خطوات الكشف الطبي بالتفصيل

[Einstein]

:blink: mil: الف الف مبرووووووووووووووووووك وربنا يوفقك ونسمع عنك اخبار حلوة

الله يبارك فيكي و يكرمك يا اخت ايناس

وعقبال كل اللي منتظرين ، انا عارف و مجرب مشاعر الانتظار

ان شاء الله هستلم ظرف الكشف الطبي السبت القادم و اعمل الكشف الاحد

[Einstein]

اخوتي drpharma ، الحازم حسن ، مهاجرة :bsmal: :bro:

الف شكر و تحية لكلامتكم الطيبة و اتمني لكل منكم حظا موفقا في كل ما يتمناه و يرجوه

واسف جدا لتأخري في الرد و المتابعة لبعض الظروف الخاصة

[Einstein]

الحمد لله عملت الكشف الطبي و ربنا يسهل في النتيجة

بعد ان استملت خطاب الكشف الطبي عن طريق ارامكس

لقيت جواه ورقة الكشف الطبي و مدبس فيها ظرف داخلي مغلق

مكتوب في الجواب ان علي التوجه لاي طبيب من الموجودة اسمائهم في الورقة الثانية لعمل الكشف الطبي في خلال شهر من تاريخ كتابة الخطاب

وانه يجب تسليم الظرف المرفق مغلقا كما هو الي الطبيب وان لا يتم فتحه الا بمعرفته

وان الطبيب سوف يرسل نتائج الكشف و التحاليل الي مكتب لندن و الذي بدوره سيرسل النتيجة النهائية الي السفارة بالقاهرة

كما ذكر الخطاب ان الطبيب غير مصرح له بذكر اي معلومات للمهاجر و ان لا يجب مراجعته في ذلك

وبناء علي ما تقدم ذهبت لاحد الاطباء الموجودين و عملت الكشف الطبي و سوف اذكر التفاصيل لاحقا

الجميل بقي انه كان مع خطاب الكشف الطبي خطاب اخر لطلب دفع رسوم الاقامة الدائمة

حيث ذكر الخطاب ان تم وصول الملف الي مرحلة يتوقف فيها اصدار التاشيرة علي دفع رسوم الاقامة الدائمة

وهي 490 دولا كندي " او 2790 جنيه في سيتي بنك " للمتقدم الرئيسي و زوجته و لاطافله الاكثر من 22 عام

وتسليم الشيك البنكي و ثلاثة نسخ منه الي السفارة يوم الخميس من الساعة 10 الي 12 ظهرا

[Abo Marwan]

أخي انشتاين ..

مبروك .. الف مبروك ... على هذه الأخبار الحلوة أن شاء الله بشرى خير للجميع ...

أسأل الله لك التوفيق ولجميع الأخوة و الأخوات .....

أبو مروان

[Einstein]

اسماء الاطباء المعتمدين من السفارة و عناوينهم و ارقام تليفوناتهم موجودة علي الموقع

وهم اربعة اطباء في القاهرة واثنين في الاسكندرية

تكاليف الكشف الطبي لكل فرد اكبر من 11 عام تتكلف تقريبا 500 جنيه

( لانه يوجد اختلاف بسيط فيما بينهم )

ذهبت لاحدهم بعد تحديد ميعاد معه بالتليفون

وطلب مني احضار جواز السفر و صورتين شخصيتين و خطاب السفارة المغلق

استقبلني السكرتير و اخذ مني الورق و فتح الظرف مع اني قلت له انه المفروض يتم فتحة عن طريق الطبيب

وبعدين اعطاني فكرة عن ما سيحدث بالداخل و ما علي فعله بعد ذلك في التحيل و الاشعة

دخلت للطبيب فكانت معاملته راقية

وقال لي انه سيسالني في البداية اسئلة روتينية يسالها للجميع

وهي اسئلة خاصة بالتاريخ المرضي لي

يعني هل اصبت من قبل باي مشاكل في القلب او الصدر او الكلية او صبت بالسكر او فيروس الكبد ؟

هل قمت باي عمليات جراحية من قبل ؟

هل اتناول حاليا اي ادوية بصفة مستمرة ؟

هل اعاني من مشاكل في الظهر او المفاصل ؟

هل هذه اول مرة اقدم فيها للهجرة الي كندا ؟

بعد كده تم عمل كشف عادي جدا بالسماعة

وتم قياس ضغط الدم و الطول و الوزن

واخيرا تم قياس النظر علي اللوحة

وبعدين خلاص شكرا و مع السلامة

بعد كده ذهبت لمعمل التحاليل الطبية ومعي ظرف منه للمعمل

وبعد رؤية جواز السفر تم اخذ عينة دم و عينة بول وخلاص مع السلامة

واخير ذهبت لطبيب الاشعة وعملت اشعة اكس علي الصدر

وبرضه مع ظرف من الطبيب و بعد ان تم رؤية الجواز

" شد نفس عميييق و اكتمه ثواني و خلاص "

وبس خلاص مع الف سلامة

وخلص الكشف الطبي

[Einstein]

أخي انشتاين ..

مبروك .. الف مبروك ... على هذه الأخبار الحلوة أن شاء الله بشرى خير للجميع ...

أسأل الله لك التوفيق ولجميع الأخوة و الأخوات .....

أبو مروان

الله يبارك فيك و يكرمك اخي ابو مروان :bsmal:

يا رب يتمم الامر بالخير للجميع في اقرب فرصة

[دعاء]

Einstein

اشكرك جزيل الشكر على هذه المعلومات المفصلة والهامة جدا وان شاء الله يتمم لك الموضوع بالف خير ونبارك لك عن قريب باذن الله باستلام الفيزا وتحديد موعد السفر

[Toronto]

أخي انشتاين ..

مبروك .. الف مبروك ... على هذه الأخبار الحلوة أن شاء الله بشرى خير للجميع ...

أسأل الله لك التوفيق ولجميع الأخوة و الأخوات .....

أبو مروان

الله يبارك فيك و يكرمك اخي ابو مروان

يا رب يتمم الامر بالخير للجميع في اقرب فرصة

الف مليون مبروك يا دكتارة و انشاء تكون فاتحة خير عليك..مش حتقولي اسمك الحقيقي بقي و بعدين الراجل ايلي انت معلق صورته علي الحيطة ده يطلع مين؟

[Einstein]

:blush2:

:blush2: Einstein

اشكرك جزيل الشكر على هذه المعلومات المفصلة والهامة جدا وان شاء الله يتمم لك الموضوع بالف خير ونبارك لك عن قريب باذن الله باستلام الفيزا وتحديد موعد السفر

:blush2:

لا شكر علي واجب اختي الكريمة دعاء

دي ابسط حاجة الواحد ممكن يقدمها وممكن تكون فيها معلومات متكررة بس انا قلت انها احدث حالة مديكال فحبيت اشارك بيها الجميع

وان شاء الله نبارك لكي علي المديكال في اقرب فرصه وبعده الفيزا ان شاء الله

وتمنايتي بالتوفيق للجميع

[Einstein]

الف مليون مبروك يا دكتارة و انشاء تكون فاتحة خير عليك..مش حتقولي اسمك الحقيقي بقي و بعدين الراجل ايلي انت معلق صورته علي الحيطة ده يطلع مين؟ :blush2: :blush2:

الله يبارك لك و يكرمك يا استاذ عمر :blush2:

وبعدين اسمي الحقي لازمته ايه اذا كان انا كلي علي بعضي هجيلك :blush2:

انت نسيت موضوع العمارة ولا ايه :blush2: ؟!!

وبعدين يا راجل حد ما يعرفش صورة عمونا اينشتين "الامريكاني"

والامريكاني دي علشان نفرق بينه و بين اينشتين "المصري-الكندي" :blush2:

انت عارف بقي انها حاجة تلخبط :blush2:

[Einstein]

بالمناسبة دي اسماء الاطباء المعتمدين من السفارة في مصر و عناوينهم و ارقام تليفوناتهم

http://www.cic.gc.ca/dmp-md/medicalinfo.as...p;ProvinceName=

[Toronto]

الف مليون مبروك يا دكتارة و انشاء تكون فاتحة خير عليك..مش حتقولي اسمك الحقيقي بقي و بعدين الراجل ايلي انت معلق صورته علي الحيطة ده يطلع مين؟ :blush2: :blush2:

الله يبارك لك و يكرمك يا استاذ عمر :blush2:

وبعدين اسمي الحقي لازمته ايه اذا كان انا كلي علي بعضي هجيلك :blush2:

انت نسيت موضوع العمارة ولا ايه :blush2: ؟!!

وبعدين يا راجل حد ما يعرفش صورة عمونا اينشتين "الامريكاني"

والامريكاني دي علشان نفرق بينه و بين اينشتين "المصري-الكندي"

انت عارف بقي انها حاجة تلخبط :blush2:

علي رأيك مش مهم الاسم مادام حتيجي ....ما انت حتيجى حتيجي...طبعا عارف اينشتاين انت كنت بهرج و بالامارة كان آعد تحت شجرة و التفاحة و قعت علي دماغه فتحتها :blush2: ..مبروك يا دكتارة .

[Dr Ayman Kamel]

:scooter:

:bro: Einstein

الف الف الف مبروك على الاخبار الجميلة دى يا دكتور :) :110: :110:

ما تتصورش انا كنت مستنية الخبر ده ازاى يمكن اكتر منك ويا رب ان شاء الله يكملها لك على خير ويكون الكشف الطبى زى الفل دعواتنا

معاك دائما والى الامام

الحقيقة فى عز فرحتى دى لقيت فى دماغى 3 اسئلة حبيت اسألهم لك وان شاء الله الاقى الاجابة عندك

1) ممكن اعرف التاريخ المحدد لفتح ملفك فى السفارة ( يعنى بقى in process من امتى بالتحديد باليوم والشهر )

2 ) انا مافهمتش ايه موضوع شركات البريد الخاصة دى طالما انك هاتروح تستلم خطاب الكشف الطبى باليد بنفسك من السفارة ؟

3 ) يا ترى فى توقعك هاتكون قد ايه المدة لاتمام الكشف الطبى وتسليمه للسفارة مرة اخرى ؟

يا رب ماكونش طولت عليك بس عشمى فيك كبير ويا رب يقربلك البعيد ولكل اللذين على طريق الهجرة زينا

:waf:

الاخت الفاضلة / دعاء

الف شكر علي الدعوات الطيبات ، وانا دلوقتي بدعيلك ان الكشف الطبي يجي لكي اسرع ما يمكن وربنا يوفقك يا رب

انا قلت اعمل موضوع صغير كده علي خطوات الكشف الطبي علشان الكل يستفيد

في البداية انا مهاجر لكيبك و بعد ما نجحت بفضل الله في المقابلة و حصلت علي شهادة ال CSQ

فتحت ملف هجرة للحصول علي التأشيرة في سفارة كندا بالقاهرة

قدمت ورقي سسفراة في بداية شهر 7/2007

وعندما تابعت رقم الملف علي الانترنت وجدت انهم بدأوا العمل في الملف تقريبا في اول شهر 8/2007

وبكده فضلت مستني طول المدة اللي فاتت ان السفارة تتصل علي بالتليفون لتتطلب مني المديكال

وحسب احصائيات الموقع للاشهر السابقة فان ملف كيبك المفروض ينتهي في خلال 5 اشهر بالنسبة 30% من الحالات ، و في 7 اشهر بالنسبة ل 50 % من الحالات ، و 8 اشهر بالنسبة ل 70% من الحالات ، و تسعة اشهر بالنسبة ل 80% من الحالات

لذلك توقعت ان يتم الانتهاء من معالجة ملفي - واعني بذلك هو التحول من حالة in processing الي حالة decision made - في خلال 7 اشهر

المهم انه يوجد تأخير كبير للملفات لم يحدث من قبل نتيجة كثرة الملفات المعروضة علي السفارة

فكان اتصالهم بي لطلب الكشف الطبي في اول 5/ 2007

اي بعد مرور 9 اشهر من بداية العمل في الملف

الجديد هنا انهم طلبوا مني الكشف الطبي من خلال رسالة علي الايميل وليس عن طريق الهاتف كما كنت اتوقع

وكان الايميل يحوي ثلاثة اشياء

1 - الابليكيشن بنتاع طلب الاقامة الدائمة و الابليكيشن الخاص بالاقرار محدثين بالانشطة التي قمت بها خلال هذه التسعة اشهر

2 - شهادة اتمام كورسات اللغة الفرنسية

3 - جواز السفر ، ان لم اكن في حاجة اليه خلال الشهرين القادمين

مع التنبيه علي ان ارسال جواز السفر يكون عن طريق البريد السريع الخاص مثل DHL or TNT or Aramex وفي اي يوم خميس من الساعة 8:30 الي الساعة 10:00 صباحا

كما نص الايميل علي ان اوراق الكشف الطبي جاهزة للالتقاط عن طريق البريد السريع الخاص مثل DHL or TNT or Aramex في اي يوم خميس من الساعة 8:30 الي الساعة 10:00 صباحا ولان امس الخميس كان عيد العمال فسوف انتظر للخميس القادم حتي احصل علي تعليمات الكشف الطبي

ارجوا اني اكون اوضحت التفاصيل التي مرت بي الي الان

اما عن توقعي للفترة ما بين الكشف الطبي و الحصول علي الفيزا فهي كانت 6 اسابيع في السابق دلوقتي اظن انها هتكون اكتر شوية

وفي النهاية ارحب باي اضافة من اي عضو مر بنفس التجربة

ومرحبا باي استفسار

الاخ الفضل اينيشتاين

ارجو من سيادتكم افادتى بكبفبة معرفة ان الملف اتفتح بعد ادخال الفايل الى السفارة فانا دخلت ورقى السفارة فى يوم 28/4/2008 بعد استلام شهادة الاختبار لكيبيك وفقكم الله لما هو صالح للامة جمعاء اخوك ايمن

[hamoudi]

السادة الافاضل / رواد المنتدى

زوجتى عندها السكر فهل هذا المرض من الامراض التى تسبب وقف الهجرة

كما ان عندها زيادة وزن ام هو قياس وزن وطول صوري فقط

ولكم جزيل الشكر

[gadolly]

السلام عليكم حمودي

مفيش مشكلة بالنسبة للطل و الوزن

بالنسبة للسكر , لا يؤثر علي الهجرة, بس ممكن ياخدوا تعهد عليك ان التامين الصحي مش حيساعد في علاج السكر و لا مضاعفاته

[Dr Ayman Kamel]

الاخوة الافاضل

ارجو من سيادتكم افادتى بكبفبة معرفة ان الملف اتفتح بعد ادخال الفايل الى السفارة فانا دخلت ورقى السفارة فى يوم 28/4/2008 بعد استلام شهادة الاختبار لكيبيك وفقكم الله لما هو صالح للامة جمعاء اخوك ايمن

تانى مرة وماحدش عبرنى :blush2:

[دعاء]

الاخوة الافاضل

ارجو من سيادتكم افادتى بكبفبة معرفة ان الملف اتفتح بعد ادخال الفايل الى السفارة فانا دخلت ورقى السفارة فى يوم 28/4/2008 بعد استلام شهادة الاختبار لكيبيك وفقكم الله لما هو صالح للامة جمعاء اخوك ايمن

تانى مرة وماحدش عبرنى

:blush2:

دكتور : ايمن كامل

هو اللينك كان ذكر اكتر من مرة فى موضوع كل ما تريد معرفته عن كندا بس انا للاسف مش بعرف اضيف لينكات

ولكن ممكن تدخل على الموقع الرسمى للهجرة الى كندا( cic ca ) وعلى يمين الصفحة هناك مجموعة من الخيارات بتختار منهم حالة الملف ( check the file statue )تدخل عليها وتكتب البيانات المطلوبة ومنها رقم الفايل اللى اخدته من السفارة عند تقديمه

ممكن تلاقيه ( in prossess ) واذا عملت كليك عليها هايديلك التاريخ اللى بداوا فيه فعلافى العمل على الفايل بتاعك

يا ريت تجرب كده ويا رب توصل لحاجة وابقى طمنى عملت ايه

:wub:

[capitshino]

طيب اى هاف اكويتشن

لو الملف in process من شهر 7 -2007 والملف بلندن لانى فى الخليج .. يبقى متوقع يطلبو المستندات منى امتى.

سؤال تانى

بالنسبة للخبرة انا قرات مواضيع كتير واراء كتير .. ممكن حد مجرب يدينا المفيد (يعنى ايه الشهادات بالظبط)؟

شكرا جزيلا

[عبد المجيب حامد حامد]

منورين كلكم

انا عملت الفحص في 5 اغسطش واستلموه في لندن يوم 8 اوغسطس ومستني الفيزا انشاءالله

[عبد المجيب حامد حامد]

ياخوان انشتاين صار فين ماتعرفوش عنه ايتها معلومات والا ايه؟