أين العقل - الروح - الضمير - الحب فى جسم الانسان (شغل مخ معانا )

[badroora]

انا الايام دي داخلة على حالة تأمل غريبة وشكلى كدا نهايتى قربت .......لو موت ابقي افتكروا الموضوع دا بالذات ماشي :)

نرجع بقي لمرجعنا ........

وأنا فى لحظة تجلى وباتفكر فى ملكوت الله خطر ببالى شوية حاجات قولت خلينا نشغل مخنا مع بعضينا ونشوف كل واحد هيقولنا ايه ماشي

فين مكان العقل ؟

فين مكان الضمير ؟

الحب مبرطع فى انهى اوذين ؟

مين المسئول عن التفكير القلب ولا المخ لحد منعرف فين مكان العقل ؟

اين توجد روح الانسان ؟ مش بنقول فولان دا روحه حلوة او وحشه ازاى بقي نعرف كدا وهو ممكن نشوفها

يلا ابتدوا هنلم ورق الاجوية بعد ساعة من الان !!!!!!!! :lol:

Goodluck!! :lol:

تم تعديل 26 أبريل 2008 بواسطة Badria Mekkawy

[nash]

يا بدريه انا لسه بفكر في موضوعك الأولاني.....

تقومي تنزلي موضوع صعب كده؟؟ :)

طيب أنا حاجزة الكرسي اللي جنبك ...لما نشوف حد يجاوب إجابات نموذجيه الأول...

[badroora]

يا بدريه انا لسه بفكر في موضوعك الأولاني.....

تقومي تنزلي موضوع صعب كده؟؟ :lol:

طيب أنا حاجزة الكرسي اللي جنبك ...لما نشوف حد يجاوب إجابات نموذجيه الأول...

لا يا نيشو ممنوع الغش لمؤاخزة يعنى ....... اطلعي باللى فى نفسك :)

يلا يا ست الكل بلا نموذجية بلا حجج ........ سيبي نفسك خاااااااالص وقولى على حسب احساسك ماشي ليكي نص ساعة زيادة ع الوقت يلا هيصي بقي

[~Heba~]

:lol:

:lol:

:happy:

:)

و الله يا ابلة انا سمعتهم قبل كده بيقولوا

مين السبب فى الحب القلب و الا العين؟؟؟؟؟؟

انما العقل صراحة....ده شكله السبب فى الجواز

[galaxy]

الروح ..........العقل..........الضمير......................كلها قيم معنويه يا عزيزتي بدور :lol: .

بس انا قبل كدا كنت دورت في موضوع الروح دا قبل كدا لما قريت الفكرة في روايه ليوسف السباعي كانت منقسمه الي جزئين بأسم صور طبق الاصل وجزء اخر عن الروح ربط فيه بين بعض القصص وايات قرانيه بصفه فيها جانب من الشرح من زاويه اخري قد لا نفكر فيها عند قراءة الايات.يعني من وجهه نظره هو.ودا اللي خلاني ايامها ادور .

الروح مثلا اختلف فيها الكثيرون ومنهم من قال انها كيان ما ملموس لان وزن اقل بنسبه بسيطه عن وزن الحي قبل وقاته وقدروا هذه النسبه بأنسحاب الروح..........ويقول الخالق عز وجل"يسألونك عن الروح قل الروح من امر ربي وما اوتيتم من العلم الا قليلا"سورة الاسراء..الايه 85

والروح ليست عكس الموت علي فكرة لكن الحياة هي اللي عكس الموت.

السؤال هنا غير السؤال في "يسألونك عن الساعه ايان مرساها قل علمها عند ربي"الاعراف ..الايه85

فالايه الاولي يقول انها من امر ربي اي انها قابله للسؤال زي الايات الاخري اللي فيها سؤال عن الاهله"ويسألونك عن الاهله قل هي مواقيت للناس والحج"البقرة الايه 189

يعني السؤال عنها والبحث فيها مشروع علي عكس مثلا ايه السؤال عن الساعه لان هنا الاجتهاد مثلا لمعرفه ميعاد الساعه غير مطلوب لان علمها عند الله لا يجيليها الا لوقتها فقط لا لاي شخص.فلا داعي للاجتهاد فيها .ولما بنقول" الا له الخلق والامر."الاعراف الايه 54.......فالخلق هنا هو الماده مثلا زي جسم الانسان.....اما الامر فهي الجانب الغير مادي اللي بيحكم الجسم اللي هو الجزء المادي :blink: .والاتنين ما يفترقوش عن يعض يعني لا يفترقا.وكلاهما من عند الله.

العقل برضه اعتقد انه بيخضع لنفس الفكرة........هو جانب مادي وهو المخ والامر هو العقل او التفكير والتعقل. :lol:

الضمير برضه وان كان في الحاله دي بيرتيط بالغعل والخطأ..........لكن الضمير ممكن يكون شويه وضعي زي ما نقول انه كل واحد وضميره .

يمعني اننا مش ينتولد بيه لكن بيكبر معنا وبيتأثر بالبيئه اللي بنعيشها وتفكيرنا ومستوانا العلمي وغيرة من المؤثرات الاخري اللي بتختلف من واحد للتاني.عشان كدا بنقول كل واحد وضميره. :sad: ................حاسه اني قلبتها ندوة. :) ..........سامحوني...بس دا رأيي................تحياتي :happy:

[badroora]

:lol:

:happy:

:blink:

و الله يا ابلة انا سمعتهم قبل كده بيقولوا

مين السبب فى الحب القلب و الا العين؟؟؟؟؟؟

انما العقل صراحة....ده شكله السبب فى الجواز :lol:

احتمال يا هوبا ليش لاء :)

[badroora]

حاسه اني قلبتها ندوة. :) ..........سامحوني...بس دا رأيي................تحياتي

هلا بشيكولا ......... :happy:

لا ولا ندوة ولا حاجة بالعكس انا بتعجبنى ارائك جدا وبحب اقرا كلامك وخصوصا المسافات والوردة ........ :blink:

خلينا نشوف تحليل اخر .......

ناش شكلها سيبانا وبتدح :lol: :lol:

ارحمى نفسك يا ناش وتعالى جاوبي ب اللى انت شيفاه

[امانى]

انا من ساعة ما قريت الاسئلة وانا هاريه نفسى فى المزاكرة علشان انجح فى الامتحان يا بدورة ولو نقصت درجة ولا درجتين عليكى

بقى بدرجات الرافة انا برضه صديقتك وليا من الرافة جانب

يلا بسم الله الرحمن الرحيم نبدا نحل الامتحان

فين مكان الضمير ؟

--------------------

الضمير هو استعداد نفسى لاداراك كل ماهو خبيث او طيب من الأعمال والاقوال والأفكار والتفرقة بينهم واختيار الحسن والابتعاد عن القبيح. هو فى الانسان منذ ولادته ولكننا نحافظ دائما على احياؤه بالصلة الدائمة مع الله وكذللك يوجد من يحاول ان يميته ويفنيه

علينا ان نمشى وراء ضمائرنا حتى ننجو بانفسنا من الهلاك والضمير جاى من كلمة اضمر فى نفسه وهو امر عزم عليه بقلبه بمعنى انه ما تضمره فى نفسك ويصعب الوقوف عليه

( هذا بعد قراءتى لبعض المفكرين واراهم عن الضمير)

الحب مبرطع فى انهى اوذين ؟

--------------------------------

دى معرفش فى اى ازين يقع الحب ويبرطع ولكنى اعرف انه فى المخ فى فص اسمه الفص الوجدى او الوجانى تقريبا والحته دى بتكون مخزنه الزكريات والانفعالات سواء كانت حلوة ولا وحشة لكن معرفش فى اى اوزين والحب غريزى وفطرى منذ بدا الخليقة بين ادم وحواء يظهر ويكبر وينمو معانا فى كل مرحلة من مراحل العمر ولكل مرحلة نوعية من الحب ومعنى مختلف

مين المسئول عن التفكير القلب ولا المخ لحد منعرف فين مكان العقل ؟

---------------------------------------------------------------------------

متهيالى المخ المسئول عن التفكير وهو يدى الاوامر للقلب بالتصرف

اين توجد روح الانسان ؟ مش بنقول فولان دا روحه حلوة او وحشه ازاى بقي نعرف كدا وهو ممكن نشوفها

-----------------------------------------------------

فى ضوء ما قراته فى الكتب الدينية انه لا يوجد تعريف للروح الا فى ظهور الاسلام . فقد كانت تستخدم ككلمة مثل الروح القدس او الروح الشريرة للشيطان او الروح الرضية التى تفرق بين الناس او الروح الملائكية الخ

ولكن عندما بعث النبى صلى الله عليه وسلم فى قومه ذهب بعض المشركين الى اليهود يسالوهم امر يحرجون به رسول الله صلى الله عليه وسلم فسالوه فى امر لم يسال به احد من الانبية من قبله وهى الروح

امهلم الرسول حتى ياتيهم بالتعريف فاذا بالقران يرد عليهم ( ويسألونك عن الروح قل الروح من أمر ربى وما اوتيتم من العلم الا قليلا) سورة الاسراء الايه 85

ومعنى الايه ان الروح امر يصعب علينا كبشر ان نفهمه لانه اكبر من علمنا وعقولنا ومهما وصلنا فى العلم الى اكبر الرسالات لن نقهم حقيقة الروح والايه تحسنا وتفهمنا ان الروح ليست علم ولكنها امر من الله

ولما نقول ان ده روحه حلوة او وحشة فهذه صفات مكتسبة يفضل بها الله الناس على بعض او بمعنى انها هبه من الله لعباده ليس لنا فاضل ايه تانى ايوة العقل

اعتقد ان العقل مش مولود معانا ولا لد مكان نعرفه ولكن هو غريزى ومكتسب كالفهم والادراك وحس التصرف والحكمة والتؤدة والمهل فى اتخاذ القرارات

والمخ هو اللى بيشغله علشان يكون واسطة للتعبير عن الفكر والنشاط اى انه القوة اللى يستخدمها المخ لمعرفة اسرار الحياه

مزاكرة كويس ولا لا يا بدارة انا قريت كتير فى المواضيع دى وتعبت كتير بسبب التفكير فيها

يارب انجح

امانى

[nash]

مش قولتلكم العلام حلو يا ولاد :blink: :lol:

بس لعلمكم كلكم ساقطين إملاء.....

أعمل ايه يعني ؟؟ ماهو الكلام كبير قوي...من شوكولا واينو..وبدريه حاطه اسئله برة المنهج تماما.......

جلاكسي بتقول

اننا مش ينتولد بيه لكن بيكبر معنا وبيتأثر بالبيئه اللي بنعيشها وتفكيرنا ومستوانا العلمي وغيرة من المؤثرات الاخري اللي بتختلف من واحد للتاني.عشان كدا بنقول كل واحد وضميره

وأماني بتقول

اعتقد ان العقل مش مولود معانا ولا لد مكان نعرفه ولكن هو غريزى ومكتسب كالفهم والادراك وحس التصرف والحكمة والتؤدة والمهل فى اتخاذ القرارات

والمخ هو اللى بيشغله علشان يكون واسطة للتعبير عن الفكر والنشاط اى انه القوة اللى يستخدمها المخ لمعرفة اسرار الحياه

وانا بقول.......

لماذا قال رسولنا الكريم صلوات الله عليه وسلامه....استفتي قلبك ولو افتوك؟؟

حد عنده إجابه؟؟؟

هل القلب مركز التفكير؟؟

هل القلب محل الطمأنينه لفعل ما أو الشك لفعل اخر؟؟

هل القلب مركز الإستفتاء للإنسان؟؟

عندي كرسي فاضي يا بدريه.......أحجزلك؟؟ :ninja:

[galaxy]

كلامي يا عزيزتي ناش..........

بقصد بيه ان الضمير مش بيتولد معانا علي صورته او بكامل نضجه......لكنه موجود.........لكن نضجه بيتأثر بالعوامل المحيطه اللي سبق وذكرتها الي ان يتخد صورته النهائيه اللي بتخلينا من خلالها نحكم علي اعمالنا من منظور الصواب والخطأ.......وبعد حكمنا عليها بيورثنا شعور اما بالراحه او بالذنب تبعا لنتيجه نمو الضمير ان كان متيقظ او نائم....................ودا برضه رأيي الشخصي .......تحياتي :ninja:

تم تعديل 27 أبريل 2008 بواسطة galaxy

[badroora]

خبيبة قلبي امونه ازيك منورة .......... :blink:

مش هاقدر اقول اجابة صح ولا لاء احنا هانشوف كل الاراء....

معلومة بس القلب عضو حر مش بياخد اوامر من المخ ولا من اى حد القلب عضو ذاتى .!!!

نيشو انت بتجاوبي ع الاسئلة باسئلة :ninja: !!

[التونسى]

انا مش حشغل مخى .. انا حتفلسف :ninja:

العقل .. ساكن مخنا :blink:

وكتير .. بيسكن قلبنا :wub:

الحب .. بيجرى ف دمنا

وقريب جدا مننا wst::

اما الضمير .. فى فعلنا :blink:

حتى ف كلامنا .. وصمتنا :blink:

والروح .. جناح .. فى ضهرنا

يلازمنا .. طيلة عمرنا

محدثكم المعروف.. التونسى الفيلسوف :lol:

[badroora]

أستاذ التونسي بجد كلمات رائعه تسلم ايدك :closedeyes:

مافيش احسن من الفلسفة وانك تطلق تفكيرك وخيالك يسرح ويبحر ويعبر

وقتها هتخرج اعذب الكلمات .بجد تسلم ايدك :lol:

تم تعديل 27 أبريل 2008 بواسطة Badria Mekkawy

[badroora]

من المفاهيم الراسخة بعقولنا ان المخ هو المسئول عن التفكير والتدبير , وان العقل والحب والضمير والروح مكانه المخ .

وليقيننا بان العقل مكانه المخ بيكون دا كلمنا , ياه فولان دا مخه موزون وعاقل جدا , فولان دا ذكى جدا ومخه نظيف

......طيب اليوم بقي هنعرف ان

القلب هو المسئول عن التفكير , والدلاله على ذلك هو كلام الله فى الايات القرآنية ...

بسم الله الرحمن الرحيم

"لهم قلوب لا يعقلون بها " وليبتلى الله مافي صدوروكم " وما كذب الفؤاد وما رأي "

وفى سورة الحج الاية رقم 46

(افلم يسيروا فى الارض فتكون لهم قلوب يعقلون بها او اذان يسمعون بها فانها لا تعمى الابصار ولكن تعمى القلوب التى فى

الصدور )

وقال تعالى ( ان السمع والبصر والفؤاد كل اولئك عنه مسؤولا)

وقول رسول الله (ص)

(الا ان فى الجسد مضغة اذا صلحت صلح سائر الجسد واذا فسدت فسد سائره ,الا وهى القلب .

فى الحقيقة الموضوع محير بالفعل وكل ماقرأ فى ايات القرءان اشعر بمتعة جميلة جدا ,متعة البحث والتفكير وعظمة الخالق

الذي خلق كل شيء ولن يخبر احد بالسر الاهى بل جعلنا نفكر ونتأمل فى خلقه .

(ولقد خلقنا الانسان ونعلم ما توسوس به نفسه ونحن اقرب اليه من حبل الوريد )

القلب هو البصيرة التى نري بها ,وكثيرا ما نقول ياااااااه فولان دا قلبه اعمى .

او القاسي فى المعاملة مع الاخرين نقول قبله قاسي

وفى قوله تعالى

( ليجعل ما يلقي الشيطان فتنه للذين فى قلوبهم مرض والقاسية قلوبهم )

وقوله

(لئن لم ينته المنافقون والذين فى قلوبهم مرض والمرجفون فى المدينة لتغرينك بهم ثم لا يجاورونك فيها الا قليلا )

وقال تعالى

ولا يرتاب الذين اوتوا الكتاب والمؤمنون وليقول الذين فى قلوبهم مرض ماذا اراد الله بهذا مثلا )

وقوله

( ختم الله على قلوبهم وعلى سمعهم وعلى ابصارهم غشاوة ولهم عذاب عظيم ) البقرة

وقوله

(وربط على قلوبهم اذ قاموا فقالوا ربنا رب السموات والارض لن ندعوا من دونه الها لقد قلنا اذا شططا)

القلب هو الاهم وهو المسئول عن الايمان , والحب والقسوة والتفكير والعقل .....

طيب لو شخص اصيب بجلطة ومات جزء من القلب .....هل هيتاثر ايمانه ,حبه ,تفكيره؟

سؤال تانى

لو شخص عمل زرع قلب وليكن الكترونى (فى الكترونك قلب دلوقتى بيتزرع ) هل القلب الالكترونى ممكن يغير فى طبيعة

الشخص وايمانه ؟

لو شخص قلبه قاسي غير مؤمن توفي فى حادث وتم زرع قلبه لشخص اخر هل هياخد صفات صحاب القلب الاساسي .؟

كل دى افكار واسئلة تدور فى راسي او قلبي بما انه المسئول عن التفكير وتجعلنى كل يوم انبهر بحكمة ربنا فى خلق البشر .

هذا الموضوع يستاهل مننا القراءة والبحث ليس للكتابه هنا لااا ولكن لتعمق ايماننا ومحاولة التقرب من الله وفهم اياته .

بليز

من يرى منكم اى خطأ املائي فى الايات القرآنية بليز ينبهنى فهى بالطبع غير مقصودة

تم تعديل 27 أبريل 2008 بواسطة Badria Mekkawy

[Einstein]

انا الايام دي داخلة على حالة تأمل غريبة وشكلى كدا نهايتى قربت .......لو موت ابقي افتكروا الموضوع دا بالذات ماشي

نرجع بقي لمرجعنا ........

وأنا فى لحظة تجلى وباتفكر فى ملكوت الله خطر ببالى شوية حاجات قولت خلينا نشغل مخنا مع بعضينا ونشوف كل واحد هيقولنا ايه ماشي

فين مكان العقل ؟

فين مكان الضمير ؟

الحب مبرطع فى انهى اوذين ؟

مين المسئول عن التفكير القلب ولا المخ لحد منعرف فين مكان العقل ؟

اين توجد روح الانسان ؟ مش بنقول فولان دا روحه حلوة او وحشه ازاى بقي نعرف كدا وهو ممكن نشوفها :lol:

ما شاء الله عليكي يا بدرية

انتي موسوعة مواضيع

ليكي وقفات و تساؤلات فعلا تستحق التوقف

انا فكرت في الاسئلة دي قبل كده

ممكن هخرج شوية عن الاجابة المحددة

بس هي كلها ببتكلم عن الروح او الأنا بالمفهوم الفلسفي

انا كنت علمي و مليش اوي في الفلسفة - دي تخصص ام ياسر واخواتها - يعني ندي العيش لخبازه wst::

بس فعلا انا بحس ان "أنا" مش مجرد الجسم المادي المدرك بالحواس ،

يعني "أنا" مش مجرد قلب و عقل و باقي الاعضاء ، لذلك انا لا اتخيل انه بموت الجسم تنتهي حياة الانسان ومشاعره و ذكرياته ، ولكن ننتقل من حالة الي اخري ، ومن حياة لها قوانين معينة الي حياة اخري بقوانين مختلفة

الغريبة بقي ان "الأنا" دي يظهر انها بتكبر و تنمو ، لاني مش متذكر احاسي ب"الأنا" لما كنت في عمر سنة - 5 سنوات او حتي اكبر من كده في مرحلة الطفولة ، لاني انظر لنفسي في هذه الايام كطفل غير مكلف لا يعرف في الدنيا غير الاكل والنوم واللعب

كمان استغربت لما عرفت ان ممكن الانا دي نتحرك بيها بعيد عن الجسم ، في تجارب زي الخروج من الجسد و التليباثي

الموضوع ده كبير اوي اوي اوي لو عرفتي فيه حاجة يا ريت تنورينا

[~Heba~]

يا انش متفكرشى كتير فى الحاجات دى اخاف يوصل بيك الموضوع للالحاد و العياذ بالله

مش كل الحاجات ننظرة ليها نظرة علميةو فلسفية

اكيد فيه حاجات فوق ادراكنا

[badroora]

الحاد ايه بس يا هوبة صلي ع النبي .......

هو احنا بنقول هنحضر ارواح ..........

ايه المشكلة انك تفكري وتتعمقي ......فى خلق الله

اهم شيء يا هبة انك تكون قادرة تتحكمى فى طريقة تفكيرك وطريقة عرضها بردوا . واحنا مهما ما نقرا ونتعلم الا اننا قاصرين

( وما اوتيتم من العلم الا قليلا ) هو كمان التفكير بقي الحاد

بصراحة مش شايفة اى خاجة من المكتوبة ممكن تدل على طريق الاحاد او التشكيك ويالعوذ بالله فى اى شيء يمس العقيدة .

صلي ع النبي كدا وبلاش نحكم ع الامور بتسرع .........شمي دي

[Einstein]

يا انش متفكرشى كتير فى الحاجات دى اخاف يوصل بيك الموضوع للالحاد و العياذ بالله

مش كل الحاجات ننظرة ليها نظرة علميةو فلسفية

اكيد فيه حاجات فوق ادراكنا

الحاد بس ايه يا هبة الله يكرمك

العلم دايما بيوصل لطريق ربنا وبيعمق احساسنا بالروحانيات

" انما يخشي الله من عباده العلماء "

وبعدين احنا مأمورين بالتفكر في خلق السموات و الارض و في خلق انفسنا

والنوع ده من التفكير - هو عبادة لله سبحانه و تعالي

تم تعديل 28 أبريل 2008 بواسطة Einstein

[Einstein]

الحاد ايه بس يا هوبة صلي ع النبي .......

هو احنا بنقول هنحضر ارواح ..........

ايه المشكلة انك تفكري وتتعمقي ......فى خلق الله

اهم شيء يا هبة انك تكون قادرة تتحكمى فى طريقة تفكيرك وطريقة عرضها بردوا . واحنا مهما ما نقرا ونتعلم الا اننا قاصرين

( وما اوتيتم من العلم الا قليلا ) هو كمان التفكير بقي الحاد

بصراحة مش شايفة اى خاجة من المكتوبة ممكن تدل على طريق الاحاد او التشكيك ويالعوذ بالله فى اى شيء يمس العقيدة .

صلي ع النبي كدا وبلاش نحكم ع الامور بتسرع .........شمي دي :lol:

سبحان الله ،

يظهر اننا بنبث علي نفس الموجة يا بدرية wst::

سبقتيني في الرد و بنفس الكلام تقريبا

اتفضلي بقي دول wst:: bv:- -_-

[badroora]

بصرة ...

القلوب عند بعضها يا انش ........... wst::

ميرسي ع الورد انت كمان تستاهل ورد :lol: wst:: bv:- -_-