رباعيات هشام الجنيدى ...... الجديده قوى

[هشام الجنيدى]

مالك يا صاحبى ف وشك كآبة

وشمسك داريتها غمامة وسحابة

تعب قلبى قال من شرور البشر..

دى مبقتش دنيا .... ولاحتى غابة

الورد فتّح بعد طول انتظار

والبيضة فقست فرخ عصفور وطار

ادى الجمال الحق مش رسم الورق

داللى خلق ... ابدع من اللى استعار

عشانك هويت النجوم والقمر

وحبيت غنا الطير فحضن الشجر

وحبيت اشوفك لقيتك بعييييييد

وبينا وبين بعض سكة سفر

جوة المتاهة ياما ضل الناس

صاحب سعادة ومال وصاحب فاس

واللى نجا منهم اللى شاف النور

وعشان تشوفه لابد ترمى الكاس

قاللك لابد تموت عشان تكتشف

وتشوف حجات ليك بس راح تنكشف

ياخوفى يابا م اللى ممكن يكون...

قال لو عليك هدمتك ليه م العيون تنكسف

بحبك يا رب وبحب النبى

واحب اللى حبك ولو اجنبى

وبكره فنفسى سعات المعاصى

عشان وقتها ببقا انسان غبى

ازيكو يا جماعة والله و حشتوووووووووووووونى قوى بس اعمل ايه مكنتش مفكر انى هنشغل للدرجة دى اتارى الحياه صعبة وانا كنت نايم

تم تعديل 29 أبريل 2008 بواسطة هشام الجنيدى

[مهيب]

يا نهار أبيض يا هشام .. لك وحشة والله .. ووحشتنا رباعياتك جدا .. الحمدلله على السلامة ... و لى عودة للتعليق على الرباعيات.

مهيب

[shahd]

هشااااااااااام دشليوووووووووووون حمدالله على السلامة

رباعيات اكثر من رائعه صح لسانك .. وعود احمد اخي العزيز

مالك يا صاحبى ف وشك كآبة

وشمسك داريتها غمامة وسحابة

تعب قلبى قال من شرور البشر..

دى مبقتش دنيا .... ولاحتى غابة

الورد فتّح بعد طول انتظار

والبيضة فقست فرخ عصفور وطار

ادى الجمال الحق مش رسم الورق

داللى خلق ... ابدع من اللى استعار

عشانك هويت النجوم والقمر

وحبيت غنا الطير فحضن الشجر

وحبيت اشوفك لقيتك بعييييييد

وبينا وبين بعض سكة سفر

جوة المتاهة ياما ضل الناس

صاحب سعادة ومال وصاحب فاس

واللى نجا منهم اللى شاف النور

وعشان تشوفه لابد ترمى الكاس

قاللك لابد تموت عشان تكتشف

وتشوف حجات ليك بس راح تنكشف

ياخوفى يابا م اللى ممكن يكون...

قال لو عليك هدمتك ليه م العيون تنكسف

بحبك يا رب وبحب النبى

واحب اللى حبك ولو اجنبى

وبكره فنفسى سعات المعاصى

عشان وقتها ببقا انسان غبى

ازيكو يا جماعة والله و حشتوووووووووووووونى قوى بس اعمل ايه مكنتش مفكر انى هنشغل للدرجة دى اتارى الحياه صعبة وانا كنت نايم

[bentmasria]

فينك يا صاحبى واحشنى طال الغياب والسفر

فينها ليالى الغنا والشعر ويا القمر

وكلامك اللى يخلى ليل السهارى سمر

ارجع يا صاحبى لناسك واضرب معانا الوتر

هنا محتاجين احساسك يهز قلب البشر

وحشتنى يا صاحب الرباعيات الراقى الاصيل الجميل دكتور هشام كن معنا دائما يا صديقى فنحن نفتقد قلبك وقلمك الرائعين

البنت المصرية

[مصري جدا]

الحمد لله واحة الشعر كل يوم تأتي بأفضل ثمارها ......لم أسعد بقراءة الرباعيات السابقه ولكني سأصل لها .......مرحبا بك ورجاء لا تبتعد ثانيا فتحرمنا من جمال ورقة كلماتك