الدور على مكه

[daktara]

مستهدفين يا مسلمين وف كل يوم شكّه

الأمس فى كيبول واليوم فى بغداد والدور على مكه

واللى بيدمى القلب ........ إن احنا سايبين كلب

يدوس على نحرنا وبرجله يتّكّى

**********

صليبيه هىّ .. والهدف غير اللى ظاهرينه

واللى إيديه متورّطه مرتد عن دينه

لا بوش ولا طونى أئمه ولا شارون واعظ

يا ملبّسينّا العمّه فين الحيا .. فينه

********

داير علينا بوش ماهو ده ناموس أهله

وبيدبح المسلمين بمزاج على مهله

واحنا علينا حرام ... حتى نقول يا سلام

دا اللى بيرضى يا عرب بالذل يستاهله

*********

يارب مانعينّا حتى من لاستجاره بيك

وكأن شعب العراق كافر ومشرك بيك

يا ترى دا جبن ولاه؟ .. ولا عدم مبالاه؟

ولا العياذ بالله .... عباده للصعاليك

**********

يا خساره يا خير أمه أخرجت للناس

يا خير جند الارض أصبحتم بلا إحساس

داعى الجهاد انبحّ صوته ما جاوبتم

أبكمكم الوسواس .... وأصمّكوا الخناس