كلام الناس

[النيل حبيبي]

صداع مزمن إسمه كلام الناس

البس اللي يعجب الناس

خروج البنت والمطلقه

وطبعاً عارفين حكايه جحا وابنه والللللحمار

هل هي مشكله أم مرض

[badroora]

ثقافة مجتمع ..... وعادات وتقاليد مش اكتر ...

[~Heba~]

النيل حبيبى و حبيبنا كلنا تسلم على الموضوع الجميل

الحكاية ببساطة ان الانسان مش عايش لوحده و ميقدرش يعيش لوحده لازم فيه مجتمع و لازم يراعى شعور المجتمع و قواعده فى حاجات منها اللبس

بالك يعنى لو واحدة هندية و جت اسوان ينفع تمشى بالسارى الهندى و يبقى نص بطنها باينة كده........اه ينفع حنفتكروها سايحة مش اكتر

انما لو جت اسيوط لا يمكن لازم الناس حتتكلم عليها و تشاور عليها تقول شوفوا دى لابسة ايه لانه هنا مفيش سياحة و لا سياح

اما بالنسبة لخروج البنت او المطلقة فهى فعلا زى ما قالت بدرية عادات و تقاليد بتتغير بمرور الوقت و لازم اللى بياخد بزمام المبادرة فى التغيير بياخد حظه من نقد الناس له

[nash]

الكلام ليس فقط موجه ضد المرأة أو الفتاة....الكلام يكون موجه لكل إنسان حتي لو رجل.....

نحن نعيش في مجتمع له عاداته وتقاليده ...ولسنا بمنأي عنه.....وغذا رفضناة فعلينا ان نعتزل هذا المجتمع نهائي....

رسولنا الكريم وجهنا لما فيه الخير لنا ولمجتمعنا....حينما قال صلي الله عليه وسلم....

( اتق الله حيثما كنت، وأتبع السيئة الحسنة تمحها ، وخالق الناس بخلق حسن ) . رواه الترمذي وقال: حديث حسن .

أظن بعد هذا الحديث وإذا ماقمنا بإتباعه لن يجد الأخرون كلام يقولونه عنا.....

[رمضان]

الكلام ليس فقط موجه ضد المرأة أو الفتاة....الكلام يكون موجه لكل إنسان حتي لو رجل.....

نحن نعيش في مجتمع له عاداته وتقاليده ...ولسنا بمنأي عنه.....وغذا رفضناة فعلينا ان نعتزل هذا المجتمع نهائي....

رسولنا الكريم وجهنا لما فيه الخير لنا ولمجتمعنا....حينما قال صلي الله عليه وسلم....

( اتق الله حيثما كنت، وأتبع السيئة الحسنة تمحها ، وخالق الناس بخلق حسن ) . رواه الترمذي وقال: حديث حسن .

أظن بعد هذا الحديث وإذا ماقمنا بإتباعه لن يجد الأخرون كلام يقولونه عنا.....

ما هيه بقى العادات والتقاليد دي اللي بتوجه كل الكلام للمرأة

وطبعا الكلام اللي بيتقال معروف ( الراجل ما يعيبوش حاجة ) وطبعا كلنا كرجالة اتربينا على كده وافتكرنا ان كل حاجة لينا حلال وبالفعل لو أخطأ الرجل والناس كلها عرفت ممكن تاني يوم يتقدم لاي واحدة واهلها يقبلوه ، لكن بقى البنت لو غلطت المجتمع كله بيرفضها حتى لو الكل عارف انها مظلومة.

في حالة الطلاف مثلا ابسط شيء بيتقال هوه جوزها سابها ليه وعمرهم ما بيقولوا هيه سابته ليه ولو طلع الغلط عليه يبقى برده هيه اللي غلطانة لان على حسب كلامهم الرجل ما يعيبوش حاجة

[النيل حبيبي]

كلام الناس ممكن يكون مرض

يعني أفراحنا بنعمل حساب كلام الناس

حتي أحزاننا بنعمل حساب كلام الناس

الفقير بيعمل حساب كلام الناس

[Nina Hussien]

شخصيا مقتنعة جدا بمقولة " كلام الناس لا بيقدم و لا يأخر ... كلام الناس ملامة و غيرة مش أكثر "

كل يوم تثبت لي هذه المقولة صحتها ... اللي يمشي ورا كلام الناس يستاهل اللي يجرى له ...

شخصيا لا أعير كلام الناس اهتمام و لا أعتقد في العادات و التقاليد لان لكل كيلو متر في مصر عادات و تقاليد مختلفة ... أمشي على مين فيهم بقى !!!

بيني و بين الناس حد الله ... من يعترض على شيء يأتيني بحرمانيته أو تحليله انما كلام سيتي و جدي لا أستطيع تطبيقه في قرن و ظروف مختلفة ... ثم من قال ان كل كلامهو كان صح !!!

[النيل حبيبي]

شكراً علي ردك الصريح لإن كلام الناس مرض مش حنخلص منه في مصرنا المحروسه