استفسار عن سوق العمل بالكويت بالنسبة للحاسب الآلي

[behappy]

مساء الخير

لو حد بيشتغل في دولة الكويت ممكن يطلعني اي المجالات مطلوبة بكثرة و طبيعة ساعات العمل و الرواتب وهل تتوافر فرصة للمقيمين في التعيينات الحكومية ام لا و كيفية التقديم و اي معلومات أخرى عن سوق العمل بالنسبة لمهندسي الحاسب الألي وشكرا

[behappy]

ايه دا هو مافيش ناس مقيمة في الكويت ولا ايه !!

[HDarwish]

أستاذ / كن سعيد

للأسف مجال الكمبيوتر هنا تقدر تقول إنه إتشبع بالهنود وإن المجال نفسه الوقتي صعب تحصل شغل فيه بسهولة زي ما انت متخيل

بس لو لقيت بتبقى فرصة صح بتبقى رواتبها حولة وبيعطيك Benifit كويس

أنا أعرف زميل ليا كتير معاهم هندسة كمبيوتر وبالعافية على اما اشتغلوا برغم انهم معاهم اقامة وخبرة وكل شيء تمام

على العموم مش عايز أعملك حالة إحباط بس عندك مواقع التوظيف ووزع السيرة الذاتية تبعك وإنشاء الله ربنا هيوفقك

بس نصيحة .. إوعى تيجي على فيزا حرة .. وتقولي إنك الواد اللي مافيش حد زيه وهتيجي تكسر الدنيا والكلام الجامد ده

لو جيت تيجي على شغل أحسن هتتعب قوي وبرضه مش عايز أسمعك تقولي ما فيش مشكلة أنا مستعد للتعب لإننا كلنا كنا بنقول كده أنا عايز أتعب بس إنت هات التعب وما لكشي دعوة (دا أنا أنحت في الصخر من اللي شوفته في مصر) لما تشوف الوضع هنا صدقني الكلام ده كله هيتغير.

معليشي بعدت شوية عن اسئلتك

لو حد بيشتغل في دولة الكويت ممكن يطلعني اي المجالات مطلوبة بكثرة و طبيعة ساعات العمل و الرواتب وهل تتوافر فرصة للمقيمين في التعيينات الحكومية ام لا و كيفية التقديم و اي معلومات أخرى عن سوق العمل بالنسبة لمهندسي الحاسب الألي وشكرا

في مجال الكمبيوتر أكثر مجال مطلوب الوقتي البرمجة والشبكات (راتب عالي) - الصيانة (راتبها قليل) - الجرافيك (راتب قليل بس مطلوبة كتير)

طبيعة ساعات العمل

دوام كامل (من الساعة التاسعة إلى الواحدة ظهرا ثم من الساعة الرابعة إلى التاسعة أو العاشرة والنصف حسب المكان اللي بتشتغل فيه)

أو (من الساعة الثامنة صباحا إلى الساعة الرابعة أو الخامسة مساءا)

التعيينات الحكومة بتحتاج وسطة وشغل من تحت الطربيزة

تمنياتي لك بالتوفيق .. وأرجو ألا أكون أحبطك فهذه هي الصورة الحالية دون مبالغة

[behappy]

الأستلذ درويش متشكرين جدا لاهنمامك و على فكرة هي الأخت كن سعيدا و مافيش فبزا ولا حاجة انا مقيمة مع زوجي و باسأل لأني سمعت كده موضوع التشبع بالهنود دا و طبعا دا منزل الرواتب و باسأل عن الحكومة بالذات علشان انا مش ممكن اشتغل فترتين

طيب عند حضرتك فكرة عن التخصصات في الشبكات والبرمجة دي تبقى في اي شهادات بالظبط لأن المجال نفسه متشعب جدا يعني ORACLE OR MICROSFT /CICSO

كده يعني و معلش بقى حضرتك تقصد رواتب عالية او متوسطة او قليلة دي يعني كام باظبط

وحضرتك ما احبطتنيش ولا حاجة انا شايفة الوضع و محبطة لوحدي

تقلت على حضرتك بس انت الوحيد الي رديت علي و شكرا ليك كتير

تم تعديل 1 مايو 2008 بواسطة behappy

[HDarwish]

الأخت كن سعيدا

آسف إني إتأخرت عليكي في الرد بس ظروف العمل كانت صعبة شوية اليومين اللي فاتم ..

أولاً: تمنياتي لكي بالتوفيق وأنا مقدر جدا كونك مقيمة مع زوجك هنا في الكويت يخلي الحاجة للعمل مهم جدا من ناحيتين أولا المساهمة والمشاركة في أعباء الحياة واللي هيا مرتفعة الثمن بحالها هنا في الكويت (كفاية إيجار السكن) والناحية الثانية هي إن الزوجة بتمل من القعدة في البيت طول النهار (إسال مجرب) كانت معايا المدام هنا وحاولنا بجميع الطرق إنها تحصل على وظيفة (طبيبة) لكن للاسف ما لهاش نصيب.

باييني خرجت عن الموضوع ..

موضوع العمل في الحكومة ده عايز وسطة وتكون وسطة كويسة ومش لعب عيال يا إما الحظ يلعب دوره وده إحتمال ضعيف لكن ما فيش مانع لو إنك قدمتي الورق مش هتخسري حاجة (ممكن وزارة التربية - عند دوار العظام بالشويخ) وطبعا لازم التقدير ما يقلش عن جيد وخبرة مش عارف كام بالتحديد

لو عايزة نصيحتي ..

أقدمي في المدارس الخاصة أو المعاهد الأهلية

أنا اشتغلت فترة ICDL Instructor وشغلها كويس ممكن تاخدي فترة صباحية بس أو فترة مسائية وبيكون راتبها مجزي يعني حد أدنى 250 دينار حسب كفاءة المعهد أو المدرسة

بالنسبة للشبكات والبرمجة ..

فعلا إنتي ذكرتي أحسن مجالين مطلوبين ورواتبهم فيها كويسة وهي الأوراكل و السيسكو

بس طبعا دول تكاليف دراستهم عالية لو مادرستهمش من البداية وبالذات هنا في الكويت لإني كنت اسمع في معاهد زي هيومان سوفت ونيورايزن بتتكلف الأوراكل حوالي 1750 د.ك إلى 2.500 د.ك والسيسكو قريب برضه من الرقم ده

ورواتبهم بتبدأ من 400 دينار شهريا

رواتب قليلة تبدأ من المائتين دينار ومتوسطة من 400 وعالية 600 فيما فوق .. والله أعلم

تمنياتي بالتوفيق وحياة سعيدة

[behappy]

للمرة التانية أشكرك جدا على كلامك و هاحاول في موضوع المعاهد بس طبعا لازم في الأول انا اعمل الشهادة دي والا مش هينفع المشكلة اني بطلت شغل من فترة و طبعا في المجال دا الواحد عايز يعمل محو امية من جديد علشان كده انا باسأل ابتدي في ايه ياللا ربنا يوفق الجميع و يوفق حضرتك و مرسييييييييي جدا لك