مغامرة نسائية فى الصحراء الحبشية !!!!

[~Heba~]

طبعا طبعا

الجملين ممكن يخبطوا فى بعض لما يكونوا بتخانقوا على ناقة

بتناطحوا يعنى

[badroora]

والله يا شيكولا انتى كريمة جدا ..... صن بلوك مرة واحدة بس احنا على كدا عاوزين لنا بتاع 9 صيدليات مليانين صن بلوك

فقط ..........

ناش ...... اوى والنبي يا اوختى فهميهم ليكونوا راسمين على هدايا وفسح وحاجات مندى ولا يكونوا فاكرين نفسهم بيعملوا عمره ولا حاجة

الغربة صعبة واحنا جايين نحط الفلس ع الفلس والهلله ع الهلله

[badroora]

حقل الرمال المتحركة ........

الجميع قروا يافطة منتجع الرمال المتحركة وتسمر مكانه ..... وهبة ونجفة ولا هما هنا اندفاعهم عماهم عن انهم يقروا اليافطة

هبة ......... بقولك ايه يا نجفة

نجفة ..... ايه

هبة ..... واحنا بنجرى ليه

نجفة ........ انا عرفه انا لاقيتك بتجري جريت .

هبة ........ طيب احنا اساسا اخرتنا ايه

نجفة ....... الله اعلم هما قالولك على مغسل وضامن جنه محدش عارف اخرته ايه ربنا لوحده اللى يعرف

هبة ....... يا ستى هو انا بسألك على اخرتنا بعد الموت انا اقصد اخرة الجري

نجفة....... بقولك ايه خلينا نوقف بقي محدش ورانا اصلا

هبة ....... يااااااه الواحد فى الشوية اللى جرتهم دول حسه انى خسيت بتاع 10 جرام

نجفة .......... طيب ارتاح ليجيلك هبوط

هبة .... ...... هما مالهم بيشاورا ليه محدش جاى ورانا يعنى

نجفة ......... بصى وراكى كدا ليكون فيه ديب ولا حاجة .

الجمال ........ ها يجماعة احنا هنفضل واقفين كدا احنا ورانا شغل .

زهرة الجبل ........ هو احنا مش واخدينكم مخصوص

الجمال ....... ايوة كتوصيلة بس ولازم نرجع .

فولانه ........ طب استنى ننادى عليهم وبعد كدا هنمشي .

زيزيتا ............... نفسي اعرف ايه اللى حصل عملتوا فيهم ايه

شهد ....... والله ما عملنا حاجة

زهرة ......... كل اللى حصل انى وشهد جلنا فجأءة الهام وقولنا شعر

شهد ....... ثم انى عارفه ان نجفة بتكتب شعر وقرتلها كتير فى المحاورات بعض القصائد .

جويرية ........ وانت بقي بتسمى اللى نجفة بتكتبة دا شعر .

أمانى ........ ايو يا ختى شعر وكلماته حساسة كمان .

جلاكسي ........ دا كلام كدا فى لحظة تجلى مالوش اى مسمي

ناش ......... احنا بقي هنقعد نحلل ونسيب العيال دول

سهيلة ..... اخر بحث قراته فى الامراض الجلدية ان درجة حرارة الجو فى هذا التوقيت بالذات ممكن تعجر البشرة

الكل بيصرخ فى صوت واحد.......... اذا ماجتوش هنمشي وبعدين معاكم بقي .

ناش ........ كله الا بشرتى

فولانه ....... هما حبيبنا اه بس كله الا كدا

زيزيتا ....... نينيا بتعملى ايه

نينا ...... دا هيبقي مانشت محصلش ..... بنات غرقوا فى بحر الرمال المتحركة .

سمسمة ........ متفوليش عليهم ... حرام كدا

أمانى ......... متبكيش يا سمسمة .. متخفيش على نجفة دى بتعرف تعوم ومش هتغرق ابدا

قرنفله ....... المشكلة فى هبة مبتعرفش تعوم .

سهيلة.... نبعتلهم عوامة ونشد بها هبة .

الجمال ...... طيب احنا هنمشي وهنبقي نرجعلكم تانى ماشي

ناش ....... اوك يلا مع السلامة

فولانه ....... انتى ازاى تخليهم يمشوا

ناش ........ اصلهم لو استنوا هيخدوا على كل ساعة انتظار ايشي وشويات

جويرية ...... ايوة يبقي احسن انهم يمشوا

قرنفلة ....... استنوا هاطلب نجفة ع المحمول افهمها

شهد ...... بس خالى بالك اوعى تقوليلها الحقيقة لا تنصدم

زيزيتا ....... اخترعيلها اى سبب ماشي

قرنفله ....... جرس اهو

نجفة ........ عاوزين ايه

قرنفله ....... نجفة حبيبتي ارجعى محتاجينك فى حاجة صغيرة

نجفة ......... خير

قرنفلة .... واحدة من البنات جتلها ضربة شمس وجلاكسي معاها حقنه عاوزين نديهلها

نجفة ......... انا فى العادي باخده فى ضرب الحقنه نص جنية وفى الظروف دى الوضع بيختلف

قرنفله ........ والله نجفة دى يابنات خسارة اننا مستنينها يا رب تغرق فى الرمل

نجفة ....... ها قولتلى ايه

قرنفلة ....... طيب تعالى بس وخدى اللى انتى عوزاه

نجفة ....... لا معلش نتفق الاول .. مش بعد ماديها تفصلوا انا مبحش الفصال اسعارى معروفة دوليا

قرنفلة ........ بما انك طلعتى ميته ع الدنيا كدا خدى بقي عندك الخبر دا

نجفة ........ دزية فى مسج

قرنفله ...... لا وعلى ايه .... انت يا سيتي فى حقل رمال متحركة يعنى ممكن تغرقي انتى وهبة لو مجتوش .

نجفة ....... سقط الموبايل من يدها تلقته هبة

هبة ........ فى ايه البت جرالها ايه

قرنفلة...... يا هبة انتوا فى حقل رمال متحركة .

هبة ........... يا الله لا الله الا الله لا اله الا الله

نجفة ...... انتى اشهرتى اسلامك يا هبة ولا ايه

هبة ........ احنا هنموت يا نجفة

نجفة ........ احنا شهداء

هبة.........والشهداء ليس كالاموات

نجفة ....... بس تعرفى يصعب على اوي اموت مخنوقة فى الرمل

هبة ....... والله لو كان بحر كان ارحم

نجفة ........ تفتكرى لو متنا حد هيفتكرنا ولا هيزعل علينا فى المحاورات

هبة ....... وقته محاورات ايه بس اللى بتفكرى فيها

نجفة ....... على رايك

فاصل ونواصل

نسالكم الدعاء لاشقائكم هبة ونجفة

تم تعديل 1 مايو 2008 بواسطة Badria Mekkawy

[galaxy]

ما تقلقوش ياجماعه .........محدش بيموت ناقص عمر .......دوسوا انتوا بس ومالكوش دعوه وهتشوفوا هنزعل ازاي

مش عارفه ليه يا بدريه حاسه اني طالعه بدور كومبارس متكلم

تم تعديل 1 مايو 2008 بواسطة galaxy

[badroora]

مش عارفه ليه يا بدريه حاسه اني طالعه بدور كومبارس متكلم :closedeyes:

عيب متقوليش كدا دوووووووووورك جاي ....... وهو احنا عندنا غيرك :closedeyes:

دا كفاية الصن بلوك دا لواحدة تخدي عليه بطوله واوسكار كمان .......

[galaxy]

اخجلتم تواضعنا :closedeyes: .......انا بس يعني بقول ........احم احم........لو جملتين كمان اظهر بيهم المواهب التمثيليه مش اكتر................وكمان عشان بس وشي يبان في الكاميرا..يعني زياده خماشر تماناشر صفحه كدا ....انا مش طماعه وانا عامله حسابك في الصن بلوك وحيشالك علبتين علي جنب........ :closedeyes:

[badroora]

اخجلتم تواضعنا :closedeyes: .......انا بس يعني بقول ........احم احم........لو جملتين كمان اظهر بيهم المواهب التمثيليه مش اكتر................وكمان عشان بس وشي يبان في الكاميرا..يعني زياده خماشر تماناشر صفحه كدا ....انا مش طماعه :lol: وانا عامله حسابك في الصن بلوك وحيشالك علبتين علي جنب........

ويا ريت بقي شوية شامفوهات ........ على ازازتين صبيغة شعر احمر :closedeyes:

وعلبتين كريم فيري اند لافلي

وعلبتين سيرلاك مكمل عذائي يعنى للمحروس بن اختى

[امانى]

لا حول ولا قوة الا بالله رمال متحركة يا بدارة . لكن لا انا عارفة ان مخك يوزن بلد وانك قدها وقدود وهتلاقى مخرج لنا ياختى

من الورطة دى ز سيبك من الكريمات دلوقت وفكرى هنعمل ايه وهنقعد قد ايه على ده الحال واحنا معناش اكل كفاية ولا ميه

اقولك احنا هنجولك نخدوكى واللى معاكى ونرجع ويا نموت سوى يا نعيش سوى . بصراحة الرحلة من غيرك ميبقاش لها طعم ابدا

بس انا عارفة انك دلوقت هتندهى علينا وهتقولى اكتشفت يا ولاد سكة جديدة رمالها مش متحركة ونيجى احنا بقى جرى

نلحقك يلا بسرعة متتاخريش علينا

بجد يابدرية لما بقرا كلامك بضحك من قلبى والله . اللهم صلى على النبى كلك مواهب اللهم لا حسد ربنا يحميكى يارب

امانى

[badroora]

يسلام يا ست امون ماتيجيى تألفي انتى احسن انتى حرقتى القصة ..... :closedeyes:

بس برافوا عليكي يا امانى ابقي فكرينى اشوفلك دور كبير فى قصة تانية اوك

بس بينى وبينك عشان بس الهجوم ماشي ........ :closedeyes:

بكرة بقي نكمل باقي المغامرة الحق انام عشان من النجمة اكلمها

[galaxy]

ملحوظه رفيعه كمان يا بدريه. :closedeyes: ...........ياريت نهتم بالجانب الغنائي و الاستعراضي :closedeyes: عشان يبقي الفيلم متكامل.............ونقدر ننافس بيه في كان

تم تعديل 2 مايو 2008 بواسطة galaxy

[badroora]

ملحوظه رفيعه كمان يا بدريه. ...........ياريت نهتم بالجانب الغنائي و الاستعراضي :closedeyes: عشان يبقي الفيلم متكامل.............ونقدر ننافس بيه في كان :lol:

حاضر يا ست الكل هتبقي انتى ست كوكا :closedeyes: ماشي

[~Heba~]

وعلبتين كريم فيري اند لافلي

ابقى كترى من دول يا جالاكسى لاحسن الجماعة بتوع نجد يفتكرونى من الحبشة :closedeyes:

[badroora]

منتجع الرمال المتحركة .........

هبة ........ نجفة قومى نلحق نروحلهم شكلنا كدا هنروح فطيس

نجفة .......... ايه فطيس يا هبة انتى كمان شيفانا قطيع معيز

هبة ........ طب بس بس يلا يا مجاهدة

نجفة ......... ا هودا الكلام

هبة ........ فى سرها انا عرفه مغرورة على ايه

فولانة ....... يلا يلا اجروا يا بنات بسرعة بسرعة

هبة ....... نجفة الحقينى رجلى بتغرس فى الرمل

نجفة ......... وانا كمان حسة انى باغرق

ناش ..... البنات واقفين ليه مش بيتحركوا

زيزيتا ........ قلبي مش مطمن

نينيا ......... يخسارة نسيت اجيب الكاميرا كنت صورتهم

نينا ..... لقرنفله ممكن موبايلك بس اخد صورة ولما انزل مصر ابقي ابعتهالى بلوتوث

قرنفلة ........ الشر بينط من عنيها ومستغربه جدا طلب نينيا فى الظروف دي وردت عليها باندفاع ... كارت الميمورى مش

هيكفي يشيل صور .

أمانى ....... نجفة , هبة انتم بخير

جويرية ...... يا حولا ولا قوة الا بالله شكلهم ارتكبوا ذنب كبير فى حياتهم وربنا بيخلص .

جلاكسي ........ يا ساتر يا رب ليه بتقولى كدا ....حرام دول ابرياء :closedeyes:

سهيلة ......... ياااااااااه تلاقي جلدهم مش قادر يقاوم درجة الحرارة فى الرمال وهيجلهم تسلخات فى الجلد

سمسمة ......... نجفة مش ممكن انا عايشة بحسها فى المحاورات لازم ترجع لازم ترجع .

شهد ...... يا مغيث ابعتلنا البوليس قبل الليلة ما تهيص والكل يروح فطيس

زهرة الجبل ......... يا مسهل الاحوال ثبت تحت اقدامهم الرمال دول لا لسه اتجوزوا ولا شالوا عيال

ناش ......... يا سلام شايفة دعوة الشعراء يا امانى

امانى ........ اه والنبي يا ختى ماشاء الله الشعر حاضر معاهم فى اى لحظة .

سهيلة .......... شايفين نجفة وهبة بيغرقوا فى الرمال

جويرية ......... امانى قالت نجفة بتعوم كويس

زيزيتا ........ محنا قولنا المشكلة فى هبة مبتعرفش تعوم .

فولانه ....... ايه يا جماعة احنا هنقف نتفرج

ناش ......... تبص يمين وشمال مافيش اى اثر لاى شخص هنا

قرنفله ......... مش عرفه نجفة دى حظها نحس ليه كل الدنيا مقفلة فى وشها ووشنا

امانى ......... طب ياختى مافيش حبل نشدهم به

نينا ........ للاسف نسيت اجيب حبل معايا كنا نشرنا عليه الغسيل .

جلاكسي ...... يلا يا بنات كل واحدة تجيب الحجاب بتاعها ونربطهم فى بعض ونعمل حبل

ناش ........ والله فكرة

فولانه ........ انا معايا 2 حجاب خدى واحد منهم اهو

زيزيتا .......... خدى حجابي اهو كله يهون فى سبيل انقاذهم

سهيلة ........ يسلام كله يهون

قرنفله..... ولو ان نجفة متستهلش بس بردوا هى فى زنقة وواجب نوقف جنبها

أمانى ......... دى لو عيونى كانت تنفع حبل كنت عزلتهم وشديتهم بيها

نينا ........ خدى حجابي اهو

جويرية .......... إلا حجابي :closedeyes: .... مستحيل اشيل حجابي

ناش ........ جرى ايه يا بنتى احنا فى الصحراء ومحدش شايفنا .

جويرية ......... ان الله يرانا .

شهد ......... يا جماعة خلاص سبوها براحتها اتفضلي حجابي اهو

زهرة ........ معايا ملاية سرير كمان كنت جيباها استحراص خديها .

سهيلة .......... ها يابنات ربطوه كويس

البنات فى صوت واحد ......... ايوة ربطناه

فولانه ......... مين هيروح يوديه ليهم لانه مش هينفع نحدفه الهوا هيطيره

ناش .......... آ ه صحيح لازم حد يودية

أمانى ......... أأأأأ'ة يا روكبي

قرنفله ....... متبوصوليش انا صاحبة عيال

جلاكسي ....... الحقونى يا بنات هيغمى على من التعب

جويرية ........ هاصلي ركعتين عشان ربنا ينجيهم

سهيلة ......... وبعدين

زيزيتا ....... بقولك ايه شوفى شهد وزهرة مش هما السبب

شهد ....... يااااااااه كل ماروح فى بحر الرمال يجيلي دوار البحر حد معاه لارجاكتيل

زهرة ........ثوانى ادورلك نص ساعة بس واجيلك

ناش ........ احنا كلنا اصحاب عيال والبت سمسمة ولا ليها عيال ولا بيت متبعتيها

فولانه .......... والله فكرة ..... سمسمة تعالى

سمسمة ......نعم

فولانه ........ممكن يا امورة تروحى عند طنط هبة وطنط نجفة تديهم دا وتيجي بسرعة

سمسمة ........ ماشي

سمسمة................. فى طريقها الى نجفة وهبة

والجميع ........ يا رب استر يا رب استر

سمسة ....... اعطتهم الحبل ورجعت بسرعة

الجميع ........ طيب طالما سمسمة راحت ورجعت ومجرلهاش حاجة يبقي ممكن نقرب منهم كمان شوية

وبدؤا يقربوا منهم رويدا رويدا

الجميع فى صوت واحد ......... يلا يا بنات ...... شيدو حيلكم واحد اتنين تللاته ... خالى السلاح صاحي ..... والحبل انقطع

قرنفله ........ مش قولتلكم نجفة دي نحس

أمانى ........ معلش اربطول الحبل تانى وشدوهم

الجميع ......... يلا نجفة هبة ....... ابطال ..... وحوش ....سعودية سعودية سعودية

جويرية ...... هما معاهم الجنسية

جلاكسي .......... يا ستى دا نشيد تحميس

زيزيتا ........ هما ناقصين ماهم متحمصين جاهزين

الجميع ......... انسحبوا تجاه هبة ونجفة من الواضح انهم اقوى فى السحب

هبة ونجفة مغمى عليهم ونصهم مدفون فى الرمال

البنات ....... نجفة نجفة ... هبة هبة

جلاكسي ........ البنات عندهم حمى وبيخرفوا

سهيلة ....... خلينى اشوفهم كدا ...... صح البنات عندهم انشكاح فى الرياح بسبب جو الصحراء واتجاه الرياح المعاكس

فولانه ........ والحل ايه

سهيلة .......نحاول بس نفوقهم ونشدهم لبرا

الجميع ..... بيحاولوا يشدوا نجفة وهبة ولكن مافيش فايدة قوة السحب لتحت اعلى بمراحل من قوة الجذب لفوق .

نجفة .. بنخرف من الحمى ...... دايت كوك ..... دايت كوك ....دايت كوك

قرنفلة ........ حتى وانتى بتموتى يا نجفة بتتأرننى

هبة ........ مايه مايه مايه

امانى ........ ادوهم ماية يا جماعة

زيزيتا ......... نجفة عاوزة دايت كوك واحنا ممعناش اخاف اديها مايه نبقي بنخالف وصيتها

ناش ......... يا ستى اديها هى دريانه بحاجة

فولانه ........ افتحى بئقك يا نجفة .. ماية مافيش كوك

نجفة ........ مايه مايه معدنية معدنية صوديوم قليل بوتاسيوم كتير وكاليسوم 3%

قرنفله ........ يا مرررارتى ...سيبي نجفة دي خليها تروح وتريحنا

سمسمة ........ لاء لاء بليز متعذبهاش دى نجفة ملاك رحمة

امانى ... متعيطيش يا سمسة نجفة هتقوم وهتبقي كويسة

هبة ........ اكل .. اكل .. اكل هبوط هبوط

فولانه ....... ياااااااه شنط الاكل بعيد

شهد ........ لأ انا عاملة حسابي معايا زربيان ومحلبة

زهرة ...... افتحى بئوكك يا هبة

هبة ......... هم هم هم

فولانه ...... نجنج افتحى بقوئك يا جميلة .....نجفة بقي مستموته ..هتأكلينى ايه

شهد ........ نجوفة الامورة معايا زربيان ومحلبة يستاهل بئوك

نجفة .......... انا صايمة ..محدش يفطرنى عاوزة اموت وانا صايمة

امانى ........ يا حبيتى كلى حاجة قوى نفسك

نجفة ......... مش عاوزة انتحر عاوزة اموت شهيدة

ناش ...... ومين قال انك هتنتحرى

نجفة ........ امال الزربيان والمحلبة دول ايه

جلاكسي ........ والله صدقت قرنفله نجفة بصراحة اووفر

سهيلة ونينا وجويرية ......... الحقونا زلزال

والرمال كانت ساكنه وقت ما سمسمة وصلت لنجفة وهبة الحبل ودلوقتى بدأت تتحرك

والجميع فى الرمال المتحركة

ادعولهم ربنا ياخد بيدهم

فاصل ونواصل

تم تعديل 2 مايو 2008 بواسطة Badria Mekkawy

[nash]

مش عارفه بدأت اقلق من القصه.....وقلبي مش مستريح.... :closedeyes:

حاسه يا نجفه أنك هاتتخلصي مننا كلنا وهاتطلعي أنتي من الرمال .....نيتك بانت خلاص :sad:

خير يا اماني....؟؟ ايه اللي انتي بتقوليه ده؟؟

اقولك احنا هنجولك نخدوكى واللى معاكى ونرجع ويا نموت سوى يا نعيش سوى

بلاش نموت سوي دي...نعيش اوكيه مافيش مانع ....أما التانيه انا بتشائم منها وعندي حساسيه :lol: .....ومعلش كل واحد يتكلم بالنيابه عن نفسه..........بلاش حركات الشهامه والجدعنه الإسكندرانيه.... :wub:

وبالذات لما يكون الكلام لنجفه....دي من أول الرحله مطلعه روحنا....حتي الحقنه بتفاصل فيها....انا بقول نسيبها تواجه مصيرها..... :closedeyes:

إلي جنه الخلد يا نجفه :lol:

[~Heba~]

طب و انا يا ناش

اهون عليك و انا بين ايديك :closedeyes:

مايه......مايه :closedeyes:

اكل...اكل

هبوووووووووط

[جويرية]

قصة مشوقة و انا تابعتها سطر سطر

فيها شئ بوليسي كدة أو زي أفلام المغامرات

بس ليه نهاية القصة بزلزال يعني دخلنا في حتة صعبة شوية يبقي بعد كدة حاجة حلوة مثلا

طلعنا من الربع الخالي نلاقي بعد كدة جنينة وورود قدامنا

و ليه يا دودي مطلعاني غبية كدة wst:: يعني اصحابي بيعوموا في الرمل و انا مش أرضي أديهم الطرحة

لأ انا شايفة أن في بقية أجزاء القصة تطلعيني ذكية كدة و فاهمة كل حاجة و مفيش مانع انا اللي اكتشف

السر اللي احنا مسافرين عشانه

تحياتي الي الأديبة المبدعة الأستاذة بدرية ،،،

[galaxy]

يانعيش عيشه فل..........يانموت احنا الكل

[nash]

طب و انا يا ناش

اهون عليك و انا بين ايديك

لا يا هبه أنا افديكي بعنيه....بس مش ملاحظه أن نجفه من اول الرحله وهي بايعانا؟؟؟

أهو أنتي اللي هاتخليني اعطف عليها...بس كرمانا لخاطرك........بس أو ماتفوقي فهميها أن الرحله طويله واول منعطف شمال هانبعها.... wst::

............................................................

يانعيش عيشه فل..........يانموت احنا الكل

يا بنتي مين جاب سيرة الموت....أموت نفسي يعني؟؟ قولت انا بتشائم....وبعدين ايه الصيحات المدرسيه وتحيه العلم والاناشيد الحماسيه....

دي نجفه من اول الرحله وهي مطلعه روحنا.....ولسه بتشجعيها؟؟؟

كملي يا نجفه.......أنا عارفه أخرتنا هانروح فين

[semsema]

يا سمسمة دى ينفع تحطيها فى موسوعة النكت

و ينفع تتذاع فى برنامج حدث بالفعل

الا صحيح هو انتى فى سنة كام

في تالتة ثانوي.......يلا كلها شهر وشوية وافك من القرف اللي اسمه مدرسة ده

سمسمة يا اوختشي ........بكرة بعد ما ترجعى من الرحلة هتبقي اشطار بنوته فى الفصل قومى ذاكرى بقي لحد ميعاد الرحلة

قومي ذاكري تاني.......ياترى اخدتي الكلمة دي من مين ;)

عموما انا مش بفتح الكمبيوتر غير لما احتاجة لعمل حاجة للمدرسة غير كدا لا...شوفتي انا شطورة ازاي :)

إلا بمناسبه جمله إعراب سمسمه.....

الاخ ياسر....اصلي الحقيقه اليومين دول مش طايقاه ....وهو عارف ليه....

المهم المدرسه وهو في الصف العاشر بتقوله أعرب جمله ....الرجال كذا وكذا.....

قام قال الرجال....مفعول به مرفوع بالواو لإنه جمع مذكر سالم....

المدرسه ......قالتله الله لا يعطيك العافيه...بأة مبسوط موت فاكراها بتمدحه....وبصت للفصل كله وقالتلهم أنتوا الجهل متجسد علي الارض وخرجت ورزعت الباب وراها...كل الفصل كان واقف متعاقب بسبب الغباء ....

.........................................................

يووه بتحصل كتير عندنا :lol:

مرة في الامتحان جاتلنا جملة وكانت ظرف مكان........وانا كتبتها ظرف زماان wst::

نجوفة انا زعلانة منك........لغاية دلوقتي مش عارفه اقرا ولا حاجة من المغامرة دي......بقى دى وقت تكتبيها فيه

[امانى]

حاسه يا نجفه أنك هاتتخلصي مننا كلنا وهاتطلعي أنتي من الرمال .....نيتك بانت خلاص

خير يا اماني....؟؟ ايه اللي انتي بتقوليه ده؟؟

اقولك احنا هنجولك نخدوكى واللى معاكى ونرجع ويا نموت سوى يا نعيش سوى

بلاش نموت سوي دي...نعيش اوكيه مافيش مانع ....أما التانيه انا بتشائم منها وعندي حساسيه wst:: .....ومعلش كل واحد يتكلم بالنيابه عن نفسه..........بلاش حركات الشهامه والجدعنه الإسكندرانيه.... :)

كدة يا نوشة حتى فى المشاعر بتحاولى تبينى انك بخيلة معايا ليه يا ام ياسر كدة

احنا كلنا فى مركب واحدة يعنى ينعيش كلنا يا نغرق كلنا ولا ايه؟ بلاش الحساسية الزايدة دى اكيد هننجو من الازمة

دى وهنلاقى طريقة نوصل بيها لبلاد عنترة بس هى حبكة درامية وتشويق من المؤلفة والمخرجة علشان يبقى العمل

متكامل . يبقى خليكى متفائلة كدة وبلاش الخوف والحساسية دى

بدرية تفتكرى لو الموقف ده بصحيح كنت هتهرب واقول اه ياااااااااااروكبى

معقولة اسيبك انت وهبة كدة واتحجج بركبى لا والف لا انا فداكم يا بنات

اخرجى بقى يا بدرية من شد الاعصاب ده قبل ما نوشة تقع مننا من الخوف والجماعة بتوعها منخلصوش منهم

كمان كدة هبة من الهفتان بتاعها هتخلص على اكل الرحلة كله وبعد كدة هنبقى كلنا فى الطراوة لا اكل ولا ميه

يا ام كوك دايت انتى يا لزيز يا رايق

امانى

تم تعديل 2 مايو 2008 بواسطة امانى