رأيى بالحزب الوطنى

[sheriefm]

رأيى بالحزب الوطنى بأنه حزب البلطجيه وأصحاب السلطه الا عاوز فى بلدنا يمشى اموروه يبقى حزب وطنى

عاوز تخلص مصلحه ومش عارف تبقى لازم تكون حزب وطنى وبشبه بحزب البعث العراقى أيام صدام

مش عارف بلدنا ليه مبتنهضش مبتتقدمش مبتنموش زى الدول الأخرى اكتشفت أن الحزب الا بيحكمنا حزب

فاسد واعضاء فاسد ين ميهمهومش المواطن مصلحتك ثم مصلحتك وبس ومفيش مانع نبقى نرمى حاجه

للشعب والشعب بتاعنا طيب نوعده شويه وعود وخلاص بلاش وجع راس من وانا طفل صغير اسمع الريس

يقول مناخ التنميه والاستقرار وفرص العمل والبطاله خفضو عدد السكان ميعرفش ان عدد السكان ممكن يكون

ثروه قوميه وجزب استثمارات وهنسد ديون مصر وفى الاخر اكتشفت اننا عريانين على الاخر

مديونين وعلينا ديون والبطاله كترت والجوع زاد والفقر وتعليم سىء وخدمات صحيه سيئه والشرطه بدل ما بتخدم

الشعب صار الشعب يخاف منها مش يحترمها زاد الفساد والرشوه متعرفش تعمل حاجه فى مصر الا لما تدفع

فى المرور فى اقسام البوليس حتى تصاريح العمل فى المستشفى تحجز شقه تخلص اى رخصه رشاوى بالهبل

دى بقى مصر الاانا شيفها سوداء كاليل المظلم وعلى فكره انا بحب مصر قوى علشان محدش يقول بيكره مصر

[se_ Elsyed]

مش عارف بلدنا ليه مبتنهضش مبتتقدمش مبتنموش زى الدول الأخرى اكتشفت أن الحزب الا بيحكمنا حزب

مافيش بلد بتنهض كده توماتيكي توماتيكي

فلطول ما الشعب نايم وساكت ومتغطي أحسن يستهوا .. وبياخد على دماغه ويسكت ... يبقى التقدم هايجيله منين ؟

أي حاكم في الدنيا يتمنى يكون ديكتاتور ويعمل ما بداله ولا حد يقول له جاي منين ولا رايح فين

لكن الشعوب القوية التي تُحاسب حكامها وتعلقهم من رموشهم على باب زويله لو اخطاءوا هما دول اللي بيتقدموا وهما دول اللي حكامهم بيحترموهم ويخافوا منهم

اما الشعب اللي بيُقتل الآلاف منه على يد الحاكم بأمره

واللي ثرواتهم بتتنهب وتتحول بره

واللي ما بقاش لاقي رغيف العيش ياكله

ومع ذلك ده على قلبه زي العسل وضرب الحبيب زي أكل الزبيب ...

يبقى الصنف الأخراني ده التقدم هايجيله منين ؟

دول بالكتير يجيلهم إنفلونزا طيور

يجيلهم المرض البطال

إنما تقدم ... ما أعطلكش

[حلواني]

السلام عليكم

انا مش ها قول رأي في الحزب الوطني ولا غيرة انا هاتكلم عن حال الشعب المصري واللي جراله من وجهه نظري ومن خلال معايشتي كل اجازه بنزلها لمصر شهرين كل سنه وبقابل الناس بلاقي ان كتير منهم قوي ميعرفش الحلال والحرام او مش عايز يعرف وعلشان كدا غيرو المسميات ولم يعد احد يسمي الاشياء بأسمائها الحقيقيه الرشوه اصبح اسمها اكراميه وهي حلال من وجهه نظر من ياخذها لانها اكراميه مش رشوه . السرقه غيرو اسمها وبقي اسمها تفتيح مخ وبيجيب الحنيه من حنك السبع اقولهم كدا دا حرامي دا بيسرق يقولولي لا دا بيكلفت الزبون . النصب بقي اسمه فهلوه وحدقه وشطاره اقولهم دا اللي يعمل كدا يبقي نصاب يقولوي لالا دا ولد فهلوي . احكيلكو موقف حصل معايا كنت جالس مع بعض الزملاء المدرسين الافاضل وبعديين لاقتهم بيقنعو واحد فيهم انه كدا سايب حقه وانه المفروض ياخد فلوس من المدرسيين اللي معاه في المدرسه نظير انه سايب لهم فصوله يدرسو فيها خصوصي (( اتاوه يعني )) يقولولي دا حقه ............... كدا حرام يقولولي انت ماتعرفش حاجه هو دا النظام هنا وفيه قناعه تامه ان دا مش حرام . القهوجي عمره ما حسب المشاريب صح لازم يغلط في الحساب بالزائد بس . اشتري كيس فاكهه وروح البيت ها تلاقي معاك كيس تاني لو مغشش في البضاعه ينقص في الوزن ودا مش غش لا دا شطاره وجدعنه وقرطس الزبون يا معلم

يعني بالمختصر المفيد الشعب كمان جزء كبير منه فسد للاسف

للحديث بقيه اذا احيانا المولي