خطوات الكشف الطبي بالتفصيل

[elhusseiney]

الاخوه الاعضاء ارجوكم الافاده اذا كنت البس نظاره طبيه هل ممكن اعدى المديكال جيك

وشكرا

أستفسار لو أمكن

ما هي المده بين تسليم الأوراق وطلب الكشف الطبي؟ أنا سلمت الأوراق في 25 مايو ، ما هو الوفت المتوقع لطلب الميدكال؟

شكرا جزيلا للأخوه الأفضل لحسن تعاونكم

[mohamedadel]

معليش انا سؤالى عشان سمعت هناك كشف نظر مع الجنرال مديكال جيك لذلك حبيت استفسر

هو ايه الميديكال جيك ده؟ :blink:

i*: wst::

بصراحة ملكش حل يا أستاذ زوهيري

أنا شوفتها من الأول وطنشت وقلت يمكن محدش ياخد باله :110:

لكن ألي استغربته ان المشاركه من 2008 :110:

ـــــــــــــــــ

وبالنسبه للأخ السوري ... ربنا يمن عليك بالشفا أولا ..وان شاء الله تخف وتبقى زي :D .. ثانيا كمل مشوار الأوراق وان شاء الله خير

المده بين تسليم الأوراق والكشف الطبي كانت تقريبا شهر ..بعت الورق في فبراير وجالي ورق الميديكال في مارس

وبالتوفيق للجميع

[bentbatota]

السلام عليكم ورحمة الله وبركاته

الى الاخوة والاخوات فى المحاورات هذا هو موقع الهجرة لكندا الخاص بالكشف الطبى وما يجب ان يقوم به طبيب الهجرة من فحصوصات فى اى حالة مرضية

C:\Documents and Settings\XPPRESP3.USER\Desktop\Designated Medical Practitioner Handbook.mht

محتاج تقراه كويس حتعرف انهم ناس واثقيين فى نفسهم (نظامهم الطبى )وعارفين هم عايزين ايه

[السيد منير]

شكر ا على مجهودك الكريم بس الرابط اللى حضرتك جايباة من النسخة المخزنة على جهازك ولكن الرابط الحيوى دة

http://www.cic.gc.ca/ENGLISH/pdf/pub/dmp-handbook2009.pdf

[محمود سمير حجازي]

جزاك الله خيرا على هذا الشرح المبسط ويارب يكون الموضوع بهذه البساطة مع الجميع

[umomar]

السلام عليكم ورحمه الله وبركاته

اختكم مصريه ومقيمه في دبي وقدمنا اوراقنا للهجره انا وزوجي من ديسمبر 2005 و حاليا طلب مننا القيام بالكشف الطبي و من ضمن المتطلبات x-ray

وانا حامل في الشهر الخامس وموعد الولاده ديسمبر 2009 إن شاء الله

و حجزت موعد في احد المراكز المصرح بها للقيام بالكشف الطبي في الإمارات الأثنين بتاريخ 20-7-2009 وحصل موقف مسبب لي حيييييييييييره كبيره

طبعا انا عارفه ان أي آشعه خطر علي الحامل

المهم المركز فيه مسئولتين كبيره الممرضات : بريطانيه - ودكتوره : تقريبا روسيه

المهم البريطانيه قالتلي مش هينفع تعملي اشعه لما تولدي احنا بنقدم كل التقارير فيما عدا الآشعه ومعاملتنا طبعا تفضل متوقفه لحين عمل الآشعه واصدار شهاده ميلاد و جواز سفر للطفل الجديد إن شاء الله - أوك انا قلقت كلمت دكتوري فمصر وهوا استاذ في جامعه القاهره قاللي تقدري تلبسي بدله من الرصاص materneity shielding

وتعمليها عادي بس فيلم واحد اتطمنت وقلت اوك هاعملها

المهم رجعت للأخت البريطانيه وبلغتها قالتلي محدش يعرف الأشعه بتضر البيبي ولا لأ ولا حتي الدكتور اللي نصحك ولو مصممه اعمليها برررررررررررررررررررره مش من عندنا

كلمت د/ الروسيه وحكيتلها قالتلي هرجعلك بس الظاهر ادت البريطانيه قلمين علي وشها وقالتلي هنعملهولك بس تكتبلنا جواب ان مسئوله مسئوليه كامله عن اي شيء يحصل للجنين وهنا انا خفت وسوري طولت عليكوا

رأيكوا ايه حد مر عليه الموقف ده ؟؟؟

يعني اعملها عادي زي دكتوري ما قال ولا هما مأفورينها

بس ردوا عليا بسرعه معادي يوم الأثنين

تم تعديل 17 يوليو 2009 بواسطة umomar

[hijaz]

خدي رأي البريطانيه

مش حتسامحي نفسك طول عمرك لو الجنين حصله حاجه

[الأهلاوي الأصيل]

أوعي تعملي الأشعة...ال X-ray خطر جدا جدا على الجنين ، إذا كان خطر على الكبار مش هيبقى خطر على الجنين

استني لغاية ما تولدي بالسلامة...وبلاها الهجرة خالص لإن حياة ابنك وصحته أهم

[dreamy]

هلا اختي....

استخيري ربنا وبعدين قرري...طبعا انا افضل الانتظار لحين وصول البيبي بس ايضا سمعت عن طبقة الرصاص العازل وانها تحمي الجنين.....ربنا يسهل للك اللي فيه الخير ليك وللجنين

[precanadian]

اختي الفاضله

الاشعاع موجود حولينا في كل مكان لكن طالما التعرض اليومي في حدود المسموح ربنا بيسترها

السفر بالطيران السكن في البيوت الخرسانيه والمناطق الجبليه اماكن بتزيد فيها الاشعه

الثناء الفحص بيكون في شعاع رئيسي قوي واشعه متناثره وتقدرب تتخيلي الموقف بلمبه سبوت في الغرفه في سبوت رئيسي لكن باقي الغرفه بها ظوء خافت

اشعه الصدر شعاعها الرئيسي للصدر وهو عموما قليل جدا

لو لبستي مريله رصاص علي البطن غالبا هتقللي ال اشعه المتناثره الي هي اضعف بكثير من الشعاع الرئيسي .

لو انت في اول سته اشهر بلاش منها

في الثلاث الاشهر الاخيره ممكن ومكن وده بيعتمد علي الحاجه الحقيقيه للاشعه لان الام مريضه

ساعات يتم عمل اشعه مقطعيه علي المخ او الصدر والي الفحص فيها بيساوي علي الاقل 100 فيلم اشعه صدر لكن ميكونش علي البطن وبناء للحاجه الشديده وتحت مسئوليه الام

الخلاصه ان اشعه الصدر مع تركيز الشعاع علي الصدر وارتداء واقي رصاص علي البطن وفي اخر 3 شهور اتخاذ بالاسباب لتقليل الخطر لنسبه ضئيله جدا جدا لكن لا حد يستطيع منعه تماما. وفي ناس بتقول انه غابا بيساوي اشعاع الواحد بيتعرض ليه في يومين من عمره او اثناء رحله طيران .

لو لازم تعملي الميدكال الان والموضوع حياه او موت حاولي تاخريه لاخر اسبوع مسموح بارساله

وراجعي ال روابط التاليه

إضغط هنا لزيارة موقعي

إضغط هنا لزيارة موقعي

إضغط هنا لزيارة موقعي

[safaalabana]

اختكم مصريه ومقيمه في دبي وقدمنا اوراقنا للهجره انا وزوجي من ديسمبر 2005 و حاليا طلب مننا القيام بالكشف الطبي و من ضمن المتطلبات x-ray

وانا حامل في الشهر الخامس وموعد الولاده ديسمبر 2009 إن شاء الله

اختنا الحبيبه ...اسأل الله أن يتم عليك نعمته ...

هل لى أن اقترح عليك ان ترسلى e mail او خطاب مسجل الى مكتب لندن وتقولى لهم الموضوع بكل صراحه ...أعتقد هيمدوا ليكىالفتره لغاية ماتقومى بالسلامه

أسأل الله أنيرزقك الطفل السليم المعافى

[poulaemad]

تحياتى لك وان شاء الله ربنا معاك

شوفى يا ستى فى التوبيك بتاع مدام دعاء لما جالها الكشف الطبى كانت برده حامل زى حضرتك كده ومرت بنفس التجربه

وده كلامها فى التوبيك

اختى العزيزة بنت بطوطة :

ميرسى خالص على ذوقك وربنا يوفقنا جميعا الى ما يحب ويرضى

بالنسبة للكشف الطبى دلوقتى انا ممكن اعمل الكشف الطبى كاملا متضمنا ال x-ray طالما تخطيت الثلاث شهور الاولى من غير خطورة مع لبس قميص من الرصاص الواقى على البطن

وان شاء الله ساكتب التفاصيل قريبا

[umomar]

اختي الفاضله

الاشعاع موجود حولينا في كل مكان لكن طالما التعرض اليومي في حدود المسموح ربنا بيسترها

السفر بالطيران السكن في البيوت الخرسانيه والمناطق الجبليه اماكن بتزيد فيها الاشعه

الثناء الفحص بيكون في شعاع رئيسي قوي واشعه متناثره وتقدرب تتخيلي الموقف بلمبه سبوت في الغرفه في سبوت رئيسي لكن باقي الغرفه بها ظوء خافت

اشعه الصدر شعاعها الرئيسي للصدر وهو عموما قليل جدا

لو لبستي مريله رصاص علي البطن غالبا هتقللي ال اشعه المتناثره الي هي اضعف بكثير من الشعاع الرئيسي .

لو انت في اول سته اشهر بلاش منها

في الثلاث الاشهر الاخيره ممكن ومكن وده بيعتمد علي الحاجه الحقيقيه للاشعه لان الام مريضه

ساعات يتم عمل اشعه مقطعيه علي المخ او الصدر والي الفحص فيها بيساوي علي الاقل 100 فيلم اشعه صدر لكن ميكونش علي البطن وبناء للحاجه الشديده وتحت مسئوليه الام

الخلاصه ان اشعه الصدر مع تركيز الشعاع علي الصدر وارتداء واقي رصاص علي البطن وفي اخر 3 شهور اتخاذ بالاسباب لتقليل الخطر لنسبه ضئيله جدا جدا لكن لا حد يستطيع منعه تماما. وفي ناس بتقول انه غابا بيساوي اشعاع الواحد بيتعرض ليه في يومين من عمره او اثناء رحله طيران .

لو لازم تعملي الميدكال الان والموضوع حياه او موت حاولي تاخريه لاخر اسبوع مسموح بارساله

وراجعي ال روابط التاليه

إضغط هنا لزيارة موقعي

إضغط هنا لزيارة موقعي

إضغط هنا لزيارة موقعي

اولا مشكورين اخواتي علي ردودكم واهتمامكم

اخي precanidian انا فعلا اخرته لآخر وقت لانه طلب مني في 20-6 و أجلته شهر والاجراءات طبعا بتاخد وقت واناخايفه أأجل بعد شهر 7

انا عاوزه اعرف حد عمله يعني مهاجره او زوجه حد من الاعضاء ولم يحدث لها ضرر

ولو في حد معملهوش واخره هل ده اثر علي الاجراءات في حاجه؟

[umomar]

تحياتى لك وان شاء الله ربنا معاك

شوفى يا ستى فى التوبيك بتاع مدام دعاء لما جالها الكشف الطبى كانت برده حامل زى حضرتك كده ومرت بنفس التجربه

وده كلامها فى التوبيك

اختى العزيزة بنت بطوطة :

ميرسى خالص على ذوقك وربنا يوفقنا جميعا الى ما يحب ويرضى

بالنسبة للكشف الطبى دلوقتى انا ممكن اعمل الكشف الطبى كاملا متضمنا ال x-ray طالما تخطيت الثلاث شهور الاولى من غير خطورة مع لبس قميص من الرصاص الواقى على البطن

وان شاء الله ساكتب التفاصيل قريبا

طيب ممكن رابط موضوع مدام دعاء؟

[umomar]

اختنا الحبيبه ...اسأل الله أن يتم عليك نعمته ...

هل لى أن اقترح عليك ان ترسلى e mail او خطاب مسجل الى مكتب لندن وتقولى لهم الموضوع بكل صراحه ...أعتقد هيمدوا ليكىالفتره لغاية ماتقومى بالسلامه

أسأل الله أنيرزقك الطفل السليم المعافى :)

جزاك الله كل خير انا سألت المحامي وهوه قاللي ان الحالات دي مرت عليهم كتير واغلبيتهم عملوه بس انا متخوفه جدااااااااا من كلام الممرضه

وخوفتني اكتر لما شككت في كلام الدكتور

[poulaemad]

ادى يا ستى الرابط اهه

http://www.egyptiantalks.org/invb/?showtopic=63147

[umomar]

ادى يا ستى الرابط اهه

http://www.egyptiantalks.org/invb/?showtopic=63147

شكراااااااااااا جزاك الله كل الخير

[somayasaleh]

الاخت الفاضلة ام عمر

بلاش الاشعة وانت حامل من فضلك

مش ح يحصل حاجة لما تروح لهم التقارير الطبية كلها والتحاليل والاشعة الاخري لباقي الاسرة مع خطاب مرفق بانك الان حامل وفي الشهر الفلاني

وبعدين كده كده فيه تاخير علشان يطلعوا تاشيرة البيبي لما تولدي بالسلامة

يعني الموضوع كله تاخير بسيط في سبيل عدم المخاطرة باي شيئ ممكن يحصل للجنين بعد الشر

وصدقيني ضميرك مش ح يسسبك في حالك طول العمر لو عملتي الاشعة وانت حامل.......اي شئ في المستقبل ولو بعد سنين ح تقولي يمكن من الاشعة.....نصيحة بلاش احسن

[moheltohamy]

وانا برضه من رأي الباشمهندسة سمية...

ممكن تبعتيلهم إيميل بإنك حامل... مانتي كده كده لازم هتعرّفيهم ، وهيؤجلوا التحاليل لبعد الولادة عشان يسجّلوا البيبي برضه ، ويطّمنوا إنه كويّس. وبالتالي ، تقوليلهم بكرامتك أحسن

الحاجة التانية... لو سيادتك في مصر ، يبقى تنسي كل اللي قالوه السادة والسيدات الزملاء والزميلات عن الرصاص وباقي الفلزّات!

أحكيلك عن موقف... أيام ما كنت في الامتياز (كنت في مستشفى الساحل التعليمي في شبرا مصر) ، وكنت في استقبال العظام ، ومعظم الحالات اللي بتجيلي كنت باحدفها ع الواد بتاع الأشعة (قلة خبرة بقى) ، مانا كنت لوحدي ، والنايب خلع مني ، ونايم في السكن!

والواد بتاع الأشعة بعد ييجي 30 كشف ولاّ حاجة لقيته جاي يقوللي (حرااااااام عليك بقى... إنتا كل حالة تجيلك تبعتهالي ، كلهم زي الفل ن ومفيهومش حاجة!) ، وانا أقول له ، والله اللي باشك فيه هابعتهولك ، وهتعمل له الأشعة ، ولو معترض اشتكي لمدير المستشفى!

والواد الغلبان يقوللي (يا دكتور حرام عليك ، هايجيلي سرطان كده والله ، منظمة الصحة العالمية بتقول ما نعملش أكتر من 10 أشعات في اليوم!) ، وانا اقول له مش عندك بارافان واقي من الرصاص آهوه؟ خايف من إيه بقى؟

والواد يقوللي (رصاص؟ تعالى شوف بنفسك؟ ده رصاص ده؟) ، ويخبّط بإيده ع البرافان ، واسمع صوت تجويف جوّه البرافان! عارفة اختبار البرميل اللي فيه ميّه ، وتخبّطي من بره عليه عشان تعرفي الميّه واصلة لأي ارتفاع؟

البرافان الرصاص ده كان مجوّف من جوّه حضرتك ، في أكتر من مكان!

يعني م الآخر... ما تآمنيش لأي حاجة طول مانتي في بلد... الفساد بقى سنة الحياة فيها!

وزي ما قالتلك مدام سمية... هتندمي عمرك كله لو حصل للبيبي أي تشوّهات ، حتى لو لم تكن الأشعة سببها!

وكده كده هتنتظري بالكشف الطبي لبعد الولادة!

إبعتيلهم إيميل مبدئياً ، وشوفي هيقولولك إيه.

[umomar]

مشكورين علي الردود والاهتمام اخي محي انا هعمله فمركز فدبي

خلاص انا مش هعمله وهاعمل بكلام الاخت سميه