg عزت السعدني الأهرام

selbessi@ahram.org.eg سناء البيسي الأهرام

imanwar123@yahoo.com إيمان نور الأخبار

imanwar_123@yahoo.com إيمان نور الأخبار

magdyhegazy@hotmail.com مجدي حجازي الأخبار

refaatfayyad@yahoo.com رفعت الفياض الأخبار

safia_mostafa_amin@yahoo.com صفية مصطفى أمين الأخبار

drhalim@dr.com أحمد عبد الحليم الأخبار

ahmedilsaid@yahoo.com أحمد السعيد الأخبار

omaymakamel@gawab.com أميمة كامل الأخبار

mahmoudsalem838@hotmail.com محمود سالم الأخبار

primemin@idsc.gov.eg رئيس الوزراء

mod@afmic.gov.eg وزير الدفاع

mmc@afmic.gov.eg وزير الدفاع

center@iscmi.gov.eg وزير الداخلية

egy@idsc.gov.eg وزير الكهرباء و الطاقة

info@mcit.gov.eg وزارة الاتصالات