مبروك فوز الإتحاد السكندري على الأهلي بطل الدوري 2 \ صفر بجدارة

[kokomen]

في وسط ذهول الجميع لعب نادي الإتحاد السكندري أفضل مبارياته في القاهرة

وهزم الأهلي بطل الدوري 2 \ صفر وهو فوز مستحق ويعزز بقاء الإتحاد في الدوري الممتاز

بعد شبح الهبوط الذي لازم الفريق لفترة طويلة .... مبروك لأهل إسكندرية على هذا الفوز الكبير

على نادي القرن العريق ... وهي أول هزيمة للأهلي في الدوري وعلى أرضه وبين جمهوره الوفي

إضغط هنا لزيارة موقع مصراوي تحليل للمباراة

:) :lol: wst::

تم تعديل 2 مايو 2008 بواسطة kokomen

[النيل حبيبي]

رغم إني أهلاوي لكن فرحت جداً للإتحاد

الف مبروك وتكون التلات نقط سبب في هروبه من القاع

[م.سامح المصرى]

هههههههههههههههههههههههههه

اتارى ميت عقبة فيها بمب وشخاليل

فرحانين

[se_ Elsyed]

لكن رغم ذلك الإتحاد داخل في 5 سنين بالظبط حالته لا تسُر عدو ولا حبيب وكل مره يا بيصارع الهبوط وبيلعب مباراة فاصلة مع اللي نازل ... يا بيفضل عامل زي الغريق اللي بيقب ويغطس لغاية ما حد ييجي ينقذه .. بالرغم من غنهم بيصرفوا ملايين كل سنة على لاصفقات الجديدة وتسمع الأسامي تقول .. دول خلاص هاينفسوا على الدوري ... إنما تلاقيه وصل الإسبوع الـ 23 يعني 69 نقطة ... لم منهم 22 .... يا نهار أبيض ومش عايزينه ينزل درجة تانية ؟

في حين إن إسكندرية محافظة عريقة ولها تاريخ طوسل ومشرف في كرة القدم

لكن مع ذلك تمر سنوات طويلة جداً بدون ان نرى إسكندراني واحد في المنتخب ........ حتى لو كان مش من أهل إسكندرية

لكن أخر واحد كان اعتقد أحمد الكاس في التسعينات

وده يرجع للخلافات الدائمة في إدارة أنديته سواء الإتحاد أو الأولمبي اللي صاعد السنة دي بإذن الله .... وأستثنيت الكروم لإنه بيطلع وينزل في نفس السنة ونادي إمكانياته ضعيفه وعايش على العنب والبيره ... ... وحرس الحدود لا يعتبر سكندري او نادي جماهيري تنتمي له جماهي عادية ..

ولا أعتقد إن الأخ مصيلحي بتاع الحزب الوطني هو هذا الشخص الذي يعمل لمصلحة النادي أو مصلحة بلده ...

وبصراحة لو الإتحاد عنده إدارة زي نادي سبورتنج أو سموحه .. كان بقى حاجه تانية خالص ...

[Alshiekh]

مبروك للاتحاد السكندرى ( وش واحد بيقولها من غير نفس علشان الاتحاد هو اللى عقده من الكرة واللى بيلعبوا الكورة )

كنت اتحاداوى قديم وصاحبى كان زمالكاوى بس لسه بيشجع الزمالك ، كل اسبوع نبقى متنرفزين ( لان الاثنين دائما يتغلبوا حتى لو بيلعبوا مع بعض ، برضه بيتغلبوا )

فمدام صاحبى فى يوم راحت شاخطة فينا وقالت ،" انتوا مش عارفين تشجعوا نادى بيكسب ، هو انتوا بتيجوا فى وش القرد وتشموا ، دا انتوا حاجة تزهق "

ومن يوميها فوقت لنفسى ، و بطلت اشجع كورة وبقيت اشرب حاجة ساقعة .

[الطيار المصرى]

لقد استحق الاتحاد الفوز بجدارة في المباراة التي جمعت بينه و بين الاهلي....

لم تكن المباراة ذات اهمية للاهلي....و لكنها كانت مبراة عنق زججة بالنسبة للاتحاد....

و انا شايف ان الاتجاه السليم للمباراة....مبروك للاتحاد و ان شاء الله يفضل في الدوري عشان من غيره الدوري مالوش طعم....

و ربنا يكرمه بادارة واعية بدل الهم اللي هو فيه....

تحياتي...

الطيار المصري