كيف تكتب في المنتدي...

[Lancelot]

لاحظت علي مدار مشاركتي هنا في المنتدي ... كثرة الأخطاء الفنية لكتابات الأعضاء ... تلاقي كلام جميل جدا لكن للأسف اللي مبوظه هو الأخطاء الفنية مثل وضع إقتباس خاطئ .. أو صورة مكتوب عنوانها فقط ... و هناك أعضاء من كتر تعبهم في عمل أشياء مثل وضع صورة مثلا ... بيترجعوا عن وضعها :? :? ... و هنا في باب شئون المحاورات تلاقي مواضيع كتير عن إستشارات فنية في كيفية وضع إقتباس أو صورة أو تعديل مداخلة .....

علشان كده فكرت نكتب كل الطرق لعمل أي شئ هنا في المنتدي .... و نضع كل ده في موضوع واحد علشان يكون مرجع للأعضاء الجدد و القدامي علي حد سواء ....

قبل أن نبدأ ... أود أضيف عدة ملاحظات .... أولا الطرق الفنية هنا في المنتدي لإضافة أي شئ أسهل من منتديات عربية كتيرة و يمكن كمان أسهل من منتديات أجنبية .... ثانيا سأقوم بشرح الطرق بالتفصيل الممل شوية علشان يكون الموضوع سهل علي الكل سواء كانوا علي دراية كبيرة أو قليلة بالكومبيوتر أو بعالم المنتديات .... ثالثا هذا الموضوع للشرح فقط و أرجو أن يقوم الأخوة الأعضاء بتجاربهم في موضوع "للتجربة فقط" ... رابعا أرجو من الإدارة تحويل الموضوع للاصق حتي يستفيد الجميع ... خامسا الدرس الأول ببلاش .. جر رجل يعني :twisted: :twisted: و بعد كده الحصة بعشرين جنيه و نقبل دولار و يورو و كرديت كارد و فيزا :D :D ... سادسا نبدأ ....

[Lancelot]

الدرس الأول ....

كيف تكتب مداخلة ....

إذا كنت تكتب مداخلة لأول مرة .... فهذا يهمك ... إذا كتبت قبل كده ... بتقرأ إيه ... إنزل تحت بسرعة ...

هنشرح بسرعة الأجزاء الموجودة في صفحة كتابة مداخلة جديدة ...

Subject ..... يعني العنوان ... لازم تكتب عنوان إذا كنت بتكتب موضوع جديد ... أما إذا كان ده رد علي موضوع موجود أصلا ... فالعنوان إختياري ....

Message Icon ..... أيقونة الرسالة .... الهدف منها إعطاء إيموشن معين منك علي الموضوع .... إختياري سواء في الموضوع الجديد أو الرد علي موضوع موجود .... تظهر بجانب العنوان ...

Message Body .... أهم حاجة ... هتلاقي قدامك شريط أدوات ... فيه زراير طبعا ... بسرعة نشرح كل واحد بيعمل إيه ...

B .... يستخدم لعمل النص تخين Bold....

I ..... يستخدم لعمل النص مائل italic ....

U .... يستخدم لعمل النص تحته خط underline....

Quote ... يستخدم لعمل إقتباس ...

Code..... يستخدم لكتابة كود ... أي كتابة النص بفونط و حجم معين لتميزه عن باقي النص و يستخدمه المبرمجين لكتابة كود برامجهم ... لم أري أحد إستخدمه منذ دخولي المنتدي ....

List .... يستخدم لعمل قائمة غير مرتبة ... أي بدون أرقام ...

List= .... يستخدم لعمل قائمة مرتبة .... بأرقام ....

Img ... يستخدم لوضع صورة ....

URL .... يستخدم لوضع لينك ....

Close tag.... لو مشيت علي الطرق اللي هنشرحها لاحقا مش هتحتاج الزرار ده ...

PHP .... لكتابة كود بلغة البي إتش بي ... لو بتعرف بي إتش بي ... يبقي أكيد بتعرف كل الكلام اللي إحنا بنقوله هنا ... و ياريت تكلمني علشان عايز أتعلمها ...

Font Size .... حجم الخط .....

بعد كده هتلاقي شريط ألوان ... و سنشرح كيف تغير لون النص ....

علي اليمين ... هتلاقي إيموشنز دمها زي العسل و لو ضغطت علي View more emoticons ... هتلاقي أعسل منهم ....

تحتهم .... هتلاقي شوية إختيارات ... أفضل إختيارات و التي ننصح بها ... هي أن تترك التلاتة الأولنيين فاضيين و تؤشر علي الإتنيين الأخرنيين ... و بكده هتأخد أفضل ميزات الكتابة و تحصل علي رسالة علي بريدك الإليكتروني توضح وصول ردود ... و كذلك يضاف التوقيع بتاعك في أخر المداخلة ....

بعد كده ....

زرين ... Submit ... أو إدخال (تقريبا) .... و يستخدم لإلحاق المداخلة بالموضوع الأساسي ...

Review ... أو إستعراض .. و يستخدم لإستعراض المداخلة قبل إلحاقها مع إمكانية التعديل فيها ....

أخر حاجة .... المداخلات السابقة من الموضوع نفسه .....

شوية ملاحظات :

إكتب المداخلة بتاعتك كلها الأول و بعد كده أضف الإقتباسات و الصور و اللينك ....

إذا كنت بتستخدم النت هنا في مصر ... و الفاتورة شغالة بتعد و إنت بتكتب ... فإكتب أوف لاين في الوورد مثلا و بعدين إعمل كوبي لمكان إضافة المداخلة ....

كل اللي فات ده تسخين ... إحماء يعني .... الماتش هيبدأ دلوقتي ...

[Lancelot]

الدرس الثاني :

كيف تغير لون النص و حجمه ....

أسهل حاجة في الدنيا .....و في خطوات بسيطة ....

إكتب النص ....

أشر بإستخدام الماوس علي النص الذي تريد تغيره .....

قم بالضغط علي اللون المطلوب التحويل إليه .... لاحظ إنك عند المرور علي شريط الألوان تظهر اللون اللي إنت واقف عليه دلوقتي في مربع صغير علي اليمين ... و ده علي التسهيل يعني ....

قم بإختيار الحجم الذي تريده من قائمة Font size ...

يمكنك القيام بعملية واحدة أو بالعمليتين لنفس النص ....

أظن بسيطة ..... اللي بعده ...

[Lancelot]

الدرس الثالث :

كيف تستخدم B I U.....

شرحنا قبل كده معني كل واحدة فيهم .... راجع الدرس الأول .....

التلاتة بيشتغلوا بنفس الطريقة ...

إكتب النص ...

أشر بإستخدام الماوس علي النص الذي تريد تغيره ...

قم بالضغط علي الزر الذي يؤدي العملية المطلوبة ....

لاحظ أن النص ممكن يكون قطعة كاملة أو حرف واحد ... مش مشكلة الطريقة هي هي ....

[Lancelot]

الدرس الرابع :

كيف تكتب إقتباس ....

ندخل في الجد ....

إذهب إلي المداخلة التي تود إقتباسها في الجزء الأسفل من الصفحة ....

أشر علي النص الذي تود إقتباسه ....

إضغط Ctrl+C علي الكي بوورد لعمل Copy ....

إذهب إلي مكان إضافة المداخلة ....

إضغط Ctrl+V علي الكي بوورد لعمل Paste ....

يظهر أمامك النص الذي تود إقتباسه ... يمكنك أزالة أجزاء من النص حتي تحصل علي الجزء الذي تود التعليق عليه ....

أشر بالماوس علي النص الذي إقتبسته ....

إضغط Quote من شريط الأدوات .... يظهر لك قوسين .. واحد في أول الكلام يحمل كلمة Quote داخل قوسين مربعيين .... و أخر في أخر الكلام يحمل نفس الكلمة داخل نفس الأقواس لكن مع إضافة / قبل الكلمة ....

إذا أردت كتابة إسم صاحب النص الذي إقتبسته .... إذهب إلي القوس الأول .... تحرك بإستخدام الأسهم علي الكي بوورد إلي ما بعد كلمة Quote ... تحول للغة الإنجليزية و إكتب = و بعدها " ثم إكتب إسم صاحب النص ... باللغة العربية أو الإنجليزية و بالطريقة التي تحلو لك .... و بعد كتابة الإسم تحول إلي اللغة الإنجليزية مرة أخري و إكتب " .....

طويلة شوية لكن سهلة إن شاء الله ...

و بالهنا و الشفا ....

[Lancelot]

الدرس الخامس :

كيف تضع صورة .....

الصور جميلة جدا ... و فيه مواضيع في المنتدي علشان الصور بس زي كاريكتيرات و الحرب في صور ... تخيل عندك صورة مش عارف تحطها ... هتكون متضايق أوي .... بسيطة يا سيدي طلبك موجود .... شبيك لبيك الصورة بين إيديك و هتكون علي الشاشة دلوقتي ....

أولا إن شوفت الصورة ديه علي النت في مكان ما ... إذهب للمكان ده ... ظهرت الصورة قدامك ... كويس أوي ...

إضغط علي الصورة بالزر الأيمن للماوس ... تنفتح قائمة ... إختر Properties .... تحت خالص في أخر القائمة ....

تظهر قدامك نافذة فيها شوية معلومات أهم حاجة فيهم Address-URL ....

أشر علي اللي مكتوب ... و تأكد أن تؤشر علي كل اللي مكتوب ... و إضغط Ctrl+C لعمل Copy....

إذهب لمكان الكتابة و إضغط Ctrl+V لعمل Paste .....

أشر علي العنوان اللي ظهر أمامك و إضغط Img من شريط الأدوات ...

بس خلاص يا سيدي ... الصورة هتظهر إن شاء الله ...

ملاحظات ...

الصورة لو إتشالت من مكانها الأصلي مش هتظهر هنا ....

يمكنك إضافة الصورة في وسط الكلام .. أوله أو أخره ....

حاول أن تبتعد عن فكرة وضع صورة في نفس السطر مع الكلام علشان الكلام يكون واضح ...

حاول أن تبتعد عن الصور الكبيرة لأنها بتبطئ من سرعة تنزيل الصفحات ....

_____________________________________

الدرس السادس :

كيف تضع لينك .....

قمة الإبداع ... لو تعمل ديه ... تقدر تعمل أي حاجة تانية ...

إذهب إلي الصفحة التي تريد عمل لينك ليها ....

أشر علي العنوان من Address bar في المتصفح بتاعك ...

إضغط Ctrl+C لعمل Copy ...

إذهب إلي مكان الكتابة ....

إضغط Ctrl+V لعمل Paste ....

أشر علي العنوان بالماوس ....

إضغط علي زر URL من شريط الأدوات .....

سهلة جدا لكن التحدي الحقيقي إزاي تخلي اللينك موجودة ورا كلام ....

نفس الخطوات السابقة لحد لما توصل لمكان الكتابة ....

أكتب النص الذي تريد وضع لينك خلفه ....

أشر علي النص بالماوس ....

إضغط علي زر URL من شريط الأدوات ....

إذهب إلي القوس الأول (زي ما عملنا في الإقتباس) .... إكتب = و بعدها " .... و بعدين إضغط Ctrl+V لعمل Paste للعنوان اللي إحنا عايزينه ... و بعدين أضف " في النهاية ....

بس خلاص .... يا رب يكون الشرح سهل .... أنا عارف إنه طويل و ممل لكن علشان السهولة ....

أنا تحت أمركم في أي إستفسارات .....

[الطفشان]

يا سلام

اهو كدة الاعضاء اللي بيفيدوا غيرهم و الا بلاش!

الف شكر لك و ينوبك ثواب

[مريم]

أقترح تثبيت هذا الموضوع المفيد .

وجزاكم الله خيراً.

[M.H.M]

للرفع

تم جعل الموضوع لاصق فى اعلى صفحه شئون المحاورات لفائدته واستجابه للاعضاء

الاداره/ ابن مصر

جزاك الله خيرا

mhm

[freefreer]

برافو يا لانسولت .. برافو حقيقى .. أهى دى الأيجابية ولا بلاش ..

[kokowawa1979]

حسنا فعلت أخي لانسولت حتى يمكننا الإستفادة من الأكثر منا خبرة في هذا الموضوع

الآن لي سؤال : إذا تم إرسال مداخلة مرتين متتاليتين بالخطأ فكيف يمكن حذف إحداهما بالكامل بدون كتابة كلمة لاغي أو ترك الصفحة بيضاء كما جدث معي سابقا ؟

ولك تحياتي

[Lancelot]

قبل أن أستكمل .... أود أن أشكر كل من توجه بكلمة طيبة تجاهي ...

متشكر جدا يا جماعة .... أنا بس حبيت أخلص الناس من مشاكل قابلتني في البداية ... و كمان علشان الناس تتجنب الأخطاء و تكون الكتابة أفضل و الفائدة تعم للكاتب و القارئ .....

سؤال الأخ كوكوواوا ....

الآن لي سؤال : إذا تم إرسال مداخلة مرتين متتاليتين بالخطأ فكيف يمكن حذف إحداهما بالكامل بدون كتابة كلمة لاغي أو ترك الصفحة بيضاء كما جدث معي سابقا ؟

لو حضرتك بصيت تحت في الصفحة هتلاقي جملة من ضمن جملة عديدة .... موجودة في أسفل الصفحات بتاعة مطالعة موضوع ...

you cannot delete your post

و في هذه الحالة لا يمكنك حذف مشاركة .... أما إذا كان مكتوب

you can delete your post

ففي هذه الحالة ستجد زر أصفر به شرطة سوداء علي أعلي يسار مداخلاتك يمكنك إستخدامه لحذف المداخلة ....

أنا الزر ده ظهرلي يومين و بعدين إختفي ....

و ياريت الإدارة تفيدنا في الموضوع ده ... و هل ممكن نطلب من الإدراة حذف مداخلة زائدة لنا .....

[Lancelot]

تعالوا ننتقل إلي مرحلة أكثر تقدما و أكثر تعقيدا .... و ذات نتائج أكثر روعة وجمالا ....

هذه المرحلة ليست مهمة و إعتبرها advanced level, and you can do fine without it ...

و في المرحلة ديه هنقوم بشرح أشياء قد تبدو معقدة قليلا لبعض الناس خاصة غير المتخصصين ... لكننا هنحاول إيجاز الطرق و تبسيطها حتي تقوم بأداء المهمة بدون الدخول في شرح الأجزاء ....

نبدأ....

كيف تضع لينك خلف صورة ....

تعلمنا كيف تضع لينك خلف جملة أو نص .... لكن كيف تضع لينك خلف صورة ... بمعني أن تنتقل للينك عند الضغط علي الصورة .....

ضع الصورة بإستخدام الطريقة التي تم شرحها سابقا .....

إذهب إلي الصفحة التي تود وضع لينك لها ...

أشر علي العنوان من Address bar في متصفحك ....

إضغط Ctrl+C....

إذهب إلي مكان الكتابة ...

أشر علي الجملة التي تضع الصورة من أولها إلي القوس المشابه له في النهاية .....

إضغط علي زر URL في شريط الأدوات ....

تحرك بالأسهم إلي ما بعد كلمة URL في القوس الأول ....

إكتب = ......

إضغط Ctrl+V ....

يظهر لك عنوان الصفحة ....

بس كده .....

طويلة شوية لكن سهلة إن شاء الله ......

[Lancelot]

للإنتقال لمرحلة أكثر تقدما .... يلزم – أو يفضل بمعني أدق – شرح ما معني هذه الأقواس التي نقوم بإضافتها ....

أولا هذه الأقواس تشابه ما يسمي بـ Markup languages..... و هذه اللغات تستخدم بعض منها في تصميم صفحات الإنترنت مثل HTML أو في تكنولوجيات مساعدة مثل XML أو XSL و غيرهما ....

طيب يعني إيه مارك أب لانجوتش ....

هي لغة تستخدم أساسا للتأشير و تعليم بعض الجمل من نص معينة بهدف إضافة مؤثر علي هذه الجملة تحديدا .... مثل حجم الخط أو نوعه أو لونه أو موضعه من السطر ...

و تتكون الأوامر أو العناصر في هذه اللغات من جزئين .. جزء بداية start tag و جزء نهاية end tag .... و يتشابه الجزئين و الذي يتكون كل منهما من كلمة تدل علي العنصر بين قوسين مربعين .. و الإختلاف الوحيد هو وجود رمز / في جزء النهاية ....

بعض هذه العناصر يحتوي علي ما يمكن أن نسميه تابع Attribute .... و هو جزء يضاف لجزء البداية فقط و لا يضاف لجزء النهاية مثل إسم الكاتب المقتبش من مداخلته أو عنوان الصفحة المراد وصلها .....

و من الممكن يحتوي جزء البداية علي أكثر من تابع ....

هذه ببساطة فكرة عن Markup languages .... و هي قد تساعدنا في فهم الأجزاء القادمة .....

في الأجزاء القادمة سنقوم بالتعرف علي بعض الحيل لإضافة مؤثرات و جماليات للنص ....

و أود في البداية أن أتوجه بالشكر للأخ إتربي الذي قام بشرح كل هذه المؤثرات في باب "عالم الكومبيوتر و الإنترنت" ... و أقوم أنا هنا بشرح هذه الطرق بطريقة أبسط إن شاء الله .... و طبعا أنا أستئذنه في نقل هذه الطرق ....

لاحظوا أن تجعلوا HTML is ON عند إستخدام أي من الأكواد التالية .... و ذلك بعدم وضع علامة أما جملة

Disable HTML in this post

و هي الأولي أسفل مكان إضافة المداخلات ....

[Lancelot]

إنتظروا باقي الأجزاء قريبا بإذن الله .....

[Al 7aZeeN]

الله ينور يا أخ لانسلوت

أشكرك على وقتك :)

[freefreer]

مجهود طيب

[crossfield]

إنتظروا باقي الأجزاء قريبا بإذن الله .....

و الجزء بكام بقى ان شاء الله يا سى لانس؟؟؟ :wink: بقى تتريأ على الدكاترة عشان الدروس الخصوصية و انت هنا شغال الله ينور فى الخباثة و عمال تدى فى دروس و كمان هتنزلهالى فى اجزاء .اييييييية علمناهم الشحاتة سبقونا ع البيبان :cry: :cry: :cry:

[Lancelot]

فري و باور سبوت .... شكرا ....

كروس فيلد ..... أظن أنا حددت سعر الحصة وقلت 20 و بنقبل بالدولار و اليورو و الكريدت كارد و الفيزا و كله .....

و بعدين سيبينا نشوف شغلنا الله يخليكي .... و بلاش نقطع علي بعض .... لأحسن أنا سكتي ضالمة ..... :twisted: :twisted:

[crossfield]

و بعدين سيبينا نشوف شغلنا الله يخليكي .... و بلاش نقطع علي بعض .... لأحسن أنا سكتي ضالمة ..... :twisted:  :twisted:

أنت بتهددنى يا لانس :cry: :cry: ميغركش انى بنت أنا ورايا رجالة يكلوا الزلط و مش هقولك أكتر من اللى قاله شعبولة(ميغركش الحكاوى و الجاكت و القميص :twisted: :twisted: :twisted: )

لأ بجد انا بحييك على الموضوع ده لانه هيفيد ناس كتير .يالا استمر و توغل و انتشر :cry: :lol: