مغامرة نسائية فى الصحراء الحبشية !!!!

[badroora]

خمس ست سنين يا دين النبي .... للدرجادى وجودنا هنا ماثر عليكم ...... :unsure:

عموما اطمئن انا هاخد كل الحريم ولما ندخل موسوعة جينز ....ابقوا بقي شاورا علينا فى التى في وقولوا يااااااااااه فى يوم من الايام كنا نعرف الشخصيات العظيمة

دى ..... واحنا طبعا مش هنفتكر اى حاجة تفكرنا بالماضي او. تقلب علينا مواجع الفقر ......... :lol:

والله كل زوقك ع الخيمة المكيفة دى بس مينفعش تزحزحها ناحية المطعم الاحمر شوية ........ عشان نعرف نتسغلها

شكرا لزوقك وكرمك......... :)

تم تعديل 29 أبريل 2008 بواسطة Badria Mekkawy

[badroora]

ناش .......... يلا يا بنات حازوا ورا بعض عشان منمشيش فى عرض الشارع كدا .

نجفة .............. كل اتنين يمسكوا فى ايد بعض ويعدوا الشارع ....

أمانى ......... ناش انا يختى تعتب من المشي هو لسه بعيد.

هبة ........ ضهرى انقطم من البوهجة دي .

فولانه ......... طب مافيش تاكسي للمترو

جويرية .......... والله ع الرغم انى كنت مخنوقة من توك توك نجفة الا انه والله كان زمانه نفعنا هنا .

زيزيتا ......... ومين سمعك على قد ما رجلى نملت من شيل هبة بس والله كان ارحم من المشي .

ناش ......... خلاص ايا بنات وصلنا .

أمانى......... طيب اريح شوية

سهيلة ......... لا يا امانى اخر الابحاث بتقول ان الراحة بعد المشي مباشرة بتتعب البشرة

جلاكسي ......... فعلا حتى نسبة المبيعات بتزيد اوى على الجلسرين ابو ليمون وخصوصا فى المناطق الرياضية والجيم

قرنفله .......... والنبي يختى حتى لو الجلد هيقشف اقعدى يا امانى اقعدى .

نينيا.......... خلاص المترو جه .

ناش ........... يلا يا ينات اركبوا جنب بعض .

فولانه .......... بس احنا مقطعناش تذاكر .

نجفة .......... بتفكريها ليه متسبينا نطلع وخلاص يا ستي.

شهد .......... لا المترو ابو تذكرة فى مصر بس هنا مجانى بينضاف على فاتورة الكهرباء

جويرية ......... يسلام والله شيء عظيم .

زيزيتا ......... وادى قاعدة

فولانه ......... خدينى جنبك يا ختى والنبي رجلى مش شيلانى

سهيلة ........... وانا جاية من الشغل على هنا بدون مارتاح.

هبة .......... صلاة النبي انتوا مش هتقعدونا ولا ايه

أمانى .......... يا هبة انتى لسه صغيرة استحملى شوية

سمسمة .......... تعالى يا هبة نقعد على باب المترو نتفرج

نجفة ......... خودونى معاكن باحب اتفرج على اليوفط

جلاكسي ,......... ايه اسامى المحطات الغريبة دي.

قرنفله .......... حسة انى رجعلت بتاع اتنين قرن جاهلى

نجفة ........... اسامى تحبس بصراحة

ناش ......... معلش عشان انتوا بس مش متعودين على اسامي البلدان دي .

نينيا ......... انا بالنسبة لى عادي انا قريت كتير عن البلدان دي

زهرة الجبل ....... ياه الطبيعة هنا تخلى مواسير الشعر تنفتح ولا تتسدش ابدا ..

زيزيتا ,فولانه ,امانى ,سهيلة .راحوا فى سابع نومة .........

فاصل ونواصل .........

تم تعديل 29 أبريل 2008 بواسطة Badria Mekkawy

[badroora]

عنترة استان .....

نجفة سمسة هبة ...... هيه هيه هيه وصلنا ...

يا بنات يا بنات قوموا قوموا اصحوا وصلنا .. خلاص احنا فى عنترة استان .

زيزيتا ..... مورستان ايه يا بنتى دى .

شهد .... لا تقصد عنترة استان يعنى محافظة عنترة .

امانى ...... بتدعك فى عنيها يا حلاوة يا بنات خلاص وصلنا كدا بسرعة .

نجفة ..... لا يا امونه لسه الضواحى حوالى 230 ضاحية ونوصل على طول

فولانه ........ وتطلع ايه الضواحى دي .

زهرة الجبل ........ الضواحي .. جمع ضاحية اى بلدة صغيرة

نينا ...... طيب انت عرفتى ازاى يا نجفة عددهم .

نجفة ..... من الجي بي اس

قرنفلة ..... اها اللى بيحدد المكان اللى انت عوزاه

هبة ...... ايوة انا درسته بس مبحبهوش بيعملى حساسية

سهيلة ....... لا سلمات يا هبة اعمليلي التحاليل دى وابقي عدى على ف العيادة اشوفك

جويرية ....... والله الواحد مكنش عايش فى الدنيا كل يوم بكتشف اعجاز علمي جديد

سمسمة ........ شايفين المحطة اللى جاية مكتوب عليها ايه

ناش ...... ايه

زهرة الجبل ....... ضاحية عبلة بترحب بكم ( الست كُوُكب)

فولانه ......... كوووووووكب معقولة

زيزيتا ......... الحقى الحقى ..... ضاحية فريد شوقى ترحب بكم

أمانى ........ ايه دا يا بنات لنكون دخلنا فيلم عنترة بن شداد ولا حاجة

نينيا ....... لأ دا عيلة عبس مكرمنهم نسبة لعنترة وعبلة عشان مثلوهم فى مهرجان الحبشة السينيمائي

ناش ...... طيب شوفى على شمالك مكتوب ايه

نجفة ....... ايه

ناش ........ محل عنترة لتأجير الجمال . الساعة ب9 دراهم

نجفة ....... مش عرفه قلبي بدأ ينقبض ليه

هبة ...... نعم انت هتعمليها وتخيلي ولا ايه انت مش صاحبة الفكرة

جلاكسي ........ اهدوا يا بنات شوية خلينا نعرف نركز

زهرة الجبل .......خلاص وصلنا

اهلا وسهلا بكم فى قرية نجد النموذجية

محطة الشهيد عنترة بن شداد .

شهد بليز يا بنات خلونى انا فى المقدمة انا دارسة جاهلى كويس واعرف اتعامل مع الناس هنا ..... اوك

فاصل ونواصل

الحلقة القادمة

بداية المغامرة داخل قرية نجد النموذجية

[زهرة الجبل]

يلا مين هيشترك النفر بجنية وربع....

بداره

أنا صحيح داخله الموضوع متأخر .. بس معلش حقك عليا

و حسي في الرحله كان معاكو من الأول برضه و البركه فيكي طبعاً ....ولا إيه ؟

أصلي الحقيقه كنت معذوره فـ قرشين و لما لميت حق التذكره جيت أجري

و آآآآآدي يا ستي الجنيه

و الربع جنيه بقى يبقالك ... حين ميسره يعني

زهرة الجبل ........لأ خلينا نروح لوحدينا نتفك شوية .

و الله يا بدريه إنتي ميه ميه

ولو إن في جماعه أعرفهم ولاد بلد أصلاً و أول حرف من إسمهم (م ) و مش عاجبهم الكلام و قالولي ( )

إنما و لا يهمك .. نحن لها

ألحق أجري أنا بقى؟

إسمحيلي دلوقت بقى أرد بأثر رجعي ... :

زهرة الجبل .......الرياض اقربلك ادلى على ناش وهنتجمع عند ناش فى الرياض ومن الرياض الى الحبشه .

عـُـلـِـم يا فندم و قيد التنفيذ

التاكسجي ......... انا مدام واحد صديق يقول اجى هنا الى رياض .

امانى ......... هو اخرص؟

زهرة الجبل ...... قالتلى قدامها 12 قدم وتوصل .

نجقة ....... ليه هى زهرة جاية على تلاجة ولا جمل .

معلش يا جماعه أصل أنا جايه على جمل .... شايلني و ساحب التلاجه :)

صحرا بقى و انتو عارفين الجو حر pps:

ناش .......... يلا يا بنات حازوا ورا بعض عشان منمشيش فى عرض الشارع كدا .

حااااااااضر

زهرة الجبل ....... ياه الطبيعة هنا تخلى مواسير الشعر تنفتح ولا تتسدش ابدا ..

مواسير؟

طب خدي دي...

يا عنتره يا عنتره

مكنش يومك يا سُـكـَره

قريت كتير عنك كتيـــــر

.. وعن عبوله الغندره

زمنك يخويا كان جميل

و الكلمه فيه مـِتقـَدره

لكن انهرضه عالشعر قالوا

حاجات ماهيش متفسره

قال إيه ياخويا .. يقى فيه مواسير!!!

..و حاجات تخص السمكره :cry:

[badroora]

هلا بالغلا ........ منورة يا ست الكل ,,,,,,

يسلاااااااااام يا زهرة الواحد مهما يتغنى ويبقي عنده ملايين باليورو والدولار .... :closedeyes: الا ان الحنين للجنية المصري والشوق

ليه طعم تانى خاااااااااالص :wub: :hearts: :hearts: :hearts: فعلا من فات قديمة تاااااااااب :happy: دونيا

و الله يا بدريه إنتي ميه ميه

ولو إن في جماعه أعرفهم ولاد بلد أصلاً و أول حرف من إسمهم (م ) و مش عاجبهم الكلام و قالولي ( )

لا لا متوقعناش فى الغلط .... انا اقصد تتفكى من العيال من القعده فى البيت .....مش من اللى فى بالك احنا لينا بركة غيرهم n2&( n2&(

يا عنتره يا عنتره

مكنش يومك يا سُـكـَره

قريت كتير عنك كتيـــــر

.. وعن عبوله الغندره

زمنك يخويا كان جميل

و الكلمه فيه مـِتقـَدره

لكن انهرضه عالشعر قالوا

حاجات ماهيش متفسره

قال إيه ياخويا .. يقى فيه مواسير!!!

..و حاجات تخص السمكره

اهلاااا انت بداتى من دلوقتى احنا شكلنا هانشوف على ايدك انتى وشهد ايام سودة ....اشعار وقلعات وربنا يستر mfb:

تم تعديل 29 أبريل 2008 بواسطة Badria Mekkawy

[سهران]

...مش عارف ليه متخيل الوضع في أحراش الحبشة دلوقتي ....... واحدة رقيقة بتقود طابور الأخوات لابسة تي شيرت أحمر و بنطلون أحمر بخطين بيض من الجنب و كوتشي أبيض و شايلة علم مصر على كتفها و ماشية و هي بتغمض و تفتح و بتهز راسها شمال و يمين ..... الطابور وراها مرتب الطويل قدام و القصير ورا و ماشيين بيكرروا نفس حركات ذات الرداء الأحمر . حاسس قريب هانسمع رسائل أستغاثة في المنتدى جاية من ( مخفر ) الحبشة و مطلوب من رجال المنتدى المبادرة لأستلام الفوج من المخفر .... هجرة غير شرعية للحبشة .... ابقوا خلوا عنتر يجي يهد التوقيف بقى و يطلعكوا.... احنا عن نفسنا عندنا دوام و عاجبنا المنتدى بتوجهه الرجالي الحالي .........

[~Heba~]

كملى يا بدرية

امتى حتودينا عند تامر

هو سافر فى امان الله انهارده الى السعودية ربنا يوفقه

[galaxy]

كدا يابدور :D............ ...نسيتي البعثه الطبيه.................. انا وانتي وسهيله :lol:

يعني عشان الامراض والحر والحركات..........البلد هناك حر مووووت........يعني كيس كدا لزوم مراعاه الحله الاقتصاديه ونحط فيه. :lol: ...........شويه شاش علي كيسين قطن وحبه ميكركروم.........وشويه حقن لزوم العدوي .....علي حبه فبتامين وانتي بيوتك......وانتي ست العارفين............... :)

ماتنسيش كمان زبيبه والاستاذ شيبوب :lol:

دوسي بقي وكملي علي بركه الله............................................. :lol:

[badroora]

...مش عارف ليه متخيل الوضع في أحراش الحبشة دلوقتي ....... واحدة رقيقة بتقود طابور الأخوات لابسة تي شيرت أحمر و بنطلون أحمر بخطين بيض من الجنب و كوتشي أبيض و شايلة علم مصر على كتفها و ماشية و هي بتغمض و تفتح و بتهز راسها شمال و يمين ..... الطابور وراها مرتب الطويل قدام و القصير ورا و ماشيين بيكرروا نفس حركات ذات الرداء الأحمر . حاسس قريب هانسمع رسائل أستغاثة في المنتدى جاية من ( مخفر ) الحبشة و مطلوب من رجال المنتدى المبادرة لأستلام الفوج من المخفر .... هجرة غير شرعية للحبشة .... ابقوا خلوا عنتر يجي يهد التوقيف بقى و يطلعكوا.... احنا عن نفسنا عندنا دوام و عاجبنا المنتدى بتوجهه الرجالي الحالي .........

ايه دا هو للدرجادى مبقاش فى حاجة بتستخبي فى البلد دي .... مع اننا ماشين تحت نفق عشان لا جوجل ايرث ولا اى ستالايت يقدر يعرف مكانا

وقدرت تطلعها من بؤئك....... نستنى عنتر يخرجنا من التوقيف .... وكمان هتقدروا تعيشوا من غيرنا ...... دى اخرتها ... :closedeyes:

طيب تتصور بقي انى هاعمل القصة تفصيل وهازور فى الحقائق وهاطلعنا كلنا شهداء وابطال كمان ..... وابقي شوف

[badroora]

كملى يا بدرية

امتى حتودينا عند تامر

هو سافر فى امان الله انهارده الى السعودية ربنا يوفقه

ان شاء الله لو على راى سهران دخلونا التوقيف ممكن نبقي نخلى تامر يضمنا او يشيل التهمة عننا ..... امال ايه مش اخونا

[badroora]

كدا يابدور ............ ...نسيتي البعثه الطبيه.................. انا وانتي وسهيله

يعني عشان الامراض والحر والحركات..........البلد هناك حر مووووت........يعني كيس كدا لزوم مراعاه الحله الاقتصاديه ونحط فيه. :closedeyes: ...........شويه شاش علي كيسين قطن وحبه ميكركروم.........وشويه حقن لزوم العدوي .....علي حبه فبتامين وانتي بيوتك......وانتي ست العارفين............... wst::

ماتنسيش كمان زبيبه والاستاذ شيبوب :blink:

دوسي بقي وكملي علي بركه الله.............................................

هلا بشيكولا .........

دورك الطبي جاى يا قمر وهتعيشي حياتك ع الاخر

وومتوصنيش عن الغالية زبيبة والفاضل شيبوب ..... دول اهل الغالى اللى ضحينا بمستقبلنا وراحة بالنا فى سبيل دراسة سيرته ..... :closedeyes:

[امانى]

ايه الجمال والعظمة دى يا بدورة والله معلمة بجد ومشرفة رحلة عسل واحلى حاجة انك فاهمة شخصية كل واحد فينا

يعنى انا لو فى الرحلة دى على الطبيعة مش هقول اكتر من كدة ماعدا طبعا الخيط والابرة بتوع الرقعة . يلا ياختى فرجتينا

على البحرين ومكلفتيش خاطرك نطلع عندك البيت ورحنا الرياض ونوشة لحد دلوقت هى كمان مطنشة ومعزمتناش عندها

ايه الحكاية هما المصريين لما بيسافروا برة بيبقوا بخلة ولا ايه؟ عموما ملحوقة يمكن نوشة تسمع كلامى وتعزمنا قبل ما نغادر

السعودية ومنضطرش ندور على حد من اخوانا بالمنتدى المقيمين هناك يعزمنا ( نفسى اتزوق طعم الاكل السعودى يا جدعان)

بطننا نشفت من اكل الساندويتشات طول السكة نغير شويه بقى ماشى يا ؟؟؟؟؟ فكيها بقى علينا وارحمى قوم عزيز هلك

من اجل عيون عنترة وبدرية تبقى تعزمنا واحنا راجعين ده لو رجعنا يعنى ومعجبناش الحال هناك وقعدنا على طول

:closedeyes: :closedeyes: دول علشان تخلى بالك مننا وتتوصى باختك امانى فى الاكل احسن انا هفتانة خالص من السفر

امانى

[badroora]

امونه حبيبة قلبي ........ وحشانى جدا والله :closedeyes:

ومبسوطة ان دورك فى الرحلة عجبك ومتخافيش متوصية بكي ع الاخر ومش هتخسي كيلوا واحد فى الرحلة دي :closedeyes:

وان شاء الله وانتم راجعين تيجوا عندي البحرين فى شقتى وتبرطعوا بتاع عشر خماشر دقيقة كدا وتتكلوا على الله عشان

متتاخروش على عيالكم

[badroora]

قرية نجد النموذجية ترحب بكم .......

شهد ........ يا قووووووووم غرباء فى دياركم هل من مجيب .

أمانى ....... هى شهد بتتكلم كدا ليه .

هبة ......... انتى مسمعتيش مش بتقولك دارسة جاهلى وكمان شهد دى اديبة كبيرة ميغوركيش انها متواضعة كدا.

رجل عجوز........ نعم من ينادي

شهد ........ نريد دابة نذهب بها الى قبر عنترة .

رجل عجوز ......... يوجد على بعد 10 كيلومتر موقف مروكوبات لمقبرة عنترة .

نجفة ......... طيب مافيش دابة تحت الطلب يعنى .

جويرية ........ يعنى ايه تحت الطلب .

نجفة ..... يعنى زى التاكسي بدل ما تستني فى الشارع هو يجيلك لحد عندك.

شهد ......... لا يا نجفة مافيش كدا مش مشكلة 10 كيلوا خلينا نمشي.

ناش ......لا انا مقدرش امشي فى الرمل

سهيلة ...... بشرتنا هتتحرق

جلاكسي ...... ولا يهمك معايا مرهم بانثينول ودرمازين نليط بيهم جلدنا قبل المشي

زيزيتا ........ نووووو واى مشي لاء

قرنفله ........ استنوا استنوا

سمسمة... ايه فى ايه

قرنفله ...... شايفين مكتوب جمل جيت

نينيا .......... يعنى ايه

فولانه ......... يعنى اكيد زي السوبر جت

نجفة ....... طيب يلا بينا .

أمانى ......... يااه طول عمرى يا بنات باحلم انى اركب جمل .

شهد ..... طيب مشكور يا عمو ع النصيحة خلاص البنات هيركبوا الجمل

العجوز ....... متنسوش الاحزمة يا بنات عشان المخلفات .

موقف شيبوب للجمال جت

نجفة ....... هلا والله وحياتك خوى نبي مركوبة لمقبرة عنترة

الجمال ....... مخصوص ولا تكبيس

جويرية ..... ايه تكييس دي

الجمال ......... يعنى كل واحدة جمل ولا كل 4 جمل

نجفة ........ كل 4 عشان نحكى يا بنات واحنا فى الطريق .

البنات ماشي ......... موافقين .

الجمل الاول ........ سهيلة جلاكسي قرنفله ناش

الجمل الثانى ....... جويرية ,فولانه . زيززيتا ...... نينا

الجمل الثالث ....... هبة .... زهرة الجبل ,,,,,, نجفة ... شهد

وسمسة صغيرة متشعبته فى الديل .

الجمال ......... يلا اربطوا الاحزمة عشان الاقلاع .

دعاء السفر ....... توكلنا على الله

القافلة تمشي فى الصحراء متجهة الى قبر عنترة

نجفة ... ايه دا ,دا فيه فوج سياحي قدامنا اهوا احسن يكونوا من المحاورات ..

جمل رقم 4 ...... زهرة .نجفة ..... هبة .... شهد

شهد ....... قوليلي يا زهرة عملتى ايه فى ديوان الشعر بتاعك الاخير .

زهرة ...... وديته المطبعة ومستنية التوزيع .

هبة ....... هما مالهوم مش بيكلمونا ليه

نجفة ....... شعراء بقي يا هبة وفاهمين لغة بعض .

هبة ... على قولك خلينا احنا فى مراجيح السبتية اللى ركبنها دي

نجفة ....... الحقي الحقي ,, زهرة وشهد بدؤا يغنوا ويردوا على بعض

شهد ........ يا جمل قولى رايح على فين

زهرة ...... آه يا جمل آه يا جمل رُد يا جمل آه

شهد ........ يا صحراء اغربي

زهرة ....... عن عنترة اتكلمى

شهد .... صحراء جرداء

زهرة ......... لا زرع فيها ولا ماء

نجفة ...... بس بس بس ...... ايه دا مترحمونا شوية ايه الخنقة دي

هبة........ احنا فى مورجيحة ولا ناموسية شعرية

نجفة ...... وقف يا عم وقف .

هبة ....... يلا يا امة خلينا ننزل دا انا اخدها مش ارحم .

زهرة ...شهد ...... طب استنوا خلاص مشي هنشعر

تعالوا تعالوا

وهبط الجمل ... ارضا

هبة ونجفة بيجروا فى الصحراء

زهرة ..شهد .... وراهم يا اسطى لو سمحت احسن يتهوا ويروحوا كدا ولا كدا

ناش ..... الحقوا يا بنات نجفة وهبة نزلوا وبيجروا فى الصحراء

أمانى ........ استر يا رب

فولانه ........ لو سمحت وراهم

قرنفله ...... وراهم يا قبطان.

جلاكسي ........ يا بنات بصوا شوفوا مكتوب اهلا وسهلا بكم فى

منتجع الرمال المتحركة ....... ايام وبنعيشها .!!!

الكل تحجر مكانه ..... وسكت عن الكلام من هول الصدمة . :closedeyes: :closedeyes: ....... رمال متحركة احمدك يا رب

فاصل ونواصل .......

تم تعديل 30 أبريل 2008 بواسطة Badria Mekkawy

[جويرية]

بجد رحلة تجنن

خصوصا الجمل التاني اللي أنا راكبة فيه :)

كان نفسي أعيش العيشة دي

الصورة عاجباني اوي

كنت محتارة في توقيعي

بس لقيت الصورة المناسبة ليه

الزمن القديم اللي كان نفسي أعيش فيه

أنا عدلت المشاركة عشان لقيت نفسي أستوليت علي الصورة كدة من غير أحم و لا دستور

فقلت لازم اقول لأختي بدرية

( بعد أذنك انا حاخد الصورة ) :)

تم تعديل 30 أبريل 2008 بواسطة جويرية

[badroora]

العزيزة جورية ...... الصور والموضوع وصاحبة الموضوع تحت امرك :) خديهم كلهم والكل كليلية ولا يهمك يا قمر كلا واحد ........... :)

[~Heba~]

جويرية :winner:

عارفانى

انا اللى خلصتك من براثن مهيب و خليته يقول حقى برقبتى :)

مش عارفة ليه انتى بتحسسينى انك رجعية جداااااااا(و ارجوكى بلاش تعتبريها اهانة)

قصدى يعنى كل اختياراتك قديمة فى الافكار و حتى الصور

يا حبيبتى احنا دلوقتى فى عصر التوكتوك (كتابتها صح كده يا بدرية؟؟؟)

التكتوك (و الله بكتبها بالعافية)ده بقى يا ستى بيمشى بسرعة 0.3 ميل على الساعة يعنى ببساطة كده الطيارة مش محصلة ضفره

مش شايفة وصلنا لغاية فين مع بدرية

تشوفينى دلوقتى بعد كام يوم تلاقينا عند سور الصين العظيم....اوصيكى باخذ احتياطاتك و تعلم اللغة الصينية و انا حتعلم الالمانى فى حال اذا احتجناه :)

[galaxy]

بانثينول ودرمازين ايه بس :) ......هو احنا وقع علينا ميه سخنه. :) ...........سيادتك انا عامله حسابي و معايا sun block

جبت معايا شويه كدا علي ما قسم.قلت اعمل حسابي بزياده يعني :winner:

علي فكرة انا عايزة جمل لوحدي عشان شنطه الادويه كبيرة وواخده مكان :blink:

تم تعديل 30 أبريل 2008 بواسطة galaxy

[nash]

انا من اول الرحله وانا ساكته وما اتكلمتش....وعماله اقول بدريه هاتقول مين اللي هايشيل الليله..لكن شايفاها مدكنه وساكته...

شوفي يا بدريه انا يهمني جدا جدا اعرف مين دفع حساب عصير القصب....والتوك توك...يعني مش معقول..... علشان بس اطمن وادخل برجلي الاتنين...

طب والله العظيم تلاته أنا كنت فاكرة الحبشه هي شبه الجزيرة العربيه ....بس لما شهد صحصحت معانا وصححت المعولمه افتكرت ...

حتي في الادبي مش نافعه العمليه يعني اموت نفسي؟ wst::

بجد بجد رحله لذيذه جدا.....وبجد ضحكت من قلبي...ربي يسعد قلبك..... :)

...................................

إلا بمناسبه جمله إعراب سمسمه..... :sad:

الاخ ياسر....اصلي الحقيقه اليومين دول مش طايقاه ....وهو عارف ليه....

المهم المدرسه وهو في الصف العاشر بتقوله أعرب جمله ....الرجال كذا وكذا.....

قام قال الرجال....مفعول به مرفوع بالواو لإنه جمع مذكر سالم....

المدرسه ......قالتله الله لا يعطيك العافيه...بأة مبسوط موت فاكراها بتمدحه....وبصت للفصل كله وقالتلهم أنتوا الجهل متجسد علي الارض وخرجت ورزعت الباب وراها...كل الفصل كان واقف متعاقب بسبب الغباء .... :wub:

.........................................................

يا جماعه حبيت أوضح نقطه مهمه wst:: احنا نظامنا هنا يا بخت من زار وخفف شعار المغتربين في بلاد الخليج...أة مش اللي نحوشه ندفعه عزايم وعصاير وتوك توك....

واخده بالك يا اماني؟؟؟ :winner:

.....................................................

مش عارفه قسم العلمي طالعين الرحله علشان يعقدونا.....وايشي عيادات خاصه وايشي فيتامينات...وايشي سن بلوك...بجد مفتريين :blink:

ماهو الواحد لو كان شد حيله في المذاكرة شويه كان حول من الادبي لعلمي :blink:

أكملي يا فتاة :)

[جويرية]

جويرية :blink:

عارفانى

انا اللى خلصتك من براثن مهيب و خليته يقول حقى برقبتى

مش عارفة ليه انتى بتحسسينى انك رجعية جداااااااا(و ارجوكى بلاش تعتبريها اهانة)

قصدى يعنى كل اختياراتك قديمة فى الافكار و حتى الصور

يا حبيبتى احنا دلوقتى فى عصر التوكتوك (كتابتها صح كده يا بدرية؟؟؟)

التكتوك (و الله بكتبها بالعافية)ده بقى يا ستى بيمشى بسرعة 0.3 ميل على الساعة يعنى ببساطة كده الطيارة مش محصلة ضفره

مش شايفة وصلنا لغاية فين مع بدرية

تشوفينى دلوقتى بعد كام يوم تلاقينا عند سور الصين العظيم....اوصيكى باخذ احتياطاتك و تعلم اللغة الصينية و انا حتعلم الالمانى فى حال اذا احتجناه

براثن مهيب :) هوه فعلا صورته تخوف .. قصدي صورته الرمزية تخوف :)

أنا فعلا اولد فاشون خالص :) ومش حزعل منك لما تقوليللي رجعية بس سلفية لأ مش بحبها بحس اني مستلفة في فلوس من حد ومرجعتهاش :)

الجمل يا هوبة احسن من التوكتوك

الجمل احسن من أغلي عربية في العالم عارفة ليه

عشان عنده عقل عمرك شفتي جملين في الدنيا خبطوا في بعض :)