ماتدفعش رشوة

[أسد]

بصراحة الموضوع مشكلة !

انا ضميري بيتألم كل مرة اضطر فيها لدفع رشوة ومش عارف فعلا أعمل ايه ؟

لكن اعتقد ان على المرء ان تيبع الطرق الشرعية أولا حتى تقفل في وجهه تماما ..

على شرط أن يكون الأمر حق من حقوقه وليس اعتداء على حق يمنعه القانون أو الشرع ..

وساعتها اكون مضطر لدفع الرشوة ...

لكن ضميري لا يكون في كل الاحوال مستريح ..

منهم لله

شوف حضرتك

أنا متأكد مليون في المية ..

إنك لو مش عايز تدفع رشوة ..

مش حتدفع رشوة ..

ولو بتقضي أي مصلحة .. وورقك سليم وكامل .. ومطالبك قانونية ..

سهل جداً إنك ماتدفعش رشوة ..

تقدر تدخل لمدير المصلحة ..

وتقدر تبلغ لو حد مارس عليك ضغط ...

تقدر تعمل حاجات كتير لو انت عايز ...

بس ماتدفعش رشوة ..

أرجوك ..

إبدأ معانا ..

[ام مازن]

لازم نحاول نكسر الدايرة الي احنا بنلف فيها"

حتى لو انا باقضي 5 مصالح , احاول اقضي 4 من غير ما ادفع رشوة

الاساس اني مادفعش رشوة الا في اضيق الحدود , يعني مش لازم افترض ان المصلحة مش هاتقضي الا بالفلوس

[أسد]

لازم نحاول نكسر الدايرة الي احنا بنلف فيها"

حتى لو انا باقضي 5 مصالح , احاول اقضي 4 من غير ما ادفع رشوة

الاساس اني مادفعش رشوة الا في اضيق الحدود , يعني مش لازم افترض ان المصلحة مش هاتقضي الا بالفلوس

الله ينور عليكي

الكلام ده صحيح ..

لو أنا شلت من دماغي حكاية ان مفيش حاجة بتمشي غير بالرشوة .. مش حادفع رشوة ..

فكر .. صمم .. حاول ..

جرب .. وتأكد انك حتنجح

[ELSHAMY]

لازم نحاول نكسر الدايرة الي احنا بنلف فيها"

حتى لو انا باقضي 5 مصالح , احاول اقضي 4 من غير ما ادفع رشوة

الاساس اني مادفعش رشوة الا في اضيق الحدود , يعني مش لازم افترض ان المصلحة مش هاتقضي الا بالفلوس

الله ينور عليكي

الكلام ده صحيح ..

لو أنا شلت من دماغي حكاية ان مفيش حاجة بتمشي غير بالرشوة .. مش حادفع رشوة ..

فكر .. صمم .. حاول ..

جرب .. وتأكد انك حتنجح

أخى اسد

فيه كمان بعد جديد بعد القرارات الاقتصادية الجديدة ان الناس مش حيكون عندها فلوس تدفع رشوة.... ..

[ام مازن]

اشمعنى الرشوة اللي هي محرمة شرعا و قانونا كلنا بنحاول نبررها في عقلنا الباطن(بما فيهم انا)

تبرير من نوعية.. ماهو اصل الموظف غلبان و محتاج ,اصل مافيش حاجة حاتقضي من غيرها (من غير حتى ماحاول)

هو من امتى اختيار السلوك الصح بيكون سهل, اعتقد دا احسن مثال لجهاد النفس

ملحوظة 1 : انا هنا باحاول اكلم نفسي بصوت عالي لاني برضة باحاول اتخيل اد اية التطبيق مش هايكون حاجة سهلة

اقتراح : ممكن كل مرة هاقضي مصلحة والفلوس اللي وفرتها في عدم دفع رشوة ممكن اتصدق بيها مادام طلعت من ذمتي , بس في الحالة دي انا هاكون ضامنة (ان شاء الله) ان الفلوس راحت لشخص محتاج و متعفف و امين

[ام مازن]

يا ترى في حد حاول يقضي مصلحة من غير رشوة و الا لسة؟؟

[مسلم من مصر]

السلام عليكم ورحمة الله وبركاته..

جزى الله خيرا كل من قال كلمة حق في هذا الموضوع؛ وأخص بالذكر الأخ الذي دعا إلى هذا الخير..

وأريد أن أذكركم بأمر هام..

استعينوا بالله واصبروا، وسلوا الله حاجاتكم كلها فإنه إن لم ييسرها لم تتيسر..

ما يمنعك قبل أن تذهب لقضاء حاجة من حاجاتك في أحد المصالح الحكومية؛ ما يمنعك أن تدعو الله وتسأله بصدق أن ييسر لك قضاءها وأن يقيك شر المرتشين؟

ما يمنعك أن تُذَكـِّر هذا الموظف بالله سبحانه وتعالى؟

فإذا قدر الله تعسر هذا الأمر فاجتهد أكثر في الدعاء واستعن بالله وتوكل عليه وابدأ في اتخاذ الإجراءات المناسبة من شكوى أو بلاغ أو غير ذلك؛ ولا مانع من استشارة من له خبرة بقواعد العمل والقوانين المنظمة له؛ فمن القوانين المعمول بها في بلادنا ما لا يخالف شرع الله وقد وضع أصلا لإعطاء الحقوق لأصحابها فلماذا لا نستغلها من أجل الحصول على حقوقنا؟

جزاكم الله خيرا..

رزقني الله وإياكم الإخلاص وهدانا الصراط المستقيم..

[محمد عبدالعزيز]

يا ترى في حد حاول يقضي مصلحة من غير رشوة و الا لسة؟؟

أنا طلعت شهادة ميلاد ابنى من غير رشوة والحمد لله

وحالياً بعمل تعديل فى بطاقة الرقم القومى, الحمد لله لغاية دلوقتى من غير ولا مليم رشوة

بس لسه موعد الاستلام الأسبوع القادم

دعواتكم

[number]

يا أستاذنا الفاضل سوبر مشرفنا الفاضل

ازاي بس كدة وكلية الشرطة اللى هيه مسؤولة على كدة اللى يدفع اكتر هيبقى ضابط في الشرطة

وكمان بتوع المرور عينك عينك وبيطلبه منك تدفع فلوس وحصل معايا كتير

وازاي بس منتفعش رشوة وكل البلد ماشيه بالرشوة من اكبر واحد في الحكومة الى اصغر واحد علشان نخلص حاجاتنا الواحد بيروح اي مصلحه حكومة ولو مفيش رشوة متعرفش تخلص أمورك

الحكومة خدت رشوة علشان تساعد على حرب العراق

الحكومة خدت رشوة وبتاخد علشان الغاز بتاع رايح اسرائيل

الحكومة بتاخد رشوة علشان تنفذ اوامر اليهود وامريكيا

ونقول حسبنا الله ونعم الوكيل

والميعاد يوم الحساب أمام رب العباد

[محمد عبدالعزيز]

الحمد لله

استلمت بطاقة الرقم القومى من غير ولا مليم رشوة.

أى نعم اتسلقت فى الشمس شوية ودوخت فى المواصلات شويتين, بس الحمد لله من غير ولا مليم رشوة.

[Girl With Broken Smile]

كلامك كله صح وسليم ... والمفروض يتطبق ... حتى لو كانت الظروف ضغط وظلم وغيره ... بس ده ابتلاء وربنا بيمتحنا وعلينا اننا نصبر او عالاقل نيجي على نفسنا عشان اجيالنا اللي جاية .... تقبل مروري

[ام مازن]

ياريت كل واحد قضى مصلحة لية يسجل مرور هنا و يحكلنا تجربتة .. و دة لاثبات ان ممكن في مصالح ممكن تتقضي من غير رشوة و لتشجيع بعضنا البعض لعمل الصح

ممكن بردة نعمل دليل(فهرس) للاماكن اللي ممكن نقضي فيها مصلحة من غير رشوة .. يعني مثلا من خلال الموضوع دة عرفنا ان بطاقة الرقم القومي و شهادات الميلاد ممكن تتطلع من غير رشوة ....

[م بـدران]

إقتباس(واثق الخطوة @ May 14 2008, 06:38 PM)

بصراحة الموضوع مشكلة !

انا ضميري بيتألم كل مرة اضطر فيها لدفع رشوة ومش عارف فعلا أعمل ايه ؟

لكن اعتقد ان على المرء ان تيبع الطرق الشرعية أولا حتى تقفل في وجهه تماما ..

على شرط أن يكون الأمر حق من حقوقه وليس اعتداء على حق يمنعه القانون أو الشرع ..

وساعتها اكون مضطر لدفع الرشوة ...

لكن ضميري لا يكون في كل الاحوال مستريح ..

منهم لله

شوف حضرتك

أنا متأكد مليون في المية ..

إنك لو مش عايز تدفع رشوة ..

مش حتدفع رشوة ..

ولو بتقضي أي مصلحة .. وورقك سليم وكامل .. ومطالبك قانونية ..

سهل جداً إنك ماتدفعش رشوة ..

تقدر تدخل لمدير المصلحة ..

وتقدر تبلغ لو حد مارس عليك ضغط ...

تقدر تعمل حاجات كتير لو انت عايز ...

بس ماتدفعش رشوة ..

أوافقك تماما

مثلا مدير قسم معين في أي مصلحه قدم له مواطن طلب معين ومعرفش الآليه الإدارية التي

ينفذ بها ذلك الطلب يا ترى أيه هيه أول حاجه المواطن هيعملها أو هيفكر فيها ..؟؟

شوف أنا بقول مدير قسم مش موظف عادي ..

أنا حصل معايا الموقف داه وكان بسبب نشاط إستثماري صناعي وكنت عايز أستبدل خطاب ضمان

بنكي بخطاب ضمان بنكي آخر بنفس الشروط وبنفس المبلغ وبنفس المدة الزمنية

واصطدمت بمديرة قسم المالية اللي بعتـتني إلى قسم إداري آخر في هيئة التنمية الصناعية والطريف

إن هذا القسم لا يتعامل في الأصل مع الجمهور .. طبعا الموضوع داه خد يوم بحاله

اليوم التاني رجعت فيه لنفس المديره وقلتلها اللي حصل معايا فبعتـتني لموظفة تعمل تحت سلطتها

في نفس القسم .. شوف أنت بقى لما مديرة القسم تبـعتني لموظفه تعمل لها في نفس القسم ..

طبعا نزلت بكل ورقي وحالي للموظفة اللي قامت هي الأخرى بتحويلي لمديرة القسم مره أخرى ..

لا أنكر مدى العصبية والإنفجار اللي حصلي ساعتها وسبحان ميـن صبرني ساعتها .. المهم

طلعت تاني للست المديرة اللي أعلنت هي الأخرى أن الحل مش بيدها على الرغم إن الملف المطلوب

إستبداله موجود في نفس الغرفة اللي فيه مكتبها والعملية المطلوبه سوف تتم من على الكمبيوتر الي

موجود في نفس الغرفه اللي فيه مكتبها برضه ..

المهم وبعد جدال طويل قالتلي أنزل للموظف اللي أستلم منك خطاب الضمان في البداية ...وفعلا

وانا في طريقي للموظف أبتدت فكرة دفع الرشوه أنها تشعشع في دماغي وأول ما وصلت للموظف

المذكور وعرضت عليه الموقف اللي حصلي ..

لقيته بيقولي هوه أنت عايز تعمل كدا ليه وابتدى يقنعني بفكرة العدول عن هذا الطلب وخليك عاقل

ومتتعبش نفسك ومحدش في الهيئه دي فاهم حاجة وبلدنا دي بتاعت شهدات ..المهم

راودتني فكرة زرع مادة ال C4 في أحد أركان المبنى وافجره بكل اللي فيه ..

وسبحان الله اللي هداني واوقع بصري على مكتب مدير الهيئة وانا في طريقي للخروج من الباب اللي دخلت منه واللي ترجلت ودخلتلوا بعد موقعة كلامية لم تأخذ وقتا طويلا مع سكيرتارية مكتبه ..

دخلت للراجل وحكتله على مشواري مع السلم الوظيفي والروتيني في الهيئه وعن طلبي البسيط والمشروع والحلال إداريا والذي لم يستطع كل الموظفين ومديرين الأقسام والذي يعملون تحت قيادته أن يجدوا له حلا في هيئة موجوده في الأصل لتحل مشاكل المستثمرين وترفع شعار لا للروتين..

وكان التدخل الرئاسي الفيصل الذي قام بالتأشير بقلمه الأحمر وكتب مذكره للست مديرة الماليه

بتنفيذ طلبي ثم قام بلطع ختم النسر الأزرق الذي أنها معاناتي مع هذا الفشل الإداري الذي أصاب

أحد أهم المؤسسات التي تتعامل مع مستثمرين من كل الجنسيات والألوان ..

تم تعديل 22 يناير 2009 بواسطة م بـدران

[newcomer]

كن إيجابياً ..

ماتدفعش رشوة ..

ماتدفش رشوة لأي حد ..

ماتدفعش رشوة تحت أي ضغط ..

ماتدفعش رشوة تحت أي مسمى ...

إرفض أن تدفع رشوة لأي شخص ..

أنت من حقك إنهاء أي إجراء في أي مصلحة حكومية .. من دون أن تدفع رشوة ..

إذا كان ورقك سليم ..

إستنى لبكرة ..

طالب بحقك ..

إدخل للمدير ..

علي صوتك ..

طالب بحقك ..

بس ماتدفعش رشوة ..

ماتدفعش رشوة علشان ربنا قال كده ..

ماتدفعش رشوة .. علشان هو مش من حقه ياخد منك رشوة ..

ماتدفعش رشوة طالما أنت على حق ..

ماتدفعش رشوة .. علشان إبنك مايشوفكش .. ويسألك وماتعرفش ترد عليه ..

ماتدفعش رشوة علشان مستقبل إبنك .. وبنتك ..

ماتدفعش رشوة علشان ربنا يرضى عنك ..

إبدأ بنفسك ..

وانشر الدعوة ..

من حقنا أن نرفع صوتنا .. ونقول ..

مش حندفع رشوة خلاص ..

ياسلااااااااااام يا استاذ اسد

اهى دى خطوة فى محاربة الفساد

و بالنسبة لى حكاية الامتناع عن دفع الرشوة

على قد ما بقدر

باشوفها باب فى جهاد النفس

اللهم اعننا على انفسنا....

[أسد]

تجديد الدعوة

حتى لا ننسى

[clicknet]

كن إيجابياً ..

الإجماع الشعبي يؤثر ..

الإتحاد قوة ..

الضغط الشعبي يفعل ...

وليكن ..

إعتباراً من أول مايو 2008

ماتدفعش رشوة ..

ماتدفش رشوة لأي حد ..

ماتدفعش رشوة تحت أي ضغط

ماتدفعش رشوة تحت أي مسمى ...

بقشيش ..

قهوة ..

شاي ..

إكرامية ..

وفر فلوسك لعيالك .. وماتدفعش للحرامي رشوة ..

وفر فلوسك لنفسك .. وماتدفعش رشوة...

إرفض أن تدفع رشوة لأي شخص ..

أنت من حقك إنهاء أي إجراء في أي مصلحة حكومية .. من دون أن تدفع رشوة ..

إذا كان ورقك سليم ..

إستنى لبكرة ..

طالب بحقك ..

إدخل للمدير ..

علي صوتك ..

طالب بحقك ..

بس ماتدفعش رشوة ..

ماتدفعش رشوة علشان ربنا قال كده ..

ماتدفعش رشوة .. علشان هو مش من حقه ياخد منك رشوة ..

ماتدفعش رشوة طالما أنت على حق ..

ماتدفعش رشوة .. علشان إبنك مايشوفكش .. ويسألك وماتعرفش ترد عليه ..

ماتدفعش رشوة علشان مستقبل إبنك .. وبنتك ..

ماتدفعش رشوة علشان ربنا يرضى عنك ..

إبدأ بنفسك ..

وانشر الدعوة ..

بعد نجاح الدعوات الإحتجاجية ..

من حقنا أن نرفع صوتنا .. ونقول ..

مش حندفع رشوة خلاص ..

[Amr Radwan]

انا معاكم ..

[الباشمهندس ياسر]

مدتفعش رشوة

طب اخبار الاكراميات ايه؟؟؟

و خصوصا لما تتطلب منك بوش مكشوف اوى

و انت راجل بتستحى انك ترد حد

[لولا]

مدتفعش رشوة

طب اخبار الاكراميات ايه؟؟؟

و خصوصا لما تتطلب منك بوش مكشوف اوى

و انت راجل بتستحى انك ترد حد

فكرتنى بكلمه كل سنه وانت طيب اللى الواحد بيسمعها من اول ما تخطى رجله المطار ..

ولو طنش ...

اتفرج على الشنط اللى بتتفتح وتتقلب بمنتهى الغل والحقد !!!

مرة واحده قالتلى انها اتصلت بتاكسي المدينه وكانت عايزه تروح مشوار مهم ..

بعد ما وصلت ودفعت حسب العداد وبعد ما لف نص البلد عشان يوديها المشوار من غير اى داعى .. قالها " طب مفيش حاجه عشانى !!"

بس عموما .. الرشوة مرفوضه ... حسب الطاقه على مقاومه الخضوع بالإكراه الغير مباشر لدفعها !!

لولا

[Amr Radwan]

بص يا هندسة ...

"الاكرامية " او "الدخان" او "كل سنة و انت طيب يا باشا" او "نورت بلدك يا سعادت البيه" او .. او .. دي كلها احد صور الرشوة المقنعة ... و خاصة و خاصة و خاصة لما تشرف مصر برجليك في المطار و لا المينا .. و المصيبة انك لو فتحت الباب ده لواحد هتلاقيه لم عليك الشلة و كلهم قالولك نفس الجملة ..

بالاضافة اننا لازم نفصل بين الرشوة المغصوب علينا او الشحاته او انك بتحب تكافئ موظف كويس في مطعم ..

يعني انا بالنسبة ليا شخصيا .. بقفل الباب مع الاشكال دي .. انما لو لقيت موظف في مطعم مثلا و خدمني كويس بديله بقشيش من غير ما يقول .. و لو قال ممكن اتراجع في البقشيش ..

حاجة كمان مثلا لو روحت مطعم و جابلي الفاتورة و اديته مبلغ مجمد و لقيته اخد الباقي و اعتبره بقشيش بصر علي اني اخده "غتاتة" لاني بعتبر ان البقشيش ده بيكون نابع من رضا العميل مش "اتاوة" و فرض عليا ..

و برده لما بروح المطار و طبعا بيتلموا علي الركاب زي النمل ..بفضل اني اعمل حاجتي بنفسي يعني اشيل شنطي بنفسي و الا لو كنت مضطر بجهز عملة بسيطة يعني و فكة تحسبا للازمات دي ..

دمتم بود :lol: