يا باشمهندزة.....يا ضكتوووورة....يا صيدلانية

[~Heba~]

السلام عليكم

سؤالى للانسات الامورات

اللى ضاع شبابهم فى الكليات المسماه بكليات القمة

لو اتقدملك واحد مش مهندس و لا دكتور و لا صيدلى

انما راجل كسيب و بينتر بالالف جنيه تقوليش ملاليم فى ايديه

يا ترى تقبلى

طب لو كان مش مؤهل عالى

طب لوكان دبلوم :lol:

انما كسيب برضو و بيقدر يصرف على بيت

هل تضعى الوجاهه الاجتماعية فى الحسبان

هل الحب له مكان

هل

هل

هل

هل انتى عايزة واحد تعيشى معاه فى سعادة ....... و الا واحد تتباهى بيه قدام صحباتك؟؟؟؟؟؟

بدرية تدخل ترد على السؤال...سماح المرة دى نعتبرك كلية قمة :)

تم تعديل 27 أبريل 2008 بواسطة ~Heba~

[badroora]

كتر خيرك يا هندزة على السماح لى بالمشاركة وسط عمالقة الكليات ........ :)

نرجع بقي لموضوع العريس بتاعك دا ...هو مش عريسك بردوا

لو ليكي انتى يا هبة اتكلى على الله مش متعلم مش متعلم هو احنا طايلين :lol:

:lol: اتجوزى يا هبة جيبي التؤام اللى فى الصورة زى اللى فى الصورة اللى عندك وبعد كدا اخلعية

تم تعديل 26 أبريل 2008 بواسطة Badria Mekkawy

[~Heba~]

I'm waiting for you

بس متفهميش غلط ... هو مفيش حاجة

هو اصلا لو فيه مكنتش حقول

كنت حكفى على القدر و ادارى على الشمعة :)

و اقب و اغطس و ارجعلكم بالتوأم و اقولكم اهوه مايكرومحاورين

لا حقيقى انا بكلم بشكل عام

اصل بعض البنات عندهم تفكير غريب

دكتورة يعنى عايزة دكتور

مهندسة يعنى عايزة مهندس

و هكذا هلم جرا

تقوليش الكلية دى بتحدد المنصب الاجتماعى

رغم انه سبحان الله ناس خريجين كليات معتبرة و بيبقوا فقراء

طيب ايه اللى بيحدد الوجاهه الاجتماعية هنا

المؤهل و الا المرتب

[badroora]

نتكلم جد شوية

شوفى يا ستى الموضوع دا بيختلف من شخص لشخص يعنى انا مثلا مقدرش اتجوز شخص عادي ,احب الشخص اللى

دماغة علمية ودايما بيذاكر ويحضر ان شالله حتى يحضر عفريت محبش الروتينى او اللى اتخرج واشتغل وخلاص ودى

مشكلة كبيرة عندي بل تقدرى تقولى عقدة .الله اعلم.

فى عندي صحباتى تقول مش مهم التعليم المهم انه هيصرف على ومش هيشغلنى ولا هعتمد على فلوسي

راى اخر الراجل لا عيبة الا جيبة

انا رايى بعيد عن نفسي باقول لو البنت مرتاحة للعريس وحاسة ان فرق التعليم بينهم مش هيبقي عائق فى التعامل معهم

ومش هيكون فى عقدة نقص بينهم يبقي تتكل على الله وتصلي صلاة استخارة وتشوف ايه اللى هيصير .

انا اعرف دكتورة فى نجعنا اتجوزت السواق بتاعها ........ومبسوطة وسعيدة ومعنديهاش اي مشكلة مع ان البلد مش سيبة

سيرتها بس هى مش هممها هي عارفه هى عاوزة ايه .

فى كتير متعلمين ولا مؤثر فيهم العلام وفى مش متعلمين وكويسين ومحترمين .

الوسطية فى كل شيء هى اهم شيء .

على فكرة يا هبة فى الجواز مافيش حاجة اسمها كليات قمة وكليات قاع ....... انا من وانا فى اولى كلية كان بيتقدملى

دكاترة وموفقتش بيهم لان لا اخلاقهم ولا طباعهم ممكن كانت تتناسب معى والجواز غير الشغل

المهنه كطبيب ولا مهندسة دى حاجة داخل الشغل اما الحياة والتعامل حاجة تانية ,انا دفعتى معظمها اتجوز اطباء وفى منهم

اللى سعيد وكويس وفى منهم اللى اجوازهم طلعوا عربجية مش دكاترة

فبلاش تتخدعى باللقب المهم المحتوى .

بس من راى لما يكون فى تكافوء اجتماعى ومستوى تعليم متقارب بيكون احس واريح ,عشان تلاقي دماغ تحاوريه ويفهمك

ويتقربوا من بعض

موضوع الحب لا اقدر افتيكي فيه لانى

unlucky in love & friends فشوفى حد يكون بيؤمن بالحب وبيقول انه موجو د يفتيكيى فى النقطة دي .

بس اللى اعرفه ان بعد الجواز كل الاقنعه بتوقع من ضمنها الحب ا اما يضيع لو كان موجود قبل الزواج يا ام بيتولد بعدها

والله اعلم بردوا

يلا يا ستى ربنا يقدم مافيه الخير بس لا تنسي صلاة الاستخارة والتفكير العميق دا موضوع مسيري ولا يحتمل المخاطرة

سلام يا ست الكل

نجفة الضب

خريجة جامعات درجة تالته

كلية ميناص 7 تحت الصفر :)

تم تعديل 26 أبريل 2008 بواسطة Badria Mekkawy

[زهرة الجبل]

السلام عليكم

شوفي يا هبه هقولك حاجه

رأيي مش هيختلف كتير عن رأي بداره

مينفعش نعتمد في إختيار العريس المناسب على الواجهه الإجتماعيه و المنظره و نقول كلية قمه ولا دبلوم

لأن بعد الزواج التفاهم والحياه العمليه مش هتتعاملوا فيهم مع بعض بشهادات التخرج

لا ... هتتعاملوا بطبع كل واحد وتربيته و ثوابت شخصيته و طبيعة أخلاقه و إحترامه لنفسه وللآخرين

فرق المؤهل العلمي ده بإختصار .. تمام زي فرق السن ... وفرق المستوى المادي...

لو التفاهم و الإحترام المتبادل إتوجدوا تبقى الفروق اللي فاتت دي ملهاش أي قيمه أو تأثير

يعني ممكن الدكتوره تتزوج دكتور و تبقى الحياه والعياذ بالله جحيم

وممكن تتزوج واحد معاهوش إلا دبلوم و تبقى الحياه لونها بمبي

و ممكن طبعاً العكس ... علشان كده مفيش مقياس غير التفاهم

المهم التفاهم و الطباع و الدين والخلق و الإحترام المتبادل

ببساطه لو فـُقـِـد الإحترام ... ربنا يعيذنا برحمته ... كل شئ هيضيع

بس في نقطه مهمه جداً الأول و دي اللي أضيفها على كلام بداره

في بعض الرجال بيكون عندهم عقده ليمفاويه مكرمشه من كون الزوجه مؤهل علمي أعلى منه

يعني أعرف صديقه هي طبيبه و زوجها تقدري تقولي رجل أعمال

هو مشكلته إنه معاه ثانويه و بس إنما مبسوط مادياً و وضعه المادي طبعاً عامل له كيان إجتماعي راقي

لكن لو حد غلط قدامه مره و قال لمراته يا دكتوره فلانه تبصي تلاقيه ذي اللي قرصه تعبان و العياذ بالله

و تتقلب حالته معاها و يبقى صعب و طول النهار يقول لها شهادة ايه دي ودكتورة ايه و انتي ولا انتي عارفه حاجه

و حاجات كده ... مع إن هي والله عمرها ما تعالت عليه و حتى طلب منها تبطل شغل قفلت العياده وقعدت في البيت

طبعاً في ناس مؤهلهم العلمي مش عالي قوي لكن مخهم نضيف و نفسيتهم سليمه ...

وهم دول اللي الواحد ممكن يقول عنهم إن ليه لأ .... وجايز جداً يكون واحد منهم أحسن من الف دكتور ومهندس

لكن المنفسن اللي هيوجعه فرق المستوى ده ربنا يكفينا شره

النهايه بقى .... إستخيري ربنا قبل كل شئ ... و إعتمدي على الأهل في التقصي عن الخلق و الدين و الصفات الظاهره للناس

الخلاصه :

بدون الإحترام المتبادل لا وجود للحب .... بدون الإحترام المتبادل لا وجود للتفاهم ... بدون الأحترام المتبادل و الحب و التفاهم ....

لا وجود لـ {حياه سعيده } ...و لا حتى... { كريمه }

لكن بدون المؤهل العالي .... لا أهميه

و ربنا يا رب يا هبه يا بنت أم هبه :ninja: و يا بدريه يا بنت مكاوي :blink: يفرحنا فيكم ... قصدي بيكم :blink:

و يرزقكم بإبن الحلال اللي يهنيكم و يريح بالكم و يرزقكم بالذريه الصالحه و يجعل أزاوجكم و أولادكم قرة أعين لكم يااااااا رب

قولوا آمين يا بنات :lol:

تم تعديل 27 أبريل 2008 بواسطة زهرة الجبل

[مشمش]

رغم ان النداء موجه للقوارير, إلا اني عندي اضافة صغيرة (وشكلي هيبقي عامل زي اللي دخل عربية الستات في المترو):

تتجوز اللي يعجبها يا سيدتي, يعني المناسب بكل ما تحملة الكلمة من معان, أما موضوع المؤهل ده فحلة بسيط: عمميه, نعم, عمميه, من عَمَمَ يُعَمِمُ فهو مُعَمِم أو عُمِمَ يُعَمَمُ فهو مُعَمَم

ببساطة في مبداء ظريف جداً عند المصريين و الشرقيين عامة, هو ان الراجل أذكي من الست, يعني الراجل لازم يكون أذكي من مراتة و الولد أذكي من اختة.

فاختاري المناسب, بس لو طلع مش من كليات القمة, متحسسيهوش بالفرق و انه كان صايع بـ 70% و دخل تجارة ولا حقوق, خلية فاكر انه نابغة, حتي لو قعد يفت في تخصصك, هو ده الذكاء بجد, مش "البنت زي الولد و احسن كمان" و "كل واحد يكلم في تخصصة" مهو معروف ان الرجالة المصريين بيفهموا في الكفت!!!

يعني ده عيب بسيط و منتشر, يمكن التعامل معة بحنكة (لو كليات قمة بجد) لو الشخص مناسب والمؤهل هو بس عيبة

[~Heba~]

نتكلم جد شوية

شوفى يا ستى الموضوع دا بيختلف من شخص لشخص يعنى انا مثلا مقدرش اتجوز شخص عادي ,احب الشخص اللى

دماغة علمية ودايما بيذاكر ويحضر ان شالله حتى يحضر عفريت محبش الروتينى او اللى اتخرج واشتغل وخلاص ودى

ماشاء الله عليكى يا بدرية يا بنتى ربنا يكملك بعقلك

روحى يا شيخة ربنا يديكى دكتور معاه دكتوراه فى الامراض المعدية

المشكلة ان دى طريقة تفكير بنات كتير وخصوصا الصغيرين......يعنى احنا الكبار حنتأمر كمان

وياريت كمان البنت بس و اهلها كمان

كله ليه طلباته فى عريس الغفلة

البنت عايزة عريس مبسوط ماديا

و اهلها عايزين عريس واجهه اجتماعية

واتذكر هنا خبر طريق قراته فى جريدة عن شاب بيحضر للماجستير مش عارفة فى كلية ايه

المهم هو بالاضافة للتحضير اللى على حسابة الخاص بيشتغل فى محل فول وطعمية....اى والله فول و طعمية

المهم سئل هذا الشاب ليه كدا

قال الفول والطعمية (فلوس) للعروسة عشان يعنى يقدر يجيب شبكة و شقة معتبرين و الشهادة (دكتوراه)لاهل العروسة

موضوع الحب لا اقدر افتيكي فيه لانى

فشوفى حد يكون بيؤمن بالحب وبيقول انه موجو د يفتيكيى فى النقطة دي .

الحب موجود للى بيؤمن بيه

تم تعديل 27 أبريل 2008 بواسطة ~Heba~

[~Heba~]

السلام عليكم

شوفي يا هبه هقولك حاجه

رأيي مش هيختلف كتير عن رأي بداره

مينفعش نعتمد في إختيار العريس المناسب على الواجهه الإجتماعيه و المنظره و نقول كلية قمه ولا دبلوم

لأن بعد الزواج التفاهم والحياه العمليه مش هتتعاملوا فيهم مع بعض بشهادات التخرج

لا ... هتتعاملوا بطبع كل واحد وتربيته و ثوابت شخصيته و طبيعة أخلاقه و إحترامه لنفسه وللآخرين

فرق المؤهل العلمي ده بإختصار .. تمام زي فرق السن ... وفرق المستوى المادي...

لو التفاهم و الإحترام المتبادل إتوجدوا تبقى الفروق اللي فاتت دي ملهاش أي قيمه أو تأثير

يعني ممكن الدكتوره تتزوج دكتور و تبقى الحياه والعياذ بالله جحيم

وممكن تتزوج واحد معاهوش إلا دبلوم و تبقى الحياه لونها بمبي

و ممكن طبعاً العكس ... علشان كده مفيش مقياس غير التفاهم

المهم التفاهم و الطباع و الدين والخلق و الإحترام المتبادل

ببساطه لو فـُقـِـد الإحترام ... ربنا يعيذنا برحمته ... كل شئ هيضيع

بس في نقطه مهمه جداً الأول و دي اللي أضيفها على كلام بداره

في بعض الرجال بيكون عندهم عقده ليمفاويه مكرمشه من كون الزوجه مؤهل علمي أعلى منه

يعني أعرف صديقه هي طبيبه و زوجها تقدري تقولي رجل أعمال

هو مشكلته إنه معاه ثانويه و بس إنما مبسوط مادياً و وضعه المادي طبعاً عامل له كيان إجتماعي راقي

لكن لو حد غلط قدامه مره و قال لمراته يا دكتوره فلانه تبصي تلاقيه ذي اللي قرصه تعبان و العياذ بالله

و تتقلب حالته معاها و يبقى صعب و طول النهار يقول لها شهادة ايه دي ودكتورة ايه و انتي ولا انتي عارفه حاجه

و حاجات كده ... مع إن هي والله عمرها ما تعالت عليه و حتى طلب منها تبطل شغل قفلت العياده وقعدت في البيت

طبعاً في ناس مؤهلهم العلمي مش عالي قوي لكن مخهم نضيف و نفسيتهم سليمه ...

وهم دول اللي الواحد ممكن يقول عنهم إن ليه لأ .... وجايز جداً يكون واحد منهم أحسن من الف دكتور ومهندس

لكن المنفسن اللي هيوجعه فرق المستوى ده ربنا يكفينا شره

النهايه بقى .... إستخيري ربنا قبل كل شئ ... و إعتمدي على الأهل في التقصي عن الخلق و الدين و الصفات الظاهره للناس

الخلاصه :

بدون الإحترام المتبادل لا وجود للحب .... بدون الإحترام المتبادل لا وجود للتفاهم ... بدون الأحترام المتبادل و الحب و التفاهم ....

لا وجود لـ {حياه سعيده } ...و لا حتى... { كريمه }

لكن بدون المؤهل العالي .... لا أهميه

و ربنا يا رب يا هبه يا بنت أم هبه :ninja: و يا بدريه يا بنت مكاوي :blink: يفرحنا فيكم ... قصدي بيكم :blink:

و يرزقكم بإبن الحلال اللي يهنيكم و يريح بالكم و يرزقكم بالذريه الصالحه و يجعل أزاوجكم و أولادكم قرة أعين لكم يااااااا رب

قولوا آمين يا بنات :lol:

اختى العزيزة زهرة الجبل

احييكى على رأيك اللى كله حكمه

و القصة التى اسردتيها خير معبر عن المشكلة فى هذا الموضوع

الخوف الاكبر عند البنت هو مشكلة التعالى دى و دى بتزيد اذا اخدنا فى الاعتبار طريقة تفكير الرجل الشرقى

زى ما قال الاستاذ مشمش

وشكرا على دعوتك الجميلة دى

استاذمشمش كتب

رغم ان النداء موجه للقوارير, إلا اني عندي اضافة صغيرة (وشكلي هيبقي عامل زي اللي دخل عربية الستات في المترو):

انت على عينا وراسنا وتنورنا فى الموضوع

ومشاركتك فعلا لها اهميةكبيرةلانك بصراحة حطيت ايدك على الجرح

ببساطة في مبداء ظريف جداً عند المصريين و الشرقيين عامة, هو ان الراجل أذكي من الست, يعني الراجل لازم يكون أذكي من مراتة و الولد أذكي من اختة.

عندك حق فى دى

فاختاري المناسب, بس لو طلع مش من كليات القمة, متحسسيهوش بالفرق و انه كان صايع بـ 70% و دخل تجارة ولا حقوق, خلية فاكر انه نابغة, حتي لو قعد يفت في تخصصك, هو ده الذكاء بجد, مش "البنت زي الولد و احسن كمان" و "كل واحد يكلم في تخصصة" مهو معروف ان الرجالة المصريين بيفهموا في الكفت!!!

تجارة و حقوق هما الفالحين الايام دى.........و لا عزاء للهندسة :blink:

عموما هو المشكلة مش هى تحسسه بايه

المشكلة هو بيحس بايه

و زى ما قاالت اختنا زهرة الجبل ممكن هويبقى حساس من اى كلمة و يشعر بالدونية بالنسبة لها ومن غير ما هى يكون لها ذنب انما تقول طريقة التفكير تروح فين

[جويرية]

أزيك يا هوبة

أيه ده أنتي غيرتي معرفك و لا ده بناء علي تعليمات الأدارة

خلاص أنا حقولك يا باشمهندزة من غير ما تكتبي ENG

بالنسبة لموضوعك

لو واحدة حلوة و أهلها معاهم فلوس حتاخد اللي هيا عايزاه

لو حلوة بس او معاها فلوس بس يبقي حتاخد حد أقل شوية

لأ مفيش شكل و لا فلوس

يبقي تقبل أقرب عريس يتقدم و خلاص

أما موضوع المؤهل و الأخلاق و العيلة المحترمة

دي كلها حاجات مكملة للموضوع مش أساسية

[SEMSEMS]

اهلا باشمهندسة هبة

اسمحيلي اشارك في موضوعك بما اني خريج احدي كليات القمة

اهم حاجة في الجواز الاتفاق يعني المبادئ والاساسيات تكون واحدة

ماينفعش راجل شرقي غيور يتجوز بنت بتحب تلبس المايوه ويقول معلش بكرة هاتتغير

لانها مش هاتتغير ولو اتغيرت هاتبقي ماسخة :closedeyes:

كذلك ماينفعش واحدة مهندسة او طبيبة تتجوز واحد شهادته مش زيها وخصوصا لو ناوية علي شغل لانه ببساطة لازم هايغير منها ويقلها بيجيب كام شغلك ده :lol:

لازم يكون فيه تقارب مش هانقول يبقوا نسخة كاربون بس يكونوا متقاربين في الصفات والمستوي التعليمي والثقافي والمادي وخصوصا بين الازواج المصريين لان الكلام الجارح بيطلع وبعدين يتقال معلش :)

أطيب الامنيات

[هشام عباس]

يا بنات المحاورات الحب موجود جدا جدا جدا

وده مش معناه انك لازم تحبي وتعدي النجوم قبل الجواز لأ انا قصدي ان الحب زي ما ممكن يتولد قبل الجواز ممكن اكتر يتولد مع الجواز وصدقوني والله الحب ده هو الي بيحلي الدنيا وبيخفف من مشاكلها وهمومهاوربنا يرزقكم بعرسان زي الفلتحبوهم ويحبوكم

ويارب تتهنوا

[هشام عباس]

وموضوع الشهادات ده انا بعتبره شئ ثانوي واهم حاجه يكون فيه توافق في الأفكار والميول واهم حاجه كمان انكم تكونوا متقبلين بعض وحاسين ان ممكن تكملوا دنيتكم سوا وكمان انها ممكن تكون دنيا حلوه

[Einstein]

غم ان النداء موجه للقوارير, إلا اني عندي اضافة صغيرة (وشكلي هيبقي عامل زي اللي دخل عربية الستات في المترو):

احم احم ......

والله يا باشمهندسة انا اري ان اهم شيء هو التوافق الفكري ، اهم الف مرة من المؤهل المشترك ،

يعني فيه كتير اوي مؤهلات عليا ما يعرفوش حاجة عن الدنيا حواليهم غير مواد الكلية اللي كانوا يصموها علي الامتحانات ، انما ثقافة عامة مفيش ، طموحات متلاقيش ، يا دوب تلاقيهم عاوزين يتجوزا و خلاص علشان المفوض انهم يتجوزا

ولكن انا منتظر من الزوج او الزوجة انهم بيختارو صديق قبل ما يختارو شريك حياة ، هل نقدر نقول ان اي حد ممكن يكون صديق مقرب ليكي لمجرد تشابه الكلية ؟؟ ولا ساعتها بنبص للشخصية و الفكر

اجمل حاجة في الموضوع ده ،

اني لاقيت حد معقد زي ، اختي بدرية ،

شوفى يا ستى الموضوع دا بيختلف من شخص لشخص يعنى انا مثلا مقدرش اتجوز شخص عادي ,احب الشخص اللى دماغة علمية ودايما بيذاكر ويحضر ان شالله حتى يحضر عفريت محبش الروتينى او اللى اتخرج واشتغل وخلاص ودى مشكلة كبيرة عندي بل تقدرى تقولى عقدة .الله اعلم.

المشكلة الكبري اني لسه بدور علي واحدة فيها المواصفات دي ,

واحدة كده 2 دكتوراه و 3 ماجستير و عقلية علمية معمليه فذة :closedeyes:

ومش عارف هفضل متمسك براي ولا هبتدي اتنازل واحدة واحدة :lol: :)، العمر بيعدي

[~Heba~]

أزيك يا هوبة

أيه ده أنتي غيرتي معرفك و لا ده بناء علي تعليمات الأدارة

خلاص أنا حقولك يا باشمهندزة من غير ما تكتبي ENG

بالنسبة لموضوعك

لو واحدة حلوة و أهلها معاهم فلوس حتاخد اللي هيا عايزاه

لو حلوة بس او معاها فلوس بس يبقي حتاخد حد أقل شوية

لأ مفيش شكل و لا فلوس

يبقي تقبل أقرب عريس يتقدم و خلاص

أما موضوع المؤهل و الأخلاق و العيلة المحترمة

دي كلها حاجات مكملة للموضوع مش أساسية

اهلا يا جويرية....بلا مهندسة و لا بتاع انا اختك الكبيرة :lol:

بس ايه يا بنتى العقل اللى نزل عليكى ده

فعلالالا كلامك عين العقل ...لانه هو اللى ماشى دلوقتى

عشان كده مفيش دلوقتى بيوت بتتخرب

و نسبة الطلاق قلت جدااااااااااا :closedeyes:

[~Heba~]

اهلا باشمهندسة هبة

اسمحيلي اشارك في موضوعك بما اني خريج احدي كليات القمة

اهم حاجة في الجواز الاتفاق يعني المبادئ والاساسيات تكون واحدة

ماينفعش راجل شرقي غيور يتجوز بنت بتحب تلبس المايوه ويقول معلش بكرة هاتتغير

لانها مش هاتتغير ولو اتغيرت هاتبقي ماسخة :closedeyes:

كذلك ماينفعش واحدة مهندسة او طبيبة تتجوز واحد شهادته مش زيها وخصوصا لو ناوية علي شغل لانه ببساطة لازم هايغير منها ويقلها بيجيب كام شغلك ده :lol:

لازم يكون فيه تقارب مش هانقول يبقوا نسخة كاربون بس يكونوا متقاربين في الصفات والمستوي التعليمي والثقافي والمادي وخصوصا بين الازواج المصريين لان الكلام الجارح بيطلع وبعدين يتقال معلش :)

أطيب الامنيات

اه فعلا الكلام الجارح محدش بيقدر يتجنبه

و الزواج اللى بيدوم نقول 30 سنة اواكتر ممكن يبقى فيه كلمتين على تلاتى على اربع كلمات جارحة فى مواقف مختلفة

لكن اصعب شئ لما يكون لهم علاقة بالاساس اللى الزوجين اختاروا بعض عشانه ساعتها مش حنقدر نقول للزمان ارجع يا زمان و الا ياريت اللى جرى ما كان

اللى نقدر نقوله ساعتها ان دى كلمات او مشاعر طلعت فى صورة كلمات لحظة غضب او ظروف مش مواتية زى مثلا الزوج يواجه مشاكل مادية و تعثر فى الانفاق على الاسرة

و انا سمعت كلمة من شخص هنا فى المحاورات مش فاكرة مين

بس هو قال رجل بلا عمل كأنه قنبلة موقوته

[~Heba~]

يا بنات المحاورات الحب موجود جدا جدا جدا

وده مش معناه انك لازم تحبي وتعدي النجوم قبل الجواز لأ انا قصدي ان الحب زي ما ممكن يتولد قبل الجواز ممكن اكتر يتولد مع الجواز وصدقوني والله الحب ده هو الي بيحلي الدنيا وبيخفف من مشاكلها وهمومهاوربنا يرزقكم بعرسان زي الفل تحبوهم ويحبوكم

ويارب تتهنوا

سامعه يا بدرية :closedeyes:

وموضوع الشهادات ده انا بعتبره شئ ثانوي واهم حاجه يكون فيه توافق في الأفكار والميول واهم حاجه كمان انكم تكونوا متقبلين بعض وحاسين ان ممكن تكملوا دنيتكم سوا وكمان انها ممكن تكون دنيا حلوه

خلينا نكون واقعيين

هو مش ثانوى فى مجتمعاتنا حاليا بدليل القصة اللى ذكرتها اختنا زهرة الجبل و اللى بسمعها بتتكرر كتير لدرجة انى فعلا بقيت بعذر اللى بتصر على شخص مثلها او قريب منها فى الشهادة

صراحة الواحد مش عارف الصح فين

[~Heba~]

اجمل حاجة في الموضوع ده ،

اني لاقيت حد معقد زي ، اختي بدرية ،

شوفى يا ستى الموضوع دا بيختلف من شخص لشخص يعنى انا مثلا مقدرش اتجوز شخص عادي ,احب الشخص اللى دماغة علمية ودايما بيذاكر ويحضر ان شالله حتى يحضر عفريت محبش الروتينى او اللى اتخرج واشتغل وخلاص ودى مشكلة كبيرة عندي بل تقدرى تقولى عقدة .الله اعلم.

المشكلة الكبري اني لسه بدور علي واحدة فيها المواصفات دي ,

واحدة كده 2 دكتوراه و 3 ماجستير و عقلية علمية معمليه فذة :closedeyes:

ومش عارف هفضل متمسك براي ولا هبتدي اتنازل واحدة واحدة :) :blink:، العمر بيعدي

انا عايزة اسألك يا انش

هو انشتاين كان متجوز؟؟؟؟؟؟

فين اولاده دلوقتى :lol:

[جويرية]

اهلا يا جويرية....بلا مهندسة و لا بتاع انا اختك الكبيرة

بس ايه يا بنتى العقل اللى نزل عليكى ده

فعلالالا كلامك عين العقل ...لانه هو اللى ماشى دلوقتى

عشان كده مفيش دلوقتى بيوت بتتخرب

و نسبة الطلاق قلت جدااااااااااا

أهلا يا هوبة

مش عارفة مين الأكبر أنا ولا انتي

ولا بلاش عشان سيرة السن دي مش حلوة :closedeyes: و كمان الطلاق دي السيرة اللي مبحبهاش خالص :lol:

هوه مش العقل نزل عليا لا سمح الله أنا كدة كويسة بعقل نص نص :)

اللي بقولوه ده هوه اللي شايفاه بيحصل قدامي

يعني زي ما تقولي كدة تقرير حالة :blink:

[Einstein]

اجمل حاجة في الموضوع ده ،

اني لاقيت حد معقد زي ، اختي بدرية ،

شوفى يا ستى الموضوع دا بيختلف من شخص لشخص يعنى انا مثلا مقدرش اتجوز شخص عادي ,احب الشخص اللى دماغة علمية ودايما بيذاكر ويحضر ان شالله حتى يحضر عفريت محبش الروتينى او اللى اتخرج واشتغل وخلاص ودى مشكلة كبيرة عندي بل تقدرى تقولى عقدة .الله اعلم.

المشكلة الكبري اني لسه بدور علي واحدة فيها المواصفات دي ,

واحدة كده 2 دكتوراه و 3 ماجستير و عقلية علمية معمليه فذة :closedeyes:

ومش عارف هفضل متمسك براي ولا هبتدي اتنازل واحدة واحدة :blink: :wub:، العمر بيعدي

انا عايزة اسألك يا انش

هو انشتاين كان متجوز؟؟؟؟؟؟

فين اولاده دلوقتى :)

قصدك اينشتين مين ؟ انا ولا عمو البرت اينشتين mfb: :lol:

بالنسبة ليه انا لسه ما اتجوزتش علشان اخلف wst::

وبالنسبة لألبرت اينشتين فكان متجوز وبعدين انفصل و اتجوز تاني من بنت عمه

وله بنت اولي غير شرعية محدش يعرف عنها حاجة ، غالبا ماتت في فترة الرضاعة smk:

وابن لاسف جاله انفصام في الشخصي - الظاهر كتر ذكاوة - ومات في المصحة النفسية اللي كانت بتاعلجة :beee:

وابن تالت سافر لكاليفورنيا في امريكا و بقي استاذ دكتور في جامعة

[عادل أبوزيد]

إختيار شريك العمر ليست مسألة لوغاريتمات و لكن تحكمها فى المقام الأول الأعراف السائدة فى مجتمع الفتى و الفتاة و بعدها تأتى الظروف الخاصة.

ما سبق كان إستهلالا لابد منه

فى رحلة العمر وجدت سيدات خريجات كليات القمة و متزوجات من سباكين أو عمال بمؤهل متوسط و مرتباتهم عادية و هؤلاء فى مجتمعاتهم عادى إن البنت تتزوج أحد شباب المنطقة بصرف النظر عن بلاؤه فى التعليم ........ و تحيط بهم السعادة "سلو بلدهم كدة"

ووجدت زيجات تمت على أساس الحب و لكن الفارق الإجتماعى أدى بها للفشل بعد سنة !!! رغم قصة الحب الملتهبة

كل ما سبق يختلف عن المسألة التى عرضتها الفاضلة هبة حيث أنها تتوقف على تقييم الفتاة لقيمة ثروة الزوج المحتمل بالنسبة لشهادتها الجامعية.

مجرد مداخلة ربما أضافت بعض الضوء على مسألة إختيار شريك العمر ..... فى الحياة و الزواج لا تتحدد الأمور بمجموع الثانوية العامة أو تقدير الشهادة الجامعية.