نشرة الاخبار سنة 2058 بين الواقعية والخيال

[عادل عبدة]

السلام عليكم

هذا هو موضوعي الاول

اتمني ان ينال اعجابكم

فية ناس كتير بتتفائل بالمستقبل

وفية ناس بتتشائم من الي ممكن يحصل

وفية ناس (وانا منهم)شايفين بكرة اسود من قرن الخروب

ودة مش لعيب فيهم ولا لانهم سوداوين بطبعهم

ولكن لان بكرة دة هو انعكاس لواقعنا المرير

ومن المنطلق دة هنتخيل سويا ماذا قد تكون علية نشرة الاخبار سنة 2058

يعني بعد 50 سنة

تفتكروا هتكون ازاي

انا وضعت تصور

يمكن يكون ماسوي او واقعي هسيب الحكم ليكم

نشرة الاخبار سنة 2058

هاي افري بدي

ئام الريس تامر هيثم جمال مبارك النهاردة بفتح المرحلة ال31من كبري 6 اكتوبر الوصلة بين دريم لاند والكزندرية

وكان معاة ولي عهدة وائل تامر والريس خد معاة المشير هبيب الادلي وزير الداخلية وكمال الشزلي ريس البلاط الجمهوري

وسرح الريس بعد الزيارة وقال انة مش ممكن ابدا يغير اسم الكبري لان 6 اكتوبر هيفضل علامة كبيرة قوي في مصر لان هو دة اليوم اللي مصر وصلت فية ل كاس العالم 2032

ومن ناحية تانية عمل مجلس البشر المصري قعدة تاريخية وافق فيها علي كل اللي قال علية الريس

وهو

1- تغير الاسم البلدي جمهورية مصر العربية لاسم تاني شيك وارجنال

بيناسب اليومين دول والاسم الي اختارة الريس تفتكرو اية

الجمهوملكية المباركية الرقصمالية

2- تغير الوان العلم من الالوان البيئة الي السيمون والاورانج والفوشيا واي لون تاني وكل واحد وعلي حسب استايلة

3- تغير النسر ولا الصقر ابو جناحات دة الي الصاجات وتغير النشيد الوطني لاغنية روشة طحن

4- اصدار انون العيب في الذات المباركية يعني اي حد هيلسن علي حد من عيلة مبارك هيتخزوء

5- الموفئة علي اتفاق الرجالة اللي حصل بين الريس وريس اسرائيل علي ئسمة مية النيل بالنص بين البلدين الي اكتر من الخوات

4- اصدار انون تاني *****اي حد هيلسن علي اسرائيل ولو في سرة او انة يكرر الكلام البايخ عن العداوة الئديمة الي كانت بينا وبينهم الكلام دة بح خلاص احنا دلوقتي سمن علي عسل

5- الموافئة علي بيع ذا سويس كنال لمجموعة دولية

والمجلس بالصلا علي النبي وافق بالاجماع الا ئلة ئليلة الي هم بتوع المحظورة والريس امر *****

والريس ئال ئوالة تاريخية برضك عن ان احنا خلاص عدينا 50 في المية من عنئ الازازة وفاضل 50 يعدوا انشاء الله

ودلوقتي هنئلكم علي الي بيحصل في الميدل ايست

واحد انتحاري ابن *****فجر نفسة وسط عساكر امريكان في بغداد *****غار في ستين داهية والامريكان الابريا 5اتعورو وواحد منهم استشهد

دة في الوئت الي بيئول فية الريس الامريكاني انة خلاص هيسيب العراء وسورية بعد ما يدمن ان الجمهوريات العرائية والسورية هتئدر تحمي نفسها من جيرانها ودة بعد حوالي من 20 ل30 سنة بس

وفي اسرائيل ئام مجموعة من الي بيئولو علي نفسم فلستنية بالانتفادة ال14 وحجتهم المرادي قال اية اسرائيل هدمت اسمة اية دة الجامع الاقصي وئالت زهوة عرفات الريسة بتاعتهم ان مفيش تنازل عن شرت انسحاب اسرائيل الي ختوت

12 12 2055 وئقامة الدولة الفلستنية المستئلة علي جزيرة في البحر الميت

اما عن لبنان فمجلس النواب لسة في اجتماع مئفول من 6 اشهر

عشان يختاروا ريس للبلد وزي محنا عارفين ان المشكل دة ائئدم مشكل في العالم لانة بدي سنة 2007

وفي دول السوادنين قامت النهاردة عركة كبيرة قوي بين دولة شمال السودان ودولة دارفور والعركة كبرت ودخل فيها باقي الدول السودانية

وفي الجمعة الاربية عملوا ميتنج كبيرة قوي النهاردة قعد فيها كل الملوك والامراء والرويسا العرب وئررو شوية ئررات مهمة ئوي خالص

1- شجب الاعتداء الغشيم الي ئام بية الفلستنية الخونة علي اخواتنا وحبايبنا الاسرائلية

2- ادانة الحادثة الفظيعة الي حصلت في بغداد و ئام الملوك باداء صلاة الغايب علي روح الشهيد الامريكاني

3- استنكار الاعتداء الي قام بية شمال السودان علي دارفور وتجديد الاعتراف بدولة دارفور

4- التنديد بالمعارضة اللبنانية وتشيلها الليلة في حكاية عدم انتخاب الريس رغم ان اتعرض عليهم ميت واحد من ترف امريكا و50 من ترف فرنسا

وبعد شوية هنئلكم علي اخبار الفن والريادة والفاشون والميكب والبيزنس

ابئو استنونا

باي باي

اورفوار افري بدي

انا اسف علي اللغةالركيكةالمستخدمة لكن دة انعكاس للغتنا المستخدمة بيننا الان ولا اعلم الي اين يقودنا المستقبل

اخيرا ارجو الاشتراك في التصويت

ولكم مني جزيل الشكر

تم تعديل 9 مايو 2008 بواسطة أسد
حذف بعض الألفاظ لخروجها عن الحدود المتعارف عليها

[عادل عبدة]

السلام عليكم

نسبة مشاهدة هذا الموضوع للان 63 مشاهدة

ولا رد واحد

ومش عارف ولا فاهم لية

هل لاني عضو جديد فلا احد يهتم بة

هل الموضوع سخيف الي هذة الدرجة فلا يستحق التعليق

هل كتبتة باسلوب سيئ

هل وضعتة في المكان الخطا

المسالة ليست استجداء ردود

ولكن كنت اتمني ان يرد احد ويقول ان موضوعك سيئ

او ان يناقشني اخر لماذا هذة النظرة التشائمية

اعتقد ان هذة الموضوع يستحق نظرة اخري

حتي الاستفتاء لم يشترك بة احد !!!!

اتمني ان اجد اجابة

[badroora]

الموضوع ظريف ...بس في بعض الالفاظ عاوزة شوية تعديل ...........

انا اخترت اول اختيار اللى هو مستحيل يحصل .....لانى عندي امل كبير فى بكرة و ان الاحوال هتتغير وهتتحسن ان شاء الله

على فكرة ان لسه شايفة الموضوع دا دلوقتى فأكيد فى ناس كتير مش اخدت بالها مش مسألة طناش ولا جديد ولا قديم ولا حاجة .

يلا بداية موفقة ان شاء الله ......واهلا وسهلا بحضرتك ... :wub: